Газета №29-30

Райадминистрацияда
Гьафтедин нетижаяр кьуна
22-июндиз райадминистрациядин актовый залда райондин руководителри гьафтеда авунвай кIвалахдин нетижаяр кьадай ва вилик акъвазнавай месэлайриз анализ гудай совещание хьана.
Совещание "Кьурагь район" муниципальный тешкилатдин кьил З.Азизова кьиле тухвана.
Анал хейлин идарайрин руководителри гьафтеда авунвай кIвалахдикай информация гана.
Райондин образованидин отделдин начальник Р.Катибова къейд авурвал, Кьургьрин 2-нумрадин ва Кумухърин юкьван школайрин пунктара кьиле тухузвай ЕГЭ-яр вахкана, Дербентдин 19-нумрадин школада урус чIалай вахкуз тахьайбуру ЕГЭ вахкана, вахкуз тахьанвайбуру пака математикадай ЕГЭ вахкуда, 9-классрай ГИА вахкуз тахьайбуру Бутрал вахкана. Алатай йисав гекъигайла цIи ЕГЭ зайифдказ вахканва.
Алатай йисав гекъигайла цIи гуьзчивал артух тир, майдин вацран мажиб са пай школайриз алатай гьафтеда ганва, амайбуру къе къачузва.
Райондин пенсионный фондунин отделдин начальник А.Назаралиева лагьайвал, алатай гьафтеда Махачкъалада совещание хьана, больницадал алай страховой взносрин патахъай мад Махачкъаладиз фена, алай йисан 1-апрелдалди больницадал 5 млн 200 агъзур манат бурж ала.
Райондин Информацийрин технологийрин ва печатдин центрдин начальник А.Будаева центрди пландал асаслу яз кIвалахзавайди, и мукьвара АТК-дин иштираквал аваз "элкъвей стол" тешкилиз кIанзавайди, газет вахт-вахтунда акъатзавайди лагьана.
ЦРБ-дин кьилин духтур А.Азимова къейд авурвал, больницади пландал асаслу яз кIвалахзава, духтуррин бригадаяр хуьрериз физва, больницадал алай страховой взносрин бурж тIимил-тIимил вахкуз алахъзава, дарманар тIимил ама, абур къачун патал тендер мулумарунин серенжемар кьабулзава, мажибдин бурж алач, майдин вацран мажиб и йикъара гуда.
Райондин ЦЗН-дин директор Гь.Гьажиханова лагьайвал, алай вахтунда школьникар школайра гатун кIвалахрал желб авунал гьавалат хьанва, Мегьарамдхуьруьн почтамтдихъ галаз гьамиша наразивилер жезва, ЦЗН-дай пособие гудайла четинвиле гьатзава.
З.Азизова вири руководителриз кIвалахда авай кимивилер арадай акъудун тагькимарна, йисан кьвед лагьай пай патал газетар подписка авун буйругъна.

 -----------------------------------------------------------------------------------------

Ф.Абдурагьманова.
Чи интервью
Бейкарриз куьмек яз - программаяр
Виридаз малум тирвал, эхиримжи йисара чи районда кардик квай бейкар агьалияр кIвалахдал таъминардай центрда (ЦЗН-да) гьукуматди зегьметдин базарда бейкаррин кьадар тIимил хьун патал са кьадар програмаяр кардик кутунвай.
Къенин юкъуз и программаяр кардик куматIа ва гьукуматди бейкаррин кьадар тIимиларун патал, ЦЗН-рин вилик кьиле тухвана кIанзавай цIийи жуьре гьихьтин кIвалахар эцигнаватIа чирун патал чун райондин ЦЗН- дин начальник Гьажиханов Гьажихан Садудиновичан патав фена ва адаз са шумуд суал гана.
-Гьажихан Садудинович, ЦЗН-ди вилик йисара кьиле тухузвай программаяр кардик кумани? Алай вахтунда бейкарар кIвалахдал таъминарун патал куьне гьихьтин кIвалахар кьиле тухузва?
-Лугьун лазим я, алай йисуз чаз чи Министерстводай, финансовый кризис арадал атуникди, гьа вилик йисара авай ва я цIийи программаяр кардик кутадай мумкинвал гузвач. Амма, бейкарриз маса регионра кIвалахар жагъурдай мумкинвилер гун истемишзава.
ИкI, чи Министерстводи гьар са бейкар Россиядин къене кIвалахар авай регионриз ракъурдай мумкинвал гузва. Министерстводи ЦЗН-диз кIвалахдин вакансияр авай чкаяр къалурзава, ЦЗН-дини кIвалах авай регион гьина аватIа, вуч ва гьихьтин кархана ятIа, гьикьван мажиб ва питание гузватIа, пулдин кьадар, яни абур яшамиш жедай шартIар гьикI тешкилнаватIа чирзава.
Эгер бейкар агьали тешкилнавай шартIарал рази хьана, адаз кIвалахдай чка жагъайтIа, ЦЗН-ди бейкарриз кьилди, гьар садавай вичивай "скайпдин" алакъадин куьмекдалди, гьа кIвалах гузвай чкадихъ галаз гуьруьш жедай мумкинвал гудай чка тешкилзава.
Гьа винидихъ лагьай кIвалахар арадал гъун патал чна 25-июндиз ЦЗН-да межрегиональный ярмарка кьиле тухуда, ам тухун патал чна 15 югъ вилик кумаз малуматар гуда.
-Меслят хьана ярмаркада иштирак авур бейкарриз ЦЗН-дин патай гьихьтин куьмекар гузва?
-Лагьана кIанда, ярмарка кьиле тухайла бейкарарни работодателар меслят хьайи вахтунда, ЦЗН-дай и касдиз чкадал агакьардай напраление ва рекьера лазим къвезвай вири документар, билет, кIвалахдал кьабулай приказдин копия, трудовой книжкадин копия ва рекьериз акъатай харжийрин кьадар ЦЗН-дай вахкузва.
Алай йисуз чи ЦЗН-дин куьмекдалди 12 бейкар Москвада авай ООО «Фер Эль-Гам» фирмадиз кIвалахиз ракъурнава. Къенин юкъузни абур ина кIвалахиз амазма.
-Райондин ЦЗН -да авай бейкар набутар кIвалахдал таъминардай программаяр кардик кумани?
-Са шумуд йис идалай вилик кардик квай, гьукуматди набутар кIвалахдал таъминардай программа къенин юкъузни кардик кума.
-Амма ам чи районда и программа кьиле тухунин карда еке четинвилер гьалтзава.
Сад лагьайди, ина чкайрал набутриз кIвалах гун патал, районда кIвалахдин вакансияр авай чкаяр жагъизвач.
ТIалабзава вири идарайрин руководителривай, эгер чпивай жез хьайитIа, набутриз кIвалахдай чкаяр тешкилун.
Эгер кIвалахдай чкаяр тешкил авуртIа, ЦЗН-дай ихьтин идарайриз 72 агъзур манат чара ийизва.
-Гьажихан Садудинович, гатун вахтунда школайра чIехи классра авай аялар кIвалахдал желбдай программа гьикI кьиле физва.
-Къенин юкъуз и кардани дегишвилер хьанва. Гьа винидихъ лагьайвал, гьукуматди ихьтин программаяр вилик тухун патал чаз са жуьрединни финансар чара авунвач. Алатай йисара и программа финансировать авур вахтунда са пай пул аялриз райондин образованидин отделдай, муькуь пай чи ЦЗН-дай гузвайди тир. Кризис авайвиляй и программадикни са жуьрединни пулдин такьатар кутунвач. Лугьун лазим я, пулдин такьатар авачтIани, 10 йикъан къене 14 ва 18 йисан яшда авай аялар Закондалди кIвалахдал желб авун истемишзава.
И кIвалахни чи ЦЗН-дин куьмекдалди кьиле тухузва.
-Алай вахтунда ЦЗН-дай бейкарриз гузвай пулдин пособиядин кьадар дегиш хьанвани?
Лагьана кIанда, ЦЗН-дай бейкарриз гузвай пулдин пособиядин кьадар РФ-дин Закондалди тайинарна гузвайди я. Чавай ам чаз кIандайвал са жуьредани дегишариз жезвайди туш.
Эхиримжи 10-15 йисан къене пособиядин кьадар 850 манат яз амазма. Эгер и карда дегишвилер хьайитIа, чна районэгьлияр хабардар ийида.
-Чухсагъул сугьбет авунай.

 --------------------------------------------------------------------------------------------

Календарный план мероприятий по подготовке и проведению выборов депутатов представительных органов муниципальных образований Курахского района РД в единый день голосования 13 сентября 2015 года         смотреть здесь

---------------------------------------------------------------------------------------------

П.Магьарамова.
Фольклордин манийрин фестиваль - Кьурагьа
16-17-июндиз райондин Культурно-досуговый центрда фольклордин ва авторрин манийрин фестиваль кьиле фена.
Фестиваль кьиле тухунин кьилин метлеб акьалтзавай несилди чIуру кIвалахрал амал тавуна, жегьилрин фикир халкьдин манийрал, адетрал, диде-бубайрин зегьметдиз гьуьрмет авунал желб авун я. Кьиле фейи мярекатда Усарин, Ашарин, Хвережрин, Шимихуьруьн, КIутIулрин, КIирийрин, КьепIиррин, Бугъдатепедин ва Маллакентдин хуьрерин Культурайрин кIвалерин работникри, абуру гьазурнавай школьникри, райондин манидарри, шаирри, композиторри иштиракна.
Гьар са коллективди, халкьдин, чпи теснифнавай манияр тамамарна, эцигнавай тамашаяр къалурна.
Жюридин членар тир Кевсер Фейзулаевадиз, Шафудин Саруеваз, Зейдулагь Рамазановаз, Мегьамед Гуьлметоваз лагьай манияр, къалурай тамашаяр бегенмиш хьана. Жюриди кьетIен къимет ата- бубайрилай амай лезгийрин адетриз, вилик вахтара чи дишегьлийри гьихьтин гъилин кIвалахар ийизвайтIа къалурнавай сегьнейриз- сариз кек ягъуниз, чхрадал гъал авуниз- гана.
Иштирак авур коллективрикай Ашарин Культурадин кIвалин коллектив Нариман Рамазанова тамамарай Гьуьсейн Рамазана вичин чIалариз кхьенвай "Кьурагь район" манидалди, КутIулрин Культурадин кIвалин коллектив Рамазанов ТIагьира тамамарай "Дидеяр", "Дагъустан" халкьдин манийралди, КьепIиррин Культурадин кIвалин коллектив чпи гьазурнавай маракьлу сегьнейралди, лагьай халкьдин манийралди тафаватлу хьана.
Фестивалда иштирак авур вири коллективар, активныдаказ иштирак авунай Культурно-досуговый центрадин Гьуьрметдин грамотайриз лайихлу хьана.
Мадни и мярекатдал жюридин членри лагьайвал, и фестивалда тафаватлу хьайи иштиракчийри и мукьвара Кумухърин хуьре гегьеншдиз кьиле фидай "Кьурагь дагъларин авазар " фестивалда иштирак ийида.
-------------------------------------------------------------------------------------------

Муниципальное образование «сельсовет «Курахский» приглашает к участию в торгах по продаже муниципального имущества
1. Продавец
Администрация МО "сельсовет "Курахский", 368180, Курахский район, с.Курах, ул.Набережная-19
Контактный тел.: 22-1-41
2. Форма торгов-открытый аукцион
3. Предмет аукциона и начальная цена
Автомобиль ВАЗ 21214-24650 руб
4. Шаг аукиона-10% от начальной цены
5. Прием заявок с 25.06.2015г. по 25.07.2015г. 10:00 по адресу продавца
6. Дата проведения аукциона: 25.07.2015 г. 10:00 по адресу продавца
7. Выдача документации и дача разъяснений: в рабочие дни по адресу продавца
-------------------------------------------------------------------------------------------

Ф.Абдурагьманова.
Спорт
Республикадин кIвенкIвечивал патал – футболдай турнир
Алай йисан 16 ва 18-июндиз Махачкъала шегьерда ДЮСШ-ра машгъул жезвай 2004-йисуз ханвай аялрин арада футболдай РД-дин кIвенкIвечивал патал финал кьиле фена.
И акъажунра сад лагьай сефер яз чи райондин футболдин хкянавай командадик кваз Кьурагьрин ва Ашарин хуьрерин аялри иштиракна.
Футболдай кьиле фейи и кIвекIвечивал РД-да тIвар-ван авай виридалайни хъсан спортсменар гьазурзавай РДЮСШОР-школада кьиле тухвана.
И школадиз регьбервални виликдай тIвар-ван авай футболист ва тренер Александр Маркарова гузва.
Лагьана кIанда, и мярекатдиз иштирак ийиз фейи чи команда ина лап хъсандиз кьабулна ва командадиз пулдин такьатар чара авур "Кьурагь район" муниципальный тешкилатдин кьил З.Азизоваз чухсагъул лагьана.
Сифте яз и акъажунра иштиракна, кIвенкIвечи чкаяр кьаз хьаначтIани, чи команда лап хъсан нетижаяр аваз къугъвана.
Алай вахтунда рикIе авай мурадар кьилиз акъудун ва мад сеферда ихьтин турнирда кIвенкIвечи чкаяр кьун патал тренерар тир Бабаев Русланани Сефералиев Радика чпин команда генани хъсандиз вердишарайди лагьана.
Идалайни гъейри, лагьана кIанда хьи, Кьиблепатан Дагъустандин командирикай и турнирда са чи Кьурагь райондин футболдин командади иштиракна.
Акъажунар куьтягь хьайидалай гуьгъуьниз чи командадик квай хейлин хъсан игрокриз РД-да машгьур спортда бажарагъ авай жегьил спортсменар гьазурзавай "Академия Анжи"-дин школада вердишвилер къачуз теклифнава.
Чнани умуд кутазва чи хкянавай командадихъ, мад сеферда тешкилна кьиле тухудай и турнирда кIвенкIвечи чкаяр кьадай мумкинвал жедайди.
-------------------------------------------------------------------------------------------

"Кьурагь район" муниципальный тешкилатдин администрациядин работникри Исаева Эльмирадиз играми ими РАШИД рагьметдиз финихъ галаз алакъалу яз башсагълугъвал гузва.

-------------------------------------------------------------------------------------------

Райондин информационный технологийринни печатдин Центрдин работникри Исаева Эльмирадиз играми ими РАШИД рагьметдиз финихъ галаз алакъалу яз башсагълугъвал гузва.

-------------------------------------------------------------------------------------------

"Кьурагь район" муниципальный тешкилатдин администрациядин работникри ПАШАЕВ РАШИД рагьметдиз финихъ галаз алакъалу яз адан хизандиз ва мукьва- кьилийриз башсагълугъвал гузва.

-------------------------------------------------------------------------------------------

Райондин МБУ Культурно-досуговый центрдин работникри Бабаев Муртазалидиз играми стха ГЬАЖИМУРАД рагьметдиз финихъ галаз алакъалу яз, дериндай хажалат чIугунивди, башсагълугъвал гузва.

-------------------------------------------------------------------------------------------



 

Комментарии (0)

Нет комментариев. Ваш будет первым!