Газета №50

 Райадминистрацияда

«Сад тир Россия» партиядин приемныйда агьалияр кьабулна
1-декабрдиз "Сад тир Россия" партия тешкил хьайидалай инихъ 12 йис тамам хьуниз талукь яз райадминистрацияда "Кьурагь район" муниципальный тешкилатдин кьил "Сад тир Россия" партиядин член З.Азизова "Кьурагь район" муниципальный тешкилатдин администрациядин кьил, партиядин Кьурагьрин чкадин отделенидин секретарь С.Гьамидова, райадминистрациядин кьилин общественный хатасузвал хуьнин рекьяй заместитель, "Сад тир Россия" партиядин Кьурагьрин отделенидин руководитель М.Хариева, райондин счетный палатадин ревизор, партиядин член С.Сайдумова, райондин микрофинансированидин фондунин руководитель, партиядин член М.Керамова, райондин образованидин отделдин начальник, партиядин член Р.Катибова, КIирийрин хуьруьн агьали С.Фатахов, кIутIулви С.Шадиев, кьурагьви Э.Нурмегьамедов, "Аслан" КФХ-дин руководитель, аладашви И.Талибов, кьурагьви З.Нажмудинова кьабулна.
Приемныйда кьабулай агьалийри ганвай арзаяр арендадиз чил вугунин, жегьил хизандиз кIвал эцигунин харжияр субсидийралди эвез хъувунин, кархана хкажун патал куьмек гунин, жегьил пешекар кIвалахал таъминарунин гьакъиндай тир.
Вири агьалийри гъанвай арзаяр, тIалабунриз килигна кьилиз акъуддайди ва абурун гьакъиндай жавабар хкудайди лагьана.

------------------------------------------------------------------------------------------------

Нубатдин совещание хьана
1-декабрдиз райадминистрациядин актовый залда, З.Азизован иштираквал аваз, райондин идарайрин руководителри гьафтеда авунвай кIвалахдин нетижаяр кьадай совещание хьана.
Совещание "Кьурагь район" муниципальный тешкилатдин администрациядин кьил С.Гьамидова кьиле тухвана.
Анал ада са жерге руководителривай гьафтеда чпи авунвай кIвалахдикай информация гун тIалабна.
Финансовый управленидин начальник Б.Ибрагьимова вири идараяр финансировать авунвайди, 20-25 млн.манат остаток амайди, 15- декабрдалди остаток харжна кIанзавайди лагьана.
Образованидин управленидин начальник Р.Катибова къейд авурвал, 16 предметдай олимпиадаяр тухвана, 3 предметдай тухун хъийизва, 3-декабрдиз итоговый сочиненияр кхьида.
ЦРБ-дин духтур Ж. Рамазанова больницада 51 азарлу авайди, медикаментар, питание чкадал алайди лагьана.
" Кьурагь район" муниципальный тешкилатдин администрациядин кьилин заместитель Э.Исаевади 3-декабрдиз Набутрин Йикъаз талукь яз тухузвай мярекатдин гьазурвал аквазвайди, оргкомитет кIватI хъувуна финансовый месэлаяр веревирд хъийидайди, яшлубурал, набутрал кьил чIугурди, поселенийрин кьилерихъ галаз абурун сиягьар гьазурайди лагьана.
Совещанидал гьакI чилеринни ихтияррин алакъайрин хуьруьн майишатдин отделдин начальник С.Селимов, эменнидин алакъайрин ва экономикадин отделдин начальник И.Муслимов рахана.
Совещанидин эхирдай С.Гьамидова гьар идарайрин руководителди работникривай налогар гун истемишун ва подписка авун тIалабна.
--------------------------------------------------------------------------------------------

Семинар-совещание кьиле фена
27- ноябрдиз райондин администрациядин актовый залда РД-дин приоритетный проект "Обеление экономики" кечирмишунин гьакъиндай семинар- совещание кьиле тухвана.
Семинар-совещанида "Дагъустан-Парус" ООО-дин генеральный директор Муса Ражабова, ФНС-дин МРИ-дин РД-да авай 2-нумрадин налоговый инспекциядин камеральный отделдин начальник Камил Мирзабекова, хуьрерин поселенийрин кьилери, секретари иштиракна.
Семинар-совещание "Кьурагь район" муниципальный тешкилатдин администрациядин кьил С.Гьамидова ачухна.
Семинар -совещанидал райондин похозяйственный учетдин базадиз бегьемвилелди делилар ганвачирди, эхиримжи вахтунда "Парус- похозяйственный учет" цIийи хъувунвачирди лагьана.
------------------------------------------------------------------------------------------

А.Мамедова.
Гьуьрметдин грамота вахкана
Малум тирвал, алай йисуз Ахцегьа 15- сефер яз кьиле тухвай лезгийрин игитвилин "Шарвили" эпосдин суварик "Виридалайни хъсан майдан" тIвар алай сегьнейрин майданрин конкурсда Кьурагь районди 2- чка кьуна.
ИкI, 27- ноябрдиз, райондин культурно-досуговый центрдин фойеда 3- декабрдиз кьиле тухузвай Набутрин Йикъаз бахшнавай мярекатдиз гьазурвал аквазвай репетиция кьиле физвай вахтунда, иниз администрациядин кьилин заместитель Эльмира Исаева атана. Иниз атунин кьилин макьсад Э. Исаевади райондин культурно-досуговый центрдин руководитель А. Эмирбековав Гьуьрметдин грамотани 50 агъзур манат пулдин пишкеш вахкун тир.
Ада сифте нубатда " Кьурагь район" муниципальный тешкилатдин кьилин ва администрациядин патай вири райондин культурно-досуговый центрдин коллективдиз хуш келимаяр лугьуналди мубаракна ва вири иштиракчийриз чухсагъул малумарна. Инлай кьулухъ жедай чкаяр гьамиша сад лагьай чкаяр жедайдак умуд кутазвайди къейдна.
А. Эмирбекова и кIвалахда, гьелбетда, вири коллективди зегьмет чIугурди тестикьарна ва вири иштиракчийриз чухсагъул лагьана. Ада инлай кьулухъ жезвай мярекатра мадни кIвенкIвечи чкаяр кьаз чалишмиш жеда лагьана гаф гана.
ГьакIни, лагьана кIанда, Э.Исаевади райондин культурно-досуговый центрдин гьевескар артистри гьазурзавай концертдин программа гьикI вилик физватIа ахтармишна.
-----------------------------------------------------------------------------------------

А.Рамазанова.
«Лезги газетдин» векилар Кьурагьа
Алатай гьафтеда кьиле "Лезги газетдин" кьилин редактор А.Саидов аваз, отделдин редактор Н.Ибрагьимов, хсуси корреспондент Ш.Шабатов Кьурагь райондиз мугьман хьана. Меркездай атай делегация сифте "Кьурагь район" муниципальный тешкилатдин администрациядин кьил С.Гьамидова кьабулна.
Абур атунин макьсад "Лезги газет" 2015-йис патал подписка авун тир. С.Гьамидова "Лезги газет" кхьин патал гьамиша авай вири къуватар желб ийизвайди, 2015- йис патални чалишмиш жедайди, вири идарайриз подписка авун тагькимарнавайди лагьана.
Гуьгъуьнлай атай мугьманрихъ "Кьурагь район" муниципальный тешкилатдин администрациядин кьилин заместитель Э.Исаева, райондин печатдинни информацонный техналогийрин центрдин руководитель А.Будаев, "Дагъдин булах" газетдин кьилин редактор А.Рамазанова галаз Кьурагьрин сад ва кьвед лагьай школайрин, райондин поликлиникадин работникрихъ галаз гуьруьшмиш хьана.
"Лезги газетдин" кьилин редактор А.Саидова къведай йис "Лезги газетдиз" ва гьакIни газет кIелзавайбуруз важиблу йис я. Къведай йисуз газетдин 95 йисан юбилей, Ватандин чIехи дяведин Гъалибвилин 70 йисан юбилей къейдзава. Лезги газетда кIвалахай редакторрикай, газетдихъ галаз алакъа хьайибурукай, Ватандин ЧIехи дяведа гъалибвал патал чан гайи Игит рухвайрикайни рушарикай макъалаяр чапдайди лагьана.
Диде- бубайри, школайра аялрив газетдикай менфят къачуна кIандайди, гележегда лезги чIал арадай акъат тавун патал чна къе фикирна кIандайди, школайра кIелзавай аялрикай яратмишунрал рикI алай аялар винел акъудна кIанзавайди къейдна. Гуьгъунлай рахай "Лезги газетдин" отделдин редактор Н.Ибрагьимова, хсуси корреспондент Ш.Шабатова коллектив газет маракьлуди хьун патал чалишмиш жезвайди, газетда школайрин муаллимри иштиракна кIанзавайди лагьана ва къведай йисуз газетда туна кIанзавай дегишвилерикай фикирар лугьун тIалабна.
Гуьруьшрал рахай "Кьурагь район" муниципальный тешкилатдин администрациядин кьилин заместитель Э.Исаевади, школайрин директорар тир А.Къадирова, Гь.Мисриева, 2-нумрадин юкьван школадин гъвечIи классдин муаллим Г. Мегьамедовади, лезги чIалан муаллим Т. Исаевади "Лезги газет" фадлай кхьизвай газет тирди, газетдин чинрай хъсан маракьлу макъалаяр, эсерар, шиирар кIелзавайди, газет хтун тавуна са югъ хьайитIани чпик къалабулух акатзавайди лагьана.
-----------------------------------------------------------------------------------------

Ф.Мегьамедова.
Дидейрин Югъ къейдна
28-ноябрдиз райондин библиотекадин работникри райондин Культурно-досуговый центрдин фойеда Дидедин Йикъаз талукь мярекат кьиле тухвана.
Мярекатдиз "Кьурагь район" муниципальный тешкилатдин администрациядин кьилин заместитель Э.Исаевадиз, Кьурагьрин 1 ва 2- нумрайрин юкьван школайрин муаллимриз, Кьурагьрин 2- нумрадин 3- классдин аялриз ва абурун дидейриз теклифнавай.
Сятдин 11 тамам хьайила гьар са нямет алай столдихъ атанвай мугьманар ацукьна. Мярекат библиотекадин работник А. Ражабовади кьиле тухвана. Ада сифте нубатда гаф Э.Исаевадиз гана.
Ада вири дидейриз райондин кьилин, администрациядин работникрин патай сувар мубаракна. Аялриз уьмуьр ганвай дидедин кьакьан дережадикай, дидедин багьавиликай лагьана, диде уьмуьрда жезвай гьи вакъиада хьайитIани виридалайни важиблу кас тирди къейдна.
Дидейриз мярекат гьакI райондин Культурно-досуговый центрдин патай анин работникар тир Ш.Саруева, К.Фейзуллаевади, Кьурагьрин 1 ва 2-нумрайрин школайрин муаллимар тир Ж.Мирзоевади, Г. Мегьамедовади муаллимрин патай мубаракна.
Кьурагьрин 2-нумрадин юкьван школадин 3-классдин аялрини чпин шииралдини манийралди райондин Культурно-досуговый центрдин ва Малакентдин хуьруьн Культурадин кIвалин артистри чпин манийралди дидейриз и югъ мубаракна.
Мярекатдин эхирдай чухсагъулдин гаф гваз Э.Исаева, Ш.Саруев рахана.
Абуру сифте нубатда библиотекадин работникриз и мярекат тешкилунай, гьакI аялриз, чпин программадалди дидейрин гуьгьуьлар шад авунай ва дидейриз, вахт жагъурна мярекатдиз атана, иштирак авунай чухсагъул лагьана.
Гьа ихьтин мярекат 1- декабрдиз УСЗН-дин КЦСОН- дин аялрин ва аялар авай хизанрин игьтияжриз яшайишдин рекьяй къулугъзавай отделди кьиле тухвана.
Аниз "Кьурагь район" муниципальный тешкилатдин администрациядин кьилин заместитель Э.Исаевадиз, КЦСОН-дин директордин заместитель Ш. Жамалдинаваз, яшлу дидейриз ва Кьурагьрин кьве школадин аялриз теклифнавай. Атанвай мугьманриз гьар са нямет алай столарни тешкилнавай.
Мярекат атанвай мугьманриз Э.Исаевади, Ш.Жамалдинова, отделдин заведующий С.Абдуллаевади тебрикна. Дидейрик кьве школадинни аялри чпин манийралди шииралди мадни гьевес кутуна.
Дидейрин патай мярекатдин тешкилатчийриз чухсагъулдин гаф гваз Рабият Мирзоева, Каинат Гьамидова, Гуьлуьзар Оружева рахана.
Мярекатдин эхирдай аялризни дидейриз рикIел аламукьдай пишкешар гана.
----------------------------------------------------------------------------------------

Джамалдинов С.М
Начальник УСЗН В МО "Курахский район" .

Информация
Для граждан, получающих компенсацию расходов в виде ежемесячной денежной выплаты по оплате жилого помещения и коммунальных услуг
УСЗН в МО "Курахский район" информирует, что по состоянию на 01.12.2014 инвалидам всех категорий, участникам боевых операций и чернобыльцам, пользующимся коммунальными услугами, выплачено денежные средства включительно за ноябрь месяц 2014 года включительно.
Граждане, имеющие право на получение ЕДВ по ЖКУ, обязаны безотлагательно сообщать УСЗН об обстоятельствах, влияющих на изменение размера ЕДВ;
Изменение адреса, изменение состава семьи, замена одной услуги на другую, изменение обшей площади жилья, увольнение с работы и другие обстоятельства.
При поступлении обстоятельств, влекущих изменение права на получение мер социальной поддержки, размера ежемесячной денежной выплаты, граждане могут обратиться за перерасчетом ЕДВ с предоставлением копий документов о фактически произведенной оплате за жилищно-коммунальные услуги за истекшее время, но не более чем за шесть месяцев.
---------------------------------------------------------------------------------------

А.А.Назаралиев,
Начальник ГУ ОПРФ по РД В Курахском районе

Информация предпринимателям
ГУ- ОПФР по РД в Курахском районе доводит до Вашего сведения, что в соответствии с Федеральным законом №237-ФЗ от 23.07.2013 года, сумма страховых взносов, подлежащая уплате Индивидуальными Предпринимателями, напрямую зависит от полученного ими дохода и отраженная в "декларации о доходов" за 2014 год, представляемая в налоговые органы.
Пример № 1: В случае, если Индивидуальный Предприниматель по итогом 2014 года своевременно предоставит налоговую декларацию в налоговые органы и при этом, сумма дохода не будет превышать 300 тыс. руб., то размер уплаты страховых взносов в виде фиксированного платежа на ОПС, будет составлять- 17328,48 рублей, на ОМС будет составлять - 3399,05 рублей (это минимальная сумма, подлежащая к уплате в 2014 году). Если же сумма дохода будет превышать 300 тыс. рублей и например она составит 400 тыс.рублей, то сумма подлежащая к уплате составит 17328,48 рублей плюс 1% от суммы дохода превышающего 300 тыс.рублей, то есть на 100 тыс. рублей еще 1 тыс.рублей и т.д.
Пример №2: В случае, если Индивидуальный Предприниматель не занимался предпринимательской деятельностью и соответственно своевременно не предоставил налоговую декларацию в налоговые органы, то сумма страховых взносов, подлежащая к уплате будет рассчитана по максимальной ставке 138627,84 рубля.
Все индивидуальные предприниматели независимо от наличия предпринимательской деятельности или его отсутствия обязаны за отчетный период 2014 год в срок до 01.04.2015 года предоставить налоговую декларацию в налоговые органы.
----------------------------------------------------------------------------------------

Кьурагьрин сад лагьай нумрадин юкьван школадин муаллимрин коллективди Гьамидова Каинатаз ва адан мукьва кьилийриз играми стха ТАЖИДИН рагьметдиз финихъ галаз алакъалу яз башсагълувал гузва.

---------------------------------------------------------------------------------------

Кьурагьрин сад лагьай нумрадин юкьван школадин муаллимрин коллективди Абдулазизова Мадинадиз ва адан мукьва кьилийриз играми стха РАМАЗАН вахтсуздаказ рагьметдиз финихъ галаз алакъалу яз, дериндай хажалат чIугунивди, башсагълугъвал гузва.

 --------------------------------------------------------------------------------------

Спорт
Шеш-бешдай турнир
Эхиримжи йисара чи районда спортдин рекьяй гьар жуьредин мярекатар мукьвал-мукьвал кьиле тухузва.
ИкI, 27-ноябрдиз райондин спортдин Дворецда шеш-бешдай турнир кьиле фена.
Турнир кьиле тухунин кьилин макьсад районда сагъламвилин шартIар вилик тухун, физкультура ва спорт пайда авун, жегьилар спортдал машгъул хьунин кIвалах пропоганда авун тир.
И мярекат кьиле тухузвайди райондин образованидин отделдин ФСДМ-дин рекьяй руководство тир. Турнирдин судьявал Алибеков Эдика авуна. Гьа и йикъуз турнирдин акъажунра иштирак авун патал чи райондин 7 хуьряй 40 кас атанвай.
Геждалди кьиле фейи и акъажунра сад лагьай чка КIутIулрин хуьряй тир Разаханов Радика, кьвед лагьай чка Кьурагьрин хуьряй тир Сефербеков Жаруллагьа ва пуд лагьай чкани Багьаудинов Азредина кьуна. КIвенкIвечи чкаяр кьур вирибуруз грамотаяр, пулдин пишкешар ва призар гана.
Турнирдин эхирдай райондин образованидин отделдин жегьилрин ва спортдин рекьяй кьилин пешекар Р.Рамазанова ина иштирак авур вирибуруз чухсагъул лагьана. Районда жегьилар патал ихьтин мярекатар жезмай кьван вилик тухуз алахъдайди къейдна.
---------------------------------------------------------------------------------------

 

 

 

 

 

Комментарии (0)

Нет комментариев. Ваш будет первым!