Газета №26

Райадминистрацияда
Нубатдин совещание хьана
1-июндиз райадминистрациядин актовый залда райондин идарайрин руководителри гьафтеда авунвай кIвалахдин нетижаяр кьадай нубатдин совещание хьана.
Совещание "Кьурагь район" муниципальный тешкилатдин администрациядин кьил С.Гьамидова кьиле тухвана.
Райондин Культурно-досуговый центрдин директор А.Эмирбекова къейд авурвал, алай вахтунда Кумухъа кьиле тухузвай "Кьурагь дагъларин авазар" фестивалдиз, Докъузпарада кьиле тухузвай Рачаб Сафароваз бахшнавай фестивалдиз гьазур жезва, работникрив идара ликвидировать авунин гьакъиндай уведомленияр вахканва.
"Кьурагь район" муниципальный тешкилатдин администрациядин кьилин заместитель Махач Хариева 11-классдин аялри урус чIалай ЕГЭ вахканвайди, математикадай вахкузвайди, урус чIалай ЕГЭ-дин 4 кIвалах аннулироватнавайди, математикадай ОГЭ вахканвайди, урус чIалай 3-июндиз ОГЭ вахкудайди лагьана.
ЦРБ-дин кьилин духтур А.Азимова къейд авурвал, больницади пландал асаслу яз кIвалахзава, чIехи агьалияр 50 процент, аялар 43 процент диспансеризация авунва.
Ветеринарный управленидин начальник Надир Асланова перегонар акьалтIарнавайди, гьайванриз цIаяр къвезвай дуьшуьшарни авайди, рапар ягъиз фейила иесийрин иштираквал тахьуниз килигна, и кIвалах кьилиз акъуд тавуна амукьзавайди, бруцеллез пайда хьанвайди къейдна.
Совещанидал гьакI финансовый отделдин начальникдин заместитель П. Бабаева, райондин казенный ва бюджетный учрежденийрин централизованный бухгалтериядин кьилин бухгалтер Р.Асланов, физкультурадинни спортдин ва жегьилрин крарин рекьяй отделдин начальник Р.Рамазанов рахана.
С.Гьамидова гьар са месэла веревирд авуна ва кимивилер арадай акъуддай рекьер къалурна.

--------------------------------------------------------------------------------------

З.Саидова.
Игит дидеяр
Дидейрин зегьмет пара я
Диде дуьньядин винел виридалайни ширин ва багьа кас я. Дидедин зегьмет еке я, гьар са дидедин мурад веледрикай рикI шад ва секин хьун я.
Чавай чи районэгьлияр тир дидейрин бажарагълу крарал гьахълудаказ дамах ийиз жеда. Са кьадар аялар хвена, чIехи авуна, гьар са аял чпин дережадив агакьарунин кардай дидейриз кьетIендаказ къимет гана кIанда. Дидеди веледдиз уьмуьр багъишзава ва ам тербияламишунин кардани чпин вири къуватар желбзава. Веледар хана, абуруз тербия гана, гьар сад вичин кIвале секинарнавай ихьтин дидейрин жергейрай сад чи райондин Ашарин хуьряй тир Рамазанова Секинат Къазимегьамедовна я. Чун Секинат дидедин кIвализ мугьман хьана ва адавай вичин уьмуьрдикай, авур кIвалахрикай суьгьбет авун тIалабна. Чна Секинат дидедиз гьаятдилай эвер гайила, чаз рак са жегьил дишегьлиди ачухна ва гайи салам кьабулна кIвализ теклифна. КIвализ гьахьна хваш-беш авурдалай кьулухъ, чна Секинат дидедиз, и кIвале авай дишегьлидиз килигна,-"Секинат диде, им куь свас яни?-лагьана хабар кьурла, Секинат дидеди жаваб гудалди а дишегьлиди: “ Ваъ, зун адан руш я”,- лагьайла, Секинат дидедини ам зи руш Ламунат я, чан аялар, ам Украинадай хтанвайди я лагьана. Ам Украинадай хтанвайди я лагьайла, за Ламунатаз килигна, куьн ана гьина яшамиш жезвай, мус хтанвайди я лагьана хабар кьуна. Ада заз алай вахтунда Украинада арадал атанвай вакъиаяр себеб яз чеб кIвал-югъни туна КIиридиз хтанвайди я, кьве югъ я иниз дидедал кьил чIугваз атанвайди я лагьана.
Абурун ихтилатдай заз чир хьайивал, Ламунат Украинада Донецк областдин Кировское шегьерда яшамиш жезвайди лагьана. Ламунатахъ галаз суьгьбет авуна куьтягьайдалай гуьгъуьниз, чна Секинат дидедивай вичин суьгьбет башламишун тIалабна.
Ада суьгьбет авурвал, ам 1955-йисуз Кьурагь райондин Ашарин хуьре дидедиз хана. Адан буба Къазимегьамеда колхозда лежбервал ийиз, диде Тамала гвенар гуьз, векьер ягъиз чпин хизан хвена акьулдна.
Секинат диде школадиз фидай вахтар Ватандин ЧIехи дяве алатай четин вахтарал гьалтна. Секинат дидедини 7- классдалди Ашарин школада кIелна. А вахтара диде-бубайри дишегьли веледар бегьем яш тамам тахьанмаз эвленмишдай. Секинат дидедин 15 йис хьайила, Хидирнаби бубадини Секинат дидеди чпин кьисметар сад авуна. Абурухъ 10 велед - 1 рушни 9 гада -хьана.
Секинат дидеди Хидирнаби бубадиз гъуьлуьз атайдалай гуьгъуьниз 30 йисалай виниз дояркавал авуна, гвенар гвена, векьер яна, Хидирнаби бубади чубанвал ийиз чпин веледар хвена.
Руш Ламунат чна винидихъ лагьайвал Украинада яшамиш жезва, алай вахтунда КIиридиз хтанва, гадайрикай Хейруллагьни Рамазан Махачкъала, Къурбан Дербент, Мегьамед Каспийск шегьерда, Лукьман Белижда, Мавлудини Рамидин хуьре яшамиш жезва, Абдурагьманни Шабан (рагьмет хьурай чпиз) Абдурагьман Каспийск шегьерда вичиз эцигзавай кIвалерин къавар дуьзардайла къавалай аватна, Шабан Украинадин Днепропетровск шегьерда азарлу хьана, рагьметдиз фена. Абурухъ виридахъ чпин кIвал-югъ ва хизанар ава, Секинат диде вичин кIвале Мавлудан хизандин патав яшамиш жезва. Адахъ хейлин хтулар ва птулар ава. Секинат дидедиз 10 аял хана, хвена, чIехи авунай 1977-йисан 21- январдиз акъатнавай "СССР-дин Верховный Советдин Президиумдин Указдалди "Игит диде" лагьай тIвар ганва.
Къуй Секинат диде, куьн куь веледрин, хтулрин ва птулрин кьилел сагъ ва саламат хьурай! Куь кIвале гьуьрмет ва берекат хьурай!
Чна чи патай Секинат дидедиз Игит диде хьуниз килигна, Виридуьньядин аялар хуьдай Югъ мубарак ийиз кIанзава.
Къуй квехъ чандин сагъвал, рикIин шадвал хьана, кьилелай михьи ва вили цав кими тахьурай! Куь веледрикай рикI архайин хьурай! Амин!
------------------------------------------------------------------------------------------

З.Саидова.
1-июнь Виридуьньядин аялар хуьдай Югъ
КЦСОН-да аялар хуьдай Югъ къейдна
1-июндиз КЦСОН-дин аялар ва аялар авай хизанар яшайишдин рекьяй хуьдай отделенида Виридуьньядин аялар хуьдай Йикъаз талукьарнавай мярекат кьиле фена.
Мярекатдиз гзаф аялар авай, набут аялар авай, яшайишдин рекьяй четин гьалда авай хизанрай тир аялриз теклифнавай. Аялриз тIямлу шейэр алай столар ачухнавай. Мярекат Кьурагьрин сад лагьай нумрадин школадин 6-классдин ученица Рамазанова Аминади ачухна ва и сувар гьикI арадал атанатIа суьгьбет авуна.
Мярекатдал Кьурагьрин сад лагьай нумрадин юкьван школада кIелзавай аялрини ва "Аленушка" ясли-бахчадин аялри чпи гьазурнавай программа къалурна. Гуьгъуьнлай аялриз Кьурагьрин сад лагьай нумрадин юкьван школадин 6-классдин ученица Абдурагьманова Алинади "Куда уходит детство" ва "Прекрасное далеко" манияр тамамарна.
Аялри шиирар кIелна ва "Солнечный круг" мани тамамарна.
Ведущий Рамазанова Аминади мискIалар гуз, мярекатда иштиракзавай аялри абуруз жавабар гана.
"Лучший рисунок" конкурсда гъалиб хьайи Кьурагьрин сад лагьай нумрадин юкьван школадин ученицаяр тир Агьмедова Рагьиматазни ва Будаева Регинадиз пишкешар гана.
Культурно-досуговый центрдин работник Гьасанов Надира лагьай манийри мярекатдал генани ранг гъана ва аялри кьуьлер авуна.
Отделенидин заведующий Абдуллаева Саидади мярекатда иштирак авур виридаз чухсагъул лагьана ва гуьгъуьнлай мярекатдиз теклифнавай аялрин арада асфальтдал ни хъсан шикил чIугвадатIа конкурс кьиле фена. И конкурсда Агъабекова Жасминади чIугур "Роза" ва Султанов Мурада чIугур "Машин" шикилар виридалайни хъсанбур яз гьисабна. Мярекатрин эхирдай вири аялриз пишкешар гана.

---------------------------------------------------------------------------------------------

М.Агьмедова.
Виридуьньядин аялар хуьдай Югъ къейдна
Аялар чи гележег я. Аялар авачир уьмуьр, уьмуьр туш. Эхиримжи йисара аялрин гележегдиз, абурун чирвилериз гьукуматди кьетIен фикир гузва. Чи школайра гузвай чирвилерилай гъейри виринра хьиз чи райондани алава образованидиз кьетIен фикир гузва. И кардин гьакъиндай гьукуматди жуьреба-жуьре программаяр кардик кутунва. Чи райондани алава чирвилер гузвай идараяр кардик ква.
Ибурукай сад тир райондин искусствойрин школадин филиалри гьар кIелунин йисан эхирдай, чпи йисан къене къачур чирвилер отчетный концертда къалурзава.
1-июндин сятдин 11-даз райондин Спортдин дворецда, райондин искусствойрин школада чирвилер къачузвай аялрин иштираквал аваз, Виридуьньядин аялар хуьдай Йикъаз талукьарнавай мярекат кьиле фена.
Иниз райондин хейлин хуьрерай искусствойрин школадани чирвилер къачузвай аялар ва Кьурагьрин "Солнышко" тIвар алай ясли-бахчадай школадиз фидай яш хьанвай аялар атанвай. Абуру шаддаказ кьуьлер авуна, манияр тамамарна. Мярекатдиз атай мугьманар Яратмишунрин кIвалин аялри ва абуруз чирвал гузвай муаллимри чпин гъилералди гьазурнавай жуьреба-жуьре затIар эцигнавай выставкадиз лап дикъетдивди килигна.
Мярекат Кьурагьрин сад лагьай нумрадин юкьван школадин ученица Н.Къизиевади ачухна ва сифте гаф "Кьурагь район" муниципальный тешкилатдин администрациядин кьилин заместитель М.Хариеваз гана.
Ада Виридуьньядин аялар хуьдай Югъ аялриз, аялрал зегьмет чIугвазвай муаллимриз, диде-бубайриз, атанвай мугьманриз, райадминистрациядин патай мубаракна. Мярекатдал гьакIни М.Хариева 2014-2015-кIелунин йисуз республикада хьайи конкурсра иштирак авур муаллимрив ва аялрив грамотаяр, дипломар вахкана.
Гуьгъуьнлай М.Хариева конкурсра иштирак авур муаллимриз ва аялриз чухсагъул лагьана. Къведай йисуз ихьтин конкурсра генани хъсан нетижаяр жедайдак умуд кутазвайди къейдна.
ГьакIни шад мярекатдал райондин хореографический коллективдин муаллим Расим Наврузоваз аялриз кьуьлер чирунай грамота гана.
Мярекат искусствойрин школадин аялри "Горянка" кьуьлуьналди акьалтIарна.
---------------------------------------------------------------------------------------------

П. Магьарамова.
Аленушкада шадвилер
Инсанар дуьньядихъ галкIурзавайбур, уьмуьр йикъандавай-йикъуз ширинарзавайбур, чи веледар я.
Аялриз кьетIен фикир гуз, чун гьамиша чалишмиш жезва. 1-июнь Виридуьньядин аялар хуьдай Югъ яз къейдзава.
Вири Россияда хьиз Кьурагьрин ясли-бахчайрани Виридуьньядин аялар хуьдай Йикъаз талукьарнавай шад утренникар кьиле фена.
1-июндиз "Аленушка" тIвар алай ясли-бахчада шараралди, махарик квай гьайванрин шикилар чIугунвай цлан газетралди туькIуьрнавай залда сятдин 10 тамам жедайла утренникдиз хас гуьрчег парталар алай, вилер шадвилив ацIанвай бицIекар, бахчадин работникар ва диде-бубаяр кIватI хьана.
Аялри мярекатда жуьреба-жуьре бендер кIелуналди, манияр лугьуналди, кьуьлер авуналди кIватI хьанвайбурун гуьгьуьлар шад авуна.
Гуьгъуьнлай ясли-бахчадин аялрин "Витамин" ва "Спасатели" командайрин арада "Собери цветок", "Красивое солнце" эстафетаяр кьиле фена. Кьиле тухвай эстафетайра «Спасатели» командади гъалибвал къачуна. Ахпа аялар ясли-бахчадин ашпазри гьазурнавай тIуьнар, гьар жуьредин няметар алай столрихъ гуьзлемишзавай.
Шад мярекат, бицIекри кьуьлер авуналди, геждалди давам хьана.

---------------------------------------------------------------------------------------------

Ф.Абдурагьманова.
Спорт
Футболдай турнир кьиле фена
Лугьун лазим я, эхиримжи йисара чи районда спорт вилик тухуниз кьетIен фикир гузва. Иллаки жегьил спортсменриз гьам районда, гьам РД-да кьиле тухузвай жуьреба-жуьре акъажунриз физ, спортда чпихъ авай алакьунар къалурдай мумкинвилер гузва. ИкI, алай йисан 31-майдиз Мегьарамдхуьруьн районда, Кьиблепатан Дагъустанда авай ДЮСШ-ра чирвилер къачузвай футболдин камандайрин арада республикадин первенство патал зональный акъажунар кьиле тухванва.
Турнир кьиле тухунин кьилин метлеб: жегьилрин арада спорт ва физкультура пайда авун футболдал рикI алайбуруз вахт кечирмишдай мумкинвал гун ва ДЮСШ-да авай футболдин командайрин арада, виридалайни хъсан сборный команда арадал гъун тир.
Вири санлай къачурла и турнирдиз Кьиблепатан зонада авай ДЮСШ-рин 4 командадик кваз 60 спортсмен атанвай.
Чи райондай и мярекатдиз тренерар тир Бабаев Руслан, Сефералиев Рафик ва Катибов Азим кьиле аваз 2004- йисуз ханвай 17 спортсмендикай ибарат тир команда фена.
Кьиле фейи турнирда иштирак авур ва хъсан алакьунар къалурай жегьил спортсменар тир Рамазанов Абдулмаликан, Рамазанов Маратан, Сулейманов Маратан, Мамедов Тимуран, Мамедов Анридан, Исаев Мегьамедан, Гьажимегьамедов Рамазанан, Гьажиханов Рустаман, ТIагьиров Алидин, Сефералиев Ханан, Абдуллаев Имратан, Омаров Рашидан, Рамазанов Тимуран, Оружев Абдулан, Гуьсейнов Гьуьсейнан, Бабаев Мусаибан ва Омаров Умаран тIварар кьаз жеда.
И турнирда чи райондин ДЮСШ-дин футболдин командади 2-чка кьуна. Алай вахтунда, чи райондин жегьил спортсменар Махачкъала шегьерда 16-18-июндиз футболдай кьиле фидай РД-дин первенстводин финалдиз гьазур жезва.
Чазни чи жегьил спортсменрихъ генани еке агалкьунар хьана кIанзава.

 --------------------------------------------------------------------------------------------

Объявление
Уважаемые жители Курахского района!
С 18 мая по 31 декабря 2015 года на территории Республики Дагестан в соответствии приказом МВД по РД от 15 мая 2015 г. № 999 проводится операция "Оружие-выкуп", по возмездному выкупу у населения незаконно хранящегося огнестрельного оружия, боеприпасов и взрывчатых веществ.
Денежная выплата осуществляется за счет средств, предусмотренных бюджетом Республики Дагестан на финансирование государственной программы Республики Дагестан "Обеспечение общественного порядка и противодействие преступности в Республике Дагестан на 2014-2017 годы", утвержденной постановлением Правительства Республики Дагестан от 13.12.2013 г. № 661.
Выплата денежных средств осуществляется Минюстом РД в размере, установленном в таблице, гражданам, добровольно сдавшим незаконно хранившееся у них оружие, боеприпасы, патроны, взрывчатые вещества или взрывные устройства, достигшим 18 лет, местом постоянной регистрации которых является Республики Дагестан.

Наименование оружия, боеприпасов и взрывчатых веществ

Цена

п/п

 

в руб.

1.

Пистолет или револьвер

15000

2.

Автомат

20000

3.

Пулемет

25000

4.

Подствольный гранатомет ГП-25 и гп-зо

15000

5.

Гранатомет РПГ -77В и 27

17000

 6.

Одноразовый гранатомет РПГ-18, 22, 26, 27

15000

7.

Винтовка СВД

25000

8.

Пистолет-пулемет

15000

9.

Охотничий карабин

6000

10.

Охотничье гладкоствольное ружье

3000

11.

Газовые пистолеты и револьверы отечественного производства

1000

12.

Газовые пистолеты и револьверы иностранного производства

1000

13.

Пистолеты и револьверы кустарного производства

1000

14.

Самодельное стреляющее устройство

500

15.

Взрывчатое вещество (тратил, аммонит, гексоген и дрВВ) за 1 грамм

5

16.

Взрывное устройство (устройство, включающее в себя ВВ и СВ)

2000

17.

Средство взрывания (электродетонатор, капсюль-детонатор, взрыватель

 

 

в шт., огнепроводные и электропроводные шнуры в м.) за единицу

200

18.

Штатный боеприпас (выстрелы к артиллерийскому вооружению)

2000

19.

Выстрел к РПГ

2000

20.

Огнемет РПО-А

10000

21.

Выстрел к гранатомету (ВОГ-З0, 25, 25П)

1500

22.

Граната (Ф-1, РГО, РГН, РКГ-3ЕМ, РГ-42)

1500

23.

Мина инженерная (саперные мины)

1000

24.

Патроны И боеприпасы к боевому стрелковому оружию

5

 ОМВД России по Курахскому району.

-------------------------------------------------------------------------------------------

Малумат
Гьуьрметлу районэгьлияр! 30-майдилай 18-июндалди районда"Автобус" тIвар алаз оперативно-профилактический серенжемар кьиле тухузва.
Райондин ОГИБДД-дин начальник Р.Мусаев.

------------------------------------------------------------------------------------------

Муниципальное образование "Курахский район" информирует в 2015 году места на первом курсе для целевой подготовки кадров с высшим образованием согласно следующему списку.
ДГУ-Дагестанский государственный университет Целевая подготовка специалистов с высшим образованием
На подготовку кадров в (ДГУНХ) Дагестанский государственный университет народного хозяйства (Подготовка специалистов по целевым направлениям).

Специальности смотреть здесь

-----------------------------------------------------------------------------------------

Утерянный аттестат о неполном среднем образовании за номером 241523, выданный в 1977 году Шимихюрской СОШ Курахского района РД на имя Саидова Курбана Идрисовича, считать недействительным.
-----------------------------------------------------------------------------------------


 

 

Комментарии (0)

Нет комментариев. Ваш будет первым!