Газета №45

Райадминистрацияда
Нубатдин совещанидал
19-октябрдиз райадминистрациядин актовый залда нубатдин совещание хьана. Совещание "Кьурагь район" муниципальный тешкилатдин администрациядин кьилин везифаяр тамамарзавай М.Хариева кьиле тухвана.
Анал хейлин идарайрин руководителар рахана.
Райондин образованидин отделдин начальник Р.Катибова къейд авурвал, образованидин учрежденийриз цIивин хканва. Бес тахьана Ашаринни Квардалрин, Хуьрехуьруьн школаяр ама, базадиз цIивин хканмазди гьанризни цIивин хкида, графикдал асаслу хьана вири школайриз ахтармишиз фида.
Райадминистрациядин хуьруьн майишатдин чилеринни ихтияррин алакъайрин отделдин начальник С.Селимова лагьайвал, алай вахтунда зулун тум кутунин кIвалах зайифдаказ кьиле физва, КьепIиррин майишатди ва "Куба" СПК-ди чилер къарагъарнава, амай майишатри гьеле цан цанвач.
"Кьурагь район" муниципальный тешкилатдин администрациядин кьилин заместитель Э.Исаевади къейд авурвал, Къайтагъ районда кьиле тухузвай Хванахвадин Йикъаз гьазурвал акунва, тек са транспортдин патахъай меслят хъувуна кIанзава, амай программа, видеороликар гьазур я, райондай делегациядик кваз 30-35 кас фида.
Агьалияр яшайишдин рекьяй хуьдай управленидин начальник С.Жамалдинова пландал асаслу яз кIвалах кьиле тухузвайди, муаллимриз гузвай коммунальный игьтияжар эвез хъийизвай 4 вацран пулдин такьатар ганвайди, 6 млн. манатдихъ галаз коммунальный игьтияжрин бурж аламайди, амай игьтияжрин выплатаяр ганвайди лагьана.
Финансовый управленидин начальник Б.Ибрагьимова къейд авурвал, сентябрдин вацран мажиб образованидин учрежденияр квачиз амайбуруз ганва, абурузни и гьафтеда ахъайда, спортивный учрежденийриз сокращенийрихъ галаз алакъалу яз гьеле гуз жезвач.
ЦРБ-дин кьилин духтур А.Азимова больницада текущий кIвалахрал машгъул тирди, 9 вацран отчетар гана хтанвайди, раб-дарман тIимил хьанва аукцион гуьзлемишзавайди, аукцион хьайила раб-дарман къачудай мумкинвал жедайди лагьана.
М.Хариева вири руководителри авунвай кIвалах веревирд авуна, кIвалах вилик тухудай рекьер къалурна.
---------------------------------------------------------------------------------------------

М.Агьмедова.
Кар алай проектар
Даях цлар кутазва
Эхиримжи йисара РД- дин Кьил Р. Абдулатипован Дагъустан вилик тухудай кар алай проектар кечирмишунин сергьятра аваз райондин руководстводи район яшайишдинни экономикадин рекьяй вилик фин патал кьетIен фикир гузва, цIийи дараматар эцигзава, рекьер туькIуьрзава, даях цлар кутазва ва гьакIни маса авданламишунин кIвалахар ийизва.
Кьурагьиз кьван къир цун патал амай Кьурагьрин Чкъа мягьледин шегьре рекьик даях цлар кутунин кIвалах гьикI кьиле физватIа килигиз, чун чкадал фенвай. КIвалах кьиле физвай чкадал алай мастер Гьажимегьамедов Казбек Умаровичан гафарай чаз малум хьайивал, вири санлай 9 рабочийди, 2 касди КАЗ-дал, 1 касдини экскаватордал кIвалахзава. Инин подрядчик ООО "Мостовик" я. Лазим тир техникани ава. Даях цлар кутунин кIвалах 16-сентябрдилай башламишнава. Абуру экуьнин сятдин 7-далай нянин 5-дал кIвалахзава
Гьа икI, Чкъа мягьледин винел даях цлар 395 метрдик кутунва ва рекьин кIаникни 262 метрдик кутун хъийизва. Даях цлар кутунин кIвалах куьтягьун гьавайрилай аслу я.
---------------------------------------------------------------------------------------------

А. Рамазанова.
Хванахвавал
Хванахвадин Югъ Къайтагъ районда кьиле тухвана
20-октябрдиз Хванахвадин Югъ Къайтагъ районда кьиле тухвана. И мярекат РД-дин милли политикадин министерстводин "Хванахвавал" проектдин сергьятра аваз кьиле фена.
Мярекатда РД-дин милли политикадин министрдин сад лагьай заместитель Зикрулла Ильясова, РД-дин информациядинни печатдин министрдин заместитель Александр Кургиняна, РД-дин жегьилрин крарин рекьяй министерстводин управленидин начальник Марина Мутаевади, кьуд муниципальный райондин кьилери ва абурун заместителри, культурадин, спортдин, образованидин начальникри, Кьурагь, Тлярата, Къаякент, Гуьмбет районрин делегацийри, Къайтагъ райондин Ватандин ЧIехи дяведин иштиракчийри иштиракна.
Экуьнахъ фадамаз Къайтагъ райондин центрдин майдандал "Хванахвавал" проектда иштиракзавай вири районри чпин майданар ачухна. Майданрал алатай вахтара ишлемишзавай шейэр, милли хуьрекар, халкьарин костюмар къалуриз эцигнавай. Гьар са майдандал халкьдин манияр лугьузвай, атай мугьманри кьуьлерзавай.
Торжественный мярекат райондин культурадин идарада кьиле фена. Мярекат Къайтагъ райондин кьилин везифаяр тамамарзавай Алим Темирбулатова ачухна. Гаф Дагъустан Республикадин милли политикадин министерстводин сад лагьай заместитель ЗикруллаИльясоваз гана.
-Гьуьрметлу юлдашар, къайтагъвияр, гьуьрметлу мугьманар, Расул Гьамзатоваз ихьтин гафар авайди я,-лагьана ада.
"За са лежбердиз Кремлдикай ахъайна. Адан залрикайни дворецрикай лагьана. Зун ада четин гьалда туна.
-Заз лагьана ада: "Ваз Кремлда дуст авани?".
-Хванахвавилиз Дагъустанда вилик заманайрилай кьилин метлеб авайди я. Хванахвавал межэтнический барьердай экъечIдай институт я.
В.Путин Кремлда авай чи хванахва я лагьайтIа жеда. Адан Дагъустандихъ, Кавказдихъ галаз авай рафтарвили и кIвалах субутарзава.
Хванахвавал Дагъустанда вилик девиррилай авай адетар я. Милли политикадин министерстводин проектрикай и проект "чан алай" проект я. И проект Дагъустандилай къецени кардик кутун планламишзава,-лагьана З.Ильясова.
Гуьгъуьнлай мярекатдал РД-дин информациядинни печатдин министрдин заместитель А.Куриганян, РД-дин жегьилрин крарин рекьяй министерстводин управленидин начальник Марина Мутаева, Гуьмбетовский райондин кьил Мегьамедали Мегьамедалиев, Къаякент райондин кьил Мегьамедэмин Гьажиев, Тлярата райондин кьил Мегьамед Алиханов, Кьурагь райондин администрациядин кьилин заместитель Эльмира Исаева рахана. Къайтагъ райондин Ватандин ЧIехи дяведин ветеранриз гьар са райондин патай пишкешар гана.
Къайтагъвийриз гьар са райондикай, аялар кьабулзавай хизанрикай, аялрикай телевизионный фильмаяр къалурна.
Районрин кьилерив "Хванахвадин кодексар" вугана. Чи райондай Тлярата райондин Султановрин хизанди Кьурагьрин сад лагьай нумрадин юкьван школадин 8-классдин ученик Омаров Умар кьабулна. Къаякент райондай чи райондин Кьурагьрин хуьряй тир Къазиеврин хизанди 8-классдин ученик Къиясов Къияс кьабулна.
РД-дин милли политикадин министрдин сад лагьай заместитель З.Ильясова Хванахвадин Йикъаз гьазурвал акунай, активныдаказ иштиракунай районрин кьилерив Чухсагъулдин чарар вахкана. Къайтагъвийри гьар са райондин векилрив чпин патай пишкеш яз картинаяр гана.
Гуьгъуьнлай анал гьар са райондин векилри концерт гана. Чи райондай Садулагь ТIаибова, Мегьамед Гуьлметова манияр лагьана.
Мярекатдин торжественный паюнилай гуьгъуьниз вири мугьманар майданрал фена. Анал танишвилер хьана, чпиз хванахваяр кьурбурни хьана. Жегьилрин дискуссионный площадкаяр, абурухъ галаз, санал атанвай районрин арада спортдин акъажунар кьиле фена. Атай мугьманар къайтагъвийри гьакI рахкурнач. Абуруз гьар са нямет алай столрихъ банкетный залдиз теклифна.

--------------------------------------------------------------------------------------------

Ф.К. Лагметова, прокурор района,
старший советник юстиции

Прокуратура информирует
Прокуратурой Курахского района проведена проверка по обращению и.о. главы администрации МО "Курахский район" о незаконной передаче в аренду земельных участков Магомедову Ю.А. и Гасретову И.А.
Установлено, что земельный участок общей площадью 10 га с кадастровым номером " 05:29:000025:29, находящийся в сел.Кабир Курахского района в местности "Эмиркулидин син", а также земельный участок общей площадью 30 га с кадастровым номером № 05:29:000025:29, находящийся в сел.Кабир Курахского района в местности "Кьелегьар" в установленном порядке не сформирован, т.е. не поставлен на государственный кадастровый учет согласно Федеральному закону от 24.07.2007 № 221-ФЗ "О государственном кадастре недвижимости".
Согласно требованиям закона образование земельных участков из земель или участков, находящихся в государственной или муниципальной собственности, осуществляется в соответствии с одним из следующих документов: проект межевания территории, утвержденный в соответствии с Градостроительным кодексом РФ, проектная документация о местоположении, границах, площади и об иных количественных и качественных характеристиках участков, утвержденная схема расположения земельного участка или земельных участков на кадастровом плане территории.
При вынесении постановлений о передаче земель в аренду Магомедову Ю.А. и Гасретову И.А., земельные участки не были сформированы в установленном порядке, кроме того, не поставлены на государственный кадастротровый учет согласно Федеральному закону от 24.07.2007 г. № 221-ФЗ "О государственном кадастре недвижимости", в связи с чем прокуратурой района опротестованы 2 постановления главы администрации сельского поселения "село Кабир", которые рассмотрены и удовлетворены.

-------------------------------------------------------------------------------------------

Гаджимурадов Р.П,
Директор С.Стальского филиала ТФОМС.

Информационное сообщение
Территориальный фонд обязательного медицинского страхования РД, в целях обеспечения филиалами контроля за получением медицинского страхового полиса жителями районов и городов, выезжающих за пределы нашей республики на работу или временное проживание по семейным обстоятельствам сообщает следующее.
В соответствии с Федеральным законом от 29 ноября 2010 года № 326-ФЗ "Об обязательном медицинском страховании в Российской Федерации" и Правилами обязательного медицинского страхования, утвержденными приказом Министерства здравоохранения РФ от 28.02.2011 г. (ред.от 20.11.2013г.) № 158н застрахованные лица имеют право на бесплатную медицинскую помощь при предъявлении полиса обязательного медицинского страхования, за исключением экстренных случаев.
Замена страховой медицинской организации, в которой ранее был застрахован гражданин, "застрахованное лицо", в соответствии с пунктом 3 части 1 статьи 16 Федерального закона, осуществляется один раз в течение календарного года не позднее 1 ноября, либо чаще в случае изменения места жительства или прекращения действия договора о финансовом обеспечении путем подачи заявления во вновь выбранную страховую медицинскую организацию.
В соответствии с пунктом 4 части 2 статьи 16 указанного Федерального закона в случае изменения места жительства и отсутствия страховой медицинской организации, в которой ранее был застрахован гражданин, застрахованное лицо осуществляет выбор страховой медицинской организации по новому месту жительства в течение одного месяца.

--------------------------------------------------------------------------------------------

Ф.Мегьамедова.
Мярекатар
Яшлубурун Югъ къейдна
16-октябрдиз Культурадинни информациядин ва печатдин центрдин фойеда Яшлубурун Йикъаз талукьарнавай мярекат кьиле фена. Мярекат тешкилайди райондин Агьалияр яшайишдин рекьяй таъминардай комплексный центр (КЦСОН) тир. Сятдин 12 тамам хьайила Центрдин работникри гьар са нямет алай столрихъ мярекатдиз теклифнавай яшлу ксариз ацукьун теклифна.
Мярекат Россиядин халкьарин культурадин адетрин Центрдин руководитель Кевсер Фейзуллаевади ачухна. Ада хуш келимаяр лугьуналди яшлубуруз и югъ мубаракна.
Гуьгъуьнлай гаф КЦСОН-дин директор Руслан Гьасановаз гана. Ада тебрикдин гафарилай гуьгъуьниз райондин яшлу агьалийриз гележегдани, Центрдин мумкинвилериз килигна, куьмекар гуз чалишмиш жедайди къейдна.
Яшлубуруз и югъ гьакIни "Кьурагь район" муниципальный тешкилатдин кьил З.Азизован, райадминистрациядин работникрин ва вири агьалийрин патай "Кьурагь район" муниципальный тешкилатдин администрациядин кьилин заместитель Э.Исаевади, ва КЦСОН-дин директордин заместитель А.Катибова вичин патай мубаракна.
Яшлубурун патай чухсагъулдин гаф гваз зегьметдин ветеран ва агъсакъал Р.Будаев, игит диде Р.Мирзоева, зегьметдин ветеран Ж.Гьажиханова рахана ва чпин патайни райондин вири яшлубуруз и югъ мубаракна .
Гьар са тебрикдин гуьгъуьнлай Садуллагь ТIайибовани Кевсер Фейзуллаевади лагьай манийри мярекатдиз теклифнавай мугьманрин гуьгьуьлар мадни шадарна.
Мярекатдин эхирдай Р.Гьасанова райондин руководстводиз ва Культурадин ва информациядинни печатдин центрдин начальник А.Будаеваз мярекат тешкил авунин карда куьмек авунай чухсагъул лагьана.
Эхирдай вирида санал рикIел аламукьдай шикилар яна.

--------------------------------------------------------------------------------------------
 


 


 

Комментарии (0)

Нет комментариев. Ваш будет первым!