Газета №40-42

 Уважаемые жители Курахского района!
Сердечно поздравляю вас с одним из самых почитаемых праздников-"Курбан-байрам", который знаменует завершение паломничества к исламским святыням и окончание хаджа.
Этот значимый для каждого мусульманина религиозный праздник символизирует мир и добро, всепрощение и заботу о ближних. Он напоминает об основах Ислама, призывающих к милосердию, воспитывает в людях уважительное отношение к общечеловеческим ценностям, единым для всех религий.
В республике сложились традиции добрососедских межнациональных и взаимоуважительных межконфессиональных отношений. Наша общая задача-развивать и укреплять их.
Пусть добро и свет праздника освещают вашу повседневную жизнь, принося в каждый дом тепло, согласие, достаток, удачу во всех благих начинаниях.
Здоровья вам и крепкой веры!
С уважением, Депутат Государственной Думы Федерального Собрания Российской Федерации М.АБАСОВ.

--------------------------------------------------------------------------------------------

Уважаемые жители Курахского района!
Поздравляю вас с одним из самых святых праздников-Курбан-байрам.
Этот праздник посвящен прославлению общих для всех религий вечных нравственных ценностей добра, милосердия и заботы о ближнем, которые несут глубокий нравственный смысл, способствуя укреплению веры и духа.
Сегодня мы видим, как мусульмане, помня заветы предков, возрождают свои традиции, сохраняют семейные ценности. Убежден, что последователи ислама и впредь будут вносить значимый вклад в развитие межконфессионального сотрудничества, единение народов, проживающих в республике.
Пусть добро и свет праздника освещают и вашу повседневную жизнь, принося в каждый дом тепло, согласие, достаток, удачу во всех благих начинаниях.
Желаю вам доброго здоровья, счастья, успехов, благополучия и крепкого имана на всем пути праведной жизни!
С уважением, Заместитель Председателя Народного Собрания Республики Дагестан С.ИСАКОВ.

--------------------------------------------------------------------------------------------

Райондин вири зегьметчийриз Къурбанд суварин тебрик
Гьуьрметлу районэгьлияр!
Мусурманрин суварри районэгьлийрин михьи рикIер ва къени ниятар сад хьуниз гегьенш рекьер ачухзава. Ша чна и пак суварин юкъуз сада-садав дуствилин ва стхавилин гъил вугун. Къуй чаз дуствилелди ва мергьяматлудаказ яшамиш хьуниз манийвал гузвай чIуру крар чи арадай гьамишалугъ яз акъатрай.
РикIин михьивилелди Къурбанд сувар мубарак авуналди, чаз райондин вири зегьметчийрин арада анжах хуш рафтарвилин алакъаяр хьана кIанзава.
З.АЗИЗОВ, "Кьурагь район" муниципальный тешкилатдин кьил.

--------------------------------------------------------------------------------------------

Райондин АТК-дин заседание хьана
16-сентябрдиз "Кьурагь район" муниципальный тешкилатдин кьилин кабинетда террористриз акси комиссиядин заседание хьана.
Заседание АТК-дин председатель, "Кьурагь район" муниципальный тешкилатдин кьил З.Азизова кьиле тухвана.
Анал «Дербентдин 2000 йис тамам хьунин гьакъиндай кьиле тухузвай торжественный мярекатрин вахтунда общественный хатасузвал, къайда хуьнин гьакъиндай кьабулзавай серенжемрин гьакъиндай" месэладиз килигна.
Заседанида "Кьурагь район" муниципальный тешкилатдин кьилин общественный хатасузвал хуьнин рекьяй заместитель А.Исаева, Культурадин, информациядинни печатдин центрдин начальник А.Будаева, АТК-дин сотрудникар тир Н.Рамазанова, Гь.Гьасанова, Россиядин МВД-дин Кьурагь районда авай ОВД-дин начальник А.Фатуллаева, райондин образованидин отделдин начальник Р.Катибова иштиракна.
З.Азизова Дербент шегьердин 2000 йис тамам хьунин сувар-международный сувар тирди, алава тир серенжемар кьабулун чарасуз тирди, инсанар гзаф кIватI жезвай чкаяр, объектар террористрикай хуьнин кIвалах гужлу авуна кIанзавайди лагьана.
А.Фатуллаева Дербентдин 2000 йисахъ галаз кьиле тухузвай мярекатрин йикъара ОВД-дин сотрудникрин кIвалах генани гужлу авунвайди, хуьрерин поселенийрин кьилерини кIвалах тухвана кIанзавайди къейдна.
Заседанидин эхирдай анал къарагъарнавай месэлайрай тайин къарар кьабулна ва жавабдар ксар хкяна.
--------------------------------------------------------------------------------------------

Тешкиллувилин комитетдин заседанидал
21-сентябрдиз райадминистрацияда районда тайинарнавай михьивилерин вацраз талукьарнавай заседание кьиле тухвана.
Заседание "Кьурагь район" муниципальный тешкилатдин администрациядин кьилин везифаяр тамамарзавай М.Хариева кьиле тухвана.
Анал вири райондин субботник 3-октябрдиз кьиле тухун планламишнавайди лагьана. Заседанидал чпин теклифар ва фикирар гваз "Кьурагь район" муниципальный тешкилатдин администрациядин кьилин заместитель Э.Исаева, "Курахская ЖКХ" МУП-дин руководитель Ш.Мисриев, "Курахское ДЭП №23" ОАО-дин кьилин инженер М.Агьмедов, райадминистрациядин административный комиссиядин ответственный секретарь В.Рамазанов ва масабур рахана.
М.Хариева вири руководителриз тайин тир буйругъар гана.

--------------------------------------------------------------------------------------------

Выборы депутатов Собрания депутатов муниципальных образований пятого созыва смотреть здесь
-------------------------------------------------------------------------------------------

Объявление о проведении конкурса по отбору кандидатур на должность глав сельских поселений МО смотреть здесь
------------------------------------------------------------------------------------------  

Райадминистрацияда
Гьафтедин нетижаяр кьуна
21-сентябрдиз райадминистрациядин актовый залда гьар ислен юкъуз кьиле тухузвай совещание хьана. Совещание "Кьурагь район" муниципальный тешкилатдин администрациядин кьилин везифаяр тамамарзавай М.Хариева кьиле тухвана.
Алатай кьве гьафтеда сифте сечкияр, алатай гьафтеда Дербентдин 2000 йис кьиле тухвайди къейдна, и мярекатра иштиракай вирибуруз чухсагъул лагьана.
Анал хейлин идарайрин руководителар рахана.
Райадминистрациядин хуьруьн майишатдин эменнидини чилерин алакъайрин отделдин начальник С.Селимова аранда зулун цанар цаз башламишнавайди, цик квай чилера зулун тум кутаз планламишнавайди, алай вахтунда Шурдереда цанар цаз башламишнавайди, 30 гектарда багълар кутун пландик квайди лагьана.
Райондин Агьалияр яшайишдин рекьяй хуьдай управленидин начальник С.Жамалдинова къейд авурвал, и йикъара коммунальный игьтияжриз вахкузвай 4 вацран выплатаяр гана, 9 млн. манатдихъ галаз гана кIанзавай коммунальный выплатаяр йисан эхирдалди вири гана куьтягьда.
Рекьерин участокдин начальник Л.Агъабалаева лагьайвал, алатай гьафтеда къвайи селди рекьер чIурнавай, абур дуьзар хъувуна, вири хуьрериз рекьер ачух я, Гелхен дередани Шимихуьр дереда авай кьве муьгъ ремонт ийизва.
Райондин финансовый управленидин начальник Б.Ибрагьимова лагьайвал, ясли бахчайриз, алава образованидин учрежденийриз, са тIимил школайриз августдин мажиб и йикъара ганва, амукьай остатокдикай бес жедай идарайриз сентябрдин вацран мажиб яз гуда, ясли-бахчайриз, школайриз цIивин хкун патал пул чара авунва.
Райондин Культурадинни информациядин ва печатдин центрдин начальник А.Будаева лагьайвал, культурадиз котельный эцигна куьтягьзава, Дагъустандин Халкьарин Садвилин йикъаз талукьарна Культурно-досуговый центрдин вилик концерт гана, газет вахтунда акъудна вахкана.
М.Хариева михьивилерин варз малумарнавайди, 3- октябрдиз районда субботник кьиле тухузвайди, налогар кIватIунин гьал пис туширди, налогар кIватIунин гьакъиндай поселенийрихъ гилигнавайбуру чпин кIвалах вилик тухун лазим тирди лагьана.
-----------------------------------------------------------------------------------------

Гь.Семедова, Кьурагьрин сад лагьай нумрадин юкьван школадин дидед чIалан муаллим
Мукьувай таниш хьана
Алатай киш юкъуз, 20-сентябрдиз, Кьурагьрин сад лагьай нумрадин юкьван школадин алай кIелунин йисуз школа акьалтIарзавай 11-классдин аялри кьиле школадин директор Мисриев Гьамид, тарихдин муаллимар тир Хсенбабаев Хидирнаби, Алибекова Ифриз, гьакI школадин хейлин маса муаллимар аваз, Шимихуьруьн дередиз экскурсия тешкилна.
-Чи аялриз хуьрерин тарих чир хьунихъ кьетIен метлеб ава,-гьеле экскурсия тешкилдалди тарихдин муаллимар хабардар авуна школадин директорди.Гьавиляй мумкинвал авай хуьрерин агьалийрихъ галаз чун мукьувай таниш жеда. Абуру чаз чпин хуьрерикай метлеблу суьгьбетар ийидайдахъ чун кIевелай инанмиш я.
Пакаман сятдин муьжуьд. Школадин хсуси автобусди, экскурсиядин иштиракчиярни аваз, винелди, Шимихуьруьн дередихъ, еримишна. ЧIурухуьрел агакьайла Гь.Мисриева (машин) автобус акъвазарун тIалабна. Инал ада аялриз дегь заманада инал хуьр арадал атуникай, гуьгъуьнлай анал "Курахский" совхоздин комплексный бригада хьуникай, райондин агьалияр патал и комплексный бригададикай хьайи хийирдикай гегьенш суьгьбет авуна. Амма эхиримжи вахтара и комплексный бригададин гьич тIварни амачирди кьетIендаказ къейд авуна.
ЧIуру хуьрелай са тIимил вини патал Хпежрин багъ ала. Экскурсиядин иштиракчияр и багъдин тарихдихъ галазни мукьувай таниш хьана. Малум хьайивал, хуьруьнви, вилик гьар са кIвалахда сеняткарвал квай Исакьов Ибрагьима колхоздин правленидин вилик инал багъ кутунин месэла эцигнай. Хуьруьн хейлин агьалияр адан меслятдал гьатта хъуьренай. Абур ина багъ жедайдал шаклу тир жеди. Амма Ибрагьим колхозчийрихъ галаз санал Луткуниз фена, къелемар гъана "НацIагъ" участокда багъ кутуна. Са тIимил вахтундилай ина ичерин, чуьхверин, хутарин, шефтелрин тарари бегьер гана. Ингье, багъди алай вахтундани бегьер гузва ва багъ кутур Ибрагьим еке гьуьрметдивди рикIел хкизва. Са шумуд цIуд йисан девирда багъди неинки са Хпежрин, гьакI и дередин маса хуьрерин агьалийризни къуллугъ авуна, гьар йисуз са шумуд тонралди емишар гьукуматдин емишар кьабулдай пунктариз маса гана, майишатдиз къазанжи гъана.
Хпежрин хуьруьн кимел экскурсиядин иштиракчияр тIвар-ван авай музыкант Асланов Мустафади къаршиламишна. Ада чпин хуьруькай са куьруь, амма аялриз лап дериндай бегенмиш хьайи суьгьбет авуна. Ина генани важиблу кIвалах ам хьана хьи, аялар и школада вичи 43 йисалай виниз сифтегьан классрин муаллим яз кIвалахзавай Аюбова Гуьлжегьре муаллимдихъ галаз таниш хьна ва аялри адан чпиз гьакьван таъсир авур маналу суьгьбетдихъ еке гьевесдивди яб акална.
Аялрин бейнида дерин гел тур ва несилрин рикIел гележегдани аламукьдай кIвалах ам хьана хьи, аялри чпин хайи школадай тухвай атирдин ни галай цуьквер Хпежрин хуьре Ватандин ЧIехи дяведин иштиракчийриз эцигнавай обелискдал эцигна.
-Юлдашар,-лагьана обелискдал аялри цуьквер эцигайдалай гуьгъуьниз Гь.Мисриева,-са шумуд агъзурдав агакьна чи районэгьлийри душмандихъ галаз хьайи къайи женгера иштиракна. Гьа жигьетдай яз, Хпежрин хуьряй тир саки виш жегьилдини Гъалибвилин Югъ мукьва авуник чпин пайни кутуна. Гьайиф хьи, са 70 касдиз элкъвена гъалибвал гваз хайи хуьруьз хтун кьисмет хьанач. Абуруз сурарни яд уьлквейра кьисмет хьана. Къе чна абурун экуь къаматриз икрам авуналди, еке гьуьрметдивди абур рикIел хкизва.
Гуьгъуьнлай М.Асланова экскурсиядин иштиракчияр къадим къеледин амукьайрихъ, школадин тарихдихъ галаз танишарна. Иллаки хуьруьн зуьрнечийрин тIварар алай вахтундани дередин агьалийрин рикIел аламайди аялар гьейранарна.
Шимихуьруьхъни кьетIен тарих авайди виридаз ашкара тир. Иллаки къадим къеледин цлар геждалди амайди ва и къеледин тарих школадин учебникра гьатнавайди виридаз ашкара кар тир. Амма са 7-8 йисан вилик аламай эхиримжи цални ацахь хъувуна, гила анжах къеледин са гъвечIи бине алама. Ина хуьруьн тарихдихъ школадин кIелунинни тербиядин кIвалахдихъ галаз экскурсиядин иштиракчияр школадин директор Низама танишарна.
Урсунрин хуьр и дереда лап гъвечIи хуьр я. Агьалияр гьарниз куьч хьана, алай вахтунда ина 14 хизан яшамиш жезва. Жегьил ятIани, ина экскурсиядин иштиракчийрихъ галаз гуьруьшмиш хьайи Гьамидов Рашида хуьруьн тарихдикай хейлин ихтилатар авуна.
Эхирдай экскурсиядин иштиракчияр Хпуькьиз рекье гьатна. Вичи и хуьруьн тарихдикай еке ктаб кхьена саки гьазурнавай райондин образованидин управленидин методист Ахмедов Исамудин и кIвалахдал сергьят авачир кьван шад хьана ва ада хайи хуьруьн тарихдикай лап яргъалди гзаф метлеблу суьгьбетар авуна. Аялар акьван адан суьгьбетди есирда тунвай хьи, гуя вири и крар абуруз кинодин экрандай хьиз чпин вилералди аквазва.
Хпуькьрин юкьван школада вичин вири уьмуьр акьалтзавай несилдиз чирвилер ва тербия гуниз бахш авур ва алай вахтундани вич аялрихъ галаз санал са жергеда авайди яз гьисс ийизвай МутIалиб муаллимди еке гьевесдивди чпин школадикай, хуьруьн тарихдикай, хуьруьн тIвар-ван авай алимрикай метлеблу суьгьбет авуна ва аялар элкъвена хкведайла абуру вичин патай савкьват яз хейлин салан майваярни вахкана. Аялрин патай муаллимри МутIалиб муаллимдиз михьи рикIелди чухсагъул лагьана.
Къейд ийин хьи, экскурсиядин иштиракчияр акъвазай гьар са чкадал абуру аманат яз шикилар яна.
Гуьгъуьнлай ачух чуьлдал тIямлу хуьрекар алай суфра къурмишна. Инални школадин директорди, вири муаллимри алай кIелунин йисуз школа акьалтIарзавай аялрихъ кIелунра еке агалкьунар хьана кIанзавайди, абуру чи Ватандин абадвал патал чеб гьина хьайитIани намуслудаказ зегьмет чIугвазвайди кьетIендаказ къейд авуна.
Ингье экскурсия акьалтIна.
Экскурсиядикай хуш майилар амукьай аялар кIвалериз рекье гьат хъувуна.

Редакциядин патай: Малум тирвал, Кьурагьрин юкьван школадин аялрин общественный уьмуьрдин кIвалахра активныдаказ иштиракзава.Ингье и йикъара муаллимрин иштираквал аваз кьиле тухвай мярекатдихъ кьетIен метлеб авайди чаз ачухдаказ акуна. Школьникри гьакI райцентрдал кьиле физвай гьар са мярекатдани актывныдаказ иштиракзавайди садазни сир туш. Мукьвара ихьтин мярекат 9-классдин аялрихъ галазни тухудайвал я. Обществодиз хийирлу мярекатра аялрин активнывал гегьенш хьуни абурун бейнида дерин гел тазвайдахъ чавай кIевелай умуд кутаз жеда.

--------------------------------------------------------------------------------------------          

П. Магьарамова.
Кар алай проектар – уьмуьрдиз!
Фад амаз чир хьун хъсан я
Сифтени-сифте чна Аллагьдивай чаз сагъ чан гун тIалабзава. Гьелбетда, им инсандиз виридалай герек шей я. ЯтIани, чIехи пай вахтара инсанар са чка тIа жедалди больницадиз сагъламвал ахтармишиз физвач. Алай вахтунда халкьдиз диспансеризация ийидай мумкинвилер ава. Диспансеризация авунин метлеб инсандиз авай азарар винел акъудун, вахтунда азаррин вилик пад кьун я.
И кардин гьакъиндай чна РД-дин Кьил Р.Абдулатипован кар алай проект гьикI кьиле тухузватIа райбольницадин кьилин духтурдин заместитель Гьададов Омар Ибрамхалиловичавай суьгьбет авун тIалабна.
- Чи районда диспансеризация кьиле тухуз алайди пуд лагьай эхиримжи йис я,-лагьана О.Гьададова.
Чна чи райондин агьалияр пуд патал пайна и пуд йисан къене абур ахтармишзава. Алай 2015-йисуз чи районда яш хьанвай агьалийрикай 1600 кас, яни 62,5 процент диспасеризация авунва, аялрикай лагьайтIа, 1560 аял ахтармишнава, яни 80 процент. Йисан эхирдалди диспансеризация тавунвай вири агьалияр диспансеризация ийида. Къенин йикъалди диспансеризация авунвай агьалийриз рикIин тIалар авайбур, стенокардия, артериальная гипертония, сахарный диабет, глаукома ва маса азарар винел акъатнава.
Абуруз чна вахтунда лечение авун чарасуз тирди лагьана.
-Раб дармандикай рахайтIа, алай вахтунда лап тIимил ава, ятIани чна авай дарманралди начагъбур рази жедайвал сагъар хъийиз гьавалат хьанва.

---------------------------------------------------------------------------------------------

Ф. Абдурагьманова.
Райондин ЦЗН-дай хабарар
И мукьвара чи райондин ЦЗН-дин директор Гь.Гьажиханова чаз районда авай бейкарар кIвалахдал таъминарун патал чпи кьиле тухузвай кIвалахдикай ихьтин информация гана.
-Лугьун лазим я, алай вахтунда районда кардик квай ЦЗН-да авай бейкаррин кьадар гзаф хьуниз килигна чи республикадин Зегьметдинни яшайишдин рекьяй вилик финин Министерстводай маса регионриз кIвалахдай жуьреба-жуьре чкаяр жагъурдай мумкинвилер гузва.
ИкI, Ханты-Мансийский автономный округ-Юградин Нижневартовск тIвар алай шегьерда авай ООО "Глобус" фирмади, Ванкорский нафтIадинни газдин мядендиз 3 вацралай виниз вахтадин къайдада кIвалахдай пешекарар кьабулзава.
Къенин юкъуз аниз 15 кас автокрановщикар, 80 кас стропальщикар, 5 кас "Д", 5 кас "Е" категориядин водителар герек къвезва.
Абуруз ина яшамиш жедай чка, йикъа 3 сеферда чими хуьрек, спецодежда (махсус парталдалди), 55-70 агъзур манат пул ва Нижневартовск шегьердай кIвалахдай чкадиз кьван физвай рекьин пулни кьилди гузва. ТIалабзава, кIвалахиз физ кIанзавай ксаривай райондин ЦЗН-диз атун.

---------------------------------------------------------------------------------------------

М.Агьмедова.
Ахтармишунрин   ЕГЭ вахкана
Россиядин вири регионра хьиз Дагъустандани 11-классдин аялри сад лагьай ахтармишунин ЕГЭ вахкана. Кьурагь райондин школайра ахтармишунин ЕГЭ 4 предметдай: базовый математикадай, профильный математикадай, обществознанидай ва урус чIалай 15-сентябрдилай 20-сентябрдалди кьиле фена.
ЕГЭ-дин нетижаяр классрин руководителри и мукьвара жезвай 9-11-классрин аялрин диде-бубайрин собранидал веревирд ийида.

---------------------------------------------------------------------------------------------

Ф. Абдурагьманова
Спорт
Кьезил атлетикадай акъажунар
12-13 - сентябрдиз вири Россияда адет хьанвайвал Избербаш шегьерда, кьезил атлетикадай акъажунар кьиле фена.
И акъажунрин "Шиповка Юных" тIвар алай программадин четырехборьедик 2000-2005- йисара хьанвай аялри иштиракна.
И акъажунриз чи республикадин са кьадар шегьеррай ва районрай 160 жегьил спортсмен атанвай.
Лагьана кIанда, кьезил атлетикадиз виринра "Спортдин ханум" лугьузва, гьавиляй эхиримжи йисара РД- дини адаз кьетIен фикир гузва. Винидихъ лагьай акъажунар кьиле тухунин кьилин макьсад:
РД-да авай школайрин аялрин арада кьезил атлетика машгьур авун, жегьил спортсменрин устадвал хкажун, жегьилар ватанпересар яз тербияламишун тир.
Кьиле фейи акъажунрин программадин иштиракчийри 60-600 метрдиз чукурунай, снаряд гадарунай ва чкурна яргъаз хкадарунай акъажунра иштиракна.
Акъажунра гьар садахъ хьайи агалкьунрин нетижайриз килигна, вири командайри зачетар вахкана. Чи райондай мярекатда иштирак авун патал Кьурагьрин сад лагьай нумрадин юкьван школадин спортсменкаяр тир Хизриева Маина, Гьамидова Мариян, Рамазанова Зубейда, Бабаева Жамиля ва Макеева Айлара фенвай.
Чпин 2002-2003 - йисара ханвай аялрин группайрин арада и командадин аялри 2-чка кьуна.
Сад ва пуд лагьай чкаяр Тарумовский ва Къаякент районрин командайри кьуна.
Кьилди гьар са участникдин арада тухвай первенствода снаряд гадарунай 2 ва 3-чкаяр Рамазанова Зубейдадини, Хизриева Маинади кьуна.
КIвекIвечи ва призовой чкаяр кьур вири спортсменриз РД-дин кьезил атлетикадин Федерациядин патай медалар ва грамотаяр гана.
Лагьана кIанда, чи жегьил спортсменрихъ ихьтин алакьунар хьун, им гьелбетда, чи физкультурадин муаллимри чпин кIвалах гьакъисагъвилелди кьиле тухузва лагьай чIал я.
Чазни райондин руководстводин, райадминистрациядин физкультурадинни спортдин ва жегьилрин крарин рекьяй отделдин патай, абуруз чухсагъул лугьуз кIанзава ва жегьил спортсменрихъ абурун тренеррихъ генани еке агалкьунар хьана кIанзава.
-------------------------------------------------------------------------------------------
 




                                                                                        

Комментарии (0)

Нет комментариев. Ваш будет первым!