Газета №25

 Райадминистрацияда
Гьафтедин нетижаяр кьуна
25-майдиз райадминистрациядин актовый залда райондин идарайрин руководителри авунвай кIвалахдин нетижаяр кьадай совещание хьана.
Совещание "Кьурагь район" муниципальный тешкилатдин кьил З.Азизова кьиле тухвана.
Совещанидал хейлин руководителри авунвай кIвалахдикай информация гана.
Райондин финансовый отделдин начальник Б.Ибрагьимова къейд авурвал, апрелдин вацран мажиб вири идарайриз ахъайнава, майдин вацран мажиб финансар бес тахьуниз килигна гьеле гуз жезвач, и йикъара майдин вацран мажиб хтун лазим я.
Райондин образованидин отделдин начальник Р.Катибова лагьайвал, вири школайра эхиримжи зенгер кьиле тухвана, къе литературадай ва географиядай ЕГЭ вахкун патал Кьасумхуьрел фенва, аялар тIимил хьуниз килигна Кьасумхуьрел ракъурун меслятнава, 27-майдиз 9-классдин аялриз ГИА жеда, 28-майдиз урус чIалай ЕГЭ вахкуда.
Райондин Культурно-досуговый центрдин начальник А.Эмирбекова пака Ш.Исаеван 80 йисаз талукь мярекат кьиле тухузвайди, 24-июлдиз Докъузпарада кьиле тухузвай Рачаб Сафароваз бахшнавай республикадин фестивалдиз гьазур жезвайди, пулдин такьатар бес тахьана библиотекайриз 4 вацран мажиб гуз тахьанвайди лагьана.
Райондин информацийрин такьатрин ва печатдин отделдин начальник А.Будаева къейд авурвал, центрди пландал асаслу яз кIвалахзава, дегишвилер хутуна райондин Устав газетда чап авуна , сайтди, телевидениди кIвалахзава.
Совещанидал винидихъ рахайбурулай гъейри, райондин пенсионный фондунин отделдин начальник А.Назаралиев, райадминистрациядин ОСХ-дин чилеринни эменнидин алакъайрин отделдин начальник С.Селимов ва масабур рахана.
З.Азизова совещанидал рахай гьар садахъ яб акална, кIвалахда авай кимивилер арадай акъудун, ЕГЭ-диз виликамаз гьазурвал акун тагькимарна, алатай жуьмя йикъан экуьнахъ районда тухузвай КТО акъвазарнавайди лагьана.
--------------------------------------------------------------------------------------------

З.Саидова.
МФЦ-дин векилдихъ галаз совещание
РД-дин Кьил Абдулатипован "Нетижалу гьукуматдин управление"-кар алай проект уьмуьрдиз кечирмишунин мураддалди Дагъустан Республикадин са шумуд районда МФЦ (Многофункциональный центр) ачухнава.
Алай вахтунда чи райондани и центр кардик кутун патал кIвалах гъиле кьунва.
Иниз килигна, 26-майдиз райадминистрациядин актовый залда РД-дин ГАУ-дин (Государственное автономное учреждение) МФЦ-дин векил векил Гьажибеков Муслим Абдулгьамидовичан иштираквал аваз совещание кьиле фена. Совещанидиз "Кьурагь район" муниципальный тешкилатдин администрациядин кьилин заместитель М.Хариев, райондин ЦЗН-дин директор Гь.Гьажиханов, идарайрин работникар ва хуьруьн жегьилар атанвай.
Совещание кьиле тухвай М.Гьажибекова кIватI хьанвайбуруз МФЦ-ди тухвана кIанзавай кIвалахдикай, авай вакансийрин патахъай, район яшайишдин рекьяй вилик тухунин карда МФЦ-дихъ еке метлеб авайди лагьана.
Ада МФЦ-да кIвалахдал акъвазиз кIанзавайбурун арада собеседование жедайди, ана 5 суал, гьар са суалдиз жаваб гайила са балл гудайди ва и собеседование жедалди анкета ацIурна кIанзавайди лагьана.
Совещанидин эхирдай кIватI хьанвайбурув ацIурна кIанзавай анкетаяр вугана ва собеседование мус жедатIа хабар хгуда лагьана.
---------------------------------------------------------------------------------------------

Ф.Абдурагьманова.
Чи интервью
Мал-къарадин сагъламвилин къаравулда
Алай вахтунда районда авай мал-къара гьар жуьредин азаррикай гьи къайдада хуьзватIа, абурал гуьзчивал тухунин кIвалах гьикI кьиле физватIа чирун патал чун ветеринарный управленидин начальник Асланов Надир Нурмегьамедовичан патав фена. И жигьетдай ада чаз важиблу тир са шумуд суалдиз жаваб гана.
-Алай вахтунда ветеринарный управленида шумуд работникди кIвалахзава. Квез ветеринарный рекьяй пешекарар бес кьадар авани?
-Къенин юкъуз вири санлай чи райондин ветеринарный управленида 35 касди кIвалахзава, абурукай 29 ветеринарный рекьяй пешекарар ва 6 технический персонал я. Алай вахтунда чаз Кьурагьрин хуьруьн ветеринарный лечебницадиз кьве работник (ветеринарный фельдшерар) кьабулдай мумкинвал ава, амма гьайиф хьи, кIелай ксар авачиз хьуниз килигна, чавай а кар ийиз жезвач. Алатай йисуз кIелна хтана чна кIвалахал кьабулай кьве жегьил пешекар кIвалахлай элячIна, Москвадиз кIвалахар ийиз фенва, вучиз лагьайтIа чи ветеринарный фельдшеррин мажиб 6500-7500 манат я. Вичин кIвал-югъ кутуна кIанзавай жегьил касдиз а пул бес жедани? Гьукуматди чи службадиз, мажибриз са акьван яб язавач.
Къенин юкъуз ахтармишайла районда авай ветеринарный пешекарар юкьван яш 53 йис я. Гьа и рекьяй кIелиз фидай жегьилар тахьайтIа чи кIвалах лап четин жеда.
Ида чун гьихьтин нетижайрал гъидатIа, Аллагьди яргъазрай, гьатта фикирдиз гъизни четин ва кичIе жезва.
-Чи район хаталу садакай масадак акатдай азаррикай хуьн патал куьне вуч кIвалах тухузва?
Чна садакай масадак акатдай хаталу азаррин вилик пад кьуниз кьетIен фикир гузва. Лугьун лазим я, алай вахтунда Дагъустанда бруцеллез азар пайда хьунай Россиядин къене сад лагьай чкадал ала. Эхиримжи 3-4 йисуз ахтармишайла, чи республикада гьар йисуз 3 агъзурдав агакьна малар ва 1 агъзур лапаг бруцеллез кваз акъатзава. Дагъустанда гьар йисуз кьве вишев агакьна инсанар бруцеллез азардик начагъ жезва.
Чи районда эхиримжи 3 йисуз бруцеллездик инсанар начагъ хьайи дуьшуьшар авач. Бруцеллездик мал-къара начагъ хьунин вилик пад кьаз са ветеринарный работникар ваъ, вири халкь (мал-къарадин иесияр) чалишмиш хьана кIанда. Алатай йисуз ивияр къачуна ахтармишайла 3 мал бруцеллез кваз акъатна. ЦIинин йисуз мал-къара ахтармишун давам жезва. Амай хаталу азаррин вилик пад кьун патални чна пландал асаслу яз серенжемар кьабулзава.
-Малум тирвал, 2015-йисан 20-февралдиз Крымская геморрагическая лихорадка (КГЛ) азардихъ галаз женг тухун патал Кьурагь район муниципальный тешкилатдин администрациядин кьилин къарар кьабулнава. Ам вуч азар я ва а жигьетдай куьне гьихьтин кIвалах тухун лазим я?
-Эхь, къарар чав агакьнава. Крымская геморрагическая лихорадка (КГЛ) хаталу азар я. Эхиримжи йисара Кьиблепатан Федеральный округдик акатзавай 13 республикадикай и азар 7 республикада пайда хьанва. Вири санлай анра агъзурдалай виниз инсанар начагъ хьанва. Нетижада начагъ хьайибурукай 50 -дав агакьна инсанар кьенва. Виридалайни гзаф инсанар начагъ хьайи дуьшуьшар Ставропольский крайда, ахпа Калмыкияда, Ростовский ва Астраханский областра хьанва. Кьве кас Дагъустан Республикадани начагъ хьана.
И азардик инсанар клещри (хенцI, ккIлам) кIас авурла, гьайванрик квай хенцIер бягьле алачир гъилералди хкудайла, начагъ чуьлдин ва кIвалин гьайванар тукIуна алаждайла начагъ хьун мумкин я.
Къейд авун лазим я хьи, кIас авур инсан больницадиз фена ахтармишун герек я. И азардин сифте лишанар температура 39-40 градусдив агакьна хкаж жеда, бедендиз агъургъан (тварар) акъатда, нерай, къеняй иви къведа, кьил тIа жеда, экъуьчда. Ихьтин лишанар хьайила чарасуз больницадиз фена кIанда.
Бедендал алай хенцI алуддайла мукъаят хьана кIанда, ахьтин чкадал семечкадин чIем цайитIа хенцI регьятдиз алатда, ахпа кIас авунвай чка йоддин раствордал ва я спиртдал чуьхвена кIанда.
Лугьун лазим я, гьи хенцIини кIас авуртIани КГЛ азар арадал къвезвайди туш, амма а азардин вирус квай хенцIер хаталу я. ЯтIани мукъаятвал хвена кIанда. Абур гьакIан ихтилатар я лагьана кIандач. Алатай йисуз чна Махачкъалада авай чумадиз акси станциядин лабороториядиз районда авай дагъдин ва арандин хуьрерай КГЛ-дин вирус кватIа ахтармишун патал хенцIер тухванвай. Ахтармишайла вирус квачиз акъатна. Им секин хьана кIанда лагьай чIал туш, мукъаятвал хвена кIанда. Вучиз лагьайтIа, Федеральный трассадин "Астрахань-Махачкъала-Къизляр шегьердиз гьахьзавай чкадал алатай йисан 30-декабрдилай ветеринарно-полицейский пост кардик акатнава.
Нетижада, ахтармишайла чи республикадиз 2 варзни 13 йикъан вахтунда Волгоградский ва Ростовский областрай, Ставропольский крайдай ва Калмыкия Республикадай вири санлай 1125 машинда аваз 8259 чIехи карч алай, 12790 гъвечIи карч алай ва 1446 балкIан гъанва. Къейд тавуна жедач, ибурукай 3475 мал, 7845 лапаг ва 47 балкIан лазим ветеринарный справкаяр гвачиз гъана. Абур гъайи чкайрал ахтармиш хъийизва. За винидихъ къейд авурвал, гзаф гьайванар хаталу республикайрай гъанва. Гьуьрметлу районэгьлияр, мал-къара къачудайла виликамаз чун хабардар ая, лазим ветеринарный справка гвай касдивай къачу, мукъаятвал хуьх. Ери-бине течир мал-къара къачуна, чун хабардар тавуна куь маларик акадармир, а карди КГЛ ва хаталу маса азарар арадал гъун мумкин я.
-Чаз ван хьайивал цIинин йисалай мал-къара начагъ хьайила духтурдиз эверун ва са жерге маса куьне тухузвай кIвалахар пулдихъ хьанва, и жигьетдай квевай вуч лугьуз жеда?
-Эхь, Дагъустандин гьукуматдин ветеринарный комитетдин къарардалди лап хаталу садакай масадак акатдай ва инсанриз хаталу бруцеллез, сибирская язва, туберкулез, ящур, оспа, пехъивал ва къушарин грипп азарар квачиз, амай азаррин вилик пад кьун ва ахъайзавай дарманар пулдихъ хьанва.
За инал гьар са тухузвай кIвалахдин (обработкадин) къимет къейд ийидач, а къарар чна чи участковый духтуррал ва хуьрерин администрацийрин кьилерал агакьарда. Участковый духтурди мал-къарадин иесидиз пул къачур квитанция гун лазим я.
Пулдихъ ийизвай кIвалахдин къиметрин къарар 55 чарчикай ибарат я. Квез куь газетда чка хьайитIа, чна а къарар квев вугуда, башуьсте, чап ая. Алай вахтунда лагьайтIа, пулдихъ авуна кIанзавай кIвалах чи районда зайифдиз кьиле физва. Гьуьрметлу юлдашар, им чна кьабулнавай къарар туш. Чи патахъай ятIа, вири раб-дарман ва тухузвай кIвалах пулсуз тиртIа чун рази тир, амма чаз пулдихъ кIвалах твах лугьузва.
-Квел куь кIвалахда гьихьтин четинвилер гьалтзава?
-Эхиримжи йисара низ гьинай кIан хьайитIани фена, мал-къара къачур дуьшуьшар ава, чаз а кардикай геж ва я пландал асаслу рапар ядайла хабар жезва. Гьуьрметлу юлдашар, чIехи пай хаталу азарар (бруцеллез, туберкулез, нитоспироз, пастереллез, КГЛ) ва маса азарар квайла гьайван начагъ яни, сагъ яни лабораторияда ахтармиш тавунваз са йисалай виниз вахтунда винелай аквадай са лишанни авачиз дуьшуьшар жезва. Им лагьай чIал я хьи, куьне чал алукь тавуна райондилай къеце патай къачуна куь мал-къарадик гьайванар какадарайтIа, мумкин я садлагьана авачир хаталу азар арадал атун. Гьаниз килигна, тIалабзава, виликамаз чун ва чкайрин администрацийрин кьилер хабардар авун, ахпа мал-къара гъун.
Мад са кIвалахдикай талгьана жедач. Эгер чи райондин агьалийриз Дагъустан Республикадилай къеце патаз мал-къара тухуз кIанзаватIа, гьахьтин ксари са варз виликамаз чун хабардар авун лазим я, гьиниз ва гьикьван гьайванар тухузватIа. Чна лазим ветеринарный кIвалах тухуда гьа гьайванриз ва ахпа ихтиярдин гьакъиндай къарар кьабулда.
Эхиримжи йисара мал-къарадиз пландал асаслу яз язавай рапар ягъун гзаф четин кар хьанва. Райондин гзаф хуьрера маларив виликдай хьиз нехирбанар ва я нубат (раж) ийизвай кас гумач, малар гьакI кас галачиз ахъайнава. Гатун вахтунда гьар са касдин ракIарал физ, йифер ийизвай ва я геж хквезвай малариз рапар ягъун са акьван регьят кар туш. Бязи вахтара са азардиз акси раб (вакцина) ягъун патал 10-20 югъ жезва. Райондин хуьрера малар вири санал кIватIна пландал асаслу яз, рапар ядай базаяр, расколар авач.
Ветеринариядин закондал асаслу яз, гьар са хуьре ахьтин чкаяр хьана кIанзавайди я. Чна гьикьван теклифар гъанайтIани гьуьрметлу хуьрерин администрацийрин кьилери а кардиз, кьейи гьайванар гадардай фурар (скотомогильникар) туькIуьруниз бегьем фикир гузвач. Абуру чпиз а крар ийидай пулдин такьатар авач лугьузва.
Заз чиз мал-къарадин сагъламвал им чи сагъламвал лагьай чIал тирди садани рикIелай алудна виже къведач.
------------------------------------------------------------------------------------------

А.Рамазанова.
Юбилей
Шамсудин Исаеван 80 йис-шад гьалара
26-майдиз райондин Культурно-досуговый Центрдин фойеда шаир, писатель, муаллим, насигьатчи, РД-дин Культурадин лайихлу работник, "Къизилдин лекь" премиядин лауреат Исаев Шамсудин Шамсудинович хайидалай инихъ 80 йис тамам хьуниз талукьарнавай мярекат "Литературадин йисан" сергьятра аваз шад гьалара кьиле фена.
Мярекатдин тешкилатчи, райондин библиотекадин заведующий Шафига Эмирбековади Г.Мегьамедовади Ш.Исаеваз теснифнавай шиир кIелуналди ачухна ва мярекат тухун патал гаф мярекатдин ведущияр тир Культурно-досуговый центрдин работник Саруев Шафудиназ ва Кьурагьрин 1-нумрадин юкьван школадин дидед чIалан муаллим Семедова Гьамиятаз гана.
Райондин администрациядин патай гаф райадминистрациядин кьилин заместитель М.Хариеваз гана.
Ада мярекатдин иштиракчийриз райондин муниципальный тешкилатдин кьил З.Азизован, райадминистрациядин кьил С.Гьамидован патай Ш.Исаеван 80 йисан юбилей мубаракна.
Шамсудин муаллимдин эсеррикай акьалтзавай несилди менфят къачуна, ватанпересвилин руьгьдик кваз тербияламиш жедайди умудлу тирди лагьана.
Мярекатдал гзаф кьадар мугьманар рахана. Ш.Исаеван уьмуьрдихъ галаз шаирдин къелемдин дуст, лезги писателрин Союздин Кьурагьрин чкадин отделение "Абукевсер" тешкилатдин председатель, шаир, писатель, композитор, дидед чIалан муаллим Гь.Рамазана кIватI хьанвайбур танишарна.
Ш.Исаеван 80 йисаз талукь тир юбилейдал Кьурагь райондин общественный палатадин председатель, КIирийрин юкьван школадин дидед чIалан муаллим Къайибов Къайиб, Культурно-досуговый Центрдин директор Эмирбеков Айнудин, Ш.Исаевахъ галаз санал хейлин йисара кIвалах авур, Кьурагьрин 1-нумрадин юкьван школадин муаллим, шаир Абдурагьманов Абдурашид, Шамсудин Исаеван чIалаз гьаваяр тесниф авур, хейлин гьавайрин сагьиб Мегьамедов ТIайиб, "Кьурагь район" муниципальный тешкилатдин Собранидин депутат Эмиргьамзаев Даир, райондин информацийрин такьатрин ва печатдин Центрдин работник Мирзоев Фахрудин, "Дагъдин булах" газетдин кьилин редактор Рамазанова Алван, "сельсовет Курахский" муниципальный тешкилатдин кьил Къурбанов Сейфудин, "Лезги газетдин" хсуси корреспондент Ибрагьимов Мегьамед, Гелхенрин юкьван школадин муаллим Камалдинов Камалдин, шаир ва писатель Эфендиев Сабир, Кьурагьрин 1-нумрадин лезги чIалан муаллим Семедов Абдулла, Шамсудин Исаеван хендеда Муслимат хала ва адан хва Расим рахана.
Кьурагьрин 2-нумрадин юкьван школадин аялри Ш.Исаеван шиирар кIелна. Шаирдин чIалариз туькIуьрнавай манияр культурадин работникар тир Зарина Бабаевади, Надир Гьасанова, Ханум Фейзуллаевади, Садуллагь ТIаибова, Равидин Тагъиева тамамарна. Искусствойрин школадин аялри авур кьуьлуьни мярекат генани гурлуди авуна.
Къейд ийин хьи, Ш.Исаеван эсерар хайи халкь патал гьич са шейинивни гекъигиз тежер девлет я. Чна адан къамат гьамиша эбеди яз чи рикIера хуьда.

-----------------------------------------------------------------------------------------

 М.Агьмедова.
Эхиримжи зенг-сагърай школа!
Эхиримжи зенгерин мярекатар чи райондин вири школайра хьиз Кьурагьрин 1-нумрадин юкьван школадани шад гьалара кьиле фена.
Гьа икI, 23-майдиз сятдин 10 тамам хьайила, Кьурагьрин 1-нумрадин юкьван школадин гьаят школадин формаяр алаз цуькверин кIунчIар гъиле аваз атанвай аялар, абурун диде-бубаяр, муаллимар ва хуьруьнвияр атана ацIанвай. Мярекат гатIумдалди вилик Россиядин Гимн яна.
Мярекатдин ведущияр тир Къазиева Назиляди ва Мусаева Аидади выпускникриз эхиримжи зенг мубарак авурдалай гуьгъуьниз сифте гаф школадин директор Мисриев Гьамидаз гана.
-Гьуьрметлу выпускникар, муаллимар, диде-бубаяр, квез къенин югъ мубаракрай,-лагьана ада.
-Гьуьрметлу аялар, чи школа еке тарих авай школа я. И школадай тIвар-ван авай алимар, спортсменар, ватанперес ксар акъатайди я. За умудзава куьнни гьабурун жергеда жедайди. Квез куь вилик квай ЕГЭ-ра еке агалкьунар хьурай. ГьакIни заз чи школадин коллективдиз 9-майдиз райондин центрдал ЧIехи Гъалибвилин 70 йисаз талукьарна тухванвай мярекатда активныдаказ иштирак авунай чухсагъул лугьуз кIанзава.
Шад мярекатдал гьакIни райондин образованидин отделдин начальник Р.Катибов рахана.
-Гьуьрметлу муаллимар, аялар, диде-бубаяр,-лагьана ада,-ихтияр це заз райондин администрациядин, райондин образованидин отделдин работникрин, вири муаллимрин патай къенин югъ квез виридаз мубаракдай.
Куь рикIе авай мурадар, фикирар кьилиз акъатрай. Республикадин олимпиадайра ва гьакIни общественный уьмуьрда активныдаказ иштирак авур аялриз ва абурун муаллимриз чухсагъул лугьуз кIанзава. Квез виридаз мулум тирвал, ЕГЭ кIеви серенжемралди кьиле тухузва, гьакI хьайила квез чан аялар, кичIе тахьана, куьне 11 йисан къене къачур чирвилер викIегьвилелди къалура.
Выпускникриз хуш келимаяр абуруз сифте тарс гайи, сифте муаллимар тир Бутаева Сефиятани ва Сефералиева Раисади лагьана.
Инал 11-классда авай аялри гьар са муаллимдиз бахшнавай шиирар кIелиз, цуьквер гана.
Мярекатдал школадин кIелунинни тербиядин рекьяй школадин директордин заместитель Эмиргьамзаева Валентинади, 11-классдин руководителар тир Рагьимханова Марията, Меликова Иринади, диде-бубайрин патай рахай Рамазанов Велиди выпускникриз хуш келимаяр лагьана, насигьатар гана ва чпин аялрал зегьмет чIугур муаллимриз чухсагъул лагьана.
Гуьгъуьнлай шадвилин линейкадал школадин директор Гь.Мисриева кIелунра, спортда тафаватлу хьайи ва школадин общественный уьмуьрда активныдаказ иштирак авур 9-11-классрин са жерге аялрив райондин образованидин отделдин патай Гьуьрметдин грамотаяр вахкана.
Ингье вирида, гуьзлемишзавай школа акьалтIарзавай аялриз эхиримжи зенг ягъунин декьикьа алукьна.
11-классдин ученикар Къурбанов Гьажидини Мегьамедов Назира ва сад лагьай классдин ученица Мегьамедова Аринади эхиримжи зенг яна.
Эхирдай выпускной классдин аялри чпин муаллимрихъ галаз кьуьлер авуналди шад мярекат акьалтIарна.

--------------------------------------------------------------------------------

Чи корр.
Хпюкьа – эхиримжи зенг
Вири Россияда хьиз чи райондани эхиримжи зенгинин мярекатар шад гьалара кьиле фена.
Хпуькьрин школадин гьаятда экуьнлай торжественный къайда алукIнавай аялар, муаллимар кIватI жез башламишна. Школадиз адет хьанвайвал райондин администрациядай векил, хуьруьн агьалияр мугьман хьана.
Мярекат школадин аялри ачухна. Сифте гаф Хпуькьрин юкьван школадин директор Гьуьсейнов Керимаз гана.
Школа акьалтIарзавай аялриз хуш келимайрин тебрикар авуналди, гележегдани абуру хайи Ватан, школа рикIелай ракъур тавуна, чпин агалкьунралди хкаждайдак умуд кутазвайди лагьана.
Райондин администрациядин патай векил яз атанвай, райондин информацийрин ва печатдин Центрдин начальник А.Будаева РД-дин Кьилин кар алай проектрин кьилин хилерикай сад образование вилик тухун тирди, къе школада хъсан ученикар тербияламишна акъудун, пака чаз хъсан пешекарар яз хкведай умуд жедайди лагьана. Чи гьукумат вилик кутунин карда гьи хиле хьайитIани бажарагъ авай пешекар герек тирди къейдна.
Гзаф чими гафар авай мубаракар "село Хпюк" муниципальный тешкилатдин кьил Гь.Харгушева, диде-бубайрин патай Гь.Харгушевади, классный руководителдин патай С.Агьмедовади, сифте классра тарсар гайи муаллим Ж.Агьмедовади лагьана. Выпускникри муаллимриз талукь тир шиирар кIелна.
1-классдин аялри выпускникриз шиирар кIелна, цуьквер багъишна, абуру эвез яз бицIекриз пишкешар багъишна.
Хпуькьрин школада эхиримжи зенг яна.
-----------------------------------------------------------------------------

П.Магьарамова.
Эхиримжи зенг шад гьалара
Эхиримжи зенг школа акьалтIарзавай аялрин рикIера амукьдай лишанлу вакъиа я.
23-майдиз вири школайра хьиз Кьурагьрин 2-нумрадин юкьван школадани эхиримжи зенгинин мярекат кьиле фена.
И гуьзел чими рагъ авай гуьлуьшан юкъуз суварин къайдада шараралди, плакатралди чIагурнавай школадин гьаятда школадин формаяр алай, гъилера цуькверни кьуна аялар, муаллимар, диде-бубаяр ва хуьруьн агьалияр кIватI хьанвай.
Сятдин 10-даз шадвилин линейка и школадин ученикар тир Бабаева Асиятани Лутова Элендади ачухна ва кьиле тухвана.
Сифте гаф школадин завуч Исаева Маркизатаз гана. Ада школа акьалтIарзавай аялриз и югъ мубаракна, чIехи уьмуьрдиз вегьезвай камар бахтлубур хьана, 11 йисан къене квез муаллимри тарсарай "5"-дар эцигнавайтIа, идалай кьулухъ куьне ийизвай кIвалахар къимет «5» гудай кIвалахар хьурай лагьана.
Выпускникриз и шад мярекат школадин тешкилатчи Гуьлуьзар Оружевади райадминистрациядин патай райондин экономикадинни эменнидин алакъайрин отделдин начальник Муслимов Идриса, школа акьалтIарзавай аялрин классный руководитель Ражабов Магьарама, выпускникрин сад лагьай муаллим Мегьамедова Гевгьера ва диде-бубайрин патай Юсупова Фатимади хуш келимайралди мубаракна.
Гуьгъуьнлай кIелунра тафаватлу хьайи, школадин уьмуьрда активныдаказ иштирак авур, спортдай агалкьунар хьайи выпускникриз И.Муслимова грамотаяр гана. ГьакIни школа Ватандин ЧIехи дяведин 70 йисаз талукь тир суварин мярекатда активныдаказ иштирак авунай грамотадиз лайихлу хьана.
Выпускникри чпел 11 йисан къене зегьмет чIугур, вири муаллимриз чухсагъулдин шиирар кIелиз цуьквер багъишна.
Ахпа 1- классдин аялри бицIи-бицIи шиирар кIелна, выпускникриз цуьквер гана, абуру бицIекриз рикIел аламукьдай пишкешар багъишна.
Эхиримжи зенг школа акьалтIарзавай 11-классдин ученик Тажибов Насирани 1-классдин ученица Гьамидова Эседади яна.
Выпускникри манияр лугьуз, кьуьлер ийиз эхиримжи зенгиниз талукьарнавай мярекат геждалди давам хьана.

-----------------------------------------------------------------------------------

КIирийрин хуьруьн агьалияр.
Чи почтадай
Ада вичин чан масадан хизан патал гана
Гьукумат ЧIехи Гъалибвилин 70 йис тешкиллувилелди кьиле тухун патал сувариз са йисан вахтунда гьазур хьана. Дугъриданни, Гъалибвилин суварни хъсандаказ, эхиримжи йисарив гекъигайла маракьлудаказ кьиле фена.
Кьурагь райондин КIирийрин хуьряй тир Батмановрин хизандини шад гьалара кьиле тухвана, абуру Ватандин ЧIехи дяведа ва финский дяведа иштирак авур чпин буба Лукьман рикIел хкана.
Ам "Яру гъед" "Дяведа къалурай викIегьвиляй", "Германидин винел гъалибвал къазанмишунай" медалрин сагьиб тир. Ветерандин хендеда алай йисуз 90 йис хьанвай Султанхалумав цIинин йисуз Гъалибвилин 70 йисан юбилейный медаль вахкана.
Хизанди чпин зегьметдал, ивидалди Гъалибвал къазанмишай, вад гадани са руш тербияламишай диде-бубадал дамахзава.
ЧIехи Гъалибвилин суварилай гуьгъуьниз , 15-майдиз кьиле фейи вакъиади вири Кьиблепатан Дагъустандин агьалийрик къалабулух кутуна. Яракьламиш хьанвай ругуд касди, (садни абурукай кьунвач) Батманов Султанхануман хва Зейнудин инсафсузвилелди кьиникьи вири Кьиблепатан Дагъустандин халкьдихъ къалабулух кутуна. Зейнудинан 48 йис тир, Советрин армияда къуллугъдайла "Воинский къуллугъда къалурай викIегьвиляй" 2-дережадин медалдин сагьиб ада са рушазни пуд хциз тербия гузвай, абур гила етимар яз, вичиз куьмек герек къвезвай, дидедин хивез аватна. Кьудкъанни цIуд йис хьанвай адан диде гьикI хьурай? Зейнудиналай вилик бандитри есир яз кьур Ругунрин хуьряй тир (заложник) хизанди лугьузвайвал, Батманов Зейнудина кьегьалвал къалурна, ада паб, итим ва кьуд варз хьанвай аял абурун хурукай къутармишна, вичин уьмуьр къурхудик кутуна.
Вагьшийри яракь гвачир кас вагьшивилелди яна кьена.
Вуч патал, вучиз икI инсафсузвилелди, зулумдик кьена?
Гьич са диндани (эгер абур диндин фонатар ятIани) инсан кьиникьиз эвер гузвач. ВикIегь инсанри гъалатIрилай ва бейкефвилерилай гъил къачуда, адан тахсиркарвал вуч тир? Белки, инсандин гъавурда акьун тийизвай бандитриз мергьяматлувилиз эвер гун тиртIа?
Чи ватанэгьли жуьреба-жуьре сирер туна уьмуьрдай фена. Яракь гвачир ислягь уьмуьрдин терефдар гьич са тахсирни квачир икI кьиникьи вирибурук къалабулух кутунва.
Батмановрин хизандиз Гъалибвилин суварин майдин варз гьамишалугъ яз пашманди хьана. Чи хуьруьнвидин къамат чи рикIера гьамиша яз амукьда.
------------------------------------------------------------------------------------

А.Э.Эмирбеков,
начальник ОИД и ПР по Курахскому району, капитан вн.службы.

Пожарно-профилактическая операция «Образование-2015»
Пожарная безопасность на объектах образования вызывает особую озабоченность. Учитывая, что на объектах образования находятся дети, способные самостоятельно в случае пожара покинуть горящее помещение, вопросы противопожарной защиты этих учреждений имеют очень важное значение.
Ответственность за противопожарное состояние возлагается на руководителей данных объектов, а также на назначенных их приказом ответственных за противопожарное состояние лицу. Они обязаны требовать выполнения Правил пожарной безопасности, которые вытекают из правил утреннего распорядка данного учреждения, не забывая при этом, что персонал должен выполнять эти требования в первую очередь. По указанию ГУМЧС России по РД будет проводиться пожарно-профилактическая операция "Образование-2015". На начало операции Отделением надзорной деятельности по Курахскому району будут проводиться плановые и внеплановые мероприятия по надзору всех объектов управления образования.
За последние годы в стране из-за халатности должностных лиц, несоблюдения правил пожарной безопасности сгорело немало школ, учреждений дополнительного и дошкольного образования, что повлекло за собой ощутимый материальный и моральный ущерб.
Как и в предыдущие годы, перед началом нового учебного года нами будут проводиться проверки школ города на предмет соблюдения Правил пожарной безопасности.
Исправляя ошибки, допущенные ранее, в школах города проводятся мероприятия по улучшению их противопожарного состояния, профилактической работы среди учащихся. В школах организуются практические занятия по отработке планов эвакуации на случай пожара.
Отделом государственного пожарного надзора намечены меры дальнейшего ужесточения требований по соблюдению Правил пожарной безопасности на объектах образования.
Телефон доверия ГУ МЧС России по РД: 8 (262) 22-2-20

----------------------------------------------------------------------------------

РСХК №1 СПО РД
"Республиканский сельскохозяйственный колледж № 1
Лицензия № 7449 от 17.07.2014 г.
Свидетельство о государственной аккредитации
от 21.07.2014 г. № 5915

г.Дагестанские Огни , ул.Исрафилова, 4
тел. 8 (928)-874-08-43
моб.тел. 8 (928) 560-86-50
8 (967) 399-82-14
Эл.почта: LubovpI-3 @yandex.ru
Перечень специальностей:

1. Тракторист-машинист с/х производства
-слесарь по ремонту с/х машин и оборудования,
-тракторист-машинист с/х производства,
-водитель автомобиля кат.- "ВС"
2. Автомеханик
-слесарь по ремонту автомобилей,
-водитель автомобиля кат. "ВС"
3. Сварщик (электро-газосварочные работы)
4. Портной на базе (9 классов), базовый уровень, очная форма обучения, срок обучения 2г. 10 мес.
1. Электромастер по ремонту и обсл. электрооборудования в с/х производстве
-электромонтер,
-водитель автомобиля кат. "ВС"
2. Мастер по обработке цифровой информации (оператор ЭВМ)
-ЭВМ,
-компьютерные сети,
-компьютерная графика.
3. Мастер по ТО и ремонту МТП
-мастер-наладчик по ТО МТП,
-слесарь по ремонту с/х машин и оборудования,
-водитель автомобиля кат. "ВС",
-тракторист-машинист
4. Сварщик (электро-газосварочные работы)
5. Младшая мед.сестра (на платной основе) на базе среднего общего образования (11 классов), базовый уровень, очная форма обучения, срок обучения 10 мес.
1. Механизация с/х хозяйства
2. Экономика и управление
3. Ветеринария на базе среднего общего образования (11 классов), базовый уровень, очная форма обучения, срок обучения 2г. 10 мес.
Обучающиеся в колледже получают стипендию в размере 519 рублей в месяц (отличники до 1000 руб), иногородние обеспечиваются общежитием, срок обучения засчитывается в трудовой стаж.
На базе РСХК №1 функционирует платное учебное отделение, осуществляющее подготовку и повышение квалификации лиц со средним образованием по направлениям бюро занятости населения городов, районов, частных лиц по очно-заочной форме со сроком обучения от 3 месяцев до года по следующим специальностям:
1. "Водитель автомобиля кат. "ВС"
2. "Мастер по обработке цифровой информации" ("Оператор ЭВМ")
3. "Слесарь по ремонту автомобилей"
4. "Портной"
5. "Электрогазосварщик"
6. "Повар-кондитер"
7. "Парикмахер"
Следующие документы:
-заявление по форме
-документ об образовании
-свидетельство о результатах ЕГЭ
-свидетельство о рождении
-паспорт
-сертификат прививок
-мед.справка формы № 086-у
-справка о составе семьи
-мед. страховой полис
-фото 3х4 (4 шт)

Прием документов с 1 июня по 1 октября 2015 г.
Добро пожаловать в наш колледж.
----------------------------------------------------------------------------------

Райондин субсидийрин отделдин работникри Батманов Батманаз играми стха Зейнудин зулумдин дуьшуьшдикди рагьметдиз финихъ галаз алакъалу яз, дериндай хажалат чIугунивди, башсагълугъвал гузва.

---------------------------------------------------------------------------------




 

 

 

Комментарии (0)

Нет комментариев. Ваш будет первым!