Газета №31

Тебрикар
Гьуьрметлу районэгьлияр! Чна квез гьукуматдин сувар-Дагъустан Республикадин Конституциядин Югъ рикIин сидкьидай мубаракзава!
2003-йисуз цIийи дибдин Закон кьабулуникай демократвилин къурулушар, гражданвилин обществодин ва базардин экономикадин бинеяр арадал гъунин девирдиз гьахьай республикадин уьмуьрда акьалтIай чIехи метлеб авай вакъиа хьана.
Конституция вахтунин имтигьанрай экъечIна, ада чи халкьарин ва жуьреба-жуьре динрал амал ийизвай чи агьалийрин арада дуствал ва садвал таъминарна.
Россиядин гьукуматди алай аямда кьунвай рекьихъ галаз кьазвай чарасуз тир са жерге дегишвилер кьиле тухвайдалай гуьгъуьниз ада Россиядин къурулушдик кваз Дагъустандин садвилин ва ам пайи-паяр ийиз тежервилин принциприз вафалувал хвена, обществода демократвилин ихтияррихъни азадвилерихъ, ислягьвилихъни меслятвилихъ артуханвал аваз хьунин бинеяр мягькемарна.
Къе, республикадин Дибдин Закондал асаслу яз, чи вилик гьар са хизандин агьваллувилихъ галаз алакъалу тир, обществодин ва гьукуматдин хатасузвилин дережа хкажун таъминарзавай лап важиблу яшайишдин ва экономикадин гзаф месэлаяр гьялунин везифа акъвазнава.
Чаз вири районэгьлийрихъ ислягьвал ва хушбахтлувал, мягькем сагъламвал, райондинни Дагъустандин гележег патал агалкьунар хьана кIанзава.
З.Азизов, "Кьурагь район" муниципальный тешкилатдин кьил .
С.Гьамидов, "Кьурагь район" муниципальный тешкилатдин администрациядин кьил.

Гьуьрметлу районэгьлияр! За квез алукьзавай Сив хуьнин сувар рикIин сидкьидай мубаракзава! Къуй пак тир Рамазандин варз куьтягь хьун лишанламишзавай и ишигълу сувар исламдин дтндин хъсан адетрин, ислягьвал кIанивилин, сабурлувилин, къвалав гвайбурун патахъай къайгъударвал авунин лишандик кваз фирай. Къуй ада гьар са районэгьлидин кIвализ хушбахтвал, берекат гъурай, рикIе авай мурадар кьилиз акъудрай, гьар са касдин руьгьдин девлет артухаррай. Чаз вири районэгьлийрихъ мягькем сагъламвал, ислягьвал ва хушбахтлувал хьана кIанзава.
З.Азизов, "Кьурагь район" муниципальный тешкилатдин кьил.
С.Гьамидов, "Кьурагь район" муниципальный тешкилатдин администрациядин кьил.

-----------------------------------------------------------------------------------------------

Райадминистрацияда
Дагъустандин Республикадин юстициядин министр чи районда
18-июлдиз чи райондиз Дагъустан Республикадин юстициядин министр Азади ТIагьирович Рагьимов атана. Ада административный комиссиядин, ЗАГС-дин, райархивдин кIвалах ахтармишна. Министр "Муниципал" программадай кIвалах гьикI кьиле физватIа ва Депутатрин Собранидини муниципалитетдин администрацияди нормативно-правовой актар кьабулунин къайдадихъ галаз таниш хьана.
Райондин администрацияда "Кьурагь район" муниципальный тешкилатдин кьил З.Азизован ва райондин администрациядин кьил С.Гьамидован иштираквал аваз райадминистрациядин аппаратдин работникрихъ ва райондин алакъа авай маса идарайрин руководителрихъ ахтармишунрин нетижайрин гьакъиндай совещание кьиле фена.
А.Рагьимова райондин представительный ва исполнительный органрин распоряженияр, постановленияр ва маса нормативно- правовой актар гьазурун ва кьабулун патал талукь тир рекомендацияр гана ва совещанидин иштиракчийрин суалриз жавабар гана.
Совещанидин нетижаяр кьуналди З.Азизова А.Рагьимоваз райондин жуьреба-жуьре къуллугъриз рекомендацияр гунай ва куьмекар авунай чухсагъул лагьана.

------------------------------------------------------------------------------------------------

Нубатдин совещание хьана
21-июлдиз райадминистрациядин актовый залда гьар гьафтеда тухун адет хьанвай нубатдин совещание кьиле фена. Совещание "Кьурагь район" муниципальный тешкилатдин кьил З.Азизова кьиле тухвана.
Анал са жерге руководителри чпи авунвай кIвалахдикай информация гана. Райадминистрациядин хуьруьн майишатдин управленидин начальникдин везифаяр тамамарзавай Н.Мисриева къейд авурвал, майишатри техил кIватIна куьтягьнава, "Кутульский" совхоздиз 2-3 йикъан кIвалах ама.
Культурадин управленидин начальникдин везифаяр тамамарзавай К.Фейзуллаевади Шарвилидин сувариз гьазур жезвайди, республиканский международный фестиваль кьиле фидайди, аниз маса гьукуматрайни къведайди, призовой чкаяр гузвайди, районрай фейи инсанрин кьадардиз килигна къимет гузвайди, майдан гьазурна кIанзавайди лагьана.
"Сельсовет Курахский" муниципальный тешкилатдин кьил С.Къурбанова къейд авурвал, цавай тухванвай цин линияр галуднава, Вилен кIамай гъанвай цин линия ремонт хъийизва, хуьруьхъ галай яд атIуниз мажбур жеда.
Пенсионный фондунин отделдин начальник А.Назаралиева кIвалах пландал асаслу яз ийизвайди, отчетар кьабулзавайди, пенсияр ганвайди лагьана.
Информациядинни печатдин управленидин начальник А.Будаева къейд авурвал, газетдиз Устав акъуднава, порталдай хтанвай письмойриз жавабар, сайтдиз материалар гузва.
Совещанидал гьакI счетный палатадин ревизор С.Сайдумов, финансовый управленидин начальник Б.Ибрагьимов, "Зеленка" авунин месэладин гьакъиндай райадминистрациядин крар идара ийизвай отделдин заведующий Ф.Медетов, "Кьурагь район" муниципальный тешкилатдин администрациядин кьилин общественностдин хатасузвилин хуьнин рекьяй заместитель М.Хариев рахана.
З.Азизова гьар са месэла веревирд авуна, кIвалахра авай кимивилер арадай акъудун тагькимарна.

------------------------------------------------------------------------------------------------

Интернетдай къачурди я.
26-июль Дагъустан Республикадин Конституциядин Югъ я.
2003-йисан 10-июлдиз Дагъустан Республикадин Конституционный Собранидалди Дагъустан Республикадин цIийи Конституция кьабулна, официальныдаказ 26- июлдиз халкьдиз малумарна. РД-дин Конституциядин Югъ республикада гьукуматдин кьилин суваррикай сад я.
Конституция-им власть тешкил авунихъ, ихтияррихъ ва азадвилихъ, инсандин ва гражданиндин буржийрихъ, правленидин формайрихъ ва гьукуматдин къурулушдихъ галаз алакъалу тир общественный алакъаяр къайдада твазвай кьилин юридический къуват авай ихтияррин акт я.
Дагъустан Республикадин Конституциядин 38 ва 40- статьяйрин положенияр кьилиз акъудунин мураддалди, яшайишдин рекьяй эхиримжи йисара республикада са кьадар законар кьабулна: агьалийриз яшайишдин рекьяй къуллугъ авунин; агьалийрин сагъламвал хуьнин; гьукуматдин хизандин политикадин, яшайишдин рекьяй куьмек авунин, хизандин, дидевилин, бубавилин ва аялвилин законный интересар ва ихтиярар хуьнин; аялриз, етим аялриз яшайишдин рекьяй куьмек авунин алава гарантийрин гьакъиндай.
Агьалийрин конституционный ихтиярар кьилиз акъудунин важиблу гарантийрик сад Дагъустан Республикадин Конституциядин 35-статьяда тестикьарнавай агьалийри кьилди арзаяр гунин, гьакIни гьукуматдин органриз, чкадин самоуправленидин органриз ва къуллугъдал алай ксариз коллективный арзаяр гунин ихтиярар хьун я. Агьалийривай арзаяр чпин хсуси, общественный ихтияррин ва интересрин гьакъиндай гуз жеда. Арзайра чIурнавай ихтиярар вахкун, ихтиярар ишлемишунин карда куьмек авун тIалабиз жеда, гьакI гьукуматдин властдин органрин ва чкадин самоуправленидин органрин къуллугъдаллай ксарин кIвалахда авай кимивилерин гьакъиндай информация гуз жеда. Конституциядин нормайрал асаслу яз, агьалийривай чпин ихтиярар гьукуматдин, чкадин самоуправленидин органриз ва къуллугъдаллай ксариз арзаяр гуналди хуьз жеда.
Гзаф вахтара агьалийриз чпин ихтияррикай бес кьадар информация жезвач. Агьалийриз чпин ихтияррин гьакъиндай чирвилер гун патал Дагъустан Республикада инсандин ихтияррин гьакъиндай уполномоченныйдин официальный веб-сайтди (www.dagombu.ru) кIвалахзава. Порталда инсандин ихтияррин сферада нормативно-правовой актар уполномоченныйдиз гузвай арзайрин къайдайрин гьакъиндай информация ва маса материалар ганва.
Дагъустан Республикадин Конституция, амай Конституцияр хьиз деклорациядикай азадди жедач, инсандин ихтиярар, абур хуьнин гарантияр ана къалурнава, амма ам кьилиз акъудунин механизм эхирдалди тайин хьанвач. Конституция кьилиз акъудунин гьукуматдин ва чкадин самоуправленидин органривай тешкиллувилин бегьем кIвалах истемишзава.

-------------------------------------------------------------------------------------------------------

Фахрудин Мирзоев.
Кьурагь райондин 85 йисаз талукь яз
Хайи ерияр рикIелай алатдач
Кьурагь район тешкилайдалай кьулухъ 85 йис тамам хьана са акьван вахт алатнавач. Алай вахтунда районда 16 агъзурдав агакьна агьалияр яшамиш жезватIа, райондилай къеце адахъ галаз алакъалу тир, чпин бубаяр чи райондай тир, Кьурагь дагъларихъ рикI кузвайбур 132 агъзурдалайни алатда. Гьа ихьтинбурукай сад чи райондин КIимихуьруьн жемят я. Адан чIехи пай зарзаладин нетижада Дербент райондин ЛукIарин хуьруьз куьч хьанай. КIамахюр (КIимихюр) 15 лагьай асирда дагълара чпин ери-бине кутур хуьр я. И мукан шарагар хьайи Дагъустандин школайрин лайихлу муаллим, 20 йисалай виниз ЛукIарин юкьван школадин виликан директор, са шумуд справочникринни маса ктабрин автор Жамал Жамалов, Дагъустан республикадин лайихлу агроном, зегьметдин ветеран, "Зегьметдай тафаватлу хьунай" медалдин сагьиб, 35 йисуз "СССР-дин 60 йис" совхоздин кьилин агрономвал авур, 7 йисуз гьа и совхоздин директорвиле кIвалахай Гьасан Гьажиев(лугьун лазим къведа ада директорвиле кIвалахай йисара къазанмишай агалкьунриз килигна "Белиджинский" совхоздиз " СССР-дин 60 йис" тIвар гуниз лайихлу хьанай), вич михьи кас яз къалурай, жегьил несилдиз чешне хьайи, динэгьли Рагьметуллагь Алиев, Дагъустандин школайрин лайихлу учитель, ЛукIарин школадин гилан директор Айнудин Османов, зегьметдин ветеран, яргъал йисара совхоздин мастерскойрин зеведишвал авурАслан Гьажиев ва гзаф масабур (виридан тIварар кьун герек жезвач са куьлуь макъалада) гьар йисуз чи районда кьиле тухузвай мярекатра, иллаки 9-майдиз ЧIехи Гъалибвилин суварин юкъуз абур Кьурагьиз мугьманвилиз къвез чи межлисар гурлу ийиз хейлин йисар я.
Идалайни гъейри Кьурагьрин Сува, Тителрин хуьруьн сергьятда 25 йис идалай вилик за векьер ядайла, гьар йисуз июлдин вацра са шумуд машин гваз хтана, палаткаяр яна гьафтейралди ял ягъиз, вирида санал чпин куьгьне хуьруьхъ элкъвена капI-тIеат ийиз хьана, чпин бубайрин, ата бубайрин руьгьериз женнет кьисмет хьурай лугьуз Сад Аллагьдиз ялварзавай. Эхирни, заз кьарай татайла, абур вужар ятIа чириз, абурун мурад-метлеб чириз зун абуруз мугьман хьана.
"Чун иниз руьгьдин девлет артухариз, чи бубаяр, ата бубаяр рикIел хкиз, абурун сурариз икрам ийиз хквезвайбур я",-жаваб гана абуру. Гьанлай кьулухъ зун абурун хванахва хьана.
Шаз Жамал муаллимни, динэгьли Рагьметуллагь чпин эхиратдин кIвализ фена. За фикирнавай гила хуьруьхъ элкъвена капIар ийиз и дагъдиз хкведай кас жеч лагьана. Амма зун ягъалмиш хьана. И йикъара 20-июлдиз образованидин управленидин начальник Р.Катибова "Квез агъсакъал Гьамидни галаз ЛукIарикай атанвай мугьманри Кьурагь Сувай эверзава",-лагьана хабар гана. ФейитIа, Сува палаткайрин хуьр арадал гъанва. Электромотор худдава, холодильник, телевизор ва маса электроприборар кардик ква. Зияратдиз амай йисарилай кьве сеферда артух мугьманар хтанвай.
Абурун арада и сеферда культурадинни искусстводин устIарарни авай. КапI-тIеат авурдалай кьулухъ устIарри балабанни кфил кардик кутуна. На лугьуди абурун авазри дагъларал чан гъизвай. Кьурагь райондин куьч хьанвай хуьрерикай, анра уьмуьр кечирмишай къагьриман рухвайрикай, абурал гьалтай дарвилерикай, чIугур зегьметрикайни зиллетрикай, абуру ислягь уьмуьрда ва дявейрин йисара къалурай кьегьалвилерикай бул суьгьбетар хьана. Яргъал йисара райисполкомдин председателвиле кIвалахай ва масса жавабдар къуллугъар авур, агъсакъал, зегьметдин ветеран Сефербеган хва Гьамида а суьгьбетрал "кIвенкI" авуна, мугьманрин гзаф кьадар суалриз жавабар гана. Мугьманар адан суьгьбетрилай пара рази яз амукьна. И мярекатдин сад лагьай сефердин иштиракчи, КIимихуьруьнвийрин къавум, аял чIавуз вичин мукьва-кьилийрин кIвалерин къаварик кутадай гъварар яцарихъ акална Макьарин тамай и хуьруьз агакьарай, Кьурагьа яргъалди Советрин йисара милициядин отделдиз регьбервал гайи, исятда Дербентдин законар хуьзвай органрин ветеранрин Советдин председатель тир Наврузов Мингьажидинан стха, РД-дин лайихлу духтур, вич Дербентда яшамиш жезвай зегьметрин ветеран Мирзе духтурди а суьгьбетрихъ яб акална: "Зи гъилериз къуват хтана, зи руьгьдин лувариз цIакулар хтана",-лагьана ада. Адаз гьакьван шад хьанвай.
Зазни акI хьана хьи, Суван цуьквери ва амай векьер-кьалари манияр лугьузвайди хьиз, даъдин булахар хъуьрезвайди хьиз, Кьурагь такабур дагълари чпиз вафалу рухвайралдини рушаралди кьил хкажна дамахзавайди хьиз.
Чпин хайи ерийрал ийизвай дамахдин гьакъиндай агъадихъ галай цIарари шагьидвалзава.

Гьасан Гьажиев
Хайи хуьр-КIими хуьр
Акъвазнавай вун дамах гваз такабур,
Чун рикIивай вал ашукь тир, хайи хуьр.
Ажеб гуьрчег тир ви шикил, ви абур,
Наз-дамах ваз ярашугъ тир, КIимихуьр.

ЭкъечIнавайтIани шумуд йисар чун инай,
Алатзавач бубайрин хуьр рикIелай.
Женнетни гьич гуьзел жеч и хуьрелай,
Мублагь я хупI къацу чуьллер, КIимихуьрин.

Алай и хуьр дереда КIамун юкьвал,
Бахтлу уьмуьр кьиле тухуз гьар са кIвал.
Шад межлисар къурмишиз мукьвал-мукьвал,
Жемятдин макан тир, вун КIимихуьр.

Кьуд патахъай кьакьан дагълар даях яз,
Шамгъал мезре, Чарха дагъни яйлах чаз,
Гьар камуна ргазвайди булах тир.
Баябан я гила чуьллер, КIимихуьр.

Зун ви велед я ви ашкъи рикIевай,
Ви гуьзелвал хъулгьуз жезмач мецивай.
Гьар гатуз чун вал кьил чIуваз рекьева.
РикIелай фич са юкъузни вун, КIимихуьр.

ЖезватIани яшар кьудкъад йисар,
Хайи хуьруьз гьар йисуз хъфин я чи къастар,
Сагърай чи вири Кьурагьа, Хуьрехуьре амай дустар
Гьар жуьредин шашлыкар, кьурай якни, хпен ниси
Булдалди гуз ийизвай чун чпелай рази.

Зун Гьасан я ваз и чIалар лагьайди,
Жуван фикир-хиял ачух къалайди.
Яргъал уьмуьр, муьгьлет гуй Зулжалалди
Чун мадни ваз мугьман жеда, хайи хуьр.

--------------------------------------------------------------------------------------------------

И.о начальника УСЗН
в МО «Курахский район" Ш.Б.Рамазанов

Информация для специалистов села получающих компенсацию расходов в виде ежемесячной денежной выплаты по оплате жилого помещения и коммунальных услуг
В связи с принятием постановления Правительства Республики Дагестан от 23 июня 2014 года № 286 "О внесении изменений в Порядок осуществления ежемесячной денежной выплаты по оплате жилого помещения и коммунальных услуг отдельным категориям граждан в Республике Дагестан".
Право на компенсацию расходов в виде ежемесячной денежной выплаты имеют следующие категории граждан, работающих и проживающих в сельской местности и поселках городского типа:
На оплату жилых помещений, отопления и освещения-педагогические работники образовательных учреждений:
Медицинские и фармацевтические работники государственных учреждений здравоохранения, а также проживающие с ними члены их семей;
Специалисты культурно-просветительных учреждений;
Социальные работники государственных учреждений социального обслуживания населения;
Специалисты государственной ветеринарной службы РД на оплату коммунальных услуг;
Компенсация расходов за приобретение твердое топливо (уголь, дрова) осуществляется отдельным категориям граждан, работающих и проживающих в сельской местности и ПГТ, при представлении ими документов, подтверждающих фактически произведенные расходы на приобретение и доставку твердого топлива (уголь, дрова) в срок, не превышающий один календарный год с даты приобретения.

-------------------------------------------------------------------------------------------------

Уполномоченный ГУ-РО ФСС РФ По РД по С.Стальскому и Курахскому району Гаджиахмедов С.А
Уважаемые страхователи!
Региональное отделение Фонда социального страхования РФ по Республике Дагестан напоминает о необходимости представления расчета по начисленным и уплаченным страховым взносам (форма 4-ФСС РФ, форма 4а-ФСС РФ).
Отчеты за 1 полугодие 2014 года принимаются по 15 июля 2014 года включительно с 00:00 до 17:00 в том числе отчеты с электронно-цифровой подписью (ЭЦП).
В обязательном порядке отчетность в электронной форме с электронной цифровой подписью должны представлять плательщики страховых взносов, у которых среднесписочная численность работников превышает 50 человек за предшествующий расчетный период.
Несоблюдение порядка представления расчета по начисленным и уплаченным страховым взносам влечет взыскание штрафа (ст. 46 Федерального закона от 24.07.2009 N 212-ФЗ "О страховых взносах в Пенсионный фонд Российской Федерации, Фонд социального страхования Российской Федерации, Федеральный фонд обязательного медицинского страхования")
Обращаем внимание, что отсутствие финансово-хозяйственной деятельности не освобождает страхователей от обязанности представления отчетности в установленные сроки. 

--------------------------------------------------------------------------------------------------

Информация для граждан получающих ежемесячные денежные выплаты по оплате жилого помещения и коммунальных услуг
В соответствии с Постановлением Республиканской службы по тарифам Республики Дагестан №122 от 19 декабря 2013 года "Об установлении цен (тарифов) на электрическую энергию для населения и приравненным к нему категориям потребителей по Республике Дагестан на 2014 год"
Цена за электрическую энергию на 2 полугодие 2014 года, для населения, проживающего в сельских населенных пунктах установлено в размере 1,44 коп за /кВт.ч.
И.о начальника УСЗН
в МО "Курахский район" Ш.Б.Рамазанов.

--------------------------------------------------------------------------------------------------

Филиал ООО "Газпром межрегионгаз Пятигорск" в Дагестане.
Обращение к абонентам-должникам за потребленный газ!
Уважаемый абонент! Просим Вас подумать о том, что в связи с накоплением и неоплатой задолженности Ваша семья может остаться без газа.
Начата массовая компания по отключению должников и не думайте, что бригада, занимающаяся отключением, не попадет в Ваш дом. У вас еще есть время рассчитаться по долгам или обратиться за реструктуризацией долга. Если же Вы бездействуете и накапливаете долг и бригада стоит у Вас на пороге, обращаться с просьбой о предоставлении отсрочки поздно! У компании достаточно технических ресурсов для отключения домовладения каждого должника, и бригада по отключению обязательно дойдет и до Вас! Поверьте, сотрудникам нашей компании также не доставляет радости проводить такую работу по ограничению газоснабжения. Однако, критическая ситуация с платежами потребителей газа вынуждает нас применять жесткие меры.
Подумайте о том, каким благом Вы пользуетесь, о том, что далеко не в каждом доме России есть сетевой газ. Вспомните о том, как Вы или Ваши старшие носили в дом дрова и уголь, чтобы обогреть его, покупали газ в баллонах, чтобы приготовить еду. Человек, жилье которого уже газифицировано, не в состоянии отказаться от этого блага. Но чтобы не лишиться этого комфорта, необходимо платить за газ также исправно, как и за продукты в магазине, бензин на заправке, время в мобильной связи.
Также довожу до Вашего сведения, что руководством компании ООО "Газпром межрегионгаз" в мае 2014 года уже поднят вопрос о переводе населения отдельных населенных пунктов с низким уровнем платежей с природного газа на сниженный углеводородный газ (в баллонах).
Уважаемый абонент, рекомендуем Вам не доводить ситуацию до принятия радикальных мер, своевременно и в полном объеме рассчитываться за потребленный газ и погасить всю накопившуюся задолженность!

---------------------------------------------------------------------------------------------------

Гьуьсейн Рамазан.
Камаллу келимаяр
16.Инсандиз къимет гудайла, сифте хайи чIалахъ галаз ийизвай рафтардиз килиг.
17.Ял ягъиз течизвай касди авур кIвалах гьарам я.
18.Жуван пад хуьдай кас авачирла, жув гьахълу тирди жува викIегьдиз субут ая.
19.Вилик тефизвай кархана мотор чIур хьанвай машиндиз ухшар я.
20.Регьбервал ава хуьрер хуьдай, регьбервал ава хуьрер паласаяр хьиз гуьдай.
21.Чирвилелай багьа девлет гьеле дуьньядал алач.
22.Гьахълувал тарихрин чинрай нур гуз аквада.
23.Экв аквазвайди мичIи чкада акъваздач.
24.ЧIал, диде-буба, Ватан, гьахъвал. И кьуд дестекдал алайди халис инсан я.
25.Масад чIуруз аквадайла, гьадан чкадал жув эциг.
--------------------------------------------------------------------------------------------------

Утерянный сертификат на материнский капитал серии МК - 3 №1088622, выданный 14.07.2010г. Курахским отделом ОПФР на имя Султановой Замиры Магомедовны, считать недействительным.

--------------------------------------------------------------------------------------------------

Комментарии (0)

Нет комментариев. Ваш будет первым!