Газета №49

Райадминистрацияда
Гьафтедин нетижаяр кьуна
23-ноябрдиз райадминистрациядин актовый залда райондин идарайрин руководителри гьафтеда авунвай кIвалахдин нетижаяр кьадай совещание хьана.
Совещание "Кьурагь район" муниципальный тешкилатдин кьил З.Азизова кьиле тухвана.
Анал хейлин идарайрин руководителри авунвай кIвалахдикай информация гана.
Райадминистрациядин хуьруьн майишатдин ва чилеринни ихтияррин алакъайрин отделдин начальник С.Селимова лагьайвал, "Шам", "Юг", "Куба", "Курахский" СПК-ри 610 гектардик зулун тум кутунва, гатфарихъ 400 гектар гатфарин тум кутвада, авунвай кIвалвахдин отчет ганва.
Райондин образованидин отделдин начальник Р.Катибова къейд авурвал, алатай гьафтеда 3 предметдай райондин олимпиадаяр кьиле фена, алатай гьафтеда аялар Дербентда театрдиз, къеледиз тухвана, лицензийрин патахъай ясли-бахчайрин заведующияр кIватIна, абур вахтунда къачудай меслятар авуна.
ЦРБ-дин кьилин духтур А.Азимова алатай гьафтеда духтурар Гелхен дередиз фена, диспансеризация чIехибур 73%, аялар 100 % авунвайди, больницада чимивал , раб-дарман, яд авайди лагьана.
Райондин Культурадинни информациядин ва печатдин центрдин начальник А.Будаева информация гайивал, нубатдин газет акъуднава, октябрдин ва ноябрдин варцарин мажибар и йикъара гуда, 3-декабрдиз райондин Культурадин фойеда яшлубурузни набутриз талукь мярекат кьиле тухуда лагьана планламишнава.
Совещанидал винидихъ рахайбурулай гъейри, райондин ветеринарный управленидин начальник Н.Асланов, райондин ДЭП-дин начальник Л.Агъабалаев, райондин финансовый управленидин начальник Б.Ибрагьимов рахана.
З.Азизова вири руководителри газетар ва журналар подписка авуниз фикир гун тагькимарна.

---------------------------------------------------------------------------------------------

Ф.Абдурагьманова

Дагъустандин дидейрин республиканский 2-форумда-чи райондин делегация
24-ноябрдиз Махачкъалада авай Ислягьвилин кIвале Дагъустандин дидейрин республиканский 2-форум кьиле фена.
Форумдиз республикадин вири районрай дишегьлийрин делегатар атанвай. Чи райондай кьиле "Кьурагь район" муниципальный тешкилатдин администрациядин кьилин заместитель Эльмира Исаева аваз ирид дишегьли- делегат фенвай.
Дагъустандин дидейрин республиканский кьвед лагьай форум Дагъустандин государственный университетдин ректор, оргкомитетдин председатель Рабаданов Муртазали Хулатаевича ачухна.
Мубарак авун патал гаф Дагъустан Республикадин Кьил Абдулатипов Рамазан Гьажимурадовичаз гана.
Делегатрихъ элкъвена Республикадин Кьили икI лагьана: "Республикадин кIвалах квелай аслу я. Дагъустандин дидейрин сад лагьай форумдилай кьулухъ гьар са муниципалитетда кьабулнавай дидевилин эмир веревирд авуна, за фикирзавайвал, республикада къайда жеда, чна санал Дагъустандин кIвалах кьиле тухвайтIа, власть халкьдинди хьана кIанда, и форум гьа ихьтин кIвалах кьиле тухунин форум я".
Республикадин Кьил Р.Абдулатипов РФ-дин Президент Владимир Путинан, РФ-дин Правительстводин Председатель Дмитрий Медведеван Дагъустандихъ авай рафтарвиликай рахана. Дагъустандиз акси яз Сириядиз фенвайбур жуван тухумдин, халкьдин хаинар тирди, абуру чпин дидеяр терг ийизвайди, дидейрин вилик акъвазнавай виридалайни важиблу кар бандитрин дестейриз чпин аялар ракъур тавун тирди, гьар са районда дидейрин организацияр кардик кутуна кIанзавайди лагьана. Форумдал РД-дин Кьил Р.Абдулатипова хизандин адетар хуьнин, акьалтзавай несил ватанпересар яз тербияламишунай "Дагъустан Республикадин вилик лайихлувиляй" орден республикадин архивный кIвалахдин ветеран, историк Разият Жамбулатовнадив, "Хайи чил кIан хьунай" хурудал алкIурдай знак Дагъустандин Кьилин патав гвай агъсакъалрин Советдин член Халисат Гьамзатовнадив, Гуниб райондин Нижнечеркесский школадин директор Зада Максудовнадив ва масабурув вахкана.
Наградаяр вахкайбурун арада муаллимар, медицинский сестраяр, дояркаяр авай.
Гуьгъуьнлай анал РД-дин Халкьдин Собранидин культурадин, илимдин ва образованидин рекьяй Комитетдин председателдин заместитель Авшалумова Людмила Хизгиловна, аялдин дидевилин ихтияррин, хизанда ихтиярар хуьнин рекьяй Дагъустан Республикадин Кьилин уполномоченный Мамутаева Интизар Асадуллаевна, "Къайтагъ район" муниципальный райондин администрациядин кьилин заместитель Ибрагьимова Ольга Къурбановна, Махачкъала шегьердин бюджетный муниципальный образованидин "52-нумрадин Прогимназия"-дин учрежденидин директор Ельникова Елена Анатольевна, Расул Гьамзатован международный фондунин вице-президент, РД-дин Общественный палатадин член Азизова Гьабибат Нажмудиновна рахана.
Гуьгъуьнлай 4 секцияда кIвалах кьиле тухвана. Сад лагьай секцияда "Дагъустандин алай аямдин обществода дишегьлидин роль" модератор Дагъустан Республикадин милли политикадин министр Гамалей Татьяна Владимировнади, кьвед лагьай секцияда "Дагъустан Республикадин вилик финин диб-культура ва руьгь" модератор РД-дин культурадин министр Бутаева Зарема Ажуевнади, пуд лагьай секцияда "Халкьдин адетар хуьнин гьукуматдин ва хизандин роль" модератор дидедин ва аялдин ихтиярар хуьнин рекьяй РД-дин Кьилин уполномоченный Мамутаева Интизар Асадуллаевнади, кьуд лагьай секцияда: Дагъустандин алай аямдин дишегьлидин къамат" модератор РД-дин жегьилрин крарин рекьяй министрдин заместитель Безрукова Анна Сергеевнади кьиле тухвана.
Гуьгъуьнлай атанвай делегатриз концерт къалурна.

---------------------------------------------------------------------------------------------

Ф.Мегьамедова
"Хванахвавал" проектдин иштиракчи къаршиламишна
20-ноябрдиз "Кьурагь район" муниципальный тешкилатдин администрациядин кьилин кабинетда "Кьурагь район" муниципальный тешкилатдин администрациядин кьилин везифаяр тамамарзавай М.Хариева республикадин "Хванахвавал" проектдин иштиракчи, Тлярата райондин Укул хуьре хванахвавиле хьайи Омаров Умар адан буба Шамиль Омаровни галаз къаршиламишна.
И мярекатда "Кьурагь район" муниципальный тешкилатдин администрациядин кьилин заместителар тир Эльмира Исаевадини Альберт Исаева иштиракна.
Абуру Умарахъ галаз хванахвавиле хьайи таъсирдикай суьгьбетда, гележегда Умарахъ агалкьунар хьана кIанзавайди лагьана. Махач Хариева Умаран хизандиз и проектда иштирак авунай чухсагъул лагьана ва пишкеш багъишна.
---------------------------------------------------------------------------------------------

Ф.Абдурагьманова.
Бейкаррин къайгъуда
Алай йисан ноябрдин вацра чи районда кардик квай ЦЗН-да бейкар агьалияр жуьреба-жуьре кIвалахрал таъминарун патал чпи тухузвай кIвалахдикай чаз и Центрдин начальник Гьажихан Гьажиханова са кьадар информация гана.
-Гьажихан Садудинович, къенин йикъуз бейкарар маса регионриз кIвалахиз ракъурунин кар давам жезвани?
-Эхь, дугъриданни давам жезва. ИкI, алай вахтунда чна чи ЦЗН-да "Работа в России" портал кардик кутунва. И порталда Россиядин гьи регионда гьихьтин кIвалахдай чкаяр аватIа ва анра кIвалахун патал тешкилнавай шартIарикай лазим тир вири информация къалурнава. Бейкарар кIвалахдал таъминарун патал чна чи Центрда рабочий видеоконференцияр кьиле тухуда.
Пландал асаслу яз ихьтин конференция алай вахтунда чна 26-ноябрдиз кьиле тухуда. КIвалах кIанзавай бейкаривай, жегьилривай чи Центрдиз атун тIалабзава. Конференция кьиле тухудай вахт чна абуруз чкадал атайла хабардар ийида.
Эгер кIвалах кIанзавай бейкарар, работодателри къалурнавай шартIарал рази хьана, кIвалахиз физ кIан хьайитIа, чи Центрдай абуруз направление ва чкадал агакьайла рекьерин харжияр, билетдин пул вахкузва.
-Алай вахтунда, куь ЦЗН-да кьилдин маса жуьредин гьихьтин программаяр кьиле тухузва?
-Лугьун лазим я, алай вахтунда чна райондин школайра чIехи классра кIелзавай аялрихъ галаз гуьруьшар кьиле тухвана кIанзава.
И вахтунда чна абуруз чи республикадин Махачкъала, Дербент ва Избербаш шегьерра гьар жуьредин пешеяр, месела: харат устIар, младшая сестра, маникюр-педикюр, къванцин устIар, стропальщик, къачун патал кIелдай мумкинвилер гузва.
Чирвилер къачудай вахтунда абуруз стипендия чи Центрдай гуда.

 

---------------------------------------------------------------------------------------------

Ф.Абдурагьманова.
Чи интервью
Мал-къарадин къайгъуда
И мукьвара чун райондин ветеринарный управленидиз мугьман хьана ва анин начальник Надир Асланован вилик кар алай са шумуд суал эцигна.
-Надир Нурмегьамедович, алай вахтунда куьне гьи жуьредин азаррин вилик пад кьазва?
-Лугьун лазим я, ветеринарный управленидин духтурри тестикьарнавай пландал асаслу яз вичин кIвалах кьиле тухузвайди я. Алай вахтунда лагьайтIа, чна мал-къарадиз иникъарадиз, ящурдиз, пехъивилиз, хамунин кIаник жедай бувундиз акси(подкожный оводдин) рапар язава. Калариз кьуьд акъудиз физвай гьайванар Шимихуьре авай ва Мумрачрив гвай ванайрал купка ийизва. Верчериз ньюкаслдин азардин вилик пад кьун патал рапар язава.
- Квез куь кIвалах кьиле тухудай раб-дарман авани, гьи азаррин вилик пад кьадай рапар пулсуз ва гьибур пулдихъ я?
-И суалдиз кьвед лагьай паюнилай башламишна жаваб гун герек къвезва. Къенин юкъуз гьукуматди пулсуздаказ инсандиз гзаф хаталу мал-къарадин 7 азардин вилик пад кьадай дарманар ахъайзава. Ибурук сибирская язва, ящур, оспа, бруцеллез, туберкулез, пехъивал ва верчерин грипп азарар акатзава. Гзаф вахтара райадминистрацияда жезвай совещанийрал чна чаз герек раб-дарман ава лагьайла, халкь чIурукIа гъавурда гьатзава, ам лагьай чIал я хьи, гьуьрметлу юлдашар, чаз винидихъ къейд авунвай азаррин вилик пад кьадай дарманар авайди. Амай азаррин вилик пад кьадай дарманар ва сагъар хъувунин кIвалах тухудай дарманар пулдихъ мал-къарадин иесийри къачуна кIанзавайди я.
И кардикай чна хуьрерин администрацийрин кьилер хабардар авунвайди я ва гьи раб, гьи дарман, чна тухузвай гьи кIвалах гьи къимет ятIа кхьенвай къиметрин прейскурант гьабурув вуганва къенин юкъуз абурукай чаз и карда куьмек авач.
Алай вахтунда чна пулдихъ извай кIвалах тухвана хьайи пулунихъ къвезвай гьар дарман тIимил-шимил гъиз са къайда кIвалах тухузва, гьаниз килигна гьамиша вири раб-дарман чахъ тахьун мумкин я. Виликамаз вири герек дарманар гъана гьазурдай пул чахъ авач. Хъсан жедай хуьрерин администрацийра мал-къарадин иесийрал меслят гъана и кар вилик фин ва хъсанарун патал са жуьредин пулунин фонд хьанайтIа.
- Чи районда авай мал-къарадин кьадар гьикьван я?
Вири санлай чи районда 15084 къара-мал, гьа жергедай яз 6040 кал, 53630 гъвечIи карч алай гьайванар, гьа жергедай яз 28900 диде хеб, 290 балкIан, 23 агъзурдилай виниз кIвалин къушар ава.
- Кьилдин мал-къара авай, карчивал, гъвечIи карчивал вилик тухузвай чкайра куьне вуч кIвалах кьиле тухузва?
-Виликдай майишатра (колхозра, совхозра) чпин духтурар авайди тир, гила лагьайтIа майишатар чкIана 85-90 процент мал-къара кьилдин ксаринди хьанва ва маса гъвечIи гьар жуьредин (КФХ,СПК, СПОК) ва маса майишатар арадал атанва. Гьам хсуси ксарин, гьам вири жуьредин майишатрин мал-къара азаррикай хуьнин кIвалах чна пландал асаслу яз тухузвайди я.
-Къишлахриз куьч жезвай гьайванрин кьадар гьикьван я?
Алай йисуз кьуьд кечирмиш авун патал яйлахрай къишлахриз вири санлай гьар жуьредин майишатрин ва кьилдин ксарин 1439 къара мал ва 19440 гъвечIи карч алай гьайван куьч жезва. Инал къейд тавуна жедач, октябрдин вацра ибур вири арандиз фена чкайрал хьун лазим тир, амма гьайиф хьи, гзаф пай мал-къара кьилдин ксаринди хьуниз килигна, гьар жуьредин багьнаяр ийиз къенин юкъуз абурукай са пай гьайванар дагъда ама, чи меслятрал вирида амал ийизвач. ЦIи аранда йис кьурагьди хьана чIура векь авачир, гила я, чIимелар хьана, векь акъатнавайди лугьузва, чIурни тIимил я, гьаниз килигна, гзафбуру чеб геж физва лугьузва. Гила и йикъара лагьайтIа, дагъда гьаваярни мекьи хьанва тади гьалда и кIвалах мал-къарадин иесийри ийидайдак чна умуд кутазва.
- Эхиримжи йикъара телевизордай ва республикадин газетдин чинрай чаз Дагъустанда нодулярный дерматит лугьудай азар пайда хьанвайди ван къвезва, им вуч азар я ва чи районда ам пайда хьунин къурхулувал авани?
Эхь, цIинин йисуз сентябрдин ва октябрдин варцара Россиядин Федерацияда гьамни чи Республикада Тарумовский, Кизилюртовский, Лакский, Хунзахский, Тляратинский районра сифте яз и азар чIехи карч алай гьайванрин арада пайда хьайи дуьшуьшар ава.
Лугьун лазим я, нодулярный дерматит хаталу (инфекционный) азар я. И азар чIехи карч алай, гъвечIи карч алай гьайванрик, къуьрерик ва кьиферик акатун мумкин я. Ам къенин юкъуз малум тушир вирусди арадал гъизва. Чи районда и азар пайда хьайи дуьшуьшар авач.
И азардин лишанрикай лугьун тавуна жедач. Нодулярный дерматит яргъалди (хронически) винелай чир жедай лишанар авачиз 3-13 суткада фида. Сифте лишанар ихьтинбур я: бедендин температура 40 градусдив ва адалай виниз хкаж жеда, вилерай нагъв авахьда, ахьтин гьайванди тIуьн недач, сивяй гъер авахьда, четиндиз къекъведа ва яхун жеда. Гзаф вахтара кIвачерин ва руфунин хамунал фелериз ухшар авай тIурар экъечIда. Сад-пуд гьафтедилай абур авахьда, 4-6 гьафтедилай гьайван сагъ хъхьун мумкин я. Бязи вахтара герек серенжемар кьабул тавуртIа, азар четиндиз алатда ва ихьтин тIурар сивин къене, жигерра ва ратара пайда жеда. Ихьтин тIурар калерин регъуьдални хьун мумкин я. Къенин юкъуз и азардин вилик пад виликамаз кьадай дарман (вакцина) акъуднавач. Азар пайда хьайила дезинфекция ийидай дарманар ва антибиотикар ишлемишзава. Чна чи мукъаятвал хуьн лазим я ва ихьтин лишанар малум хьайила, тади гьалда чкадал алай маларин духтурар хабардар авуна кIанда.
---------------------------------------------------------------------------------------------

МП УФМСРФ по РД в Курахском р-не К.А.Казиахмедов.
Патент работа на законных основаниях у физических лиц
С 1 июля 2010 года граждане Российской Федерации имеют право нанимать по трудовому договору или гражданско-правовому договору на выполнение работ (оказание услуг) для личных, домашних и иных подобных нужд, не связанных с осуществлением предпринимательской деятельности. Иностранный гражданин при этом обязан иметь Патент.
Для получения патента необходимо предоставить в Территориальный пункт Управление Федеральной миграционной службы по Республике Дагестан в Курахском районе
1. Заявление о выдаче патента.
2. Документ, удостоверяющий личность.
3. Миграционную карту.
4. Фото-2 шт. 3,5х4,5.
Кроме того, иностранный граждан обязан оплатить налог в виде фиксированного авансового платежа за период, в течение которого он планирует работать из расчета 1000 рублей за один месяц, но не более 3000 рублей разово, и предъявить квитанцию в миграционную службу при получении патента. Срок действия патента от 1 до 12 месяцев с момента выдачи (при наличии оплаченного налога в виде фиксированного авансового платежа за каждый месяц). Продление срока действия патента производится путем оплаты фиксированного авансового платежа не менее чем за 1 день до окончания срока действия патента.
Законное нахождение иностранного гражданина
Наличие Патента и квитанции об уплате налога потверждают право на работу у физического лица и законное нахождение иностранного гражданина в Российской Федерации. Обращаться в миграционную службу для оформления продления сроков временного пребывания не требуется.
Если срок действия патента истек или не был оплачен налог за следующий месяц, то иностранный гражданин обязан выехать из Российской Федерации в течение 15 дней. Эти 15 дней он находится на территории РФ на законных основаниях.
Административная ответственность за работу без патента
Если иностранный гражданин работает у физического лица без патента, то это влечет наложение административного штрафа в размере от 2 тысяч до 5 тысяч рублей с административным выдворением за пределы Российской Федерации или без такового, (ст.18.10.КоАП РФ)
Если физическое лицо нанимает на работу иностранного гражданина без патента, то это влечет наложение административного штрафа в размере от 2 тысяч до 5 тысяч рублей, (ч. 1 ст. 18.15. КоАП РФ)
Для получения патента иностранный гражданин может обратиться в отдел по вопросам трудовой миграции УФМС России по Республике Дагестан по адресу г.Махачкала, ул.Ирчи-Казака 2 "а" тел. 8 (8722) 78-03-56. Подробная информация на официальном сайте www.ufmsrd.ru
График приема с понедельника по четверг с 9.30 до 17.00 пятница с 9.30 до 16.00

---------------------------------------------------------------------------------------------

Начальник МП УФМС РФ по РД в Курахском р-не К.А.Казиахмедов.
Кто должен подавать уведомление о втором гражданстве или виде на жительство в органы ФМС
Уведомлять ФМС должны граждане России, имеющие документы, подтверждающие:
гражданство другого государства;
вид на жительство другого государства;
паспорт иностранного государства.
Освобождаются от обязанности уведомить только граждане, постоянно проживающие за пределами РФ. Однако, определения в законе, кто же такие граждане, постоянно проживающие за пределами РФ, нет. Т.е. как любой гражданин, большую часть времени находящийся за пределами РФ может посчитать себя лицом, постоянно проживающим за пределами РФ, так и официальные органы могут не посчитать гражданина этим лицом.
Т.е. прямого указания на категорию граждан, освобожденных от обязанности уведомления законами пока не придумано, поэтому можно считать, что все, кто имеют документы о втором гражданстве и ВНЖ обязаны уведомить органы ФМС.
Исключение составляют страны, с которыми РФ заключила договоры о признании двойного гражданства. Туркменистан и Таджикистан. Граждане Туркменистана и Таджикистана уведомление о двойном гражданстве в ФМС не подают.
Подавать уведомление в органы ФМС о втором гражданстве или ВНЖ гражданин РФ может только лично. Подача уведомления за маму или папу, сестру или брата, дядю или тетю и прочих родственников и друзей даже по доверенности не разрешается.
Родители/ опекуны могут подать уведомления о наличии гражданства /ВНЖ у своих несовершеннолетних детей за своих детей. Детей лично никуда приводить не надо, достаточно их документов и копий.
Законодательство для граждан введена ответственность за неисполнение указанного закона.
-уголовная;
-административная, в случае недостоверных сведений, несвоевременности уведомления.
---------------------------------------------------------------------------------------------

Начальник УСЗН в МО "Курахский район" С.М.Джамалдинов.
Информация для граждан получающих ежемесячные денежные выплаты по оплате жилого помещения и коммунальных услуг
УСЗН в МО "Курахский район" информирует, что по состоянию на 20 ноября 2015 г, в доставочные учреждения перечислены денежные средства на выплату ЕДВ по ЖКУ следующим категориям граждан:
-инвалидам всех категорий, выплаты за октябрь месяц 2015 года и компенсация за твердое топливо за период с 15.10.2015г. по 31.12.2015 год.
Другим гражданам пользующиеся льготами ЕДВ будут выплачиваться по мере поступления средств из Министерства труда и социального развития РД.
---------------------------------------------------------------------------------------------

ОГИБДД ОМВД России по Курахскому району.
Информационное сообщение
С 1 января 2016 года вступает в силу Федеральный закон от 22 ноября 2014 года № 437-ФЗ, предоставляющего гражданам возможность в течении 20-ти дней с момента вынесения постановления о наложении административного штрафа, уплачивать только половину суммы штрафа.

---------------------------------------------------------------------------------------------

"Кьурагь район" муниципальный тешкилатдин администрациядин работникри Хариев Махачаз имидин хва МЕРВЕТ рагьметдиз финихъ галаз алакъалу яз, дериндай хажалат чIугунивди, башсагълугъвал гузва.

Райондин Культурадинни информациядин ва печатдин центрдин работникри Эмирбекова Тайибатаз халадин хва АЙНУЛЛАГЬ вахтсуздаказ рагьметдиз финихъ галаз алакъалу яз, башсагълугъвал гузва.

Райондин Культурадинни информациядин ва печатдин центрдин работникри АЗИЗОВ АЙНУЛЛАГЬ вахтсуздаказ рагьметдиз финихъ галаз алакъалу яз, адан хизандиз ва мукьва-кьилийриз, дериндай хажалат чIугунивди, башсагълугъвал гузва.

Ашарин юкьван школадин муаллимрин коллективди Рамазанов Хейрудиназ играми диде ИСПАГЬИ рагьметдиз финихъ галаз алакъалу яз башсагълугъвал гузва.
---------------------------------------------------------------------------------------------

 

Комментарии (0)

Нет комментариев. Ваш будет первым!