Газета №7

Тебрик
Гьуьрметлу Ватандин ЧIехи дяведин ветеранар, Афгъанистан ва Чечен республикайрин женгерин иштиракчияр, Ватандин вилик вичин буржи тамамарзавай ва тамамариз гьазур хьанвай жегьилар!
Квез и лишанлу, Ватан хуьзвайбурун Югъ мубаракрай! Квехъ сагълам чан, бахтлу уьмуьр, куь кьилел михьи цав, нур гуз чими рагъ хьурай!
Ватандин ЧIехи дяве башламишай сифте йикъара райондай вишералди жегьилар гуьгьуьллудаказ душмандихъ галаз женг чIугваз фронтдиз фена. Чи районэгьлийри чеб викIегь, халис дагъви рухваяр тирди машгьурна. Женгера къалурай викIегьвиляй хейлин чи районэгьлияр гьукуматдин чIехи наградайриз лайихлу хьана. Абур хайи хуьруьз хурудал алай орденрини медалри нур гуз хтана. Кьве кас-Араз Алиев ва Эсед Салигьов Игит лагьай тIварцIиз лайихлу хьана. Хейлин чи районэгьлийриз элкъвена хайи Ватандиз хтун кьисмет хьанач. Къе чна, Ватан хуьзвайбурун Юкъуз, абурун баркаллу крар рикIел хкизва ва вири кьегьалриз гьуьрметдивди икрамзава.
Чи райондин жегьилри чпин пак тир буржи Ватандин вилик намуслувилелди тамамарзава. И кардин гьакъиндай Кьушундин частарай мукьвал-мукьвал диде-бубайриз хквезвай Чухсагъулдин чарарини шагьидвалзава. Чун и кардал шад я. Чна генани умуд ийизва хьи, чи жегьилар Ватандин вилик вичин буржи тамамарунин карда масадбурузни чешне жеда.
Къуй чи бубайрин баркаллу крар, абуру Ватанда ислягьвал, абадвал, аслу туширвал патал чIугур зегьмет акьалтзавай несилдиз чешне хьурай!
З.АЗИЗОВ, «Кьурагь район» муниципальный тешкилатдин кьил.

---------------------------------------------------------------------------------------------

Райадминистрацияда
Гьафтедин нетижаяр кьуна
15-февралдиз райадминистрациядин актовый залда идарайрин руководителри авунвай гьафтедин кIвалахдин нетижаяр кьадай ва вилик акъвазнавай кимивилер веревирд ийидай нубатдин совещание хьана.
Совещание "Кьурагь район" муниципальный тешкилатдин кьилин заместитель Махач Хариева кьиле тухвана.
Анал хейлин идарайрин руководителар рахана. ЦРБ-дин кьилин духтур А.Азимова къейд авурвал, алатай гьафтеда Махачкъалада районрин кьилерин иштираквал аваз еке тир коллегия кьиле фена, анал медицинадин идарайрин 2015-йисуз авур кIвалахдин нетижаяр кьуна, чи райондин кIвалахдиз разивилин къимет гана, аялар хадай отделение ачух хъувуниз фикир гана кIанзава, аялар хадай дишегьлияр чна Махачкъаладиз, Дербентдиз рекье твазва, гинеколог авачирвиляй аялрин кьиникьар гзаф жезва, аялдик квай дишегьли виликамаз ахтармишиз жезвач, духтуррин кадровый месэла гьа авайвал ама, больницада яд ава, раб-дармандин патахъай дарвал авач.
Райондин образованидин отделдин начальник Р.Катибова лагьайвал, школайра 23-Февралдин ва 8-Мартдин сувариз гьазурвилер аквазва, райондин школьникрин олимпиадаяр кьиле физва, ял ядай юкъуз Кьурагьрин 1-нумрадин юкьван школада дидед чIалай олимпиада кьиле фена, 11-классри вахкузвай ЕГЭ-дин база кьабулунин вахт февралдиз куьтягь хьана, гила кIандай кухтаз гьич са аялдивайни дегишариз хъжедач.
Финансовый управленидин пешекар П.Бабаевади къейд авурвал, декабрдин вацран амай пай мажиб ва январдин вацран мажиб вирибуруз ахъайнава, амукьай пулдин такьатар февралдин мажиб яз сад-кьве идарадиз гун пландик ква, вири работникар йисан отчетрал машгъул хьанва.
Райондин хуьруьн майишатдин ва чилерин алакъайрин отделдин начальник С.Селимова лагьайвал, алай вахтунда отдел йисан отчетар кьабулиз гьавалат я, дидехипериз гузвай дотация гун патал абур гьикьван аватIа виринриз физ гьисабна кIанзава.
Райондин агьалияр яшайишдин рекьяй хуьдай управленидин начальник С.Жамалдинова гузвай выплатаяр Мегьарамдхуьруьн почтамт тахсир яз геж гузвайди, абуру гьар жуьре багьнайралди гежел вегьезвайди, муаллимриз июндин варзни кваз коммунальный игьтияжрин выплатаяр авунвайди, алай вахтунда муаллимрин 10 млн. манатдин бурж аламайди лагьана.
М.Хариева совещанидал рахайбурухъ яб акална, авунвай кIвалахдиз анализ гана ва кIвалах вилик фидай рекьер къалурна, РД-дин Кьилин РД-дин Халкьдин Собранидиз ракъурнавай Чар вири идарайра веревирд авун тагькимарна

---------------------------------------------------------------------------------------------

А.Рамазанова.
РД-дин Кьилин Чарчин гелеваз
Р.Абдулатипов: " Дагъустанвийри кьабулнавай рехъ сад я: а ксар Ватандин, Дагъустандин -Россиядин хаинар, душманар я"
Дагъустан Республикадин Кьили Дагъустан Республикадин Халкьдин Собранидиз ракъурнавай Чарче кьилин фикир терроризмдиз ганва. Эхиримжи йисарин кIвалахдин нетижайриз аслу яз килигайтIа, Дагъустанда террористрин гьерекатар, инсанар чуьнуьхиз, бизнесменризни чиновникриз "флешкаяр" ракъуриз хьайи бандитар галачиз яшамиш жез гьеле кьве йисалай алатнава.
Терроризм вуч затI ятIа ва ада гьар садаз гьихьтин бедбахтвилер гъизватIа дагъустанвийриз гьакI кьуру ван хьанвач, абуруз чпиз вилералди акунва. И йикъара террористди Жимикентдин постунал вичи вич хъиткьинарна. Кьве полицейский кьена, 15 касдал хирер хьана. А ксар чпин ватанэгьлийрин душманар я. Чи арайра авай ихьтинбурухъ галаз женг чIугун чи гьар са ватанпересдин буржи я.
Гьукуматди и рекьяй эхиримжи йисара ведомствояр тешкилнава. Чи Кьурагь районда райадминистрацияда террористриз акси комиссия тешкилнава. Комиссиядин председатель "Кьурагь район" муниципальный тешкилатдин кьил Замир Азизов я. Комиссияди гьихьтин кIвалах ийизватIа ва РД-дин Кьил Рамазан Абдулатипова РД-дин Халкьдин Собранидиз ракъурнавай Чарчин патахъай чна суьгьбет "Кьурагь район" муниципальный тешкилатдин кьилин общественный хатасузвал хуьнин рекьяй заместитель, террористриз акси комиссиядин секретарь Исаев Альберт Исаевичавай тIалабна.
-Дагъустандин халкь душмандин хуруз экъечIиз гьамиша гьазур халкь я. 1999-йисуз вири тупламиш хьана международный террористар терг авуни и кар субутарна,- лагьана А.Исаева. Чи районэгьлиярни анжах ислягьвилин терефдарар я. Районэгьлийри вири дагъустанвийрихъ Россиянвийрихъ галаз Россиядин Федерациядин Президент В.В.Путина ва Дагъустан Республикадин кьил Р.Гь.Абдулатипован террористриз акси яз тухузвай политикадин терефар хуьзва. "Кьурагь район" муниципальный тешкилатдин кьил Замир Азизован иштираквал аваз чна террористриз акси комиссиядин заседанияр кьиле тухуз ва анал районда авай гьал веревирд ийизва, районда терроризмдиз акси мярекатар тухузва.
И йикъара чна райондин вири хуьрерин школайра райондин имамдин, Россиядин МВД-дин Кьурагь районда авай ОВД-дин начальник А.Фатулаеван иштираквал аваз терроризмдиз акси гуьруьшар школьникрихъ галаз тухузва. Абуруз терроризмди гъизвай завалдикай, гьакъикъи исламдикай суьгьбетар ийизва.
Къейд ийин хьи, алай вахтунда чи райондай Сирияда (ИГИЛ-да) иштиракзавайбур авач.
Авайбурни чи райондай акъатнавайбур я.
Республикадин Кьили Халкьдин Собранидиз ракъурнавай Чарче районрин, шегьеррин, терроризмдиз акси комиссийрин кIвалахдин менфятлувал хкажуниз кьетIен фикир гун лазим тирди къейднава.
Чи райадминистрацияда кардик квай террористриз акси комиссияди вичин кIвалах вири къуватар желб авуна кьиле тухузва. Къейд ийин хьи, тек са террористриз акси комиссияди, ихтиярар хуьдай органри районда кIвалах авуналди террористрин вилик пад кьаз жедач.
И кIвалахда чкайрал алай администрацийри, интеллигенцияди сад хьана кIвалахун чарасуз я. Республикадин Кьили лагьанва: «Чи виридан лозунг сад я: вири терроризмдин акси женгиниз къарагъин! Гьич садазни и месэладивай къерехда акъваздай гьакI яргъалай килигдай, идалайни башкъа террористрихъ галаз гьакIан къугъунар ийидай ихтияр авач, гьикI лагьайтIа ихтилат государстводин ва гражданрин, чакай гьар садан, чи веледрин ва хтулрин хатасузвал патал къурхувал арадал атуникай физва».
Дугъриданни, чна къенин юкъуз ихьтин завалдихъ галаз женг чIугун тавуртIа пака геж жеда. Чун гьар сад акьалтзавай несилдиз ислягь гьукумат, тупламиш хьанвай сад тир халкь тун буржлу я. Чна вирида са нефесдалди терроризмдиз Ваъ лагьана кIанда. Ам чи гьар садан буржи я.
---------------------------------------------------------------------------------------------

Ф.Мегьамедова.
Оргкомитетдин заседание хьана
12-февралдиз "Кьурагь район" муниципальный тешкилатдин кьилин кабинетда Ватан хуьзвайбурун Йикъаз, Виридуьньядин дишегьлийрин Йикъаз, Яран сувариз талукь мярекатриз гьазурвал акунин ва кьиле тухунин гьакъиндай оргкомитетдин заседание кьиле фена.
Заседание оргкомитетдин членрихъ галаз "Кьурагь район" муниципальный тешкилатдин кьил З.Азизова кьиле тухвана.
Заседанидал мярекатар тухудай йикъар тайинарна, мярекатдиз теклифзавай ксарин кьадар, акъатзавай харжияр веревирд авуна.
Оргкомитетдин членри мярекатар тухунин гьакъиндай чпин теклифар гъана.
З.Азизова оргкомитетдин членриз мярекатриз гьазурвал акунин ва абур кьиле тухунин гьакъиндай талукь буйругъар гана.
---------------------------------------------------------------------------------------------

Абдула Семедов, Кьурагьрин сад лагьай нумрадин юкьван школадин дидед чIалан муаллим.
21-февраль Дидед чIаларин югъ я
Дегишвилер кухтуртIа хъсан я
Кьуд-вад йисан идалай вилик Дербент шегьерда Кьиблепатан Дагъустандин лезги районрин школайрин муаллимрин дидед чIалан месэлайриз талукь тир гегьенш конференция кьиле фенай. Конференциядиз гьакI лезги районрин газетрин работникризни теклифнавай. Шад жедай кар ам тир хьи, конференциядал Дагъустандин илимдиннни ахтармишунрин институтдин директор, профессор Гьамидулагь Исмаиловича, Сулейман-Стальский райондин муниципальный тешкилатдин кьил Нариман Абдулмуталибова, гьакI анал рахай маса юлдашрини чи хайи дидед чIалаз талукь тир са жерге теклифар гъанай.
Кьилди къачуртIа зун, дидед чIалан муаллим, гьакI журналист яз, конференциядин кIвалахдилай лап рази яз амукьнай. Инал заз виликамаз са месэладикай лугьуз кIанзава. Дербент райондин Белиж поселокдин са школадин муаллим Угълангерек Ибрагьимовади 10-11 классар патал акъуднавай учебникда гьатнавай са тапшуругъ лезги чIалан грамматикадин истемишунрив кьан тийизвайдал кIватI хьанвайбурун фикир желб авунай.
Анал чнани Угълангерек муаллимдин тереф хвенай. Авайвал лагьайтIа, Гьамидулагь муаллимдиз учебникда ихьтин тапшуругъ гьатнавайдакай хабарни авачир.
Гила заз вуч лугьуз кIанзава?
Жув дидед чIалан муаллим яз, жуьреба-жуьре классрин дидед чIалан грамматикада гьатнавай (зи фикирдалди) морфологиядин, гьакI синтаксисдин сад-кьве месэладиз килиг хъувун лазим я. Са шумуд йисан идалай вилик чи грамматикада ударенидихъ галаз санал логический ударенини (манадин) кIелзавай. Гила и тарс ерли амач. Себеб? Мегер логический ударенидикай анжах са сят чара авуналди, аялриз чирвал гайитIа пис яни? Ваъ, гьелбетда. Белки, урус чIалан грамматикада логический ударенидикай чирвал гузва жеди.
Кьвед лагьайди, чи лезги чIалан грамматикада къалурнавайвал, талукьвилин падежда авай существительное ва я маса чIалан пай дополнение тавуна, определение яз гьисаба яхъ лугьуз къейдзава. Зун и кардал рази туш. Гила чун ктабда авай сад - кьве мисалдиз килигин: "Сулейманан мани къени къугъвазма Самурдинни Каспийдин ятарал"-суал эцигин-нин мани? Я гьихьтин мани? Гьи суал дуьз къвезва? Зи фикирдалди, мани нин?-Сулейманан. Зи фикир талукьвилин падежда авай предложенидин члендал дополнение я лагьана сергьят эцигун туш. Месэла: Дидеди вахаз къизилдин тупIал къачуна. Гьихьтин тупIал?-къизилдин. Инал гьич са рахунни алачиз определение жезва. Мад мисал: "Ви ктабрикай заз сад це". За фикирзавайвал, инални нин ктабрикай лугьун лазим къвезва.
Педколледжар патал акъуднавай грамматикада муьжуьд глагол кечмиш жири-тежербур яз къалурнава. Месела: "Яд ругазва"-ругазва-кечмиш тежер глагол. "Дидеди яд ругазва"-ругазва кечмиш жери глагол. Эгер и мисалдиз вил вегьейтIа, чавай неинки ктабда къалурнавай муьжуьд глагол, гьакI хейлин маса глаголарни кечмиш жери-тежер глаголрик кутаз жеда. И месэладай заз мад лезги чIалан са муаллимди икI лагьана: "Калтугзава" глагол кечмиш жери-тежербурук акатзава. "Сев" калтугзава"-кечмиш тежер глагол, "Севре калтугзава"-кечмиш жери глагол.
Яраб кьве предложенидин манаярни дуьз я жал? Туш, гьелбетда. "Севре калтугзава" чавай лугьуз жедач эхир.
Зун ученик, гьакI студент тирлани, послелог чIалан пай яз гьисаб, жигьетдай) чи чIала тамамвилелди послелогриз элкъвенва. Послелогрикай чи чIала гьеле кьилди чIалан пай хьанвач". Алай вахтунда школадин программада послелог чIалан пай яз гьатнава. ЦIуд лагьай (куьмекчи). Гила чун ктабда авай мисалдиз килигин: "Диде азарлудан кьилив фена". "Кьилив" гаф-послелог. "Аялдин кьилив кямир. "Кьилив"-дополнение. Инал чна гьикI лугьуда, кьилив кямир ва я кьилик кямир?" Гьелбетда, кьилик кямир лугьуда. Гуьгъуьнлай ктабда къалурна: "Чи чIала послелогар ахтармишна куьтягьнавач. Куьтягь тавунмаз хьайила, адакай кьилди чIалан пай гьикI хьана? Жув муаллим яз, завай аялриз послелогрикай тамамвилелди чирвал гуз жезвач.
Р.И.Гьайдарован педучилищеяр патал грамматикада подлежащидин табий предложение гьа и за кхьенвай къайдада ганва, амма 9-классдин грамматикада и табий предложенидиз изъяснительный (ачухардай) табий предложение лугьузва. Яраб и гафар дегишарунихъ вуч метлеб аватIа? Мадни и жигьетдай са важиблу кIвалах. 9-класс патал грамматикада сказуемидин ва дополненидин табий предложенияр ерли ганвач. За кIевелай къейд ийизва хьи, са бязи чIалан муаллимриз гьич и жуьредин табий предложенияр авайдини малум туш. 9-классда табий предложенийрин вири жуьрейрикай аялриз чирвал гун лазим я эхир.
Ирид лагьай классдин учебникда тIварцIиэвезрикай ктабда ганвай чирвилерикай завай разивилин гафар лугьуз жедач. Существительнияр ва гьакI маса чIалан паярни вири 18 падеждиз дегишаруникай завай разивилин гафар лугьуз жедач. Ихьтин мисалар завай мадни гъиз жеда. Са макъалада жуван рикIе авай кьван гафар лугьуз жедач.
Амма заз инал чIалан муаллимрин фикир квел желб ийиз кIанзава. Ша чна и жигьетдай гьарда вичин фикирар лугьун. Санал чна чи институтда анин лезги чIалан муаллимарни алаз, кIватI хьана, гьарда жуван фикирар лугьун ва, эгер лазим аватIа, чи грамматикадик алаваяр ва я дегишвилерни кутан, анжах са жерге муаллимрин иштираквал аваз. Анал гьакI чавай са жерге литературадиз талукь месэлаярни гьялиз жеда. Умуд кутаз кIанзава чна ихьтин гуьруьшмишвал кьиле тухуз жедайдак.

---------------------------------------------------------------------------------------------

Э.А. Алиметов, помощник прокурора района юрист 3 класса.
Прокуратура района разъясняет:
Рассмотрение трудовых споров об увольнении женщин во время беременности в связи с однократным грубым нарушением законодательства.
Как показывает судебная практика, работодателям невыгодно держать в работницах беременную женщину. В связи с чем, преследуя определенные корпоративные цели, некоторые из них стремятся расторгнуть трудовые отношения, как правило, по инициативе работодателя (за однократное грубое нарушение трудовых обязанностей, по сокращению штата работников, за прогул и т.п.).
При этом, работодатели не принимают во внимание особый правовой статус беременной женщины.
Между тем, Конвенцией Международной организации труда № 183 "О пересмотре Конвенции (пересмотренной) 1952 года об охране материнства" (заключена в г. Женеве 15 июня 2000 г.) защита беременности, в том числе путем установления гарантий для беременных женщин в сфере труда, признана общей обязанностью правительств и общества.
В Трудовом кодексе Российской Федерации (далее - ТК РФ) содержатся нормы, закрепляющие для беременных женщин повышенные гарантии по сравнению с другими его нормами, регламентирующими расторжение трудового договора. Так, в соответствии с частью первой ст. 261 ТК РФ запрещается расторжение трудового договора по инициативе работодателя с беременными женщинами, за исключением случаев ликвидации организации либо прекращения деятельности индивидуальным предпринимателем.
Эта норма, как указал Конституционный Суд Российской Федерации в Постановлении от 06.12.2012 № 31-П, является трудовой льготой, обеспечивающей стабильность положения беременных женщин как работников и их защиту от резкого снижения уровня материального благосостояния, обусловленного тем обстоятельством, что поиск новой работы для них в период беременности затруднителен. Названная норма, предоставляющая женщинам, которые стремятся сочетать трудовую деятельность с выполнением материнских функций, действительно равные с другими гражданами возможности для реализации прав и свобод в сфере труда, направлена на обеспечение поддержки материнства и детства в соответствии с ч. 2 ст. 7 и ч. 1 ст. 38 Конституции Российской Федерации.
При этом Конституционным Судом Российской Федерации в указанном Постановлении констатировано, что и в случае однократного грубого нарушения беременной женщиной своих обязанностей она может быть привлечена к дисциплинарной ответственности с применением иных дисциплинарных взысканий, помимо увольнения.
Таким образом, из буквального толкования части первой ст. 261 ТК РФ следует, что законом установлен запрет на увольнение по инициативе работодателя беременных женщин, кроме единственного исключения - ликвидации организации либо прекращения деятельности индивидуальным предпринимателем. При этом названная норма не ставит возможность увольнения беременной женщины в зависимость от того, был ли поставлен работодатель в известность о ее беременности и сообщила ли она ему об этом, поскольку это обстоятельство не должно влиять на соблюдение гарантий, предусмотренных трудовым законодательством для беременных женщин при увольнении по инициативе работодателя. В таком случае правовое значение имеет лишь сам факт беременности на день увольнения женщины по инициативе работодателя.
Данное толкование приведенных нормативных положений согласуется с разъяснениями, содержащимися в Постановлении Пленума Верховного Суда Российской Федерации от 28.01.2014 № 1 "О применении законодательства, регулирующего труд женщин, лиц с семейными обязанностями и несовершеннолетних", в пункте 25 которого обращено внимание судов на то, что, поскольку увольнение беременной женщины по инициативе работодателя запрещается, отсутствие у работодателя сведений о ее беременности не является основанием для отказа в удовлетворении иска о восстановлении на работе.
Работодателям следует помнить, что в соответствии со ст. 145 Уголовного кодекса Российской Федерации необоснованное увольнение женщины по мотивам ее беременности наказываются штрафом в размере до двухсот тысяч рублей или в размере заработной платы или иного дохода осужденного за период до восемнадцати месяцев либо обязательными работами на срок до трехсот шестидесяти часов.
---------------------------------------------------------------------------------------------

Объявление о проведении конкурса по отбору кандидатур на должность главы сельского поселения МО "сельсовет Шимихюрский"
1. Собрание депутатов МО "сельсовет Шимихюрский" объявляет о проведении конкурса по отбору кандидатур на должность главы МО "сельсовет Шимихюрский" 20 марта 2016г.
Гражданин, изъявивший желание участвовать в конкурсе, представляет в конкурсную комиссию следующие документы:
1) Личное заявление на участие в конкурсе.
2. К заявлению (приложение № 1) прилагаются:
1) копия паспорта или документа, заменяющего паспорт гражданина;
2) копии документов, подтверждающих указанные в заявлении сведения об образовании, основном месте работы или службы, о занимаемой должности (роде занятий), а также о том, что кандидат является депутатом;
3) сведения о размере и об источниках доходов кандидата, а также об имуществе, принадлежащем кандидату на праве собственности (в том числе совместной собственности), о вкладах в банках, ценных бумагах. Указанные сведения представляются по форме согласно приложению 2;
4) согласие на обработку персональных данных согласно приложению 3.
3. Документы кандидаты обязаны представить лично.
4. Прием документов осуществляется по адресу: 368185, Курахский район, с. Шимихюр, здание администрации МО "сельсовет Шимихюрский". Контактное лицо - Гаджиев Э.М. телефон 89285709488
Прием документов для участия в конкурсе осуществляется в течение 20 дней со дня опубликования объявления о конкурсе.
С 9 часов 19.02.2016 г. по 17 часов 10.03.2016 г.
Информация о требованиях и методики проведения конкурса по отбору кандидатур на должность главы МО "сельсовет Шимихюрский", Положение о порядке проведении конкурса по отбору кандидатур на должность главы МО "сельсовет Шимихюрский", размещены на сайте www.mo-kurah.ru.
Объявление опубликовано в муниципальной газете "Горный родник".
---------------------------------------------------------------------------------------------

Фикрет Асланов
Армиядай дустариз чар!
И пад Китай, а пад Япун,
Эрзиман я заз куьн акун.
Кьве йисалай хкведа зун,
Гуьзлемиша азиз, дустар!

Къуллугъдикай за вуч кхьин,
Дуьньяд гьалар къуй хьуй секин.
Ахъайдай хьи за квез якъин,
А кар туш куьн течиз, дустар!

"Яргъал Восток" я къариблух,
Пара туш аскердин дуллух.
Аяз кваз акъатда саврух,
ГьикI я ина квез чиз, дустар!

Им зи бурж я ида къуллугъ,
Хъсан я зи кефи сагълугъ.
Караулда квач зак шулугъ,
Маса наряд тефиз, дустар!

Садалайни чун туш зайиф,
Кьисмет тахьуй дяведин циф.
Чанни гуда къведач гьайиф,
Ватан патал михьиз, дустар!

Гьар экуьнахъ аквада рагъ,
Гатуз инаг я къацу багъ.
ХьайитIани тавни, утагъ,
Хкведа зун хуьруьз, дустар!

Бязибур "бизав-молодой",
Къалурда чеб яз "деловой".
Зунни ава лап боевой,
Зарафтариз кефиз, дустар!

И яргъай за кхьей чарар,
Зи дустарин аваз тIварар,
Ярудалди чIугваз цIарар,
Лайих я лап хуьниз, дустар!
---------------------------------------------------------------------------------------------

Райбольницадин работникри Уьрдиханова Верадиз уьмуьрдин юлдаш, Уьрдиханов Эльманаз буба АГЬМЕД рагьметдиз финихъ галаз алакъалу яз башсагълугъвал гузва.

---------------------------------------------------------------------------------------------
 

Комментарии (0)

Нет комментариев. Ваш будет первым!