Газета №39

З. Саидова.
Терроризмдиз ваъ!
«Элкъвей стол» кьиле фена
1-сентябрдиз районда тешкилнавай Россиядин халкьарин адетрин культурадин центрада информациядинни печатдин управлениди ва райондин администрацияди "элкъвей стол" кьиле тухвана.
«Элкъвей стол» Дагъустан Республикадал вегьей международный бандитрин дестеяр терг авурдалай инихъ 15 йис тамам хьунихъ галаз, Кьиблепатан Осетиядин Беслан шегьерда 2004- йисуз террористри школадал гьужумна 10 йис тамам хьунихъ галаз ва 15- сентябрь Дагъустандин Халкьарин Садвилин Югъ тирдахъ галаз алакъалу яз тухванвайди тир.
"Элкъвей столда" " Кьурагь район" муниципальный тешкилатдин администрациядин кьилин общественный хатасузвал хуьнин рекьяй заместитель М. Хариева, Кьурагьрин 1- нумрадин юкьван школадин директор Гь. Мисриева, Кьурагьрин 2- нумрадин юкьван школадин директор А. Гьажиева, участковый С. Селимова, Россиядин МВД-дин Кьурагь районда авай оперативно-розыскдин хилен уголовный розыскдин отделдин начальник А. Бабахваева, информациядинни печатдин упраленидин начальникдин заместитель Ф. Мирзоева, райондин физкультурадинни спортдин отделдин начальник Р. Рамазанова, агъсакъалринни ветеранрин Советдин председатель Р. Пашаева, Кьурагьрин мискIидин имам Гьажи Шамила, райондин "Дагъдин булах" газетдин кьилин редактор А. Рамазановади иштиракна.
"Элкъвей стол"-дин иштиракчийриз "Гияр" телевидениядин ведущий М. Айдунбекова хейлин суалар гана ва гаф М. Хариеваз гана. Ада 3-сентябрь Садвилин Югъ яз малумарнавайвиляй "Кьурагь район" муниципальный тешкилитдин кьили 27-августдиз 23-нумрадихъ акъуднавай къарардал асаслу яз терроризмдизни экстризмдиз акси яз мярекатар кьиле тухвайди ва тухунни ийизвайди къейд авуна.
Гуьгъунлай рахай школайрин директорар тир А. Гьажиевани Гь. Мисриева школайра 3- сентябрдиз "Дирибашвилин тарсар" тухвайди, ихьтин тарсар гьамиша тухузвайди, Гь .Мисриева майдин вацра муаллимрихъ галаз имам Гьажи Шамила гуьруьшмиш хьайиди, А. Гьажиева тарсар тухунлай гъейри, школадин цларал экстремизмдизни терроризмдиз акси стендар алайди лагьана.
Инал Гьажи Шамила вичин рахунра диндикай хейлин суьгьбетар авуна. Ада Исламдани терроризм ва экстремизм негь ийизвайди, са касдин чандиз къаст авун им вири обществодиз къаст авун лагьай чIал тирди, алай вахтунда бязи районра школада кIелзавай аялар диде-бубайри школайриз рахкур тийизвайди ва им чIуру кар тирди, диндани гьар патахъай чирвал авайбур хьана кIанзавайди, чирвал авачир инсанар хьайила бахтсузвилер арадиз къвезвайди лагьана. Ада мад чеб школайриз физ, анра аялрихъ ва муаллимрихъ галаз гуьруьшар тухузвайди къейдна.
Ада вичин суьгьбетдин эхирдай диндиз яракьдалди, дяведалди ваъ, диндиз чирвилералди гьахьна кIанда лагьана.
Анал рахай Россиядин МВД-дин Кьурагь районда авай оперативно- розыскдин хилен уголовный розыскдин отделдин начальник А.Бабахваева чеб школайриз физ гуьруьшар тухузвайди, рекьелай алатзавай аялар авайди, ихьтин аяларин кьил гиламаз кьун тавуртIа, ахпа абур кIелиз фейи чкайра генани рекьелай алатдайди лагьана.
Мад инал рахай информациядинни печатдин управленидин начальникдин заместитель Ф. Мирзоевани агъсакъалринни ветеранрин Советдин председатель Р. Пашаева вирида сад хьана и татугайрвилер арадай акъудна кIандайди къейдна.
Райондин физкультурадинни спортдин отделдин начальник Р. Рамазанова сифтени-сифте мярекат тешкилнавайбуруз чухсагъул малумарна, ахпа чпи августдин вацра 1999-йисуз Дагъустандал вегьей международный бандформированияр терг ийидайла телеф хьайи чи ватанэгьли игит З.Султанован руьгьдиз бахшна гьар йисуз кьиле физвай футболдин турнир тухвайди, августдинни сентябрдин вацра Бесландин школа террористри кьурдалай инихъ 10- йис тамам хьуниз, Дагъустандал вегьей международный бандитрин десте тергна 15 йис тамам хьуниз ва 15- сентябрдиз Дагъустандин Халкьарин Садвилин Югъ яз хьуниз талукьарна спортдай мярекатар кьиле тухванвайди ва тухунни хъийизвайди къейдна.
"Элкъвей столда" райондин газетда и вакъиайриз талукьарна гьихьтин кIвалах кьиле тухванва лагьана суал гайила А. Рамазановади газетдин эхиримжи нумрайра Бесландиз, игит З. Султановаз ва Дагъустандал вегьей бандитрин десте терг авуна 15 йис тамам хьуниз талукьарнавай материалар акъуднавайи лагьана. Ада райондин идарайрин руководителривай терроризмдиз акси кIвалахдикай газетдиз материалар гъун тIалабна.
"Элкъвей столдин" иштиракчийри авай гьал яргъалди веревирд авуналди, мад сеферда халкьар вири сад хьана терроризмдиз ва экстремизмдиз рехъ тагана, чи республикада ва Россияда садвал туна кIанзавай фикирдал атана.
------------------------------------------------------------------------------------------------

М. Агьмедова.
Авданламишуниз – шегьре рехъ
Куьчейриз къир цазва
Эхиримжи йисара райондин руководстводи район яшайишдинни экономикадин рекьяй вилик фин патал кьетIен фикир гузва, цIийи дараматар эцигзава, рекьер туькIуьрзава хейлин маса кIвалахар авунва. 11- сентябрдиз Кьурагьрин хуьруьн куьчейра къир цунин кIвалах гьикI кьиле физватIа килигиз, чун чкадал фенвай. Ана кIвалах йигиндиз кьиле физвай.
КIвалах кьиле физвай чкадал алай прораб ТIаиб ТIаибован гафарай чаз малум хьайивал, вири санлай къачурла инал 18 рабочийди кIвалахзава. Инин подрядчик ООО "Югагромпромстрой" я. Лазим тир техникани вири ава.
Къир МирчIийрин мягьледилай гатIумна центральный куьчедал кьван райондин администрациядин бюджетдай чара авунвай пулдин такьатрихъ цазвайди я. МирчIийрин мягьледа авай мискIиндилай гатIумна пIиревай гъуз центральный куьчедал кьван кьурагьви, Краснодарда яшамиш жезвай карчи Гьажикъурбан Гьажиева вичин хажрийрихъ къир цазва.
Къуй гьар са хуьруьхъ, кIвалихъ гьа ихьтин кьегьал рухваяр хьурай.
Чна умудзава ихьтин рухваяр мад акъатдайди, хайи район, хъуьр аваданламишуниз куьмек гудайди.
-------------------------------------------------------------------------------------------------

 И.о.прокурора района Э.А. Алиметов.
В чем отправить ребенка в школу?
В связи с началом нового учебного года у многих родителей возникают вопросы о том, в чем можно отправить ребенка в школу, какую форму одежды предпочесть, что предлагает образовательное учреждение.
Федеральный закон "Об образовании в Российской Федерации" в ст. 28 указывает, что установление требований к одежде обучающихся относится к компетенции образовательной организации, если иное не установлено настоящим Федеральным законом и законодательством субъекта Российской Федерации.
Требования к одежде обучающихся, школьников необходимо в целях: обеспечения светского характера образования; обеспечения обучающихся удобной и эстетичной одеждой в повседневной школьной жизни; устранения признаков социального, имущественного и религиозного различия между обучающимися; предупреждения возникновения у обучающегося психологического дискомфорта перед сверстниками.
Предлагаются следующие виды одежды: повседневная одежда, парадная одежда, спортивная одежда.
Повседневная одежда для мальчиков и юношей включает:
Брюки классического стиля, пиджак (жакет) или жилет нейтральных или неярких цветов, однотонную сорочку, аксессуары (галстук, поясной ремень); в холодное время года - джемперы, свитеры, пуловеры нейтральных или неярких цветов;
Для девочек и девушек - пиджак (жакет), юбка, сарафан или брюки классического стиля нейтральных или неярких цветов; непрозрачную блузу, платье, которое может быть дополнено белым или черным фартуком, воротником (длина платьев, юбок, сарафанов не выше 10 см от верхней границы колена и не 10 см нижней границы колена.
Парадная одежда, которая используется школьниками в дни проведения праздников и торжественных линеек:
-для мальчиков и юношей состоит из повседневной школьной одежды, дополненной светлой сорочкой или праздничным аксессуаром;
- для девочек и девушек состоит из повседневной школьной одежды, дополненной светлой блузой или праздничным аксессуаром.
Спортивная одежда школьников включает футболку, спортивные шорты или спортивные брюки, спортивный костюм, кеды или кроссовки.
Внешней вид и одежда обучающихся образовательных организаций должны соответствовать общепринятым нормам классического стиля и носить светской характер. Вместе с тем, при принятия решений о ведении требований к одежде для обучающихся необходимо учитывать материальные затраты малообеспеченных и многодетных семей.
Со стороны администрации образовательных организаций и педагогических коллективов не должны допускаться действия, направленные на принуждение родителя (законного представителя) ребенка приобретать одежду обучающегося у конкретного поставщика (производителя).
Следует указать, что при решении данного вопроса - установлении требований к одежде школьников необходимо помнить основополагающий принцип российского оброзования, его бесплатность и доступность.
Согласно ст. 43 Конституции Российской Федерации, каждый имеет право на образование. Основное общее образование обязательно. Право человека на получение образования гарантируется государством. Какая - либо дискриминация в сфере образования по признаку пола, расы, национальности, социальной принадлежности, тем более формы одежды, недопустима.
С учетом гуманистического характера нашего образования, свободного развития личности, независимо от того, смогли родители приобрести ребенку к новому учебному году новую форму одежды или нет, права и интересы детей не могут нарушаться ни кем.

-------------------------------------------------------------------------------------------------

Гь. Рамазан.
Анвар Ажиеван 100 йис
Масадаз ухшар авачир шаир
Дагъустандин халкьдин шаир, гьукуматдин хейлин премийрин лауреат, рикIелай тефидай Абдулгьамидан хва Анвар Ажиеван алай йисуз 100 йис тамам хьанва. Ам къумукь миллетдин лап хъсан рухвайрикай сад яз хьана ва гилани яз ама.
А. Ажиев Хасавюрт райондин Костек хуьре хана. Адан яратмишунар ахтармишайбуруз адаз къумукьрин поэзиядин суьгьуьрчи лагьанай. Советрин литературадин классикар тир Николай Тихонова, Расул Гьамзатова, Къайсын Къулиева ва масабуру адан зегьметдиз чIехи, къимет ганай.
Вич Дагъустандин литературадиз алатай асирдин 30- йисара атана. Ам кечмиш хьун чи эдебият патал еке магьрумвал хьана.
Къумукьрин писатель, литературавед, машгьур критик Камал Абукован гафаралди А. Ажиев садазни ухшар авачир, анжах вичин рехъ гвай шаир Ирчи Казаказни мукьвавал авачир, вич вичел гзаф алахъдай, вич са артух къалуриз алахъ тийидай, писателрин съездрани вич камаллудаказ тухудай, масадбуруз гьуьрметлу, хизандани, идарадани инсанвилелди тухудай кас тир.
Ада кIелзавайбур патал гзаф шииррин кIватIалар туна:
"ЦIийи хъхьун", "Гьужум", "Шуьшкаяр", "Къумукьрин дереяр", "Хважамжам", "РикIин кун", "Зи хвал" ва масабур. Адан гзаф шиирар манийриз элкъвена, композиторри гьаваяр туькIуьрна.
Рахун физвай шаир сатирикни тир. Гьахьтинбурукай чавай "Ханив хала", "Карсуздан дуьа", "Кайи къайгъанах"…
Шаир къумукьрин театрдивайни къерех хьана акъвазнач: ада В. Шекспиран, М. Горькийдин, Ч. Айтматован ва масабурун пьесаяр къумукь чIалаз элкъуьрна. Адан муьгьуьббатдин лирикадихъ галаз санал лирикадинни философиядин поэмаяр кхьена: "Гатфарин жигъирдаваз", "Хкахь тийир гъетер", "ДакIарра эквер"…
«Заз адан черновикар акуна,- рикIел хкизва К.Абукова,- ада гаф чIур тавуна, цIийиди кхьидай».
Таржумаяр ийидайлани, ам рикI кваз жавабдарвилелди эгечIдай. Ада къумукь чIалаз Крылован басняяр, Блоканни Маяковскийдин лирика, Р. Гьамзатован, Къ. Къулиеван, Муса Желилан шиирар элкъуьрна.
СтIал Сулейман премиядин лауреат, ам галатун тийижир, ял ягъун чин тийидай, курортар саймиш тирди яз амукьна.
Заз ам 70-йисара Дагъустандин литературайрин журналрин кьилин редактор тирла чир хьайиди я. А вахтунда журналрин тIвар "Дуствал" яз акъатзавай. Чи Межид Гьажиева зун адахъ галаз танишарнай.
Лагьана кIанда, гележегдин несилдиз школада амаз дагъларин уьлкведин эдебият кIанариз алахъна кIанда. Халкьарин дуствал, абадвал, агьвалувал хъсанар авун патал литературада чарасуз тирди, гзаф сеферра гьайиф алай девирди рикIелай ракъурнава лагьайтIа жеда…
А. Ажиев кутугай къилихрин, вич мадни винелди хкажун патал чин чуьгуьндинди авун, гьаясузвал адаз кIан тушир. Дуьз лагьайтIа, чи йикъарани гьахьтинбур авайди я, ятIани Анвар Анвар яз амукьда. Я режимдивай, я хьайи еке дегишвилеривай адан къилих, алахъунар дегишариз хьанач.
ЯтIани адан къимет, къуват, гележегдин несилар патал чешне, Ирчи Казак хьиз, асирра амукьда,- кхьизва эхирдай критик Камал Абукова.
Заз адан цIарар давамариз кIанзава: "А. Ажиев уьмуьрдай фейила, къумукьрин литература, пехилвиляй куьчедай физвайбуру шуьшеяр хана, къайи гар къекъвезвай кIвализ ухшар я".
Эхирдай авторди кхьизва: Анвар Ажиеван яратмишунар галачиз, гележегда чаз экуьнахъ кIвал атIайбур хьиз гьисс авунихъай жез кичIезва".
Ахъа хьайи нукьсанар гележегдин несилри туькIуьр хъувун чарасуз я. Герек авачир чкадай тIвек хьун, ам туькIуьр хъувун тавуни цIийи кимивилериз, рехъсузвилериз чка гуда.
Заз къумукьрин писателрикай чидайбурни ава. Месела, Мегьамед Атабаев, ада зун хушвилелди кьабулна. Гьатта вичивай заз вуч куьмек кIанзава лагьана хабар кьуна. Гьа ихьтин чаз куьлуь-шуьлуь яз аквазвайбурулай гьуьрмет, дуствал, адалат, инсанвал башламишзавайди я. Гьа ихьтинбурукай сад виш йисара амукьдай халис халкьдин шаир Анвар Ажиевни тир.
--------------------------------------------------------------------------------------

З.Саидова.
Спорт
Кьезил атлетикадай акъажунар кьиле фена
12-сентябрдиз Кьурагьрин стадионда райондин школьникрин арада Дагъустан Республикадал вегьей международный бандитрин дестеяр терг авурдалай инихъ 15 йис тамам хьуниз, Дагъустандин халкьарин Садвилин йикъаз талукьарна кьезил атлетикадай акъажунар кьиле фена.
Акъажунар башламишдалди муниципальный тешкилатдин кил З.Азизован, администрациядин кьил С.Гьамидован, Дагъустан Республикадин здравоохраненидин министрдин заместитель Ф. Гьабибуллаеван иштиракчивал аваз и йикъариз талукьарнавай митинг кьиле фена.
Митинг "Кьурагь район" муниципальнцый тешкилатдин администрациядин кьил С. Гьамидова ачухна ва кIватI хьанвай виридаз и мярекат тебрикна.
С. Гьамидова вичин рахунра 1999-йисуз игитвилелди телеф хьайи Россиядин Федерациядин Президентдин Указдалди "Дирибашвилин ордендиз" лайихлу хьайи чи районэгьли З. Султанов рикIел хкана.
Гуьгъуьнлай рахай Ф. Гьабибуллаева райондин агьалийрин рикIел 1999-йисуз Дагъустанда кьиле фейи вакъиаяр, гьа жигьетдай кьилди лагьайтIа, абуру Ансалта, Рахата, Чабан-Махи, Кара-Махи хуьрерал террористри авур гьужумар ва и вахтунда Россиядин МВД-дин къенепатарин кьушунрихъ галаз гуьгьуьлвилелди Дагъустандин милетар сад хьана арадиз атанвай батальонар дяведиз къарагъайди ва хайи Ватан террористрикай михьайди рикIел хкана.
Митинг куьтягь хьайила, сятдин 11-даз Россиядин Федерациядин Гимн яна, ва Россиядин Федерациядинни Дагъустан Республикадин пайдахар хкажна, спортдин акъажунар башламишна.
Акъажунар агъадихъ галай жуьрейрай кьиле фена:
100 метрдиз чукурунай (рушар ва гадаяр);
гранат гадарунай (гадаяр ва рушар);
чкадилай яргъаз хкадарунай (гадаяр ва рушар);
3000м. кроссдай (гадаяр), 1500 м. кроссдай (рушар);
армрестлингдай (гадаяр); турникдик ченеяр кягъунай (гадаяр); чилик ченеяр кягъунай (рушар); цIил ялунай(гьар са командада 6 кас аваз);
ИкI, са шумуд сятда кьиле фейи акъажунра сад лагьай чка КIирийрин юкьван школадин, 2- чка КIирийрин школа-интернатдин, 3- чка КьепIиррин юкьван школадин командайриз хьана.
Акъажунар куьтягь хьайила "Кьурагь район" муниципальный тешкилатдин кьил З. Азизов рахана. Ада мад сеферда и кьиле фейи мярекат виридаз мубаракна, аялриз идалай кьулухъни спортдин ва кIелунин рекьяй еке агалкьунар хьана, абурукай хайи район ва Дагъустан вилик тухудай еке кьегьелар хьун вичин мурад тирди лагьана.
Акъажунра гъалиб хьайи иштиракчийриз З. Азизова медалар, грамотаяр, къиметдин пишкешар гана. Гъалиб хьайи командайриз Кубокар гана.
Акъажунар кьиле тухвай райондин физкультурадинни спортдин отделдин начальник Р. Рамазанова и мярекат кьиле тухунин кьилин макьсад районда спорт машгьур авун ва райондин школьникри сагълам уьмуьр кечирмишун тирди къейдна ва аяларихъ гьам спортдин, гьам кIелунин рекьерай еке агалкьунар хьурай лагьана.
------------------------------------------------------------------------------------------------

Директор ЦЗН Гаджиханов Г. С.
Информация
ГКУ РД ЦЗН в МО " Курахский район" доводит до сведения граждан с ограниченными физическими возможностями, что в Евпатории более 10 лет работает КРУ «Межрегиональный центр профессиональной реабилитации инвалидов». Центр представляет собой современное комфортабельное трехэтажное здание с обустроенными учебными кабинетами и производственными мастерскими, столовой, кухней, общежитием, медицинским блоком, библиотекой, тренажерным залом, залом лечебной физкультуры, бильярдной.
В центре созданы все условия для без барьерного перемещения инвалидов: пандусы, лифты, широкие коридоры, отсутствие порогов. Есть современный автобус для поездок на дальние расстояния и микро - автобус с подъемниками для инвалидов-колясочников.
Учреждение осуществляет реабилитацию людей с ограниченными физическими возможностями с целью их социализации и интеграции в общественную жизнь, включающей в себя следующие виды реабилитации: профессиональную, трудовую, медика - социальную, психологическую, физическую.
Главным направлением работы Центра является курсовое профессиональное обучение инвалидов. Слушатели Центра могут получить одну из 17 рабочих профессий, актуальных на современном рынке труда.
Более подробную информацию о деятельности данного Центра и стоимости обучение можно получить в ЦЗН в МО "Курахский район".

-------------------------------------------------------------------------------------------

Мурсал Гьасретов
Гад акъатна зул атана
Гад акъатна зул атана,
Халкьдик ква гьерекат.
Ляметар чаз бул хьанва,
Артух хьурай берекат.

Гад гьарай тир, юлдашар.
Авуна чна гьерекат.
Зегьмет кIани чи халкьдиз
Чили гана берекат.

Кьураматдин гимияр
Магьсулар гиз никIера.
Берекат бул хьайила,
Шадвал хьана рикIера.

Халкьдин гъилин берекат
Чи уьлкведа бул хьана.
ЦIинин зул чаз виридаз
Лап къизилдин зул хьана.

Берекатдин нур ала
Чи Ватандин чилерал.
Алайди я гьакI берекат
Зегьметкешдин гъилерал.

Зирек нехирбан
КIвачел резин чекмеяр
Алаз фидай нехирдал.
Дамах ийиз жедай ам
Вичин шад тир уьмуьрдал.

Чи къуншидал нехирбан
Алаз шумуд йисар тир.
Гьар са жуьре кеспи-къаст
Гьахьтин зирек устIар тир.

Мал-къарадал а касди
Зегьмет гьакIа чIугвада.
Як-ниси гуз базарда
Ам гьамиша аквадай.

Бул хьун патал як-ниси
Мал-къарадихъ гелкъведа.
Яйлахда гьакI данаяр
Жейранар хьиз къекъведа.

Жедай адан чантада
Таза-таза лавашар.
ЦIайлапанар гъилелди
Идай ада явашар.

Мал-къара хуьх, юлдашар,
Квез некIедин булах я.
Куьн къапуна жедайди
Няметлу тир къаймах я.

Вагьши гьайван атайтIа,
Мал-къарадин ванцелди.
Бамишарда ада ам
Вичин гужлу гъилелди.

Фад къарагъна жез кIвачин,
Ам кIекерин ванцелди.
Мал-къарадиз килигда
ЭкъечIна ам къецелди.

Дагъларин тик синера
Дагъдин кард хьиз къекъведа.
Якни-ниси хизандиз
Гваз ам кIвализ хкведа.
---------------------------------------------------------------------------------------------------

Маллакентрин юкьван школади 1979-йисуз Къазиханов Ибадулагь Къазихановичан тIварунихъ ганвай 461287-нумрадин аттестат квахьнава. Ам ихтибарда амач.
--------------------------------------------------------------------------------------------------

Ашарин юкьван школадин муаллимрин коллективди Мегьамедова Зияфатаз диде, Абдуллаева Динарадиз чIехи диде ЗАГЬИДАТ рагьметдиз финихъ галаз алакъалу яз башсагълугъвал гузва.
--------------------------------------------------------------------------------------------------

Комментарии (0)

Нет комментариев. Ваш будет первым!