Газета №44

Райадминистрацияда

Гьафтедин нетижаяр кьуна
20-октябрдиз райадминистрациядин актовый залда райондин идарайрин руководителри гьафтеда авунвай кIвалахдин нетижаяр кьадай совещание хьана.
Совещание "Кьурагь район" муниципальный тешкилатдин кьил З.Азизова кьиле тухвана. Совещанидал хейлин идарайрин руководителри авунвай кIвалахдикай информация гана.
Райондин образованидин управленидин начальник Р.Катибова къейд авурвал, алатай гьафтеда алатай йисуз вахкай ЕГЭ-диз анализ гудай совещание хьана. 2015-йисуз ЕГЭ вахкунал лап гуьзчивал жеда, 9-классдиз 4 предмет мажбури тирбур жеда, сентябрдин вацран мажибар 7 школадиз ганвачир, октябрдин вацран мажибрихъ галаз гьа школайризни вахкуда.
Райондин финансовый управленидин начальник Б.Ибрагьимова лагьайвал, сентябрдин вацран мажиб 7 школадиз финансар бес кьадар тахьун себеб яз гуз хьанвач , къе муаллимрин октябрдин вацран мажиб хтун лазим я.
ЦРБ-дин кьилин духтурдин везифаяр тамамарзавай А.Акимова къейд авурвал, Гелхен дередиз духтуррин бригада фена, диспансеризация авуна, диспансеризация авунин карда хуьрерин администрацийрин кьилери куьмек гана, питание, раб-дарман ава, сентябрдин вацран мажиб райбольницадинни поликлиникадин работникриз ганва.
Культурадин отделдин начальник А.Эмирбекова лагьайвал, работникри республикада жезвай мярекатра иштиракзава, Кумухърин Культурадин кIвалин материалар конкурсдиз ракъурнава, цIивин гъана чкадал ала.
Райондин пенсионный фондунин отделдин начальник А.Назаралиева къейд авурвал, отделди пландал асаслу яз кIвалахзава, отчетар гузва, анжах страховой взносрин патахъай четинвал ава.
Ветеринарный управленидин начальник Н.Асланова лагьайвал, ветеринарный къуллугъда зулун планламишнавай серенжемар кьиле тухузва, арандиз куьч ийизвай мал-къара купка авунва, муькуь гьайванарни купка ийида, цIаярин рапар язава.
Совещанидал рахай руководителри авунвай кIвалахдиз З.Азизова анализ гана, кIвалах вилик тухудай рекьер къалурна.

------------------------------------------------------------------------------------------------

Ф.Абдурагьманова.
Семинар-совещание
21-октябрдиз райадминистрациядин актовый залда РД-да авай ГКОУ-дин "УМЦ по ГО ЧС"-дин Дербентдин межрайонный курсарин преподователри райондин ОБЖ-дин муаллимрихъ, образованийрин учрежденийрин руководителрихъ, ясли-бахчайрин заведующийрихъ галаз семинар-совещание кьиле тухвана.
Семинар-совещанидал кIватI хьанвайбурун вилик кьиле тухузвай курсарин начальник ТIагьиров Адил Ибадовича, техникадин илимрин рекьяй кандидат Гьасанов Вагиф Мамедовича ва муаллим Жамалудинов Маркс Гьажимурадовича доклад авуна.
Абуру Дагъустан Республикадин къене аварияр ва цIаяр кьуникай тIебии газдин угарди арадал гъизвай бедбахтвилерикай, кIвалин къене ишлемишзавай токдин шейэри, кIвалер эцигзавай са бязи стройматериалри инсандин чандиз гузвай зияндикай, тIебиатдин жуьреба-жуьре бедбахтвилер арадал атай вахтунда гьар сада вич тухвана кIанзавай къайдайрикай лекцияр кIелна.
Образованидин вири учрежденийра, аялрихъ галаз алакъа авай чкайра цIуз акси система ва эвакуациядин планар къайдадик хьун лазим тирди лагьана. Гуьгъуьнлай семинар-совещанидал рахай муаллимри залда ацукьнавайбурувай чпик къалабулух кутазвай суалар гудай мумкинвал гана. Абуруз къайдадик кваз жавабар гана.
------------------------------------------------------------------------------------------------

З.Саидова.
Чи интервью
Субсидийрин идарадин кIвалахдин гьакъиндай
Чи районда авай идарайрин кIвалахдикай, анра жезвай дегишвилерикай чна чи газетдиз мукьвал-мукьвал чапзава. Ингье нубатдин сеферда чун райондин субсидийрин отделдиз мугьман хьана. Ана эхиримжи вахтунда гьихьтин дегишвилер кьиле физватIа чир хьун патал анин заведующий Батман Батмановахъ галаз суьгьбет авуна.
-Батман Лукьманович, субсидийрин отделда шумуд пешекарди кIвалахзава?
-Алай вахтунда и отделда, гьа и чIавалди хьиз кIуьд касди кIвалахзава.
Кьуд пешекарди аранда авай хуьрерин администрацийра, вад касди чкадал, яни райондин центрдал кIвалахзава.
-Куьне алатай 2013-йисуз шумуд хизандиз субсидияр ганва?
-Субсидияр къачузвай хизанрин кьадар дегиш жезвайди я. 2013-йисуз субсидияр вири санлай къачурла 901 хизандиз гана.
-Квевай алатай йисуз субсидияр къачузвай хизанриз вири пул гуз хьанвани?
-Ваъ, алатай, яни 2013-йисуз чавай вири пул гуз хьанвач. Къенин юкъуз чак 2013-йисан 3 млн. 755 агъзурни 160 манат пулдин бурж кума. И пул гун паталди РД-дин Правительстводи кьилди къарар кьабул хъувуна кIанзава. Мус къарар кьабулайтIа, гьа вахтунда чна и пулни вахкуда, амма мус и къарар кьабулдатIа гьеле чизвач.
Лугьун лазим я, алай, 2014-йисан сад лагьай октябрдалди 594 хизандиз 3 млн.929 агъзурни 550 манат пул чара авунва. Идакай и хизанриз 2 млн. 548 агъзурни 840 манат пул ганва. Къенин юкъуз бурж вири санлай къачурла 2013 йисандини кваз 5 млн.134 агъзур 410 манат пул кума.
И кардин патахъай чи отделди вичин вири кIвалах авунва, ведомостарни гьазурна авайди я.
-Алай йисуз субсидияр къачунин кIвалах гьикI кьиле физва? Субсидияр районда шумуд хизанди къачузва?
-Чна субсидияр алай, 2014-йисан январдин, февралдин ва мартдин варцаринбур ганва. И пулдин кьадарни 2 млн. 548 агъзурни 840 манат я. 2014-йисуз районда 596 хизанди субсидияр къачузва. И хизанрин кьадар йисан эхирдалди дегиш жедайди я.
2014-йисуз субсидияр гун патал 5 млн.317 агъзур манат пул чара авунва.
-Субсидияр вири хизанрал сад хьиз гьалтзавани?
-Ваъ, субсидийрин кьадар хизандин гьалдилай аслу я. Республикадин стандартдалди гьар са касдиз ЖКУ-дай коммунальный игьтияжрин къимет акъудзава. Лугьун лазим я, гьар йисуз республикада кълурнавай стандартрин кьадар дегиш жезва, гьаниз килигна субсидияр гузвай пулдин кьадарни дегиш жезва.
-ТIебии газ кузвай арандани дагъда авай хизанриз субсидияр сад хьиз гузвани?
-ТIебии газ кузвай гьам дагъда, гьам аранда авай хизанриз гузвай субсидийрин пул сад хьиз я.
ТIебии газ кузвай хизанрин харжи гзаф я, гьакI пулни гзаф вахкузва.
Гьар са хизандин гьалдиз килигна, хизанда авай ксарин кьадардиз, къвезвай пулдин кьадардиз килигна гузвай субсидийрин кьадар акъудзавайди я. Чавай республикадин стандартдилайни элячIиз жезвайди туш.
Эгер хизандиз гана кIанзавай пулдин кьадар (расчетная сумма) 4 агъзур манат яз хьайитIа, гьа хизандиз и кьадардилай виниз пул гудай ихтияр авач. Месэла, эгер хизанди 5 агъзур манатдин гьам газ, гьам эквер ва гьакI маса квитанцияр хканваз хьайитIани и хизандиз 4 агъзур манат пул гуда. Эгер хизанди 3500 манат пулдин квитанцияр хкайтIа, адаз гьа 3500 манат пул гуда.
-Батман Лукьманович, куьне винидихъ лагьайвал, субсидияр гудайла, гьар са хизандин гьалдиз, адаз къвезвай пулдин кьадардиз килигзава. Субсидияр гун патал хизанда авай гьар са касдал гьалтзавай пулдин кьадар гьикьвандалай виниз хьайитIа гузвач лугьуз жедачни?
-Эгер тIебии газ кузвай хизанда гьар са касдал 4500-5000 манат пулдилай виниз гьалтиз хьайитIа, субсидияр къвезвач, тIебии газ кун тийизвай хизанрин гьар са касдал 2500 манат пулдилай виниз гьалтиз хьайитIа субсидияр къвезвач.
-Субсидияр гун патал гьазурзавай документрин сиягьда дегишвилер хьанвани?
-Ваъ, ина хьанвай ахьтин дегишвилер авач. Документрин сиягь авайвал ава.
-Чухсагъул чахъ галаз суьгьбет авунай.

------------------------------------------------------------------------------------------------

Н.У.Байрамов,
Прокурор района, Старший советник юстиции

Опасно для жизни и здоровья!
Правоохранительными органами Курахского района в настоящее время проводится целевые оперативно-профилактические мероприятия, направленные на противодействие незаконному обороту этилового спирта, алкогольной и спиртосодержащей продукции. В текущем году в результате проведенных оперативно-розыскных мероприятий в Курахском районе выявлено 7 случаев хранения или перевозки индивидуальными предпринимателями в целях сбыта либо сбыта алкогольной продукции, не отвечающей требованиям безопасности жизни или здоровья потребителей. Изъято из оборота 81 литр спирта и 720 бутылок спиртосодержащей жидкости, опасной для жизни и здоровья населения. За совершение преступлений в данной сфере привлечены к уголовной ответственности по ч.1 ст. 238 УК РФ жители с.Курах, Икра, Штул и Кабир Бабаева А.А., Хелефов М.А.Гаджимурадов К.Р., Багадинова З.Т., Саидов Р.Ф., Казиахмедова Б.Н. и Зухрабов З.Д.
В целях исполнения Федерального закона № 218 от 18 июля 2011 года "О государственном регулировании производства и оборота этилового спирта, алкогольной и спиртосодержащей продукции", а также предотвращения совершения правонарушений и преступлений в данной сфере прокуратура района информирует, что на территории РФ запрешена реализация алкогольной и спиртосодержащей продукции без лицензии, без надлежаще оформленных товаротранспортных документов, без сертификата соответствия, без справки к грузовой таможенной декларации или без ее копии с оригиналами оттисков печатей предыдущего собственника (на импортную алкогольную продукцию) либо без справки к товаротранспортной накладной (на отечественную алкогольную продукцию), а равно поставка или розничная продажа алкогольной и спиртосодержащей продукции в таре и упаковке, не соответствующих установленным законом требованиям. Запрещена продажа товаров, выполнение работ либо оказание услуг организацией, а равно гражданином, зарегистрированным в качестве индивидуального предпринимателя, при отсутствии установленной информации об изготовителе (исполнителе, продавце) либо иной информации, обязательность предоставления которой предусмотрена законодательством Российской Федерации. Запрещено неприменение в установленных федеральными законами случаях контрольно-кассовой техники, применение контрольно-кассовой техники, которая не соответствует установленным требованиям либо используется с нарушениям установленного законодательством Российской Федерации порядка и условий ее регистрации и применения, а равно отказ в выдаче по требованию покупателя (клиента) в случае, предусмотренном федеральным законом, документа (товарного чека, квитанции или другого документа, подтверждающего прием денежных средств за соответствующий товар (работу, услугу). Запрещена продажа алкогольной и спиртосодержащей продукции несовершеннолетним. В случае возникновения у продавца сомнения в достижении этим покупателем совершеннолетия продавец вправе потребовать у этого покупателя документ, удостоверяющий личность и позволяющий установить возраст этого покупателя.
По всем фактам незаконной реализации алкогольной и спиртосодержащей продукции гражданам можно обратится в ОМВД России по Курахскому району либо в прокуратуру района по тел. 55-29-18, в том числе анонимно.

-------------------------------------------------------------------------------------------------

Гьусейн Рамазан.
Алкьвадар Гьасан Эфендидин 180 йис
Хьанай вун нур гуз
19-20 -асирра Дагъустанда хейлин алимар авай. Абурукай хейлинбурун алимвилин ирс, зегьмет гел галачиз квахьна. Дерин гел турбурукай сифтени-сифте жергеда Абдуллагьан хва Алкьвадар Гьасан Эфенди хьана лагьайтIа, чун гъалатI жедач. Арифдар, илим экв яз акур инсан, вичин тIварцIихъ ранглу эпитетар акализ жезвай зурба инсан четин, авам вахтара Дагъустандин цава экуь гъед хьиз машгьур хьана. Малум тирвал, ам, 1877-йисуз хьайи бунтара иштиракна лугьуз, Тамбов губерниядин Спасск шегьердиз 4 йисуз суьргуьн авунай. Шак авачиз, лугьуз жеда хьи, Гьасана а бунтара иштиракна лугьудай тамам делилар авач. Ам буьгьтенрик акатна. Акси яз, а бунтар авун фикирсуз ахмакьвал яз гьисабзава. Идан гьакъиндай ада вичин теснифра лугьузва, " Абумуслимаз кагъаз" тIвар алай шиир и фикир тестикьиз жедай делил я.
Шаир, аяндар, шериат дуьн-дуьз тухудай кас яз хьана. Халкьдин сивера ихьтин са ихтилат гилани ама: Са сеферда Гьасан Эфенди вичин жегьил сухтани галаз, балкIанрал алаз, яркIи са хуьряй маса хуьруьз физ хьана. ХъуьтIуьн вахт яз рехъ къалин цифеди кьунвай. Садлагьана тамай экъечIайла, циф кIватI хьана. Тамун юкьва са бегьем чкада, уьруьшда хиперин суьруьди векь незвай. Бирдан сухта къя хьана акъвазна: Э-э! Я Эфенди, и чубанди Кеферпатахъ элкъвена капI ийизва! А гавурдиз за са чIал ийидани?
-Эцямир: ада вун рази ийида,-лагьана явашдиз алимди. Гьич, саламни тагай сухтади чубан беябуриз гатIумна:
-Я, фасикьдин хва, фасикь! Бес капI кефердихъ элкъвена ийидани? Ам Аллагьди кьабулдани?
-Зи Аллагь вун хьтин ахмакьди туш! Кьибледихъ элкъвейла, бес хипер жанавурри кукIвардачни,-секинсуз жаваб гана чубанди.
Штулви писатель Эфендиев Сабира чпин хуьруькай кхьенвай ктабдин сифте чина Эфендиеврин тухумдин схема къалурнава. А тухумдин мукьва-кьиливилер, алакъаяр Гьасан Эфендидихъ ва маса машгьурбурухъ галаз хьанвайди успат ийизва. Генерал Мегьамед Лезгинцевни, гьа сихилдик акатзава.
Гьасан Эфенди кьейила , Хпеж Къурбаназ пара хажалат хьана, адан ктабда и вакъиадиз бахшнавай чIехи шиир ава.
"…Хкахьна Куьредин чирагъ"… гафари шаирди арифдардиз гузвай къимет ашкара жезва.
Эхирдай заз, Алкьвадаран хуьре чIехи фикирдар, арифдар, кесерлу касдиз музей эцигай Дербентдин мер Яралиев Имамаз, музейдин директор Гьуьсейн Гьуьсейноваз, "Куьредин ярар" медениятдин центрдихъ галаз алакъалу виридаз эхир хийирдинди хьурай лугьуз кIанзава.

Лезги Леонард
Сихилда гана тарифриз бегьер,
Гьар са къадамдихъ галазвай сегьер,
180 йис хьанвай ийиз гьисс,
Тарих циф алай алатна вич пис.
Хуьрни тIвар вуна авуна раиж,
Вун хьана халкьдиз вирт гудай са чIиж.
Урусатдихъ чин элкъуьрай инсан,
Гзаф терефрин Алкьвадар Гьасан.
Алкьвадарвияр а ви ухшар квай
Гьар сад са гъед я авачир къаншар.
Лезги Леонард, самбар я ви сан,
Дагъустан буржлу Алкьвадар Гьасан!
Авамвал квадриз, вилик кваз илим,
Гьахъунин патал хьана ам даим.
Къенин цацари ийизва рикI тIар,
Готфрид, Генрих тIимил яни бес?
Яргъарай къвезва чаз ви ширин сес.
"Ассари Дагъустан" ая куьне кIел,
Хьанай вун нур гуз алимрин кIвенкIве!

------------------------------------------------------------------------------------------------

Начальник ТП УФМС РФ по РД
в с.Курах капитан внутренней службы Ф.С.Ахмедов.

Информационное сообщение
Россиян, у которых есть двойное гражданство, обязали сообщать о нем в Федеральную миграционную службу. Соответствующий закон опубликован в Российской газете.
В целом ряде стран иметь двойное гражданство запрещено. В нашей же стране ограничение распространяется только на госслужащих. Между тем, само наличие иностранного паспорта у россиян до сих пор никто не проверял. Теперь же сообщать об этом - обязанность каждого гражданина.
Сообщить о втором гражданстве можно как лично, придя в отделение миграционной службы, так и по почте. Процедуру уведомления в ближайшее время разработает ФМС. А вот список сведений, которые нужно представить специалистам, уже известен.
Тех, кто нарушит процедуру уведомления, накажут административным штрафом- от 500 до одной тысячи рублей. А вот россиянам, которые умолчат о своем втором гражданстве, грозит уголовная ответственность. Это штрафы до 200 тысяч рублей, либо принудительный работы на срок до 16 суток.
Между тем, в законе предусмотрены исключения. Они касаются, например, тех, кто имеет российское гражданство, но постоянно проживает на территории другой страны.
Новый закон вступит в силу 4 августа. С этого момента у всех россиян, имеющих второе гражданство, есть два месяца, чтобы уведомить о нем миграционную службу. Для жителей Крыма нововведение начнет действовать с 2016 года.
-------------------------------------------------------------------------------------------------

А.Мамедова.
Спорт
Жаванри устадвал къалурна
И йикъара 11-12-октябрдиз Дербент райондин Чинар хуьре М-С.Гусаеван къаматдиз бахшнаДагъустандин КIвенкIвечивал патал 1997-1998-йисарин жаванрин арада самбодай акъажунар кьиле фена.
Вири санлай и хьайи акъажунра Махачкъала, Къизляр, Къизилюрт, Дербент, Каспийск, Хасавюрт, Дагъустандин Огни шегьеррай ва Мегьарамдхуьруьн, Кьурагь, Агъул, Сулейман-Стальский ва маса районрай 350-лай виниз спортсменри чпин гьунарар къалурна.
И акъажунрин мярекат Дагъустан Республикадин спортдин министрдин заместитель боксдай олимпийский чемпион Гьайдарбег Гьайдарбекова ачухна.
Дамах жедай кар ам я хьи, кьиле фейи акъажунра КIирийрин хуьряй тир кьве жаван спортсменди чпин устадвал къалурна. ИкI, КIирийрин хуьруьн ДЮСШ-дин директор, тренер Къурбанов Рамазанан ва тренер Гьуьсейнов Сейфудинан гъилик вердишвилер ва тербия къачузвай жаванрикай 87 кг-дилай виниз заланвал авайбурун арада Бакаров Адила, 75 кг-див агакьна заланвал авай Къурбанов Ислама кIвенкIвечи чкаяр кьуна. Абуруз медалар, грамотаяр ва къиметлу пишкешар гана.
Къейд авун лазим я хьи, кIвенкIвечи чкаяр къазанмишай спортсменри, гьа гьисабдай Кеферпатан Кавказдин округда Дагъустанда хкянавай командадик кваз КIвенкIвечивал патал декабрдин вацра Нальчик шегьерда кьиле фидай акъажунра иштиракда.
Жегьил спортсменриз агалкьун тебрик авунихъ галаз санал, чаз абурухъ гележегда мадни еке агалкьунар хьана кIанзава. Къуй абурукай хайи хуьруьн, райондин, республикадин ва гьакI Россиядин тIвар виниз хкаждай спортсменар хьурай.
---------------------------------------------------------------------------------------------------

З.Саидова.
Районрин арада самбодай турнир кьиле фена
15-октябрдиз КIирийрин умуми образованидин школа-интернатдин МКОО залда "Кьурагь район" муниципальный тешкилатдин кьилин приз патал районрин 1999-2003-йисарин аялрин арада самбодай турнир кьиле фена.
И турнирдиз гьазурвал акуна ва кьиле тухвайди райондин администрациядин физкультурадинни спортдин ва жегьилрин крарин рекьяй отдел тир.
Къейд авуна кIанда, и отделдин начальник Р.Рамазанова ихьтин спортдин мярекатар неинки райондин центрда, гьакIни амай хуьрерани мукьвал-мукьвал тухузва.
Ада кьиле тухузвай мярекатар акьалтзавай несилдиз ватанпересвилин тербия хьунихъ галаз алакъалу я.
Турнир сятдин 10-даз башламишна. Турнир башламишдайла анал рахай "Кьурагь район" муниципальный тешкилатдин кьил З.Азизова турнирдин иштиракчийриз ва атанвай мугьманриз хуш келимаяр лагьана.
КIвенкIчи чкаяр патал заланвилин са шумуд категориядин арада акъажунар няналди кьиле фена.
Тамашачийрин кьетIен фикир чеб 60 кг-див агакьна заланвал авай категориядин иштиракчийри желбна, гьикI лагьайтIа и категориядин заланвал авай самбистар гзаф авай.
ИкI, кьиле фейи акъажунра командайрин арада сад лагьай чка Кьурагьрин ДЮСШ-дин спортсменри кьуна. Абуруз "Кьурагь район" муниципальный тешкилатдин кьил З.Азизова кубок ва "Кьурагь район" муниципальный тешкилатдин администрациядин кьилин общественный хатасузвал хуьнин рекьяй заместитель М.Хариева грамотаярни ва къиметдин пишкешар гана.
РикIел аламукьдай пишкешар КIирийрин дзюдодай ДЮСШ-дин коллективдиз, гьа и школадин директор Р.Къурбановаз, Сулейман-Стальский райондин ДЮСШ-дин тренер Т.Къурбановаз, КIирийрин ДЮСШ-дин дзюдодин рекьяй гележег авай жегьил тренер К.Ашурбековаз, и йикъара Дербент райондин Чинар хуьре М-С. Гусаеван къаматдиз бахшна, Дагъустан Республикада КIвенкIвечивал патал самбодай кьиле фейи акъажунрин судейский коллегиядиз ва призерар тир чи райондин Аладашрин хуьряй тир А.Бакаровазни И.Къурбановаз гана.

--------------------------------------------------------------------------------------------------

Малумат
Писатель, методист, алим Къурбан Акимова къведай йисуз акъудзавай "Лезгистан" (лезгийрин энциклопедия), "Лезгийрин зарияр" ктабрин 2 изданидин подписка малумарзава. Садан къимет 1000 манат, муькуьдан 500 манат я.
Абур лезги чIаланни литературадин муаллимар, студентар, школаяр, ктабханаяр, яратмишзавай ксар патал чарасузбур я. Пул "Дагъдин булах" газетдин редакциядиз агакьариз жеда.
Абукевсер " тешкилатдин правление.
---------------------------------------------------------------------------------------------------

Мурсал Гьасретов.
Фитнечи
Лугьун за квез са агьвалат,
Яб це, дустар, гъавурда гьат.
Жеда сана са фитнечи
Ийидай кар течиз вичиз.

Атун хьайтIа кIвализ мугьман
РикIиз адан жедач гьич кIан.
Башламишда ийиз фитне
Течиз вичиз къуза-гуьне.

Фитнечидин вичин фикир
ЧIур хьунухь я кIвални ва хуьр.
Чидай кар туш фитнечидиз
ЧIуру кардин эвел-эхир.

Адан мецел алайди
Гьамишанда фитне я.
Адан фитнедин къимет
Вири халкьдин тегьне я.

Адав жеда гьамиша
Кьуру гьахьтин дамахар.
Ахьтин кас чаз акурла
Кьурада чин булахар.

Чи арада тахьурай
Са чавузни фитнечи.
Хъсан кар яд уст хьунухь
Макьам ядай зуьрнечи.

Фитнечиди чаз лугьуда:
Захъ ава халу.
Адан мецел алайди
Гафар я кьуру.

Тапан фитне ийида
Гьукум чувай гьакимдиз.
Са чIавузни герек туш
Тапан фитне итимдиз.

Вичин крар туькIуьрда
Ийиз тапан фитнеяр.
Фитнедихъ гьич жедай туш
Вичиз туькIвей бинеяр.

Фитне гвай са касни
Тахьурай чи арада.
Аваз хьайтIа ахьтин кас
АкIида ам кьарада.

Гьахъсуз фитне герек туш
Са чIавузни итимдиз.
Хъсан кар я куьмек гун
Кар кIевевай етимдиз.
--------------------------------------------------------------------------------------------------

Кьурагьрин кьвед лагьай нумрадин юкьван школадин муаллимрин коллективди Ражабов Магьарамаз ва адан хизандиз уьмуьрдин юлдаш ва играми диде РАЙГЬАНАТ рагьметдиз финихъ галаз алакъалу яз башсагълугъвал гузва.

--------------------------------------------------------------------------------------------------

Кьурагьрин кьвед лагьай нумрадин юкьван школадин ученический коллективди Ражабов Магьарамаз ва адан хизандиз уьмуьрдин юлдаш ва диде РАЙГЬАНАТ рагьметдиз финихъ галаз алакъалу яз башсагълугъвал гузва.
--------------------------------------------------------------------------------------------------

Комментарии (0)

Нет комментариев. Ваш будет первым!