Газета №43

Райадминистрацияда
Нубатдин совещание хьана
28-сентябрдиз райондин администрациядин актовый залда гьар ислен юкъуз кьиле тухун адет хьанвай нубатдин совещание хьана.
Совещание "Кьурагь район" муниципальный тешкилатдин администрациядин кьилин везифаяр тамамарзавай М.Хариева кьиле тухвана.
М.Хариева къе Махачкъалада сечкийрин нетижаяр кьадай совещанида "Кьурагь район" муниципальный тешкилатдин кьил З.Азизова иштирак ийизвайди, райондин образованидин отделдин начальник Р.Катибова ва образованидин делегацияди ОШ 1 отчет вахкузвайди лагьана.
"Кьурагь район" муниципальный тешкилатдин администрациядин кьилин заместитель Э.Исаевади алатай гьафтеда райондай фейи делегацияди Къайтагъ районда кьиле фейи семинар-совещанида иштирак авурди, семинар-совещание Хванахвадин Югъ кьиле тухунин гьакъиндай тухвайди, хванахвайрин хизанар, яни аял вугудай ва аял кьабулдай хизанар тайинарна кIанзавайди, ам чи райондин, Къайтагъ, Къаякент, Гуьмбет, Тлярата районрин иштираквал аваз кьиле фейиди къейдна.
Райадминистрациядин хуьруьн майишатдин ва чилерин ихтияррин алакъайрин отделдин начальник С.Селимова къейд авурвал, зулун цанар цунин кIвалах давам жезва. 2012-йисуз жегьил хизанриз кIвалер эцигун патал гана кIанзавай субсидияр тагайвиляй силисдив вуганвай, гила документар тухвана, лазим документар мад ава, гьайванар къишлахриз куьч хьун патал серенжемар кьабулзава.
Райбольницадин кьилин духтурдин заместитель О.Гьададова больницада 50 азарлу авайди, кIеви азарлуяр авачирди, диспансеризация авунин карда республикада чи район кьуд лагьай чкадал алайди лагьана.
Райондин финансовый управленидин начальник Б.Ибрагьимова лагьайвал, кьилди ксаривай къачузвай налог (НДФЛ) кIватIунин кIвалах агъуз тир чкадал хьунин себеб августдин вацран мажиб тагай чкаяр амукьун я, сентябрдин вацран мажибни гайила, налог акьван аламукьдач.
М.Хариева Кьиблепатан Дагъустандин районра КТО малумарнавайди, гьавиляй агьалияр гьайванар гваз яргъариз тефин, яр-емиш кIватIиз тамариз тефин тIалабна.

--------------------------------------------------------------------------------------------

Алван Рамазанова.
Хванахвавал
Къайтагъ районда хванахвавилин гьакъиндай семинар-совещание хьана
23-сентябрдиз Къайтагъ райондиз Кьурагь райондай делегация фена. "Кьурагь район" муниципальный тешкилатдин администрациядин кьилин заместитель Эльмира Исаева, Культурадинни информациядин ва печатдин центрдин начальникдин заместитель Айнудин Эмирбеков, Россиядин халкьарин адетрин культурадин центрдин руководитель Кевсер Фейзуллаева, физкультурадинни спортдин ва жегьилрин крарин рекьяй отделдин начальник Рамиз Рамазанов квай делегацияди Къайтагъ райондин администрацияда Хванахвадин Югъ кьиле тухунин гьакъиндай тухвай семинар-совещанида иштиракна.
Семинар-совещанида Къайтагъ зона жезвай Хванахвадин Югъ кьиле тухун патал Къаякент, Кьурагь, Тлярата районрин муниципальный тешкилатрин администрацийрин кьилерин заместителри, Образованидин, Культурадин управленийрин начальникри, Россиядин халкьарин адетрин культурадин центрайрин директорри, жегьилрин ва физкультурадинни спортдин комитетдин начальникри иштиракна.
Семинар "Къайтагъ район" муниципальный тешкилатдин кьилин везифаяр тамамарзавай Алим Темирбулатова ачухна.
Анал Дагъустан Республикада общероссийский халис гражданвал арадал гъунин ва идеологический экстремизмдин вилик пад кьунин рекьяй тухузвай кIвалахдикай Дагъустан Республикадин милли политикадин министрдин сад лагьай заместитель Зикрула Ильясова информация гана.
Хванахвадин Йикъан сувар кьиле тухунин месэладай Дагъустан Республикадин милли политикадин министерстводин Управленидин начальникдин заместитель Наталья Демидовади семинардин иштиракчияр танишарна. Ада къейд авурвал, Хванахвадин Югъ Къайтагъ районда 20-октябрдиз кьиле тухуда.
И проект тешкил авунин кьилин макьсад республикадин муниципальный тешкилатрин арада дуствилин алакъа хьун, гьа и районра яшамиш жезвай халкьарин, хизанрин арада алакъаяр хьун я.
И проектдин сергьятра аваз спортдин мярекатар, жегьилрин "дискуссионный площадкаяр" кьиле тухуда.
ГьакIни 7-10-классра кIелзавай аялар хванахвадин кIвале яшамиш жеда.
Семинардин иштиракчийри и проект республикада алай вахтунда важиблу проект тирди къейдна ва и проект тешкилайбуруз ва республикадин руководстводиз чухсагъул лагьана.
Семинардилай гуьгъуьниз мярекат кьиле тухузвай чкайриз килигна. Гьар райондин майдан кьиле тухузвай чкаяр тайинарна.
Атанвай мугьманриз къайтагъвийри ачух ва гьар са нямет алай суфраяр ачухна. Хванахваяр хушвилелди кьабулна ва рекьени хтуна.
Вири районрин делегацийри Къайтагъ райондин руководстводиз хуш келимаяр лугьуналди, хванахвавилин гъил вугана. Чпин райондани абуру азиз мугьманар кьабулиз гьазур тирди лагьана.

--------------------------------------------------------------------------------------------

Хванахвавилин гьакъиндай хьайи семинар-совещанидал
29-сентябрдиз райадминистрацияда Хванахвадин Югъ кьиле тухунин гьакъиндай совещание кьиле фена.
Совещание "Кьурагь район" муниципальный тешкилатдин администрациядин кьилин везифаяр тамамарзавай М.Хариева кьиле тухвана.
Семинар-совещанида "Кьурагь район" муниципальный тешкилатдин администрациядин кьилин заместимтель Э.Исаевади, Россиядин халкьарин адетрин культурадин Центрдин руководитель К.Фейзуллаевади, образованидин отделдин начальник Р.Катибова, жегьилрин крарин рекьяй ва физкультурадинни спортдин отделдин начальник Р.Рамазанова иштиракна.
Анал 20-октябрдиз Къайтагъ районда кьиле тухузвай Хванахвадин Югъ тешкиллувилелди кьиле тухун, аниз аял кьабулдай ва аял вугудай хизанар тайинарун, атай хванахвадин аялдиз культурный ва спортивный программа гьазурун веревирд авуна.
М.Хариева гьар са руководителдиз тайин тир буйругъар гана. 20-октябрдалди гьазурвал акун тагькимарна.
---------------------------------------------------------------------------------------------

П.Магьарамова.
Хуьрерин администрацийра
Агьалийрин къуллугъда
И мукьвара чун райондин са шумуд хуьруьз аваданламишунин кIвалахар вилик тухун патал, агьалийрин дуланажагъдин шартIар хъсанарун патал вуч кIвалахар авунватIа ва пландик кутунватIа чириз мугьман хьанвай.
И жигьетдай чна КIирийрин хуьруьн администрациядин кьил Гьамид Абдулфетягьовавай са шумуд суалдиз жаваб гун тIалабна.
-Гьамид Абдулфетягьович, куь администрациядал шумуд хуьр ала ва куьн алай вахтунда вуч кIвалахрал машгъул я.
-Чи администрациядик КIири, Сараг, Ругун, Бахцугъ хуьрер акатзава. Инра 2000-далай виниз агьалияр яшамиш жезва. Абур хуьруьн майишатдал, мал-къарадал машгъул я. Лугьун лазим я хьи, "Союз" СПК-да чкадал мал-къарадиз кьуьд кечирмишдай мумкинвал тахьуниз килигна, Кьасумхуьрел фермаяр арендадиз кьуна, кьуьд кечирмишна. Хуьруьн агьалийрикай рахайтIа, гзафбурук устIарвилин пешеяр ква, абур хуьруьн къене, маса хуьрера гьа кIвалахрал машгъул я.
Чи жемятдин къуллугъда школа, школа-интернат, 10-далай виниз туьквенар, ясли-бахча, ФАП, Культурадин кIвал, почтадин отделение, мискIин ава.
-Куь гуьзчивилик квай хуьрер аваданламишун патал фикирдик квай гьихьтин кIвалахар ава?
-Ийидай кIвалахар гзаф ава. Куьчейра авай йифен эквер чна текущий ремонтар авунва, ятIани хъсан ремонт кIанзавай куьчеярни ава.
Культурадин кIвал ремонт авуна кIанзава, Ругунрин, Бахцугърин рекьер чIурузва. Пулдин такьатар тахьуниз килигна, алай вахтунда и кIвалахар вилик физвач.
ЦIи кьурагь йис хьуниз килигна, салара цанвай шейэр кьуранва. Салариз гудай ятарни авач. Хъвадай ядни булахра тIимил хьанва, чIехи пай инсанри чпиз къуяр эгъуьнна, гьа яд ишлемишзава.
-Куь хуьруьн агьалияр газдал таъмин яни?
-Газ хуьруьн юкьвал кьван атанва. Са паяри ишлемишзава. Анлай виниз авач, чна умуд кутазва къведай йисуз чаз вири мягьлейриз тухудайдак.
-Налогар вахт-вахтунда гузвани?
-И жигьетдай лугьун лазим я, хейлин налог кIватIнава. Гьелбетда, налог кIватIдайла четин жезва. Вири агьалийри сад хьиз вахтунда налог гузвач.
-Куьне хуьруьн жегьилрихъ галаз экстремизмдизни терроризмдиз акси гуьруьшар тухузвани?
-Хуьруьн жегьилрихъ галаз чна хуьруьн мискIиндин имамни галаз мукьвал-мукьвал гуьруьшар тухузва. Абуру чIуру кIвалахрал амал тийидайвал, диндин рекьяй гъавурда твазва.
Чухсагъул квез чахъ галаз суьгьбет авунай. Къуй куь хуьре йис-сандавай цIийивилер хьурай.

---------------------------------------------------------------------------------------------

Э.А.Алиметов, помощник прокурора района.
Прокуратура курахскогго района информирует
Одной из острых проблем современной России является молодежный экстремизм, ксенофобского толка, основанный на этнорассовой нетерпимости, идеях неравенства и отторжения культурных различий, на пропаганде тоталитарного порядка и ненависти. Так, например, недобросовестные политики для достижения определенных политических целей привлекают к участию в мероприятиях экстремистского толка молодых людей, социальная личность которых еще не сформировалась, и в силу возраста у них еще не сложилось собственное законопослушное мировоззрение, чувство ответственности за свои действия. Соответственно данными людьми легче манипулировать, влиять на них, прикрываясь казалось бы внешне правильными позициями.
Часто молодые люди не понимают последствий, совершенных ими действий. Молодых людей под разными предлогами пытаются склонить к участию в экстремистских организациях и движениях. Это иногда специальная спортивная и физическая подготовка, навязывание идеологии нетерпимости к другим концессиям и нациям. В конечном итоге последним из этапов может стать участие вовлеченных молодых людей в противоправных действиях, погромах, массовых хулиганских действиях, в том числе, таких тяжких, как убийство на национальной почве. Данные организации достаточно часто используют принцип круговой поруки, когда молодых людей связывают их соучастием в преступлениях, затем шантажируют, порой и угрожают физической расправой, что делает практически невозможным выход из данных движений и организаций.
Принадлежность к неформальным группам оказывает влияние на мировоззрение подростка и его установки по отношению к представителям других групп. В неформальных группах возникают нормы поведения, не совпадающие с общественными требованиями или противоречащие им. Такие группы не имеют общественно полезных целей, положительного организующего начала.
Особая опасность современного экстремизма состоит в том, что деятельность экстремистских организаций (группировок) нередко направлена на подрыв основ конституционного строя и безопасности Российской Федерации; нарушение ее территориальной целостности: дестабилизацию социально-политической ситуации к стране; унижение человеческого и национального достоинства; разжигание (возбуждение) социальной, расовой, национальной или религиозной ненависти либо вражды; нарушение прав и свобод граждан; нанесение вреда основным ценностям демократического общества.
Опасность экстремизма обусловлена также его свойством перерастать в более серьезные преступления-терроризм, убийства, причинение тяжких телесных повреждений, массовые беспорядки. Кроме того, опасность экстремизма заключается не только в вовлечении людей в преступную экстремистскую деятельность, но и в негативном воздействии на их личность, формировании нравственно и мировоззренчески дезориентированной личности.
Как правило, асоциальные (стоящие в стороне от основных общественных проблем) и антисоциальные (социально отрицательные) неформальные стихийные группы молодежи формируются под влиянием лидера. Лидерство среди современной молодежи зависит, к сожалению, не от культурного развития, а от опыта асоциального общения. Чаще всего лидерами этих групп становится молодые люди, не нашедшие применения своим способностям в школе, колледже, вузе, трудовом коллективе, обладающие организационными, управленческими навыками. Как правило, лидер имеет сильную волю, твердый, решительный характер, богатый жизненный опыт, довольно часто подвержен восприятию деформированных черт сознания и поведения. Поэтому прежде, чем совершать какие-либо действия, связанные с национализмом, экстремизмом необходимо четко понимать правовые последствия этих действий.
--------------------------------------------------------------------------------------------

Камалдин хазинадай
..Эгер инсан сад-садаз къарши кьве кардив санал эгечIайтIа, абурукай адалай сад гьар гьикI хьайитIани алакьдач.
Эзоп.

..Буш крариз гзаф важиблувал гудайди важиблу крара вич бушди жеда.
Катон Старший.

..Инсан винизни адан крари акъудда, гьакI агъузни ам вичин крари вегьеда.
ГъалатI хьунихъай кичIела, кIвалах башламиш тавун-им заиф инсандиз хас лишан я. Руфунилай цIуруриз алакьдач лагьана, тIуьн ни тада кьван?!
"Хитопадеш".

..Герек авачир, тавун лазим тир крар гьич фикирдизни гъимир.
Эпиктет.

..Дуьньяда мумкин я вири рикIелай алатун, анжах кьве кардиз чидач я кьиникь, я кутIун: игитдин краризни камалэгьлидин гафариз. Асирар алатайлани, тарифда абурун.
Фирдоуси.

..Важиблу крар ара-бир винелай куьлуьбур яз аквадай хьтин кIвалахрилайни аслу я. Гьавиляй гьа гъвечIи кIвалахрални мукъаят хьухь, фагьум-фикир ая.
Ф.Гвиччардини.

..Гьина фикир гужлу ятIа, гьана кардихъ къуват ава.
В.Шекспир.

..Кардив герек тирвал, рикI гваз эгечIа-нетижаяр хъсанбур жеда. Далбадал аватзавай стIалди къван кукIварда, сараривди сабурлудаказ, дурумлудаказ кIвалахзавай кьифрени лап яцIу цIилни кьатIда. Яваш-яваш са-са хъвалахъ алудиз, яцIу мегъуьн тар ярхарда.
В.Франклин.
---------------------------------------------------------------------------------------------

Ф.Абдурагьманова.
Спорт
Школьникрин арада акъажунар
25-сентябрдиз Кьурагьрин стадионда 5-сефер яз кьезил атлетикадай ва милли спортдин жуьрейрай акъажунар кьиле фена.
Акъажунра чи райондин са кьадар хуьрерин юкьван школайрай, 10 командадик кваз, 115 жегьил спортсменди иштиракна.
И акъажунар кьиле тухунин макьсад школайра авай аялрин арада спорт машгьур авун, школьникри сагълам уьмуьр кечирмишун патал, школьникар вахт-вахтунда спортдал машгъул авун, дуствилин алакъаяр мягькемарун ва жегьилар ватанпересар яз тербияламишун тир.
Мярекат башламишдалди Дагъустандин халкьарин Садвилин Йикъаз талукь минтинг кьиле фена. Митингдал спортсменрин вилик райондин образованидин отделдин начальник Р.Катибов рахана.
Гуьгъуьнлай РФ-дин Гимн яна ва акъажунар башламишна. И йикъуз геждалди кьиле фейи акъажунра 100 метрдиз чукурунай: 1-чка КIирийрин юкьван школадин ученик Шагьмарданов Артура, 2-чка Кьуьчхуьррин юкьван школадин ученик Къурбанов Эльдара, 3-чка Кьурагьрин сад лагьай нумрадин юкьван школадин ученик Гьамидов Мегьамедхана ва рушарин арада 1-чка КIирийрин юкьван школарин ученица Маметова Сабинади, 2-чка КьепIиррин юкьван школадин ученица Абасова Санията, 3-чка Кьурагьрин сад лагьай
нумрадин юкьван школадин ученица Эмирбекова Жарията кьуна. Гадайрин арада 2000 метрдиз ва рушарин арада 1500 метрдиз чукурунай:
1-чка КьепIиррин юкьван школадин ученик Селимов Жамалдина, 2-чка Кьурагьрин юкьван сад лагьай нумрадин юкьван школадин ученик Абдулмажидов Нарудина ва 3-чка КIирийрин школа- интернатдин ученик ТIагьиров Рамазана, 1-чка КIирийрин юкьван школадин ученица Гьамзатова Аминади, 2-чка Кьурагьрин сад лагьай нумрадин юкьван школадин ученица Мегьамедова Селимата, 3-чка КIирийрин школа- интернатдин ученица Къайибханова Оксанади кьуна.
Алай чкадилай яргъаз хкадарунай гадайрин ва рушарин арада:
1-чка Кьурагьрин сад лагьай нумрадин юкьван школадин ученик Абдулмажидов Нарудина, 2-чка Гьамидов Мегьамедхана, 3-чка КьепIиррин юкьван школадин ученик Хариев Имираслана, 1-чка Кьурагьрин сад лагьай нумрадин юкьван школадин ученица Мегьамедова Селимата, 2-чка КьепIиррин юкьван школадин ученица Абасова Санията, 3-чка Ашарин юкьван школадин ученица Будайчиева Маринади кьуна.
Армрестлингдай:
1-чка Усарин юкьван школадин ученик Къурбанов Рената, 2-чка Кьуьчхуьррин юкьван школадин ученик Къурбанов Эльдара кьуна.
Ченеяр кягъунай 1-чка КIирийрин школа- интернатдин ученик Рагьимов Имама, 2-чка КьепIиррин юкьван школади ученик Хариев Имираслана, 3-чка Усарин юкьван школадин ученик Гьамзатов Мирзеди кьуна.
Рушари отжиманияр авунай 1-чка КIирийрин юкьван школадин ученица Жафаркулиева Селема, 2-чка Кьурагьрин сад лагьай нумрадин юкьван школадин ученица ТIайибова Эмиляди, 3-чка Ашарин юкьван школадин ученица Къурбанисмаилова Марияди кьуна.
Командайрин арада цIил ялунай Кьурагьрин сад лагьай нумрадин юкьван школадин командади 1-чка Кумухърин юкьван школадин командади 2-чка ва КIирийрин юкьван школадин командади 3-чка кьуна.
Мярекатдин эхирдай кIвенкIвечи чкаяр кьур вири аялриз медалар, грамотаяр ва рикIел аламукьдай пишкешар гана ва командайрин арада 1-чка кьур КIирийрин командадиз кубок багъишна.
Мярекатдин эхирдай райондин Физкультурадинни спортдин ва жегьилрин крарин рекьяй отделдин начальник Р.Рамазанова акъажунра иштирак авур вири аялриз чухсагъул лагьана.
КIвенкIвечи чкаяр кьурбуруз хьайи агалкьунар рикIин сидкьидай мубаракна.
---------------------------------------------------------------------------------------------
 

 

Комментарии (0)

Нет комментариев. Ваш будет первым!