Газета №39

 ПОСТАНОВЛЕНИЕ №49
от 01.09.2015 г.
О проведении месячника по благоустройству и санитарной очистке на территории Курахского района
В целях улучшения санитарно - эпидемиологического благополучия на территории района и обеспечения проведения общественных работ
п о с т а н о в л я ю:
1. С 15 сентября по 15 октября 2015 г. объявить на территории Курахского района месячник по благоустройству и санитарной очистке территорий (Далее - месячник).
2. Провести 3 октября 2015 года общерайонный субботник.
3. Для организации проведения субботника создать комиссию в следующем составе:
1. Хариев М.Г. - И.О. главы администрации МО "Курахский район".
2. Исаева Э.Б. - зам. главы райадминистрации.
3. Исаев А.И. - зам. главы райадминистрации.
4. Мисриев Ш.Г. - руководитель МУП "Курахское ЖКХ".
5. Катибов Р.М. - начальник отдела образования.
6. Агабалаев Л.А. - начальник ОАО "Курахский ДЭП №23".
7. Главы сельских поселений - по подчиненности территорий
(по согласованию).
4. Руководителям учреждений и организаций, главам сельских поселений до 15.09.2015 г. определить виды и объемы проводимых работ в рамках месячника.
5. Начальнику отдела образования администрации МО "Курахский район" Катибову Р.М. организовать активное участие учреждений образования в месячнике и санитарной очистке общественных мест.
6. Рекомендовать главам сельских поселений принять меры по проведению месячника по благоустройству и санитарной очистке территорий поселений.
7. Для координации работы учреждений и организаций администрации сельских поселений в период проведения месячника и обеспечения участников районного субботника фронтом работ и техникой, создать рабочую группу в составе:
1. Исаевой Э.Б. - зам. главы райадминистрации.
2. Мисриева Ш.Г. - руководителя МУП "Курахское ЖКХ".
3. Рамазанова В. З.М.- ответ. секретаря админ. комиссии райадминистрации.
4. Агакеримова А.М. - упол. по работе с сельскими поселениями.
5. Меликова И.М. - упол. по работе с с/поселениями в низменной зоне.
8. Руководителю МБУ "Управления культуры информации и печати МО "Курахский район" Будаеву А.А.:
- обеспечить размещение информации о проведении месячника в средствах массовой информации;
- опубликовать настоящее постановление в местной газете "Горный родник" и на официальном сайте МО "Курахский район";
- еженедельно размещать в средствах массовой информации состояние и ход проведения месячника в сельских поселениях района.
9. Контроль за исполнением настоящего постановления возложить на и. о. главы администрации МО "Курахский район" Хариева М.Г.
Глава МО "Курахский район" З. Азизов.

---------------------------------------------------------------------------------------------

Ф.Мегьамедова.
Чи интервью
Районда Общественный палата тешкилнава
Малум тирвал, алай йисуз чи районда Общественный палата тешкилнава. И мукьвара чна анин председатель яз хкянавай Къайибов Къайиб Алиевичавай Общественный палатадин кIвалахдикай суьгьбет авун тIалабна.
Куьруь къейд: Къайибов Къайиб Алиевич 1948-йисуз КIирийрин хуьре дидедиз хьана. КьепIиррин 11 йисан школа акьалтIарайдалай кьулухъ ДГУ-дин филологический факультетдиз гьахьна. Винидихъ тIвар кьунвай ВУЗ-да военный кафедрани акьалтIарна ва офицервилин чинни къачуна.
ДГУ акьалтIарайдалай кьулухъ 1974-йисалай 1978-йисалди КIирийрин юкьван школада военруквиле, 1978-йисалай кIелунинни тербиядин рекьяй завучвиле, 1979-йисалай 1983-йисалди школадин директорвиле кIвалахна. 1983-йисалай 1986-йисалди Советдин председателвал авуна. Гуьгъуьнлай школада дидед чIаланни литературадин муаллимвиле кIвалахна. Хайи чIал хуьн патал еке зегьмет чIугуна. Ам гьакI са шумуд йисуз райондин методобъединенидин кьиле акъвазна. Къайиб Къайибоваз гьакъисагъ зегьметдай 2003-йисуз "Дагъустан Республикадин лайихлу муаллим" тIвар гана.
2007-йисуз "Виридалайни хъсан муаллим" тIвар гуналди, РФ-дин образованидин министр А.Фурсенкодин къул алай грамотани галаз Россиядин Президентдин грантдин сагьиб хьана. Ам гьакIни хейлин маса наградайрин сагьибни я ва 2014-йисуз райондин вилик хьайи лайихлувилерай награда къазанмишна.
Адахъ кьуд велед ава.
-Къайиб Алиевич, чаз малум тирвал, районда Общественный палата тешкилнава. Чна квевай ам мус тешкилнатIа ва адан кIвалахдикай суьгьбет авун тIалабзава.
-Общественный палата 2015-йисан мартдиз тешкилнава. 15-апрелдиз республикада вири районрин Общественный палатайрин председателар ва районрин кьилер санал кIватIна, республикадин Кьил Рамазан Абдулатипован иштираквал аваз совещание тухвана. РД-дин Общественный палатайрин председатель Гьамзатов Гьамзат Мегьамедовича шегьеррин ва районрин Общественный палатайрин вилик акъвазнавай везифайрикай гегьенш рахунар авуна. Рамазан Абдулатиповани Общественный палатайрин вилик алай аямда гьихьтин важиблу месэлаяр акъвазнаватIа ва абур уьмуьрдиз кечирмишунин карда Общественный палатайрин членрик еке умуд кутазвайди ва кьилиз акъудун патал еке кIвалах тухун лазим тирди къейдна.
-Общественный палатадин везифаяр гьихьтинбур я?
-Общественный палатадин везифа чун яшамиш жезвай обществода дуьзвал, гьахълувал, ислягьвал хуьн патал чпин везифаяр кьилиз акъуд тийизвай жавабдар ксар тагькимарун ва сагълам общество арадал гъун патал кIвалах тухун я.
-Общественный палатадин къурулушдик шумуд кас ква?
-Райондин Общественный палата 22 члендикай ибарат я. Абур райондин вири хуьрерай хкянава.
-Общественный палатадин членрин везифаяр гьихьтинбур я?
-Абурун везифаяр гьарда вич яшамиш жезвай чкада халкьдин гьар йикъан игьтияжриз фикир гуникай ибарат я.
-Къенин йикъалди куьне общественный палатадин членрихъ галаз гьихьтин кIвалах тухванва?
Чун вири хуьрериз физ членрихъ галаз таниш жезва ва абурухъ галаз кIвалах тухузва, мукьвал-мукьвал кIватI жез вилик акъвазнавай везифаяр веревирдзава.
Гележегдани нетижаяр арадал къведайдахъ чун умудлу я.
-Чухсагъул квез чахъ галаз суьгьбет авунай.
-Квезни чухсагъул.
---------------------------------------------------------------------------------------------

З.Саидова.
ЦIийи кIелунин йисаз гьазурвилер акунва
Чун цIийи кIелунин йис башламишдалди вилик райондин образованидин учрежденияр цIийи кIелунин йисаз гьикI гьазур хьанватIа чирун патал хейлин хуьрериз фена, ахтармишнай.
ЦIийи кIелунин йис аялри ва муаллимри хъсан нетижаяр ва менфят къачудайди хьун патал райондин хуьрерин школайра са кьадар ремонтар кьиле фенва. И школайрикай сад Хпежрин школа я.
Ина чун школадин директор Мирзеханова Кевсер Жамидиновнадихъ галаз гуьруьшмиш хьана.
Ада чаз вичин рахунра къейд авурвал, Хпежрин школа 1935-йисалай кардик квайди я. И школада алукьзавай 2015-2016-кIелунин йисуз 18 аялди кIелда. Аялриз чирвилер гун патал ина вири предметрай бес кьадар муаллимар ава. Сад лагьай классдиз пуд аял къведа. Абурузни чими хуьрекар гун патал ина кухня ва гьанани герек тир къаб-тIур, столар, стулар, хуьрек гьазурдай пич, чими ва къайи ятар ава.
Школада физикадинни информатикадин кабинетар ава. Анагар герек тир вири тадаракралди таъмин я.
Пардалди чими ийидай система къайдадик ква. ЦIуз акси система къайдадикай хкатнавайвиляй ам туькIуьр хъийиз тухванва. И йикъара хкун лазим я. Герек тир кьадар партаяр, стулар ава.
Лугьун лазим я, къенин юкъуз и школадихъ спортзал авач. И кардин патахъай ина четинвал ава. Аялрин чирвилерикай рахайтIа, шаз ЕГЭ-яр вири санлай къачурла 8 аялди вахканва, ибурукай 4 аял 9-класс ва 4 аял 11-класс куьтягьнавайбуру вахкана.
Ремонтар лагьайтIа, июлдин вацралай августдин вацралди авуна.
Ремонтар муаллимрини техперсоналди авунвайди я. Школадин вири помещенияр асунна, полриз ва рак-дакIардиз ширер янава.
И школадик пластикадин ругуд дакIар кутунва. Амай дакIарарни чна яваш-яваш дегишар хъийида.
Школада аялриз хъсан чирвилер гун патал чна вири къуватар желб ийида.
--------------------------------------------------------------------------------------------
ИкI, Хвережрин школада июлдин вацралай башламишна ремонтар кьиле фена. Ина авунвай кIвалахрикай лагьайтIа, полриз ширер янава, асунар авунва, школадин гьаятарни михьивал аваз къайдада ава.
Хъувуна кIанзавай кIвалахрикай лагьайтIа, ина пластикадин дакIарар кутунва, амма дакIаррин къене патан цлар сувагъар хъувуна кIанзава. И сувагъар хъувун паталдини ина къум ва цемент гъана чкадал ала.
Са классдин полдин тахтайрай араяр хьуниз килигна, и полдиз линолеум вегьедай меслятни авунва. Амма са татугайвал ава школада хъуьтIуьз бегьемвилелди чими жезвач. Хъсан жедай, къаяр алукьдалди и пардалди чими ийидай системани кардик кухтун хъувунайтIа.
И ремонтар вири школада кIелзавай муаллимрини техперсоналди авунвайди я. Ремонтар авун патал материалар райондай ахъайнавайди я.
Чна умудзава, и хъувуна кIанзавай кIвалахарни кьуьд алукьдалди вири авуна арадиз акъуддайди.

-------------------------------------------------------------------------------------------

Хпуькьрин школадин дарамат,-лагьана школадин директор К.Гьуьсейнова,-1936-йисуз эцигнавайди я. И школада вири 15 помещение ава. Школада 39 аялди чирвилер къачузва, ина и аялриз чирвилер гун патал 18 муаллимди зегьмет чIугвазва.
Школада урус чIаланни информатикадин кабинетар ава. И кьве кабинетни лазим тир вири тадаракралди таъминарнава. Ремонтрикай рахайтIа, цIинин йисуз ина ремонтар августдин вацра кьиле фена. Ина полриз, ракIарриз ширер янава, цлар асунарнава. Ремонтар муаллимрини техперсоналди авунвайди я. И ремонтар авунвай пулдин такьатар райондай ахъайнавай хозрасходрин пулдихъ авунвайди я.
Школадин къвалав цIийиз эцигнавай спортзалдин полдик квай тахтаяр ктIанва.
И кардин патахъайни чна лагьанвайди я. И мукьвара анаг цIийи хъийида. Школа куьгьнеди ятIани, 2009-йисуз инин вири помещенийрик пластикадин дакIарар кутунва. Школада авай партаяр, стулар ва доскаяр лап куьгьнебур я. Авач лагьайтIани жезва. Чна умуд кутазва чаз и герек шейэр къачун патал райондин руководстводи куьмек ийидайдак.
Къуй куь умудар кьилиз акъатрай. Чи аялрихъни алукьзавай цIийи кIелунин йисуз еке агалкьунар хьурай!

-------------------------------------------------------------------------------------------

Ремонтар Хвережрин "Сказка" тIвар алай ясли-бахчада гьикI кьиле фенатIа чирун патал чун чкадал фена, алай вахтунда ясли-бахчадин заведующийдин везифаяр вахтуналди тамамарзавай Ахидадова Гуьлбагьар Исамудиновнадивай хабар кьуна.
ИкI, алай йисан 20-июлдилай 1-августдалди Хвережрин "Сказка" тIвар алай ясли-бахчада ремонтар кьиле фенва.
Дугъриданни, Хвережрин "Сказка" тIвар алай ясли-бахчада къайда ва михьивал ава. Ремонт ийидай ширер ва крежар райондин образованидин отделдай ахъайнавайди я. Ремонт ясли-бахчадин работникри вири сад хьана гьакъисагъвилелди авунва. Абуру къене патар асунар авунва, ширер янава, чилерик квай паласар чуьхвенва, гьаятда авай аялар ацукьзавай скамейкариз ширер янава. Хъувуна кIанзавай кIвалахарни ама, амма вири пулдин такьатрилай аслу я. Аялар къугъвазвай площадкадал алай перпилагриз ширер яна кIанзава, къум гъана кIанзава.
Чна куь фикирар вири кьилиз акъатдайдак умуд кутазва.

-------------------------------------------------------------------------------------------

Ф.Абдурагьманова.
Бейкаррин къайгъуда
Чи газетдиз райондин ЦЗН-дин начальник Гьажиханов Гьажихан Садудиновича чпин Центрди бейкар агьалияр кIвалахдалди таъминарун патал кьиле тухузвай кIвалахдикай мукьвал-мукьвал макъалаяр гузва.
Къенин юкъуз и рекьяй чпи кьиле тухузвай кIвалахрикай ада чаз ихьтин информация гана.
-Гьажихан Садудинович, куьне чаз идалай вилик газетдин нумрайра гайи информациядай чаз чир хьайивал, чи гьукуматда эхиримжи йисара бейкарриз кIвалах жагъурун патал кардик кутунвай са кьадар программаяр акъвазарнава. Бейкаррин кьадар тIимил хьун патал куьне къенин юкъуз гьихьтин маса кIвалахар вилик тухузва?
-Дугъриданни, са шумуд йисан вилик кардик кутунвай "Бейкар агьалийриз кIвалах жагъуриз куьмек гунин гьакъиндай" тIвар алай программадик са кьадар маса хилерни кутунвай. Амма, алай вахтунда виринра финансовый кризис арадал атуниз килигна, ЦЗН-дани и программайрин кIвалах акъвазарна. Лагьана кIанда, къенин юкъуз чаз Министерстводай бейкарриз кIвалах жагъурдай маса мумкинвилер гузва.
ИкI, цIийиз чи Россиядин Федерациядик акат хъувунвай полуостров Крымда авай Севастополь шегьерда кардик квай ООО "Агрофирма Золотая Балка" тIвар алай карханадиз, алай йисан 15- сентябрдилай 15- октябрдалди 300 касдиз уьзуьмар кIватI хъийиз ва абур обработка ийиз атун теклифнава. КIвалах гузвай работодателри атай бейкарриз вири игьтияжар авай социальный пакет, гьафтеда 5 юкъуз кIвалахдай мумкинвилер, питание ва яшамиш жедай чка гузва.
ТIалабзава ина кIвалах ийиз кIандай ксаривай чи ЦЗН-диз атун.
------------------------------------------------------------------------------------------

Атлухан Рагьимханов.
Вахтунда агакьна
2015-йисан 4-августдиз нисинихъ Кьасумхуьрелай КIиридиз хтай Кьурагь райондин субсидийрин отделдин начальник Батманов Батманаз КIири хуьруьн "Калапад" участокдин тамун къерехди цIай кьунвайди малум хьана.
Теспача хьанвай Б.Батманов рекьел экъечIна куьмекдиз эверна. Геж хьайитIа цIай и участокда малар хуьзвай тек векьиз акъатиз гьазур тир.
Садлагьана агъадихъай хтай Кьурагь райондин кьил Азизов Замир Загьидинович агьвалатдин гъавурда гьатнамазди Кьурагь райондин пожарный частунин руководстводиз тади серенжемар кьабулун чарасуз тирди хабарна. Са 20 декьикьадилай пожарный расчет машини гваз чкадал гьазур тир, тадиз цIун рехъ атIай пожарникри, вацIай 4 рейс яд ацIурна, цIай хкадарна. Пожарный частуни гъавурдик кваз кьабулай серенжемри цIун къурхулувал амачирди къалурна. ЯтIани цIай агъа патаз физвайди малум хьана. Тади куьмекдиз Батманов Батман, Исмаилов Абдурагьим ва мешебеги Алик фена, абуру лапаткайралди ва куларалди, еке зегьмет чIугуна, цIай хкадарна ва малар хуьзвай багъдин чил цIукай хвена.
И серенжемар кьиле тухудайла, малум яз гзаф юлдашриз чпиз и кар кьетIенди яз акунач. ЦIухъ галаз женг чIугун патал виридан куьмек герек я.
Ихьтин чарасуз вахтунда виридан куьмек герек тирди рикIел хвена кIандачни. Заз лугьуз кIанзава, винидихъ тIварар кьунвай, чпи тади серенжемар кьабулай вири юлдашриз ва гьакIни пожарный частунин расчетдиз еке чухсагъул. Виридан сад хьтин куьмекди еке хуьруьн мулкуниз жезвай еке зиян акъвазарна. Гьуьрметлу кIиривияр, чи бубайри вири крара кьетIен дирибашвал ва садвал къалурайди я. Ша, чна абуралди дамах ийин ва абурулай чешне къачун.
Ша, чун бедбахтвиликай, къутармишунин ва куьмек гунин карда сад жен.
ЦIаяр кьунриз акси серенжемар вахтунда кьиле тухун, тIварар чарарал алай хуьруьн отрядар кардик кутун чарасуз я.
Алай йисан тежедай хьтин кьурагьвили арадал гъизвай цIаяр кьунриз акси яз низамлувал, дирибашвал ва халкьдин садвал къалурун герек я. Виликумаз гьазурвал авачиз и крар кьиле тухуз жедач, чIуру кардин вилик пад геж тавуна кьун лазим я.
Вахт геж хьанайтIа цIай хкадариз жедачир, тамни кудай ва хуьруьн майишатдин чилерни. Чиликай дарвал авай и хуьруьз малар хуьн патал еке зиян жедай. Аллагьди чун зиянрикай яргъазрай.

--------------------------------------------------------------------------------------------

Информация
для граждан, получающих ежемесячные денежные выплаты по оплате жилого помещения и коммунальных услуг
УСЗН в МО "Курахский район" информирует, что по состоянию на 15 сентября 2015 г, в доставочные учреждения перечислены денежные средства на выплату ЕДВ по ЖКУ следующим категориям граждан:
-работникам села за январь -апрель месяцы 2015 года.
-ветеранам труда за май-июль месяцы 2015 года.
-реабилитированным лицам за май-август 2015 года.
-участникам ВОВ за май-август 2015 года.
Другим гражданам, пользующимся льготами ЕДВ, будут выплачиваться по мере поступления средств из Министерства труда и социального развития РД.
Начальник УСЗН в МО "Курахский район" С.М.Джамалдинов.
--------------------------------------------------------------------------------------------

Информационное сообщение
В целях снижения уровня аварийности на пассажирском транспорте и во исполнение требований приказа СОБ МВД России от 01.08.2003 года за № 20 и плана основных организационных мероприятий МВД по РД на 2015 год с 14 по 23 сентября на территории Курахского района проводится второй этап оперативно-профилактической операции "Автобус" .
Начальник ОГБДД в Курахском районе Р.Мусаев.
--------------------------------------------------------------------------------------------

Камалдин Агьмедов.
Арафат
Зи цавариз це гьава, рагъ,
Акьулдизни-крарни сагъ.
МичIивидиз-экуь чирагъ,
Дуьа ийиз за ваз, Аллагь!

И дуьньяяр авуна халкь
Араярни тавуна фаркь.
Гъейри касдал тийиз яракь,
Дуьа ийиз за ваз, Аллагь!

МичIи чилик фейилахъди,
Къайи чилер акурлахъди,
Хайи чилер кайилахъди,
Дуьа ийиз за ваз, Аллагь!

Ахъая вил, гатута хур,
Мийир хиял жуван яхун,
Рекьера дуьз тежез юргъун,
Дуьа ийиз за ваз, Аллагь!

Гьар чIаларни халкьар хьана,
Дуьз рекьяй гьар са касни фена,
Мягькем ая чил гатана,
Дуьа ийиз за ваз, Аллагь!

МуьтIуьгъ тежер инсанриз,
Абурув гвай игьсанариз,
Динни дакIан на чанариз,
Дуьа ийиз за ваз, Аллагь!

Халкь авуна эквер, инсан,
Дуьняярин авача сан.
Терг мийир на дагъни аран,
Дуьа ийиз за ваз, Аллагь!

--------------------------------------------------------------------------------------------

Мурсал Гьасретов.
Халкьдин садвилин сувар
Чи халкьарин садвилин югъ,
Ам багьа тир сувар я чаз.
Халкьдин арада чи стхавал,
Лап мягькем тир лувар я чаз.

Урус, лезги, дарги, авар
Са стхаяр я чун, вахар.
Къудратлу хьун патал Ватан,
Гьадан рекье эцигда чан.

ЧIехи Россия аваз кьиле,
Адан нурдик шад я чун къе.
Дагъустан чи хайи Ватан
Хушбахтвилин ава рекье.

Садвилин югъ тухуз кьиле,
Ашкъи гьевес ава рикIе.
Халкьдин арада хьайила садвал,
РикIера чи жеда шадвал.

Урус халкь чи - чIехи стха,
Вун я чаз виридаз арха.
Ислягьвилин пайдах гъиле
Аваз садвал мягькем я къе.

Ви къужагъда чун туькIвей са хизан я.
Ширин я чаз хайи Ватан Дагъустан.
Ви гьава чаз гьакьван михьи, серин я.
Багъ-бустандин емиш вирт хьиз ширин я.

Кьисмет хьайила чи халкьариз азадвал,
Садавайни жедач чIуриз чи садвал.
И кардал чна вирида дамахда.
Къудратлу хьун патал Ватан кIвалахда.

--------------------------------------------------------------------------------------------



 

Комментарии (0)

Нет комментариев. Ваш будет первым!