Газета №№29-30

Райадминистрацияда
Нубатдин совещание
14-июлдиз райадминистрацияда гьар ислен юкъуз кьиле тухуз адет хьанвай нубатдин совещание хьана. Совещание "Кьурагь район" муниципальный тешкилатдин администрациядин кьил С.Гьамидова кьиле тухвана.
Анал хейлин руководителри гьафтеда авунвай кIвалахдикай информация гана.
Райадминистрациядин хуьруьн майишатдин управленидин начальникдин везифаяр тамамарзавай Н.Мисриева къейд авурвал, алай вахтунда гьайванрин гьал пис туш, "Мурад" СПК-ди гад агудна куьтягьна, абуруз гьар са гектардай юкьван гьисабдалди 20 центнер техил хьана, Кумухърин майишатдини гад агудна куьтягьнава. "Кутульский" майишатдин гад агудунин кIвалах, техникадиз килигна, гежел аватнава.
Райондин финансовый управленидин начальник Б.Ибрагьимова лагьайвал, алай вахтунда текущий кIвалахрал машгъул я, 15-июндалди минфиндиз амай остатокдикай информация гана кIанзава, муаллимриз отпускной пулар ахъайнава.
"Сельсовет Курахский" муниципальный тешкилатдин кьил С.Къурбанова къейд авурвал, алай вахтунда плановый кIвалах ийизва, Чархал участокда цин цIийи линия гъанва, муькуь линийрин 2-3 чка дуьзар хъувунва чилиз, эменнидиз "зеленка" авун патал и йикъара 6 касдин документар вугана.
ЦРБ-дин кьилин духтур Р.Хидирова лагьайвал, мажибрин патахъай наразивилер ава, Москвадиз электронный къулунин патахъай документар ракъурнава, медикаментар ава.
"Кьурагь район" муниципальный тешкилатдин администрациядин кьилин общественный хатасузвал хуьнин рекьяй заместитель М.Хариева къейд авурвал, алатай гьафтеда Дербентда хьайи совещание санитарный рекьяй тир, хуьрерин санитарный гьал хъсанзавачирди лагьана, ахтармишиз кьилди комиссия ракъурда лагьана, Дербентда жуьмя юкъуз кьиле фейи совещание РД-дин Президентдин приоритетный программайриз талукьарнавайди тир, анал саки РД-дин вири министерствойрин векилар рахана.
Райондин образованидин управленидин начальник Р.Катибова аялри гатун каникулриз ял ягъунин кIвалах тешкилнава, кьве сеферда кьве поток аялри "Южный" лагерда ял яна, мад са потокдиз аялар ракъурун патахъай серенжемар кьабулзава, ремонтар башламишнавай школаярни ава.
С.Гьамидова совещанидал рахай руководителри авунвай кIвалах веревирд авуна, кимивилер арадай акъуддай рекьер къалурна.

---------------------------------------------------------------------------------------------------

А.Рамазанова
КIанивилин вафалувилин медаль вахкана
Кьурагьрин хуьряй тир Маллаев Тажидин ва адан хизан чин тийидай кас чи районда бажагьат жеда.
Тажидинани Маяханум Маллаеври чпин хизан кутуна 58 йис жезва.
Абурухъ 5 аял, 16 хтул, 11 птул ава. Абурун хизан районэгьлийрин арада гьуьрмет къазанмишнавай хизанрикай сад я, чпин аялар абуру обществодиз вафалубур яз тербияламишнава.
Россиядин Федерацияда 8-июль хизандин, кIанивилин ва вафалувилин югъ яз къейдзава.
Россияда 25 йисалай виниз санал яшамиш хьайи уьмуьрдин юлдашриз, чпин аялар обществодиз вафалубур яз вердишарайбуруз и юкъуз кIанивилинни вафалувилин медалар гун кьетIнава
Гьа икI, чи районэгьлияр тир Тажидин ва Маяханум Маллаеврив РД-дин зегьметдин ва яшайишдин рекьяй вилик тухудай министр М.Баглиеван къул алаз грамота ва медаль "Кьурагь район" муниципальный тешкилатдин администрациядин кьилин заместитель Эльмира Исаевади вахкана.
Э. Исаевади райондин руководстводин патай мубаракна. Ада къейд авурвал, ислягь хизан хьун-им инсандин бахт я, ихьтин хизан хьунин карда кIвалин къул хуьзвай дишегьлидилайни аслу я. Гьич са шакни алач, куьне куь аялар обществодиз вафалубур яз тербияламишайди хьиз, куь хтуларни птулар квелай чешне къачуна тербияламишда.
Хизандин кьил Тажидин Маллаева РФ-дин Президент В.Путиназ ва РД-дин Кьил Р.Абдулатиповаз чухсагъул лагьана. Ихьтин кIвалахри чпик генани руьгь кутадайди, гьукуматда ислягьвал хьуни вичин уьмуьр яргъи авунин лишанрикай сад тирди лагьана.

--------------------------------------------------------------------------------------------------

Решение №142
                                                                                                                                 от 11.07.2014г.
О проекте Устава муниципального образования «Курахский район»
1. Принять проект Устава МО «Курахский район» в новой редакции.
2. Обнародовать проект Устава МО «Курахский район» в новой редакции путем опубликования в газете «Горный родник» в срок до 20.07.2014 года.
3. С целью организации работы по учету предложений граждан по проекту Устава создать рабочую группу Собрания депутатов МО «Курахский район» численностью 4 депутата в составе согласно приложению №1 к настоящему решению.
4. Установить, что предложения граждан по проекту Устава МО «Курахский район» принимаются в письменном виде комиссией Курахского районного Собрания с 25 июля по 25 августа 2014 года. Предложения будут приниматься по адресу: ул. А. Назаралиева – 1А с 900ч. до 1700ч. ежедневно в кабинете районного Собрания.
5. Для обсуждения проекта Устава МО «Курахский район» с участием жителей района провести публичные слушания 25 августа 2014 года в 1400 часов в актовом зале здания администрации района по адресу: ул. А. Назаралиева – 1А.
6. Протокол и результаты публичных слушаний обнародовать путем опубликования в газете «Горный родник».

Глава
МО «Курахский район» З.З. Азизов


                                                                                                                          Приложение 1
                                                                                                           к решению Собрания депутатов
                                                                                                                     МО «Курахский район»
                                                                                                                            от 11.07.2014 г.

Состав рабочей группы Собрания депутатов МО «Курахский район» по учету предложений граждан по проекту Устава муниципального образования.
Руководитель рабочей группы депутат районного Собрания МО «Курахский район» Будаев М.Р.

Члены рабочей группы депутатов
1. Мирзоев Ф.А.
2.. Саидов С.К.
3. Гададов О.И.
Проект устава МО "Курахский район" РД смотреть здесь

-------------------------------------------------------------------------------------------------

А.Э.Эмирбеков, РД-да авай Россиядин МЧС-дин ГУ-дин УНД-дин Кьурагь районда авай ОНД-дин начальник, къенепатан къуллугъдин капитан.
ЦIай кьуниз акси профилактикадин операция «Оразование 2014»
Образованидин объектар цIаяр кьуникай хуьн патал кьетIен къайгъу чIугуна кIанзава.
ЦIай кьурла кузвай чкадай чпивай экъечIиз тежезвай аялар авайди фикирда кьуна, и учрежденияр цIаяр кьуникай хуьни важиблу чка кьазва.
ЦIай кьуникай хуьнин жавабдарвал и объектрин руководителрин, гьакIни ада тапшурмишнавай ксарин хиве жезва.
Абур и учрежденидин къенепатан низамдин къайдайра къалурнавай РФ-да цIаяр кьуникай хуьнин къайдайрал амал авун истемишуниз мажбур я, гьа идахъ галаз персоналди сифте нубатда чпи и истемишунар кьилиз акъудун лазим я.
Дагъустан Республикада авай Россиядин ГУ МЧС-дин указанидалди 2014-йисан 1-майдилай 30-сентябрдалди цIаяр кьуниз акси профилактикадин "Образование-2014" операция кьиле тухуда. Надзордин кIвалахдин отделениди операциядилай вилик Кьурагь районда райондин образованидин управленидин объектрал гуьзчивал тухунин рекьяй плановый серенжемар кьиле тухуда.
Эхиримжи йисара уьлкведа, республикада къуллугъдал алай ксарин къайгъусузвиляй, цIаяр кьуникай хуьнин къайдайрал амал тавунай са шумуд школа, дошкольный, алава образованидин учрежденияр кана, еке моральный ва материальный зиянар гана.
Алатай йисара хьиз, алай йисузни кIелунин йисан вилик райондин школайри цIай кьуникай хуьнин къайдайрал амал авунин ва школайри цIийи кIелунин йисаз гьазурвал акунин дережа чирун патал вилик ахтармишунар кьиле тухуда.
Виликдай ахъайнавай гъалатIар мад тикрар тахьун патал райондин школайра аялрихъ галаз цIай кьуниз акси профилактикадин кIвалах хъсанарунин рекьяй серенжемар кьиле тухуда.
Госпожарнадзордин буйругъдалди образованидин вири учрежденийрин эвакуация ийизвай рекьин винелай янавай цIай кьадай шейэр хкуднава ва и кIвалах давам жезва. ЦIай хкадарзавай сифте нубатдин тIимил-шимил тадаракар ава. Къавун чардахдик квай чкадин кIарасдин конструкцийриз цIай кьуникай хуьдай къаришма янавач. ЧIехи пай школаяр автоматический пожарный сигнализациядал дуьзмишнава. И кIвалах алай вахтундани давам жезва. Школайра цIаяр кьур дуьшуьшар хьайитIа, эвакуациядин план отработка авунин рекьяй практический занятияр тешкилнава. Амма райондин образованидин управленидин объектрин цIай кьуниз акси гьал ахтармишайла са пай йис-йисандавай тикрар хъжезвай кимивилер винел акъатна.
Гьелбетда, цIаяр кьунин хатасузвилив къайгъударсузвилелди эгечIунин гьакъиндай шагьидвалзавай винидихъ лагьай кимивилерай жазаламиш тавуна амукьдач.
2013-йисуз авур ахтармишунрин нетижайра гзаф руководителар административный жавабдарвилиз чIугуна, гьакIни са шумуд объектдилай кIвалах акъвазарун патал материалар суддиз ракъурнава.
Кьурагь районда авай ОНД-дин буйругърин пунктар кьилиз акъуд тавур дуьшуьшар хьайитIа и отделди гележегда образованидин объектрал цIаяр кьуникай хуьнин къайдайрал амал авунин рекьяй истемишунрал кIевиз акъваздай серенжемар пландиз къачунва.

----------------------------------------------------------------------------------------------


 

Комментарии (0)

Нет комментариев. Ваш будет первым!