Газета №21-22

П.Магьарамова.
ЧIехи Гъалибвилин 70-йис
ГъвечIи хуьре-чIехи шадвилер
6-майдиз чи райондин Штулрин хуьре ЧIехи Гъалибвилин 70 йисаз талукьарнавай мярекат кьиле фена.
Цуьк ахъайна къацу хьанвай багъларин юкьва авай Штулрин юкьван школадиз гьахьайла, анин гьаят гъалибвал къазанмишай Советрин Союздин Игитрин шикилар алай плакатралди чIагурна, дамахарнавай аялрин гъилера пайдахар, гьар жуьредин шарар аваз мярекат шад гьалара кьиле тухуз гьазур хьанвай.
ЧIехи Гъалибвилин сувар кьиле тухунин мярекатда РД-дин Кьилин векил, РД-дин Халкьдин Собранидин Председателдин заместитель Сейфулагь Исакьова, "Кьурагь район" муниципальный тешкилатдин кьил Замир Азизова, "Кьурагь район" муниципальный тешкилатдин администрациядин кьил Сефербег Гьамидова, культурадинни информациядин такьатрин работникри, школьникри, хуьруьн агьалийри иштиракна.
Линейка школадин 6-классдин ученикри -Вероника Гьасановадини Селим Сайдумова- сифте гаф республикадин Кьилин векил С.Исакьоваз гуналди ачухна .
-Азиз тир Кьурагь райондин агьалияр, квез ЧIехи Гъалибвал къазанмишай сувар лап рикIин сидкьидай мубаракрай.
И сувар 70 йис идалай вилик душмандихъ галаз чи аскерри женг чIугуна,гъалибвал къазанмишна виридан кIвалериз атанвай шадвал я, Советрин гьукуматдин халкьари душмандин винел игитвал, викIегьвал къалурай кьетIен сувар я. Дяведин женгерин иштиракчи чи Халид бубадизни Гъалибвилин Югъ Дагъустан Республикадин Кьил Р.Абдулатипован ва гьакI РД-дин Халкьдин Собранидин патай мубарак ийиз кIанзава.
С.Исакьова Х.Халидоваз РД-дин Кьил Р.Абдулатипован патай пулдин ва РД-дин Халкьдин Собранидин патай къиметлу пишкешар багъишна.
Гуьгъуьнлай анал рахай З. Азизова, Штулрин хуьруьн администрациядин кьил Давуд Агьмедова кьиле Халид бубадиз ва кIватI хьанвай виридаз сувар тебрикна. Дявеяр мад садазни тахкурай, жезвай агалкьунар жегьилрихъ спортдай, кIелунрай хьурай лагьана.
Халид Халидова виридаз сувар тебрикна, атанвай мугьманриз ва кIватI хьанвай виридаз вичиз кьетIен фикир гунай чухсагъул лагьана. Аялрихъ кIелунра еке агалкьунар хьун, абурун кьилел михьи цав чими рагъ хьун вичин мурад тирди къейд авуна.
Ахпа мярекатдал школада кIелзавай аялри "Катюша" мани лагьана, шиирар кIелна.
Культурадин работникри дяведин вахтарин манияр лагьана.
Гуьгъуьнлай Ватандин ЧIехи дяведа чанар гайибурун руьгьериз гьуьрмет яз, са декьикьада кисна акъвазна.
Ахпа хуьруьн къене авай обелискдал цуьквер, венокар эцигна ва вирида Х.Халидовахъ галаз рикIел аламукьдай шикилар яна.
--------------------------------------------------------------------------------------------

З. Саидова.
Шикилар ягъайди П. Магьарамова я.

Кьурагьа-Гъалибвилин Югъ
(репортаж)
Вири Россияда хьиз, чи райондани ЧIехи Гъалибвал къазанмишайдалай инихъ 70 йис тамам хьуниз талукьарнавай мярекатар 9-майдиз шад гьалара къейдна.
70 йис им, гьелбетда, тIимил вахт туш. ГьакI ятIани и сувар чаз гьамиша багьа я. Вучиз лагьайтIа, Ватандин ЧIехи дяведа миллионралди Советрин халкь кьена, кашар, мекьер, дяведин цIаяр эхна къазанмишай гъалибвилин сувар я.
ИкI, пакаман сятдин 9-даз райадминистрациядин вилик райцентрдал алай ва хуьрерин идарайрин руководителар, работникар кIватI хьана.
Гьеле суварин югъ алукьдалди виликамаз райцентрдин рекьер михьи авуна, дараматар гьар жуьре плакатралди, пайдахралди чIагурнавай.
Сятдин 10 тамам хьайила Ватандин ЧIехи дяведин ветеран Халидов Халид, зегьметдин ветеранар, "Кьурагь район" муниципальный тешкилатдин кьил З.Азизов, "Кьурагь район" муниципальный тешкилатдин администрациядин кьил С.Гьамидов, хуьрерин муниципальный тешкилатрин кьилер кьиле аваз райадминистрациядинни амай вири идарайрин къуллугъчийрин десте райцентрдихъ рекье гьатна.
Райондин ОВД-дин вилик пайдахар, лозунгар, плакатар, жуьреба-жуьре рангарин шарар гъиле авай, суварин къайдада алукIнавай Кьурагьрин сад лагьай нумрадин школадин аялрин дестеди, райцентрдал агакьдалди дестедик экечI хъувур Кьурагьрин кьвед лагьай нумрадин юкьван школадин аялри и десте генани къалин хъувуна. Райондин Культурадин идарадиз мукьва хьайила параддин десте акъвазна, ветеранди, З.Азизова, С.Гьамидова ва школьникри Культурадин вилик квай паркуна Ватандин ЧIехи дяведа телеф хьайи аскерриз эцигнавай обелискдал венокар ва цуьквер эцигна, рикIел аламукьдай шикилар яна.
Майдандал агакьдалди параддиз физвайбурун дестедик КьепIиррин школадин, КIирийрин школа-интернатдин аяларни муаллимар акахь хъувуна.
ЧIехи Гъалибвилин сувариз талукьарнавай шадвилик митинг ведущий тир Культурно-досуговый центрдин директордин заместитель К.Фейзуллаевадини Культурно-досуговый центрдин работник Н.Гьасанова сувар тебрик авуналди ачухна, ахпа абуру дяведа телеф хьайибурухъ яс чIугунин лишан яз са декьикьада кисна акъвазун тIалабна.
Гуьгъуьнлай сувар тебрик авун патал гаф Кьурагьрин сад ва кьвед лагьай нумрайрин, КьепIиррин юкьван школадин ва КIирийрин школа-интернатдин коллективриз гана.
Абуру дяведиз талукьарнавай манияр лагьана, шиирар кIелна чпи гьазурнавай, дяведа кьиле фейи гьерекатар сегьнеламишна къалурна.
Лугьун лазим я, инал КьепIиррин школадин аялри къалурай "Ленинградская блокада" сегьне халкьдиз иллаки бегенмиш хьана.
Ахпа Культурно-досуговый центрдин работник Садуллагь ТIаибова школайрин аялар галаз "День Победы" мани тамамарна.
Школайрин коллективри гьазурнавай программа куьтягь хьайила, митингдин ведущийри гаф З.Азизоваз гана.
-Гьуьрметлу юлдашар, 1945-йисан 9-майдиз Ватандин ЧIехи дяве куьтягь хьана. Къе чна и багьа сувар 70 лагьай сефер яз къаршиламишзава. За къе и сувар ветеранриз, дяведа телеф хьайибурун хизанриз ва амай виридаз рикIин сидкьидай мубаракзава.
Къуй куь кIвалера берекат, кьилел вили ва ислягь цав хьурай! Чаз мад дявеяр тахкурай!-лагьана ада.
Гуьгъуьнлай сувар тебрик авун патал гаф С.Гьамидоваз гана.
-Гьуьрметлу Халид буба, зегьметдин ветеранар, кIватI хьанвай районэгьлияр ва школьникар.
Ихтияр це заз, Ватандин ЧIехи дяведа фашистрин Германиядин винел гъалибвал къазанмишайдалай инихъ 70 йис тамам хьунин сувар квез рикIин сидкьидай мубаракдай. Алай йис кьетIен йис яз тарихда гьатзава. Ватандин ЧIехи дяведа къазанмишай игитвилер вири дуьньядиз ашкара хьана. Дяве башламишай сифте йикъалай чи райондайни гуьгьуьллувилелди фронтдиз фейи ксарни гзаф хьана.
1945-йисуз къачур и гъалибвал вири халкьариз багьа яз акъвазна. Дяведи миллионралди инсанар телеф авуна, агъзурралди шегьерар ва хуьрер барбатIна. Ватандин ЧIехи дяве башламишайла Ватан хуьз чи райондай саки 3000-далай виниз жегьил рухваяр фронтдиз фена, абурукай са тIимилбур элкъвена хайи чкайриз хтана. Ватан патал женгера кьегьалвилер къазанмишуниз килигна 7 миллион касдиз орденар ва медалар гана. 11600 касдиз Советрин Союздин Игитвилин тIварар гана, абурукай 50-далай виниз дагъустанвияр ва абурукай 2 кас- Араз Алиевни ва Эсед Салигьов чи райондай я.
Душманди Кавказдал гьужумайла кьиле фейи къати женгери чи инсанрин рикIера еке гел туна. Чна умудзава Советрин халкьди къазанмишай и шадвилер чи акъалтзавай несилрини рикIелай алуд тийидайди,-лагьана С.Гьамидова.
Гуьгъуьнлай митингдал районда амай Ватандин ЧIехи дяведин ветеран Х.Халидов, РД-дин военный комиссариатдин векил, подполковник Н.Садикьов, КIирийрин школадин муаллим Къ.Къайибов, Венгрияда кьиле фейи вакъиайрин иштиракчи Рамазан муаллим, Кьурагьрин сад лагьай нумрадин юкьван школадин 10-классдин ученик Гьажиханов Насруллагь, Кьурагьрин кьвед лагьай нумрадин юкьван школадин муаллим Сефералиев Тофик рахана.
Абуруни чпин рахунра дяведа советрин халкьди къазанмишай кьегьалвилерикай, чи буржи а кьегьалвилер идалай кьулухъдинни рикIелай ракъур тавун тирди лагьана. Чун гьамиша кьегьалриз икрам ийиз гьазур тирди къейдна.
Суварин митинг куьтягь хьайила, райцентрдал райондин Культурно-досуговый центрдин ва хуьрерин Культурайрин кIвалерин работникар тир Н.Гьасанован, С.ТIаибован, М.Гуьлметован, З.Бабаевадин, С.Тагъиевадин, Гь.Мегьамедовадин, Н.Рамазанован, И.Исмаилован , Р.Тагъиеван ва мугьман яз атанвай манидар В.Шерифован иштиракчивал аваз концерт кьиле фена.
Концерт куьтягь хьайила, 9-майдин суварин мярекат давамар хъувун патал "Кьурагь район" муниципальный тешкилатдин кьил З.Азизов, "Кьурагь район" муниципальный тешкилатдин администрациядин кьил С.Гьамидов, "Кьурагь район" муниципальный тешкилатдин администрациядин кьилин заместителар Э.Исаева, М.Хариев, А.Исаев, райондин къуллугъчияр, ветеранар, Культурно-досуговый центрдин фойеда сувариз тешкилнавай банкетдиз атана.
Ина ачух столрихъ ацукьна ял ягъиз арада мани ва кьуьл аваз З.Азизова, С.Гьамидова, М.Хариева, райондин образованидин отделдин начальник Р.Катибова, Усарин хуьруьн администрациядин кьил М.Гьарунова, Маллакентдин школадин завуч Р.Алиевади, КIирийрин юкьван школадин муаллим Къ.Къайибова, КIирийрин школа-интернатдин директор Н.Тагьирова, Кумухърин хуьруьн администрациядин кьил Р.Улубекова, Кьуьчхуьррин хуьруьн администрациядин кьил А.Жабраилова, Араблярдин хуьруьн школадин директор С.Юсупова сувар тебрикна.
Ветеран Х.Халидоваз райондин администрациядин патай пулдин пишкеш гана. Х.Халидоваз, Къ.Къайибоваз ва А.Назаралиеваз "Сад тир Россия" Всероссийский политический партиядин Дагъустандин региональный отделенидин патай сувар тебрикна ва чухсагъул малумарнавай Чарар вахкана.
Мярекатдал З.Азизова "Ватандин ЧIехи дяве" темадай сочинение кхьинай ва килигунра кIвенкIвечи чкаяр кьур райондин школьникриз грамотаяр ва дипломар гана.
Мярекатдал КьепIиррин юкьван школадин ученица Жалилова Зухради дяведиз талукьарнавай мани тамамарна.
Къейд тавуна таз жедач, мярекатдал Маллакентдин юкьван школадин завуч Алиева Раисатани ва ученица Рамалданова Тамилади санал тамамарай "Варварство" шиир кIелайла, вирида кIвачел къарагъна капар яна ва чухсагъул малумарна.
Шадвилерин мярекат манияр ягъиз, кьуьлер ийиз геждалди давам хьана!
--------------------------------------------------------------------------------------------

РЕШЕНИЯ
О едином многомандатном избирательном округе, схеме многомандатного избирательного округа для проведения выборов депутатов представительного органа муниципального образования сельских поселений Курахского района Республики Дагестан
можно посмотреть здесь.
--------------------------------------------------------------------------------------------

 Ф.Абдурагьманова.
Спорт
Игитдин гьуьрметдай турнир
Ватандин ЧIехи дяве куьтягь хьайидалай инихъ 70-йис тамам хьунин сергьятда аваз КIирийрин хуьре адет хьанвайвал, гьар йисуз Игит Эсед Салигьован руьгьдиз бахшна 43- сефер яз, 4- майдиз волейболдай республикадин турнир кьиле тухвана.
Мярекатдиз атанвай вири мугьманар, школьникар Эсед Салигьован тIварунихъ галай КIирийрин юкьван школадин вилик кIватI хьанвай.
Гуьгъуьнлай и школадин коллективдин патай РД-дин лайихлу муаллимар тир Энвер Манчаровани Къаиб Къаибова Игитдин памятникдал венокар эцигна.
Сятдин 11-даз мярекатдин иштиракчияр гъилера лозунгар, плакатар, Советрин Союздин Игитрин портретарни гваз школадай хуьр галай патахъ рекье гьатна. И вахтунда абуру КIирийрин хуьряй фронтдиз фена, дяведа чпин чанар къурбандар авур аскерриз эцигнавай обелискдални венокар эцигна.
Хуьруьн юкьвал алай Эсед Салигьован паркуна митинг башламишна.
Инал Игитди къалурай кьегьалвилерикай КIирийрин юкьван школадин директор Фарман Шихкеримова доклад авуна, райадминистрациядин патай "Кьурагь район" муниципальный тешкилатдин кьил Замир Азизов, мукьва-кьилийрин, багърийрин патай Э.Салигьован хтул Гьажимурад Омаров, мугьманрин патай Ботлих райондин спорткомитетдин председатель ва "Дирибашвилин" ордендин кавалер Темирхан Дибиров, КIирийрин юкьван школадин патай ученикар тир Арина Шихкеримова, Эрвина Шихкеримова, Фарида Керимханова ва Камила Абдуллаева рахана.
Мярекатдиз кIватI хьанвай мугьманри, райадминистрациядин патай "Кьурагь район" муниципальный тешкилатдин кьил Замир Азизова, "Кьурагь район" муниципальный тешкилатдин администрациядин кьил Сефербег Гьамидова ва Хунзах райондай атанвай делегациядин векилар тир Расул Мегьамедова, Гьамзат Пайзуллаева Игитдин памятникдал венокар эцигна.
Гуьгъуьнлай РФ-дин Гимн ягъуналди З.Азизовани ва Гь.Омарова Игит Э.Салигьоваз тIвар яна, ада чирвилер къачур куьгьне школадин дараматдин цлал алкIурнавай мемориальный доска ачухна.
Сятдин сад тамам хьайила Сулейман-Стальский, Шамиль, Ботлих, Хунзах ва Кьурагь районрин волейболдин командайрин арада акъажунар башламишна.
Вири санлай акъажунрин фондуниз 280 агъзур манат пул чара авунвай.
Геждалди лап йигиндиз кьиле фейи акъажунра гъиляй-гъилиз вугузвай Кубок, 70 агъзур манат пул 1-чка кьур Шамиль райондин командадиз, 50 агъзур манат пул 2-чка кьур Ботлих райондин командадиз, 30 агъзур манат пул 3-чка кьур Кьурагь райондин ва 10 агъзур манат пул 4-чка кьур Хунзах районди командадиз гана.
Идалайни гъейри, кьиле фейи акъажунра хъсан алакьунар къалурай маса командайрин кьилин спортсменризни грамотаяр, медалар, рикIел аламукьдай пишкешар гана.
ГьакIни и турнирдал З.Азизовани С.Гьамидова ва райондин са кьадар идарайринни организацийрин руководителри чпин патай кIватI хьанвай виридалайни рикIиз хуш хьайи игрокар яз гьисабай Кемран Хариеваз, Рамиз Велибековаз, гъалибвал къазанмишай Эльдар Гьасановаз, виридалайни хъсан связующий яз гьисабай Алимегьамед Алиеваз, виридалайни хъсан нападающий хьайи Шамиль Гьуьсейноваз, виридалайни хъсан игрок тир Мегьамедкамил Жаватхановаз ва турнирдин кьилин судьявал авур Курамегьамед Курамегьамедоваз рикIел аламукьдай гьар жуьредин пишкешар гана.
Турнирдин эхирдай инал рахай Темирхан Дибирова вичин ва атанвай вири мугьманрин патай и турнир тешкилна, хъсандиз кьиле тухуниз гьуьрметдивди куьмек гайи вирибуруз рикIин сидкьидай чухсагъул лагьана.
Гуьгъуьнлай рахай З.Азизова вири районэгьлийрин, райадминистрациядин патай атанвай мугьманриз, спортсменриз чухсагъул малумарна. Абуруз хуш келимайралди чпихъ хьанвай агалкьунар мубаракна. Виридахъ чандин сагъвал, бахт-берекат хьурай лагьана. Эхирдай мярекат райондин Культурно-досуговый центрдин манидарри концерт гуналди акьалтIарна.
-------------------------------------------------------------------------------------

М.Агьмедова.
Фестиваль-конкурс кьиле фена
И мукьвара райондин Культурно-досуговый центрда райондин школайрин арада ватанпересвилин темадай конкурс кьиле фена.
Конкурс тухунин кьилин макьсад школайра кIелзавай аялар ватанпересвал, эдеблу тербия авай инсанар яз тербияламишун, акьалтзавай несил патал ватанпересвилин мани метлеблуди хьун, ватан кIан хьун, акьалтзавай несилрин алакъаяр мягькемарун, школайра кIелзавай аялрин ва тарс гузвай муаллимрин яратмишунрин активвал хкажун, цIийи алакьунар ва абурун яратмишунрин мумкинвилер винел акъудун, акьалтзавай несилдин руьгьдин культура хкажун тир.
Конкурсда 5-11-классра авай аялри иштиракна. Алай йисуз тешкилнавай конкурс Ватандин ЧIехи дяведин Гъалибвилин 70 йис тамам хьуниз талукьарнавайди я. И конкурсда Кьурагьрин сад ва кьвед лагьай нумрайрин юкьван школайри, КIирийрин, КьепIиррин, Штулрин, КIутIулрин, Маллакентдин, Аладашдин, Араблярдин, Кумухърин, Шимихуьруьн, Хпежрин, Ашарин, Гелхенрин, Усарин, Кьуьчхуьррин, Квардалрин школайри, КIирийрин школа-интернатди иштиракна. Конкурсда иштирак тавур школайрик Хпуькьрин, Хвережрин ва Хуьрехуьруьн школаяр акатзава. Иниз хейлин муаллимар, образованидин отделдай векилар атанвай. Лугьун лазим я хьи, фестивалдиз райондин вири школайрин художественный самодеятельностдин иштиракчияр хъсандаказ гьазур хьанвай.
ИкI, кьиле фейи фестиваль-конкурсда 1-чка Кьурагьрин сад лагьай нумрадин юкьван школадин, 2-чка Кьурагьрин кьвед лагьай нумрадин юкьван школадин ва Маллакентдин юкьван школадин, 3-чка Кьуьчхуьрринни Ашарин юкьван школайрин коллективриз хьана. Кьиле фейи конкурсда тафаватлу хьайи нумраярни хьана.
Абурук ватанпересвилин манияр хъсандиз тамамарунай кьетIен фикир гуниз Кьурагьрин сад лагьай нумрадин юкьван школадин ученица Алина Абдурагьманова, КьепIиррин юкьван школадин ученица Зухра Жалилова, Маллакентдин юкьван школадин ученица Тамила Рамалданова, Кьуьчхуьррин юкьван школадин ученик Жаруллагь Фейзуллаев, Кьурагьрин 2-нумрадин юкьван школадин ученица Амина Мусаева, Квардалрин школадин ученик Садир Халилов, Шимихуьруьн юкьван школадин ученица Малвана Асварова, Хпежрин юкьван школадин ученик Имран Рамазанов, КIирийрин школа-интернатдин ученик Рамазан Тагьиров, Аладашдин юкьван школадин ученица Маизат Мемеева лайихлу хьана.
---------------------------------------------------------------------------------------

 М.Агьмедова.
Кьвед лагьай чка хьана
Виридуьньядин психологиядин алимри къейд ийизвайвал, яратмишунри аялриз хъсан таъсир ийизва, яни живописдал, кьуьлерал машгъул тир аялрин фикир ва хиял гегьеншди жезва. Лагьана кIанда, чи райондани искусствойрин школадин аялри республикадин къене жезвай вири мярекатра устадвилелди иштиракна ва гьа иштиракай конкурсрани абуруз гьамиша кIвенкIвечи чкаяр хьана. Чав и йикъара 29-апрелдиз Махачкъалада кьиле фейи республиканский конкурсда чи райондин искусствойрин школадин аялриз "Дуьньядин халкьарин кьуьлер" номинациядай 2- чка ганва лагьай шад хабар агакьна. Райондин искусствойрин школадин директор Къазиев Магьарам Жамирзоевича чаз хабар гайивал, 29-апрелдиз РД-дин илимдинни образованидин Министерстводи ЧIехи Гъалибвилин 70 йисаз талукьарна аялрин алава образованидин хореографический искусстводай республиканский конкурс кьиле тухвана.
Конкурс тухунин мана-метлеб ам тир хьи, хореографический искусстводин рекьяй бажарагъ авай аялар винел акъудун ва пайда авун, ватанпересвилин руьгьдаллаз тербияламишун ва жуван Ватандин алатай игит вахтариз гьуьрмет авун я.
Конкурс "Дуьньядин халкьарин кьуьлер" номинациядай кьиле тухвана.
Гьа и конкурсда чи райондин искусствойрин школадин аялрини иштиракна. Абуру осетинский кьуьл тамамарна. Кьуьлуьник 8 аял квай. Шад жедай кар ам я хьи, и конкурсда чи райондин искусствойрин школадин аялриз 2-чка ганва. Абуруз 2-степендин диплом ва грамота гана.

----------------------------------------------------------------------------------------

Начальник ОНД и ПР по Курахскому району
УНД и ПР ГУ МЧС РФ по РД А.Э.Эмирбеков.

Внимание: весенне-летний пожароопасный период
Не так много осталось времени до установления теплой сухой погоды. Как показывает практика прошлых лет, в это время резко увеличивается количество пожаров, связанных с возгоранием сухой травы, мусора, в сельских населенных пунктах, в лесных, парковых зонах, на сельхозугодиях, на приусадебных участках.
Значительная часть пожаров происходит из-за неконтролируемых сельхоз палов (сжигания прошлогодней травы и соломы), леса пылают и из-за небрежного обращения с огнем. Связано это и с уборкой садовых участков (и, как следствие, сжиганием мусора и травы) и массовым выездом населения на природу (разведение костров, неосторожность при курении и т.п).
Нередко это приводит к тяжелым последствиям. Огонь перекидывается на лесные массивы, хозяйственные постройки, жилые и нежилые строения. Вспыхнувшая как порох трава порывом ветра в доли секунды заносится на деревянную постройку, и она тут же загорается. Кроме того, с пожарами в атмосферу выбрасывается огромное количество дыма, содержащего такие опасные загрязнители, как углекислый газ, угарный газ, окись азота. От задымления страдают жители, как городов, так и сельских населенных пунктов. Кроме того, на тушение подобных пожаров тратятся огромные денежные средства.
Так кто же виноват в возникновении этих пожаров? В ряде таких пожаров виноваты курильщики. Не затушенная спичка или окурок, брошенные в сухую траву, в считанные секунды превращаются в "горящий ковер". Много хлопот работникам противопожарной службы в этот период доставляют детские шалости с огнем. Дети не понимают, сколько бед и несчастий может принести травяной пожар. А ведь площади таких возгораний могут достигать десятков тысяч квадратных метров. А если на пути огня встанет забор, сарай или даже дом, то пострадают и они.
Еще одной "пожароопасной категорией" населения в такой период становятся садоводы. Ежегодно, колоссальный ущерб природе наносит сжигание по весне сухой травы и листвы на земельных угодьях и садовых участках, непосредственно примыкающих к лесопарковой зоне.
С приходом весны масса людей устремляется в лес. В этих случаях наиболее частая причина бедствий-не затушенные костры, брошенные окурки, спички. А ведь в теплую сухую погоду искры достаточно, чтобы вспыхнул огонь, особенно в хвойном лесу.
В связи с этим, ОНД и ПР по Курахскому району УНД и ПР ГУ МЧС России по РД призывают вас быть особо внимательными и осторожными в весенне-летний пожароопасный период.
Курильщикам не следует бросать окурки и спички на землю, ведь для этого есть специально оборудованные урны. Необходимо следить за тем, чем заняты дети, пресекать любые шалости несовершеннолетних с огнем. На территории частного жилого сектора, на случай пожара, необходимо иметь запасы воды для целей пожаротушения, а также определить порядок и способы вызова пожарной охраны.
Сжигание мусора, отходов и тары в специально отведенных для этих целей местах, не ближе 50 метров до зданий и сооружений и строго под контролем обслуживающего персонала.
Не забывайте о том, что за нарушение Правил пожарной безопасности законодательством Российской Федерации предусмотрена административная, а так же и уголовная ответственность.
ОНД и ПР по Курахскому району УНД и ПР ГУ МЧС России по РД надеются, что совместными усилиями всех заинтересованных служб и ведомств, а также населения, удастся не допустить чрезвычайных ситуаций в весеннее-летний пожароопасный период.
Важная информация:
Способы набора "Службы 01 МЧС России в Курахском районе, 78726922220; или 112 пользователям:
Компаний "Мегафон" и "МТС"-набирать номер 010,
Компании "Билайн"-набирать номер 001.
Набрав номер, нужно кратко сообщить следующее:
-причину вызова (пожар, несчастный случай, запах газа и т.п.);
-точный адрес (улица, номер дома,);
-Ваша фамилия и номер телефона;
-запишите или запомните фамилию дежурного диспетчера

------------------------------------------------------------------------------------------

С.Джамалдинов, начальник УСЗН.
Информация
В соответствии с постановлением Правительства Республики Дагестан от 27 февраля 2015 года № 58 "О внесении изменений в некоторые постановления Правительства Республики Дагестан" граждане, имеющие детей, подают заявление о назначении (перерасчете) ежемесячного пособия на ребенка по выбору в письменной форме или в форме электронного документа лично либо с использованием Единого портала государственных и муниципальных услуг в государственный орган социальной защиты населения по месту жительства (фактического проживания, месту пребывания) одного из родителей (усыновителей, опекунов, попечителей), с которым проживает ребенок, или посредством многофункциональных центров предоставления государственных и муниципальных услуг.
В соответствии с принятым постановлением Правительства Республики Дагестан граждане, имеющие детей, представляют:
Документы, подтверждающие сведения о доходах каждого члена семьи (либо отсутствие дохода), с учетом видов дохода семьи, предусмотренных пунктами 5-8 Порядка учета и исчисления величины среднедушевого дохода, дающего право на получение ежемесячного пособия на ребенка, утвержденного постановлением Правительства Республики Дагестан от 19 февраля 2007 года №47;
Выписки из трудовых книжек или иные документы, содержащие сведения о последнем месте работы родителей (усыновителей, опекунов, попечителей) ребенка;
Документы, подтверждающие место фактического проживания, место пребывания родителей (усыновителей, опекунов, попечителей) ребенка (документ о регистрации по месту пребывания, справки жилищно-эксплуатационного управления, жилищного кооператива, товарищества собственников жилья, договор найма жилого помещения, решение суда об установлении фактов, имеющих юридическое значение)-в случае обращения за назначением ежемесячного пособия на ребенка по месту фактического проживания, месту пребывания.
В случае непредставления сведений о доходах семьи в указанные сроки, выплата ежемесячного пособия на ребенка приостанавливается.
Возобновление выплаты ежемесячного пособия на ребенка производится на основании заявления получателя ежемесячного пособия на ребенка с приложением документов, подтверждающих сведения о доходах семьи, рассматриваемого государственным органом социальной защиты населения по месту жительства (фактического проживания, месту пребывания) в течение десяти дней со дня его подачи.
Выплата ежемесячного пособия на ребенка возобновляется с месяца приостановления. При обращении за возобновлением выплаты ежемесячного пособия на ребенка по истечении шести месяцев с месяца приостановления оно выплачивается за истекшее время, но не более чем за шесть месяцев до месяца, в котором подано заявление о возобновлении выплаты этого пособия со всеми необходимыми документами.

-------------------------------------------------------------------------------------------

Гаджиханов Г.С., директор ЦЗН.
Информация о проведении ГКУ РД ЦЗН в МО "Курахский район", "круглого стола" посвященного Всемирному дню охраны труда.
28 апреля 2015 года в ЦЗН Государственным казенным учреждением "Центр занятости населения в муниципальном образовании "Курахский район" был проведен "Круглый стол", посвященный Всемирному дню охраны труда на тему "Вместе повысим культуру профилактики в охране труда". В нем принял участие представители сельских муниципальных поселений, представители образовательных учреждений и других организаций, Открывая мероприятие, директор ЦЗН Гаджиханов Г.С. отметил, что на протяжении многих лет в области охраны труда проведена большая работа. Тем не менее, несмотря на значительный прогресс, достигнутый в последние годы в части регулирования и управления процессами создания, повышения культуры профилактики в охране труда правительства, работодатели и работники продолжают прилагать свои усилия для того чтобы повысить культуру профилактики в охране труда.
"Охрана труда-это такая же сфера деятельности, где имеющиеся положительные результаты не дают повода для того, чтобы останавливаться на достигнутом. Поэтому повышение культуры производства, сохранение здоровья работников остаются приоритетными направлениями деятельности как органов надзора и контроля за охраной труда, так и работодателей"
Далее выступившие специалисты ЦЗН подчеркнул, что основная задача данного мероприятия повышение заинтересованности работодателей в создании здоровых и безопасных условий труда работников, изучение и распространение опыта в области охраны труда в организациях Повышение культуры охраны труда может способствовать снижению ежегодной смертности на рабочем месте. Создание безопасных условий работающего населения зависит от совместных действий исполнительных органов государственной власти в республике, органов надзора и контроля.
Участниками совещания было отмечено, что основной акцент мероприятий должен быть на профилактической работе в виде формирования у работников составной части программа достижения целей улучшения условий труда, повышения внимания работодателей к проведению специальной оценке условий труда. Была высказана необходимость в более основательном подходе к этому вопросу и поэтому принято решение активно сотрудничать друг с другом для последующей выработки более эффективной модели профилактики трудового травматизма.
---------------------------------------------------------------------------------------

Кьурагьрин сад лагьай нумрадин юкьван школадин коллективди Мисриев Гьамидаз, Муслимова Фазиятаз, Фейзуллаева Гьуьруьдиз ва Заураз, Умрият Мусаевриз диде ва чIехи диде ГЬАМИЯТ рагьметдиз финихъ галаз алакъалу яз башсагълугъвал гузва.

---------------------------------------------------------------------------------------

Комментарии (0)

Нет комментариев. Ваш будет первым!