Газета №18

 Протокол
публичных слушаний по проекту решения о внесении изменений и дополнений в Устав МО "Курахский район"

с.Курах                                                                                 от 20.04.2015 г.
Председатель комиссии-Будаев М.Р.
Секретарь-Мирзоев Ф.А.
Присутствовали-47 чел.
С докладом выступил Председатель Собрания депутатов МО "Курахский район" Азизов З.З.
Он отметил, что в связи с необходимостью проведения Устава в соответствие с федеральным и региональным законодательством разработан проект решения «О внесении изменений и дополнений в Устав с 27.03.2015 года» и обнародован путем опубликования в газете "Горный родник» 02.04.2015 г.
На публичных слушаниях Вы имеете право и возможность, представить свои предложения и замечания относительно проекта решения.
Всем жителям МО "Курахский район" была предоставлена возможность внести свои предложения и замечания по проекту решения в комиссию Собрания депутатов Курахского района с 02.04.2015г. по 20.04.2015 г.
Однако никаких предложений и замечаний по проекту решения не поступило.
Выступили:
1. Селимов С.А.-предложил одобрить проект решения, т.к. противоречащие статьи федеральному законодательству нужно произвести в соответствие с федеральным и региональным законодательством.
2. Хариев М.Г.-поддержал предложение об одобрении проекта устава и предложил проголосовать, чтобы определить мнение присутствующих относительно проекта решения.
По результатам голосования определено, что все единогласно одобряют проект Решения.
Обсудив доклад Председателя Собрания депутатов МО "Курахский район", и заслушав поступившие предложения, участники публичных слушаний по проекту решения
Решили:
Одобрить предложенный проект решения МО "Курахский район"
Председатель комиссии Будаев М.Р.
Секретарь Мирзоев Ф.А.

------------------------------------------------------------------------------------------

Райадминистрацияда
Кар алай месэлаяр веревирдна
20-апрелдиз райадминистрациядин актовый залда райондин идарайрин руководителрихъ галаз кьиле тухузвай совещание хьана.
Совещание "Кьурагь район" муниципальный тешкилатдин кьил З.Азизова кьиле тухвана. Анал хейлин руководителар рахана.
Райондин образованидин отделдин начальник Р.Катибова къейд авурвал, вири школайра 9-майдин сувариз гьазур жезва, ватанпересвилин манийрин килигунар кьиле фида, Ватандин ЧIехи дяведин темадай кхьей сочиненийрин нетижаяр гьеле кьунвач, алатай киш юкъуз Кьурагьрин 2-нумрадин юкьван школадин аялри Кьурагьрин Къуза пата "Гъалибвал! 70 йис" лозунг кхьена, анал кьве машин къванер тухвана.
Райондин Культурно-досуговый центрдин начальник А.Эмирбекова лагьайвал, культурадин работникар 9-майдиз кьиле тухузвай программа тешкилунал машгъул я, репетицаяр Вирироссиядин ватанпересвилин конкурсдиз са кас чи райондайни ракъурзава, идарада субботник авуна, дараматдин вилик къелемар кутуна, культурадин идарадин вилик квай обелиск ремонт авуна кIанзава.
ЦРБ-дин кьилин духтур А.Акимова райондин больницади пландал кIвалахзавайди, духтуррин бригада диспансеризация ийиз Маллакентдиз фейиди, мартдин вацран мажиб ганвайди, раб-дарман гьелелиг амайди, дарманар къачун патал аукцион кьиле тухузвайди лагьана.
Райондин информацийрин технологийрин ва печатдин центрдин начальник А.Будаева къейд авурвал, газет вахт-вахтунда акъудзава, ЧIехи Гъалибвилин 70 йисан юбилейдиз талукь макъалаяр чапзава, ЧIехи Гъалибвилин 70 йисаз талукь рангунин газет акъудиз гьазурвал аквазва.
Райондин РЭС-дин мастер Р.Загьирова лагьайвал, алай вахтунда электроэнергияди вичин режимда аваз кIвалахзава, капитальный ремонтдик квай участокар ремонт ийиз планламишнава, Кьурагьрин Яргьахъ мягьледин трансформатор ремонт хъувуна кIанзава.
"Кьурагь район" муниципальный тешкилатдин администрациядин кьил С.Гьамидова алатай гьафтеда райондин кьил З.Азизов республикадин Кьилихъ галаз гуьруьшмиш хьайиди, анал кар алай проектар гьикI кьиле тухузватIа веревирд авурди, чи райондиз и кардай агалкьунар авайди, инвесторар желб авуна аранда салан майвайрикай шейэр ийидай, абур сортариз чара ийидай, абур хуьдай логический центр кардик кутун планламишнавайди, санлай къачурла республикадин Кьил чи районди авунвай кIвалахдилай рази яз амукьдайди лагьана.
З.Азизова Р.Абдулатиповахъ галаз хьайи гуьруьш хъсан рафтарвал аваз кьиле фейиди, 2011 -йисуз чи райондин 9 млн манатдихъ галаз налог кIватIнавайтIа, алатай йисуз 36 млн манатдин налог кIватIнавайди, гзаф позицийрай чи район вилик квайди, и агалкьун чи вири халкьдин, райондин идарайрин руководителрин агалкьун тирди, гьа и кардал акъваз тавуна, генани хъсан кIвалах авуна кIанзавайди къейдна.
--------------------------------------------------------------------------------------------

Комиссиядин заседанидал
16-апрелдиз яш тамам тахьанвай аялрин крарин рекьяй райадминистрацияда тешкилнавай комиссиядин заседание хьана.
Заседание "Кьурагь район" муниципальный тешкилатдин администрациядин кьилин общественный хатасузвал хуьнин рекьяй заместитель М.Хариева тухвана.
Заседанидин йикъан повесткадал кьве месэла эцигнавай:
1. "Къайгъу чIугунин ва къаюмвилик кутунин лазимвал авай яш тамам тахьанвай аялар винел акъудунин ва абурун закондин ихтиярар ва интересар хуьнин рекьяй администрациядин къаюмвилин ва къайгъу чIугунин органдин кIвалахдин гьакъиндай"
2. "Кьурагьрин 1-нумрадин юкьван ва КьепIиррин юкьван школайрин социальный педагогри авунвай кIвалахдин гьакъиндай гьахъ-гьисаб".
Анал "Кьурагь район" муниципальный тешкилатдин администрациядин кьилин заместитель А.Исаева, райадминистрациядин къаюмвилин ва къайгъу чIугунин органдин кьилин пешекар З.Шабановади, ЦРБ-дин кьилин духтур А.Акимова, райондин агьалияр яшайишдин рекьяй хуьдай управленидин начальник С.Жамалдинова, райондин яш тамам тахьанвай аялрин крарин рекьяй комиссиядин жавабдар секретарь З.Ибрагьимова, Кьурагьрин 1-нумрадин юкьван школадин социальный педагог тир Ж.Мирзоевади, КьепIиррин юкьван школадин социальный педагог Л.Селимовади, физ- культурадинни спортдин ва жегьилрин крарин рекьяй отделдин начальник Р. Рамазанова иштиракна.
Сад лагьай месэладай райадминистрациядин къаюмвилин ва къайгъу чIугунин органдин кьилин пешекар З.Шабановади 2014-йисан ва 2015-йисан 1-кварталда авур кIвалахдин гьакъиндай гегьенш доклад авуна.
Кьвед лагьай месэладай Кьурагьрин сад лагьай нумрадин юкьван школадин социальный педагог Ж.Мирзоевади ва КьепIиррин юкьван школадин социальный педагог Л.Селимовади чпи вахт-вахтунда аялрихъ галаз тербиядин суьгьбетар тухузвайди, абурун диде-бубайрихъ галаз санал кIвалахзавайди, тIимил таъмин тир хизанрин кIвалериз физ ахтармишунар ийизвайди ва абурун яшайишдин гьал пис гьалда авачирди, алай йисуз лугьудай хьтин, четин, низамсуздаказ тухузвай аялар авачирди къейдна.
Заседанидал рахай вирибурухъ М.Хариева яб акална, комиссиядин докладчийрин информация фикирдиз къачуна.

--------------------------------------------------------------------------------------------

А.Мамедова.
Дагъустан Республикадин олимпиада 2-чка кьуна
20-апрелдиз Кьурагьрин 2-нумрадин юкьван школада вири школадин линейка хьана. Аниз Дагъустандин государственный технический университетдин таможенный делодинни правоведенидин кафедрадин заведующий, Дагъустан Республикадин лайихлу экономист, профессор Идрис Оружев мугьман хьанвай. Ам атунин кьилин макьсад гьа и школада 11-классда кIелзавай, республикада обществознанидай кьиле фейи олимпиадада 2-чка кьур, Катибова Замилядив сертификат вахкун тир. И. Оружева вичин патай 11-классда кIелзавай ученицадиз хуш келимаяр лугьуналди мубаракна ва им еке вакъиа тирди, гьа и сертификат ДГТУ-диз кIелиз гьахьдайла гьисаба кьазвайди къейдна.
--------------------------------------------------------------------------------------------

М.Агьмедова.
Чи интервью
Къулай шартIар гуз чалишмиш жезва
Аялдилай багьа затI дуьньяда авач. Адаз тербия гун ва къулайвилер гуз алахъун диде-бубадилай башламишна, ясли-бахчада, школада давам жезва. Чи районда школадиз фидалди чирвилер ва тербия гудай хейлин идараяр кардик ква. Ихьтинбурукай сад тир Ашарин " Радуга" ясли-бахчадиз и йикъара чун фена, ана кIвалах тешкилнавай гьалдихъ галаз гуьруьшмиш хьана. Ана заведующийдин везифаяр тамамарзавай Рамазанова Зулфиядхъ галаз гуьруьшмиш хьана.
Куьруь къейд
Рамазанова Зулфия Хидирильясовна 1988-йисан 24-сентябрдиз чи райондин Гелхенрин хуьре дидедиз хьана. 1990-йисуз Гелхенрин юкьван школадиз фена. Школа акьалтIарай 2001-йисуз Дербентдин "Юждаг" университетдин историко-филологический факультетдиз гьахьна. Ана вад йисуз кIелна. 2010-йисуз райондин искусствойрин школадин филиалда музыкадин рекьяй муаллим яз кIвалахна. 2012-йисуз Ашарин ясли-бахчада музыкальный руководитель яз кIвалахиз башламишна. 2014-йисан 1-июндилай ясли-бахчада заведующийдин везифаяр тамамарзава.
Бахчадиз фейи вахт нисинин вахт тир. Аялар ксана ширин ахвара авай. Ясли-бахчадин заведующий Рамазанова Зулфиядихъ галаз хваш-беш авурдалай гуьгъуьниз адан вилик чна са шумуд суал эцигна.
-Зулфия Хидирилясовна, куь бахчада шумуд группа кардик ква ва ана авай аялрал шумуд кас машгъул я?
-Ина са группа кардик ква, 16 аялдиз тербия ва сифтегьан чирвилер гузва. И кардал вири санлай къачурла 13 пешекар машгъул я.
-Ина питанидин гьал гьикI я, продуктар авани?
-Питанидикай рахайтIа, питание ина хъсанзава, продуктар вахт-вахтунда агакьарзава. Михьивал ава.
-Аялриз къугъвадай игрушкаяр бес кьадар авани?
-Аялриз къугъвадай игрушкайрин патахъай диде-бубайрини къачуз гьакI куьмек гузва.
-Школадиз фидалди чирвилер гунин месэла куь ясли-бахчада гьикI эцигнава?
И рекьяй ясли-бахчада аялриз жуьреба-жуьре къугъунар, мультфильмаяр къалурзава.
ЧIал хъсан ахъа хьун патал тербиячиди махсус куплетрикай ибарат тир скороговоркаяр лугьуз чирзава. ГьакIни шикилар чIугваз, пластилиндикай шейэр ийиз, гьарфар кхьиз, прописар ацIуриз, рангунин чарарикай жуьреба-жуьре шейэр туькIуьриз чирзава.
Куь ясли-бахчада къулай шартIар хьун патал хъувуна кIанзавай гьихьтин кIвалахар ава?
-Ясли-бахчадихъ гегьенш гьаят гала. Ана аялриз беседка ва перпилагар эцигнава, амма анаг элкъвена жугъунралди кIеви тавунвайвиляй, иниз гьуьндуьшкаяр, верчер къвезва. Алай вахтунда гьаятдин са пипIез сетка янава. ГьакIни хуьруьн кьилихъай авахьзавай яд ясли-бахчадин гьаятда гьатзава. Яд текъведайвал чилик турбаяр ва гьакIни иниз аялриз къугъвадай къумни гъана кIанзава. Хъсан жедай и кардин патахъай райондин руководстводи чпивай жедай куьмек ганайтIа.
ГьакIни ясли-бахчада хъувуна кIанзавай хейлин кIвалахар ава.
--------------------------------------------------------------------------------------------

Ж.Бутаева.
Школайрай хабарар
Дяведин четин йисар рикIел хкана
И йикъара Кьурагьрин 2-нумрадин юкьван школада Дагъустан Республикадин Образованидин ва илимдин министерстводин приказдин бинедаллаз Ватандин ЧIехи дяведа гъалибвал къачуна 70 йис тамам хьуниз талукьарнавай еке мярекат кьиле фена. Ана школадин вири аялри, муаллимри, гзаф кьадар мугьманри иштиракна.
Мярекат тербияламишунин рекьяй школадин директордин заместитель Гуьлуьзар Оружевади ачухна. Ада дяведа гъалибвал къачунин сувар мубарак авуналди гаф ведущияр тир Рагьимханова Самирадиз ва Бабаева Асиятаз гана.
Ведущийри кIватI хьанвайбуруз дяведин мусибатрикай, совет уьлкведин халкьди дурум гайи кьван четинвилерикай, абурун кьилел фашистри гъайи кьван бедбахтвилерикай таъсир ийидай суьгьбет авуна.
Гуьгъуьнлай гаф вичин аялвал дяведи къакъудай, 81 йисан яшда авай эгьли Бабаев Тажидиназ гана.
"Гьуьрметлу аялар, зи аял вахтар дяведин четин вахтарал гьалтна, тандал пек- партал хьанач, я хъуьруьн-къугъун ийидай мумкинвал. Зи буба Рамазан 1943-йисуз дяведа кечмиш хьана, гишила кьин тавун патал чун (хизанда авай аялар) жуьреба-жуьре агъур кIвалахар авуниз мажбур хьана. Амма лугьун хьи, за зи кьисметдал наразивал ийизвач, вучиз лагьайтIа, зун хьтин виш агъзур инсандини фашизмдин винел гъалибвал къачун патал вири четинвилериз дурум гана, чпин пай кутуна. "Вири фронт патал! Вири гъалибвал патал!" чи кьилин макьсад хьана. Чна чи аялриз, невейриз азад уьмуьр гуник чи пайни кутуна.
Гьуьрметлу аялар, гьуьрметлу чи акьалтзавай несил, куьн патал чанар эцигайбур рикIелай ракъур тавун куь буржийрикай сад я! Къуй квехъ чандин сагъвал хьурай!"-лагьана Тажидин Бабаева.
Гуьгъуьнлай аялри дерин мана авай бендер кIелна, 9-классдин ученица Мусаева Аминади "Азиз буба", 7-классдин ученицаяр тир Оружева Гиярадини Абдуллаева Аминади урус чIалалди "Ата-буба" манияр тамамарна. 11-классдин аялри "Фронтдай чар" тIвар алай са гъвечIи сегьне къалурна.
Мярекат Ватандин ЧIехи дяведа чанар гайи кьегьалар рикIел хкунин лишан яз са декьикьада кисна акъвазуналди акьалтIарна.

-------------------------------------------------------------------------------------

А.Семедов.
Диде-бубайрин собранидал
И йикъара Кьурагьрин сад лагьай нумрадин юкьван школада 8-11-классра кIелзавай аялрин диде-бубайрихъ галаз собрание кьиле фена. Собранидал алай вахтунда санлай школадин педагогический коллективдин, гьам диде-бубайрин ва школа акьалтIарзавай аялрик кIевелай секинсузвал кутазвай кьве месэладин гьакъиндай гегьеншдиз веревирдер авуна.
-Садазни сир туш хьи,-лагьана вичин рахунра школадин директор Мисриев Гьамида,-жегьилар, гьа гьисабдай яз школьникарни, чи обществодиз акси гьерекатар авунин терефдарри чпин жергейриз желб ийиз алахъзава.
Чавай ачухдаказ лугьуз жеда хьи, чи райондин са жерге хуьрерай, гьакI чи хуьряйни алай вахтунда лап секинсуз гьалар авай гьукуматдиз фенва. Ингье, юлдашар, къе чун кIватI хьунин метлеб сифте нубатда гьа и чIуру кIвалахдин вилик пад кьунихъ галаз алакъалу я. Дугъри я, чи педколлектив аялриз чирвилер ва тербия гун патал лап кIевелай чалишмиш жезва. Амма школада аялар муаллимрин гуьзчивилик анжах 4-6 сятдин вахтунда жезватIа, амай вахтунда-куь, диде-бубайрин гуьзчивилик жезва. Яни аял диде-бубайрин гуьзчивилик 2-3 сеферда артух жезва. Инал чавай саки гьар юкъуз чаз ашкара яз аквазвай са кардикай ачухдаказ лугьуз жеда: 11-классда кIелзавай бязи гадаяр сифте тарсуна ацукьна, ахварал физва. Себеб? Чавай лугьуз жеда хьи, я аял геждалди куьчейра жезва, я тахьайтIа ам йифен геждалди телевизордизни компьютердиз килигзава. Анайни и вахтунда чаз хийирлу кIвалахрилай хийирсуз кIвалахар гзаф аквазвайди малум кар я.
-Генани чIуру кIвалах ам я,-давамарна вичин рахунар Гь.Мисриева,-школадин яшда авай аялри жуван бедендиз чIурукIа таъсир ийизвай шейэр ишлемишун я. Са кьвед-пуд йисан идалай вилик вич бейгьуш квай шейэр ишлемишунин таъсирдик акатнавай жегьилди атана чи школада чIехи классра кIелзавай аялриз ихьтин шейэр гьатта маса ганай. Амма гьайиф къведай кар ам я, чи обществодин ихьтин кIвалахрин вилик пад кьадай органарни ихьтин ксарин вилик, вучиз ятIани, зайиф я. Чна мукьвал-мукьвал тарсара, тарсунилай къеце тухузвай кIвалахра аялрихъ галаз чи обществодиз зиян гузвай ихьтин гьерекатрикай ва татугай гьаларикай суьгьбетар тухузва. Чна и важиблу кIвалахрал неинки чи педколлектив, гьакI диде-бубайрин комитет, суддинни силисдин райондин къенепатан крарин органар, яшлубурун Совет, хуьруьн администрация-герек вири векилар желб ийизва. Зун а кардал шад я хьи, амай районрив гекъигайла, чи районда и рекьерай жезвай тахсиркарвилерин кьадар тIимил я. Чна гьич са вахтундани аялар чи гуьзчивиликай хкудна кIандач. И кIвалахда чаз гележегда акьалтзавай несил хийирлу крарал машгъул хьуниз гегьенш рекьер ачухда, абур дерин чирвилер къачуниз мажбур ийида.
Кьвед лагьай месэладайни гьам собранидал рахай муаллимри, гьам школадин директорди алай вахтунда 9,11-классрин аялри Сад тир государственный экзамен вахкунин карда абурун вилик акъвазнавай важиблу везифайрикай лагьана.
-Тарсарилай алава яз гьафтеда кьве сеферда,-лагьана кIелунинни тербиядин рекьяй школадин директордин заместитель В.Амиргьамзаевади,-чна урус чIалай ва математикадай алава тарсар тухузва. Амма ихьтин тарсара иштиракзавай аялрин кьадар лап тIимил я. Экзаменар башламишдалди са акьван вахт амач. Алай вахтундани, икьван чIавалди чна аялрихъ галаз гъавурда тунин кIвалах тухванватIани, абурувай экзаменационный лист дуьзгуьндаказ ацIуриз жезвач. Вуж и кIвалахдай батIул я?
Гьелбетда, аялар чеб. Кьвед лагьайди, 11-классдин гадайри мукьвал-мукьвал, гьич са себебни авачиз, тарсар ахъайзава, гьакI тарсара абурун иштираквал лап агъузди я. Гьаниз килигна, за квевай куь аялрал гуьзчивал артухарун тIалабзава.
Сад тир государственный экзамен вахкунин карда аялрин вилик акъвазнавай важиблу везифайрикай гьакI муаллимар тир Будаева Нафизата, Рагьимханова Марията, Исакьова Эльвиради гегьеншдиз лагьана. Гуьгъуьнлай 9,11-классрин аялрин диде-бубайрихъ галаз и классрин руководителар кьилди гуьруьшмиш хъхьана.

 --------------------------------------------------------------------------------------------

Информационное сообщение
«Аукцион о реализации имущества МСП «Шимихюрский» назначенный на 05.05.2015 г. отменяется в виду того, что животноводческие помещения расположены на отгонных землях, закрепление этих земель за сельхозтоваропроизводителями Минимуществом РД не решен».
Директор МСП «Шимихюрский» А.Шабанов
-------------------------------------------------------------------------------------------

Ф.Абдурагьманова.
Дин
Кьурагьа Мавлид
Алай йисан 15-апрелдиз райондин Культурно-досуговый центрдин залда берекатлу мавлид-межлис кьиле фена. Мавлид-межлис Мугьаммад Пайгъамбар (с.а.с) хайи Раббиуль-Авваль вацраз талукьарнавайди тир.
Сятдин 10 тамам жедалди и мярекат кьиле тухузвай залдиз, динэгьлияр, райадминистрациядин векилар тир А.Исаев ва И.Муслимов, са кьадар хуьрерай ва Махачкъала, Каспийск, Дербент шегьеррай мугьманрай атана ацIанвай.
Мавлид-межлис райондин имам Шамиль-гьажи Омарова ачухна.
Ада виридаз и межлис мубаракна, диндин межлисар кьиле тухуникай авай хийирдикай, Кьурагьа Пайгъамбар (с.а.с) хайи югъ къейд авун хъсан адетриз элкъвенвайди лагьана.
ГьакIни чпи кьиле тухузвай диндин мярекатра иштирак авунай, куьмекар гунай, райондин руководстводиз еке чухсагъул лагьана.
Гуьгъуьнлай ада и мярекатдал рахун патал атанвай мугьманар тир РД-дин муфтийдин куьмекчи Къази-гьажи Темирбулатоваз, Каспийск шегьердин имамдин заместитель тир ва и шегьердин ДИУ-дин филиалдин директор Анвар-гьажи Гьасангьуьсейноваз, лезги чIалал акъатзавай "Ас-салам" газетдин редактор Гьасан-гьажи Амахановаз, Кумухъ хуьруьн мискIиндин имам Нурудин -гьажи Гьуьсейноваз гаф гана.
Вири рахайбуру чи Пайгъамбардин (с.а.с) Суннадикай лагьана, насигьатар гана, Исламдиз гьуьрмет авун истемишна.
Дидед чIалал акъатзавай "Ас-салам" газет ва гьар жуьредин литература подписка авун лазим тирди, хайи чIал аманат яз хуьн хъсан крарикай сад тирди лагьана. Райондин администрациядин патай инал рахай экономикадинни эменнидин алакъайрин рекьяй отделдин начальник И.Муслимова вичин доклад кIелна. Виридаз, диндин нашидар лугьуналди, машгьур тир Заур Салигьова, Мугьамад Пайгъамбардикай (с.а.с) са кьадар нашидар лагьана, мавлид кIелна.
Мярекатдин эхирдай рахай имам Шамиль-гьажи Омарова чи районда ихьтин межлисар гзаф хьурай лагьана, вири кIватIхьанвайбуруз ва садакьаяр кутурбуруз чухсагъул малумарна. Кьурагьрин хуьруьз и юкъуз атанвай вири мугьманриз, мавлиддиз тIвар яна гьазурнавай хуьрекар дадмишиз мискIиндиз атун теклифна.

-------------------------------------------------------------------------------------------

Атлухан Рагьмханов
Гьуьрметлудаз
(Райондин ОВД-дин начальник А.Фатуллаеваз)

СтIалдаллай Бубадин гада,
РикI авай кас я лап зурба.
Низам-къанун вичиз чидай,
Халкьдихъ галаз рекье фидай.

ТIебят секин, къилих хъсан,
Кьериз гьалтда гьахьтин инсан.
Уьмуьрда вич фидай жуьре,
Тухуз ава закон кьиле.

Вичиз чидач гьич са гьилле,
Са кIусни вич кьадач вине.
Гьар са кIвалах кьада гъиле,
Сагъхьай касдиз ганва келле.

Гьалтайла вич жеда хвеши,
Са гаф лугьуч ада наши .
Чидай кас я гъвечIи-чIехи,
РикI акъудна гуда вичи.

Къанун-къайда хуьдай виниз,
Гьар са карда жеда кIевиз.
Эгер хьайтIа са кар течиз,
Хабар кьуна тухуз кьилиз.

Отделда ава хъсан къайда,
Кьиле фидач гьакIан "савда".
Авайди я еке зигьин,
Подполковник чин я вичин.

Хъсан кардиз гуда къимет,
Вилик амаз тухуз суьгьбет.
ЧIуру кардиз ийиз туьгьмет,
Дуьз рекьел гъида гьелбет.

Рахадайла хадач хатур,
Фикир желбна кIвалах авур.
Къанундалди гайила зур,
Терс касдиз акъатда хътур.
Фадлай квахьай халкьдин умуд,
Дуьз чизавай чIулав, лацуд.
КIвалахзавай халкьдихъ галаз,
Ихтибарни хтана чаз.

Къайда-къанун чириз вичи,
Чи халкьариз хуьрер гъвечIи.
Зегьмет чIугваз ава вири,
Са кIвал тахьун патал ичIи.

Умуд хтун паталди,
Рахаз секин чIалалди.
Къазанмишна на гьуьрмет,
Халкьди гузва ваз къимет.

Ришветбаздиз, ченгидиз,
Хуьруьз атай илчидиз.
Къанун-къайда хуьз еке,
Къастар ава дуьз рикIе.

Секин я чун къе кIвале,
Фикир хуьзва шад кьиле.
АбутIалиб- чи стха,
Халкь хуьдай я чи арха.

Ви бубадиз дидедиз,
Акъуднавай арадиз.
Икрамзава за еке,
Тунавай вун дуьз рекье.

КIвенкIвечийрин арада вун,
КIвалахдин рекьяй я еке.
Ваз чIал кхьей Атлуханди,
Ви тIвар кьазва чиз вине.
--------------------------------------------------------------------------------------------

Информация
для граждан, получающих ежемесячные денежные выплаты по оплате жилого помещения и коммунальных услуг
В соответствии с пунктом 2 Порядка осуществления ЕДВ по ЖКУ граждане, проживающие в Республике Дагестан и имеющие в соответствии с федеральными законами, иными нормативными правовыми актами Российской Федерации, законами и иными нормативными правовыми актами Республики Дагестан право на ежемесячную денежную выплату, вносят плату за жилое помещение и коммунальные услуги в порядке, установленном Жилищным кодексом Российской Федерации.
Постановлением Правительства Республики Дагестан от 23 января 2015 г. № 14 "Об установлении минимального размера взноса на капитальный ремонт общего имущества в многоквартирном доме, расположенном на территории Республики Дагестан" минимальный размер взноса на капитальный ремонт общего имущества в многоквартирных домах, расположенных на территории РД составляет 5,2 рубля в месяц на один квадратный метр общей площади помещения.
Осуществление ЕДВ по оплате жилых помещений, с учетом оплаты взноса на капитальный ремонт общего имущества в многоквартирных домах по представлении ими в органы социальной защиты населения по месту жительства документов, подтверждающих фактически произведенные расходы на указанные цели.
Начальник УСЗН в МО
"Курахский район" Джамалдинов С.М
---------------------------------------------------------------------------------------------

Информационное сообщение
О проведении для приема граждан (дня открытых дверей) "Открытая власть" в управлении социальной защиты населения в МО "Курахский район".

В целях исполнения приказа Министерства труда и социального развития РД от 20 апреля 2015 года № 17-243 провести 22 апреля день приема граждан (дня открытых дверей) по личным вопросам "Открытая власть" в УСЗН в МО "Курахский район"
Начальник С.М.Джамалдинов
--------------------------------------------------------------------------------------------



 

 

 

 

Комментарии (0)

Нет комментариев. Ваш будет первым!