Газета №36

 Тебрик
Райондин образованидин работникриз, и хилен ветеранриз, школьникриз, студентриз ва вири районэгьлийриз Чирвилерин Югъ рикIин сидкьидай мубаракрай.
Школади акьалтзавай несилдиз неинки чирвилер гузва, гьакIни ам бубайрин баркаллу краралди, адетралди тербияламишзава, алай аямдин цIийи хъжезвай уьмуьрдиз гьазурзава.
Илимдинни техникадин жигьетдай вилик финин шартIара ери аваз чирвилер ва тербия гунин, обществодин уьмуьрда абурун роль аннамишунин метлеб алцумиз тежер кьван артух жеда.
И юкъуз чна муаллимдиз, адан регьятди тушир зегьметдиз гьуьрмет ийизвайди къалурзава. Муаллимдин зегьмет себеб яз, образованидин система виликди финин кIвалах йигин еришралди давам жезва.
Чаз квехъ виридахъ мягькем сагъламвал, ислягьвал ва хушбахтвал, кIелунрани зегьметда образованидин хел модернизация авунин рехъ виликди тухунин карда чIехи агалкьунар хьана кIанзава.
З. АЗИЗОВ, "Кьурагь район"муниципальный тешкилатдин кьил.
С. ГЬАМИДОВ,"Кьурагь район" муниципальный тешкилатдин администрациядин кьил.

-------------------------------------------------------------------------------------------------

Райадминистрацияда
Нубатдин совещанидал
25-августдиз райадминистрациядин актовый залда нубатдин совещание хьана.
Совещание "Кьурагь район" муниципальный тешкилатдин кьил З.Азизова кьиле тухвана.
Совещанидал хейлин руководителар рахана. "Кьурагь район" муниципальный тешкилатдин администрациядин кьил С.Гьамидова къейд авурвал, чилиз, эменнидиз "зеленка" авунин гьакъиндай пака совещание тухуда, агьалийривай кIватIзавай налог пис гьалда авач, амма арендаторри гузвай налог кIватIунин кIвалах зайифдаказ кьиле физва.
Культурадин управленидин начальникдин везифаяр тамамарзавай К.Фейзулаевади лагьайвал, алатай гьафтеда Докъузпара районда кьиле фейи Рачаб Сафарован фестивалда чи райондин культурадин работникри иштиракна чи работник Н.Гьасанова 1-чка кьуна.
Райондин образованидин управленидин начальник Р.Катибова къейд авурвал, алатай гьафтеда Махачкъалада хьайи совещанидал ЕГЭ-дин нетижаяр кьуна. Чи район ЕГЭ вахкунин карда республикада хъсанбурун жергеда хьана, амма къеце патан чIаларай хъсан нетижаяр хьанач, пака культурадин управленидин залда муаллимрин конференция жеда, школаяр косметический ремонт авуна куьтягьнава.
Райондин хуьруьн майишатдин управленидин начальникдин везифаяр тамамарзавай Н.Мисриева лагьайвал, магьсулар кIватI авуна куьтягьнава, векьер гьеле язама, зулун цанар цунин кIвалах зайиф я, "Шам" СПК-ди 30 гектардин майданар цана.
Райондин финансовый управленидин начальник Б.Ибрагьимова августдин мажибар ахъайнавайди, вацран эхирриз остатокар тун тавуна кIанзавайди, субсидийриз 1,5 агъзур манат хтанвайди лагьана.
ЦРБ-дин кьилин духтур А.Акимова къейд авурвал, больницади пландал асаслу яз кIвалахзава, алатай гьафтеда духтуррин бригада Кумухъиз фена, питанидин патахъай тIимил-шимил проблемаяр ава, рентген аппарат апрелдин вацралай чIуру яз Москвада ава, гила ремонт авун патахъай икьрар кутIуннава.
З.Азизова руководителривай кIвалахда авай кимивилер арадай акъудун тагькимарна, гьар са руководителдин кIвалах гуьзчивилик кутадайди лагьана.
---------------------------------------------------------------------------------------------------

Кьве месэладиз килигна
26-августдиз райадминистрациядин актовый залда "Кьурагь район" муниципальный тешкилатдин администрациядин ва райондин депутатрин Собранидин санал тир заседанидин кьвед лагьай пай райадминистрацияда хьана.
Заседание "Кьурагь район" муниципальный тешкилатдин кьил З.Азизова кьиле тухвана. Аниз райондин школайрин директорриз, хуьрерин поселенийрин кьилериз, идарайрин руководителриз, райадминистрациядин аппаратрин работникриз, райондин Собранидин депутатриз теклифнавай.
Анал кьве месэладиз килигна:
1. "2014-йисан 1-паюна оперативно-служебный кIвалахдин нетижайрин гьакъиндай" Россиядин МВД-дин Кьурагь районда авай отделенидин начальникдин гьахъ-гьисабдин гьакъиндай".
2. "Коммерческий организацияр тушир, Общественный Советдин райондин чкадин отделенияр тешкил авунин гьакъиндай"
Сад лагьай месэладай доклад Россиядин МВД-дин Кьурагь районда авай отделдин начальник А.Фатуллаева доклад авуна.
Анал алай кьвед лагьай месэладай "Кьурагь район" муниципальный тешкилатдин администрациядин кьил С.Гьамидов, РД-дин коммерческий организацияр тушир Коордиционный Советдин "Юг" отделенидин руководитель Д.Дадашев рахана.
Анал райондин подотделенийриз членар ва руководителар хкяна.
Общественный организацийрин подотделенидин руководитель яз Н.Тагьиров, РД-дин Кьилин курсунин тереф хуьдай подотделенидин руководитель яз С.Гьамидов, карчийрин ва промышленностдин подотделенидин руководитель яз М.Керамов хкяна.
Заседанидин нетижаяр З.Азизова кьуна.
Чкайрал алай школайрин директорри, общественникри санал кIвалах тийизвайди, школайра сад тир школьный форма хьана кIанзавайди, муаллимри муаллимдиз хас къайда алукIна кIанзавайди, вирибуруз эменнидиз ва чилиз "зеленка" авуниз фикир гана кIанзавайди лагьана.
--------------------------------------------------------------------------------------------------

Протокол публичных слушаний по проекту Устава МО "Курахский район" в новой редакции
                                                                                          с. Курах от 25.08.2014 г.
Председатель комиссии - Будаев М.Р.
Секретарь - Мирзоев Ф.А.
Присутствовали: 39 чел.
С докладом выступил Председатель Собрания депутатов МО "Курахский район" Азизов З.З. Он отметил, что в связи с необходимостью приведения Устава в соответствии с федеральным и региональным законодательством разработан проект решения устава, который принят решением Собрания депутатов МО "Курахский район" от 11.07.2014 г. №142 и обнародован путем опубликования в газете "Горный родник" 17 июля 2014 г.
На публичных слушаниях вы имеете право и возможность, как и ранее, представить свои предложения и замечания относительно по проекту устава.
Всем жителям МО "Курахский район" была представлена возможность с 25.07. по 25.08.2014 г. внести свои предложения и замечания по проекту устава в комиссию Собрания депутатов МО "Курахский район".
Однако никаких предложений и замечаний по проекту устава не поступал.
Выступили:
1. Эмирбеков А.Ш. - предложил одобрить проект устава, т.к. действующий устав вошел в противоречие с федеральным законодательством, внесены значительные изменения, поэтому необходимо принимать устав в новой редакции с соблюдением всех правил, установленных для принятия устава МР.
2. Мирзоев Ф.А. - подержал предложение об одобрении проекта устава и предложил проголосовать, чтобы определить мнение присутствующих относительно проекта.
По результатам голосования определено, что все единогласно одобряют проект устава.
Обсудив доклад председателя комиссии Собрания депутатов МО "Курахский район" и заслушав поступившие предложения, участники публичных слушаний по проекту устава
решили:
Одобрить предложенный проект устава МО "Курахский район".
Председатель комиссии Будаев М.Р.
Секретарь Мирзоев Ф.А.
-------------------------------------------------------------------------------------------------

 М.Агьмедова.
Образование
Муаллимрин августдин конференциядал
26-августдиз райондин Культурадин кIвале гьар йисуз адет яз, тухузвай муаллимрин августдин конференция кьиле фена. Анал "Кьурагь район" муниципальный тешкилатдин кьил З.Азизов, "Кьурагь район" муниципальный тешкилатдин администрациядин кьил С.Гьамидов, райондин администрациядин работникар, хуьрерин администрацийрин кьилер, школайрин директорар, муаллимар атанвай.
Совещание З.Азизова Чирвилерин Югъ, кIелунин цIийи йис мубарак авуналди ачухна ва кьиле тухвана.
Райондин образованидин управленидин начальник Р.Катибова конференциядал 2013-2014-кIелунин йисан нетижаяр ва 2014-2015-кIелунин йисуз "Райондин образованидин система модернизация авунин приоритетный хилерин гьакъиндай ва "Россиядин Федерациядин образованидин гьакъиндай" федеральный закон къуватда гьатунихъ галаз алакъалу яз 2014-йисан 14-июлдиз РД-дин Президент Р.Абдулатипова республика вилик фин патал приоритетный проектар кьилиз акъудунин гьакъиндай къарардихъ галаз алакъалу месэлайрай доклад авуна.
-Гьуьрметлу муаллимар ва кIватI хьанвай мугьманар!
Квез алукьнавай цIийи кIелунин йис мубаракрай,-лагьана Р.Катибова.
Къенин конференциядал чна "Инсандин капитал" приоритетный проектдай тухванвай кIвалах веревирд ийида.
2013-йисан 13- декабрдиз акъатнавай РД-дин Правительстводин къарардал асаслу яз, 2014-2015-йисалди "Зигьин авай аялар" РД-дин государственный программа кьиле тухунин гьакъиндай райондин образованидин управлениди хейлин кIвалах тухванва. Алай йисуз ЕГЭ тухузвай аудиторийра видеокамераяр эцигнавай. ЕГЭ вахкуз тахьанвай 21 выпускникдив аттестат вахканвач.
2014-2015-йисуз декабрдин вацра 9-11- классрин аялри сочинение кхьида. Сочиненидин нетижайриз килигна абур ЕГЭ-диз ахъайда. Приоритетный проектдин "Гележегдин школа" программадихъ галаз районда 4 школа универсальный компьютерный кабинетралди таъмин авунва. Дидед чIалай хьайи конкурсра гъалиб хьайи муаллимар "Кьурагь район" муниципальный тешкилатдин кьилин дипломринни грамотайрин сагьибар хьана. Ватандин ЧIехи дяведин вахтунда райондиз атана яшамиш жез амукьнавай урус чIалан муаллимрихъ галаз гуьруьшар тешкилнава.
Гьа и муаллимрикай ктаб чапдай акъудун патал, абурун биографиядин делилар, республиканский делилрин банкдиз вуганва.
2014- кIелунин йисуз школадиз сифте кам къачузвай 168 аял авайтIа цIи, 2015- кIелунин йисуз 190 аял ава. Школайрин директорриз ва алава чирвилер гузвай муаллимривай тIалабзава, аялар школадивай азад вахтунда магьрум яз тун тавун, школайриз фена аялрихъ галаз суьгьбетар тухун ва чпиз гьи рекьяй машгъул жез кIанзаватIа чирна, желб авун.
Винидихъ къейд авунвай вири кIвалахар фикирда кьуналди, райондин образованидин управлениди акьалтзавай несилдиз мягькем чирвилер ва тербия гунин карда вичин вилик акъвазнавай вири везифаяр кьилиз акъуддайдак кIевелай умуд кутаз жедайди тестикьарна.
Докладдилай гуьгъуьниз райондин образованидин системада кIвалахзавай муаллимар рахана:
Светлана Уьрдиханова-Кьурагьрин сад лагьай нумрадин юкьван школадин сифтегьан классрин муаллим. Ада конференциядин вири иштиракчийриз чпин коллективдин патай 1-сентябрь, Чирвилерин югъ, мубаракна.
Сифтегьан классрин муаллимрин зегьмет екеди тирди квез виридаз малум я,-лагьана гатIумна, Светлана муаллимди.
Вучиз лагьайтIа, исятда чна ишлемишзавай цIийи стандартрай чи гъилик кIелиз-кхьиз гьазур аял атана кIанзава.
Гьаниз килигна, ясли-бахчайра авай тербиячийризни чпел гьалтнавай кардин метлеблувал чир хьана кIанда. Чи школадин сифтегьан классрин вири муаллимри чирвилерин дережа хкаждай курсар кIел хъувунва.
Раисат Алиева- Маллакентрин юкьван школадин тешкилатчи.
-Муаллимриз Чирвилерин югъ мубарак авурдалай гуьгъуьниз школадин кIвалахда авай кимивилерал акъвазна. Ана пищеблок хъсан гьалда авачирди, школадин гьаятда цанвай цуьквер, къелемар яд тахьуниз килигна кьуразвайди лагьана. Школадин вахтунда аялрив телефонар вугун тавун диде-бубайривай тIалабна.
Надир Тагьиров- КIирийрин школа-интернатдин директор. Сифтени-сифте заз чухсагъул лугьуз кIанзава виликан РД-дин образованидин Министр, чи ватанэгьли М-Ф. Азизоваз ихьтин школа чаз багъишай. Къейд ийин хьи, «Кьурагь район» муниципальный тешкилатдин кьил З.Азизов тербиядин патахъай, тIуьнрин ва амай кIвалахар гьикI тешкилнаватIа килигиз къвезва.
Педагогический коллективдиз чухсагъул лугьуз кIанзава, вучиз лагьайтIа вири четинвилериз дурум гайи. Шад жедай кар ам я хьи, чи школадин выпускницади школа медалдалди куьтягьна.
Фаина Амрагьова-Кьурагьрин "Солнышко" тIвар алай ясли-бахчадин заведующий. Ясли-бахчада 4 группада, вири санлай къачурла 21 работникди зегьмет чIугвазва. Музыкадин ва спортдин рекьяй къугъунар ийидай зал чахъ авач. Алай вахтунда чна чи ясли-бахчадиз косметический ремонт ийизва.
Конференциядал С.Гьамидова райондин образование вилик финин, ана авай материально-технический база хкаж авунин, программа кечирмишунин карда ийизвай ва авунвай кIвалахдикай гегьенш доклад авуна. Школайра ремонтар геж гатIумайди, 21 аттестат таганвай аялриз мад вахкудайвал хъийидайвал, 1-сентябрдилай аялар кружокриз желб авун школайрин директоррал ва алава чирвилер гузвай кружокрин муаллимрал тапшурмишна.
Батуля Ибрагьимова-Кьурагьрин школада хейлин йисара сифтегьан классрин тарс гайи, алай вахтунда пенсияда авай муаллим-ветеран. Ада вичи школада тарс хгун тийиз 27 йис тамам хьанвайди лагьана. -Муаллимар куьне куьн гьамишалугъ вири аялриз чешнелу жедайвал ая. Заз квез, куь багьа сувар-Чирвилерин югъ, мубарак ийиз кIанзава. Квехъ куь четин, амма баркаллу кIвалахда еке агалкьунар, уьмуьрдин бахтлувал, хизанда ислягьвал хьана кIанзава. Чпин четин кIвалахда тафават хьайи муаллимриз, "Кьурагь район" муниципальный тешкилатдин кьил З.Азизова Гьуьрметдин грамотаяр гана.

----------------------------------------------------------------------------------------------

Ф.Мирзоев.
Фестиваль
Кукваз Рачабан руьгьдиз бахшнавай фестиваль
И йикъара Докъузпара райондин центр Усухчай хуьре Кукваз Рачабаз бахшнавай лезги халкьдин манийрин фестиваль кьиле фена. " Кьурагь район" муниципальный тешкилатдин кьилин буйругъдалди и мярекатда кьиле райондин администрациядин кьилин заместитель Э. Исаева аваз махсус делигацияди иштиракна.
Фестивальдин тешкилатчияр ФЛНКА ( Федеральная лезгинская национально- культурная автономия ) ва Докъузпарадин муниципалитетдин администрация тир.
И мярекатда Кьибле патан Дагъустандин вири кIуьд райондин, Дербент шегьердин ва Азербайджандин Кефер патан райондин делегацийри ва манидарри иштиракна.
И шад мярекат чи районэгьли Рачаб Сафароваз бахш авун дуьшуьшдин кар тушир. Вичихъ дагъвийрин хас михьи ван авай ада лезги мани кукIушриз акъуднай. Адаз вишелай виниз халкьдин манияр чидай. Етим Эминан, Кьуьчхуьр Саидан, Хуьруьг Тагьиран ва СтIал Сулейманан чIалариз туькIуьрнавай манияр ада устадвилелди тамамардай. Дяведикай, тIебиатдикай, кIанивиликай ада манияр лугьудайла яб гузвайбурун беденриз хар акъатдай. Сеняткарди чIагъандал ягъиз, манидал илигайла виридан пагь атIудай. Ада гайи концертдин суракьар яргъариз чкIидай.
Садазни сир туш, эхиримжи йисара искусствода пешекарвилин алакьунар авачир са бязибуру халкьдин манияр виляй вегьезва. Гьавиляй концертрин залар, телевиденидин экранар, мехъерин залар агъа дережадин манийри кьунва. Манидарри лагьайтIа, халкьдин манияр кьериз- цIаруз лугьузва. Рачабаз бахшнавай, фестивалдин кьилин везифа халкьдин манияр цIийи кьилелай шегьредиз акъудун тир. Фестивалдин программа девлетлуди, журеба- жуьреди тир. Усугъчайдин ял ядай паркуна Кьибле патан Дагъустандин вири районрин майданар ачухнавай. Абур лезги халкьдин куьгьне бубайрин кIвалахдин сенятралди, алухралди ва маса тадаракралди безетмишнавай.
Мярекатдин иштиракчийрин вилик тебрикдин гафаралди Докъузпарадин муниципалитетдин кьил К. Абасов ва ФЛНКА- дин Советдин член, профессор, экономикадин илимрин доктор, Россиядин Плеханован тIварунихъ галай Экономический Университетдин маркетингдин факултетдин декан А. Асалиев ва масабур рахана. Абуру лезги халкьдин адетрихъ, манийрихъ, ацукьун-къарагъунихъ дерин дувулар авайдакай лагьана. Алай Культурадин Йисуз и адетар вири халкьарин арада машгьурна кIанзавайди тестикьарна. " Чун къе, халкьдин манийри агуднава. Агъзур йисарин суракьар гвай чи руьгьдин ивирар хвенвай, чи чIехи бубайринни дидейрин аманат тир халкьдин манийра чи меденият, чи адетар ава. Гьавиляй чаз абур багьа я", -давамарна А.Асалиева.
Фестивалдин жюридин членри чпин чкаяр кьуна халкьдин манийрин программа Дагъустандин халкьдин артистка Роза Максумовади тамамарай манидалай башламишна.
Кукваз Рачаб Кьурагь дагъларин гуьрчег вилаятдай хьуниз килигна сифте манияр лугьун чи райондин Культурадин кIвалин манидарри ихтибарна. Абурун хорди тамамарай " Кьурагь я, зи хайи хуьр", Н. Гьасанован " Туьквезбан", Х. Фейзуллаевадин "Беневша", М. Гуьлметован "КъекъечI цифер" манияр тамашачийри, яргъалди капар ягъуналди, къаршиламишна. Гуьгъуьнлай вири райондин маничийрин музыкантар чпин программаяр гваз халкьдин вилик экъечIна. Ахцегь, Табасаран, Мегьарамдхуьруьн райондин, Дербент шегьердин векилар хъсан патахъай тафаватлу хьана. Фестиваль лезги халкьдин музакадин сувариз элкъвена.
Лугьун лазим я хьи "кьел квачир" сомопал манияр гьич са райондин программадикни квачир. Вири манияр ватанпересвилин руьгь хкаждайбур тир.
Акваз -такваз югъ нянихъди элкъвена. Жюридин членри нетижаяр кьадай вахт алукьна. Яргъал фейи гьуьжетрилай кьулухъ сад лагьай чка кьурбурун арада Надир Гьасановни авай. Адаз 25 агъзур манат пулдин пишкеш гана. Къиметлу пишкешар ва дипломар М. Гуьлметова ва Х.Фейзуллаевади къазанмишна. "Сагърай куьн чан жуванбур, хайибур" -лагьана ведущийри фестиваль агална.
Фестивалдин гьар са иштиракчи регьимлу, рикIелай тефидай, гьиссер гваз хъфена. Эхирдай атанвай мугьманриз цIийи Кара-Куьреда банкет тешкилна.
----------------------------------------------------------------------------------------------

А.Мамедова.
Школайра ремонт
Школа цIийи кIелунин йисаз гьазур я.
Ингье акваз-такваз гатун каникулар куьтягь хьана, цIийи кIелунин йис мукьвал жезва.
Гатун вахтунда аялар ял ягъиз кIвалера аватIани, абурун муаллимри школайра косметический ремонтар ийизва.
Ремонтар гьикI кьиле физватIа вуч кIвалахар авунватIа ахтармишун патал, чун Кьурагьрин 2-нумрадин юкьван школадиз фена.
Лугьун лазим я хьи, школадиз гьахьайла школадин работникар гьарма вич-вичин кIвалахдал машгъул тир. Алай вахтунда школада авур кIвалахдикай школадин завуч Исаева Маркизатавай суьгьбет авун тIалабна.
Ада лагьайвал, школада ЕГЭ-яр тухузвайвиляй алай йисуз текущий ремонт 25-июндилай башламишна. Ремонтдин кIвалахар школадин муаллимри ва тех.персоналди авуна. Киреждалди, эмульсиядалди асунарна, ширер яна, гьар муаллимди вичин кабинетда авай аквадай агитациядин пособияр цIийи хъувуна, лазим гьалдиз хкана.
Эхиримжи 2 йисуз чна аялрин куьмек ишлемишнач, вучиз лагьайтIа аялрив ремонт авуна гузвай пулар агакьнавач.
Школадин директорди лагьайвал сифте чун четинвиле гьатна, ремонт ийидай материалрин расход тендер малумарна авуна кIанзавай, тендер кьилиз акъудиз тахьайла, чаз икьрардалди квай пулунин са пай ишлемишдай ихтияр гана, гьавиляй вири ремонт авуниз герек тадаракар кьенятдивди ишлемишуниз мажбур хьана.
Алай вахтунда, школада авай вири помещенияр ремонт авуна куьтягьнава, михьивилер хъувуна кIанзава.
Амма са татугайвал чаз гьар йисуз ава. Школадин гьаятда авай булахда гьам ремонт авайла, гьам михьивилер ийидайла, са вахтундани яд жезвач. Гьа и кIвалахдиз райадминистрациядин патай куьмек гана, школадин гьаятда къуй акъуднайтIа, гзаф хъсан жедай, лугьузва вирида санлай школадин муаллимри.
Чими ийидай система хъсан гьалда ава, шазалай чна тIебии газ ишлемишзава.
-------------------------------------------------------------------------------------------
 

Комментарии (0)

Нет комментариев. Ваш будет первым!