Газета №17

Рамазан Абдулатипов Мегьарамдхуьруьн ва Кьурагь районрин муниципальный тешкилатрин кьилерихъ галаз гуьруьшмиш хьана
15-апрелдиз РД-дин Кьил Р.Абдулатипов Мегьарамдхуьруьн ва Кьурагь районрин кьилерихъ галаз гуьруьшмиш хьана.
"Кьурагь район" муниципальный тешкилатдин кьилихъ галаз хьайи гуьруьшда район вилик тухунин гьалдикай рахана. Кьилди къачуртIа, инвесторар желб авуналди, районда са шумуд проект кардик кутунва.
Алай вахтунда райондин руководство машгъул хьанвай чIехи проектрикай сад- чи райондин аранда авай зонада Кьиблепатан Дагъустандин вири районрин салан майваяр хуьдай, кьилди чара ийидай, абурукай шейэр ийидай логический центр кардик кутун я. ГьакIни Кьурагь райондин руководстводи Маллакент хуьруьн сергьятда, аранда гьуьлуьн къерехдал, са комплексдин сергьятда аваз, СКФО-дин регионри чпин зонаярни тешкилдайвал, Кавказский хуьр тешкилунин теклиф гъана. Рамазан Абдулатипова гъанвай теклифрал рази хьана.
ГьакIни РД-дин Кьили къейд авуна: "Жегьилар хуьре карчивилел желб авун патал кIвалах авуна кIанда, абуруз чпин карчивилин кIвалах кардик кутун патал жегьилриз куьмек авуна кIанда".
Кар алай проектрикай рахайтIа, районда и рекьяй хъсан кIвалах кьиле тухузва. "Район вилик финин карда республика вилик финин кар алай проектар кечирмишуни куьмек авуна. Иллаки и кIвалахда "Обеление экономики" проект кечирмишунин карда агалкьунар хьана. ИкI, налоговый органра учетда акъваз тавунвай 37 карчи, виликдай регистрация тавунвай 1337 чилин участок винел акъатна",-лагьана райондин кьил Замир Азизова.
Гуьруьшда РД-дин Правительстводин ва РД-дин Кьилин Администрациядин Руководителдин заместитель-Алексей Гьасанова, РД-дин Правительстводин Председателдин заместитель-РД-дин территорияр вилик тухунай ва экономикадин министр Раюдин Юсуфова, РД-дин Кьилин Кьиблепатан округда полномоченный представитель Мусафенди Велимурадова ва гьакIни РД-дин Халкьдин Собранидин депутатри -гьа и районрин векилвалзавай Сейфуллагь Исакьова ва Тагьир Исмаилова иштиракна.
------------------------------------------------------------------------------------------- 

Райадминистрацияда
Са шумуд месэладиз килигна
14-апрелдиз райадминистрациядин актовый залда, гьар вацран кьвед лагьай саласа юкъуз кьиле тухун адет хьанвай, райадминистрациядин заседание кьиле фена. Заседание "Кьурагь район" муниципальный тешкилатдин администрациядин кьил С.Гьамидова кьиле тухвана.
Аниз администрациядин аппаратдин работникриз, хуьрерин поселенийрин кьилериз, учрежденийрин, организацийрин руководителриз, "село Хпюк" муниципальный тешкилатдин администрацияди территориядал алай учрежденийрин руководителриз, хуьруьн майишатдин руководителриз, райондин ветеранринни агъсакъалрин Советдин председателдиз теклифнавай.
Заседанидал агъадихъ галай месэлайриз килигна:
"2015-йисуз Кьурагь районда аялри гатун вахтунда ял ягъунин ва сагъар хъувунин кIвалах тешкилун патал вилик акъвазнавай месэлайрин гьакъиндай";
"2013-2014-кIелунин йисуз ЕГЭ-дин нетижайрин ва райондин общеобразовательный школайра 2015-йисуз нетижаяр кьадай аттестация тухун тешкилунин ва таъминар авунин гьакъиндай";
"Село Хпюк" муниципальный тешкилатдин кьили муниципальный тешкилат яшайишдинни экономикадин рекьяй вилик фин патал авунвай кIвалахдин гьакъиндай";
"Гъалибвилин 70 йисаз талукь тир мярекатар тухунин гьазурвал акунин ва кьиле тухунин гьалдин гьакъиндай".
Заседанидал алай сад лагьай месэладай райондин агьалияр яшайишдин рекьяй хуьдай управленидин начальник С.Жамалдинова доклад авуна.
-Кьурагь райондин агьалияр яшайишдин рекьяй хуьдай управлениди "Аялри гатуз ял ягъунин ва сагъар хъувунин гьакъиндай" РД-дин зегьметдинни яшайишдин рекьяй вилик финин Министерстводин приказдал асаслу яз хейлин кIвалах тухвана.
Агакь тийизвай, гзаф аялар авай хизанрай 7-15 йисан яшда авай аялри гатун каникулриз ял ягъун патал абурун диде-бубайрихъ галаз суьгьбетар тухвана, 2014-йисан РД-дин зегьметдинни яшайишдин рекьяй вилик финин Министерстводиз "Южный" лагерда ял ягъун патал 30 аялдин путевка гунин арза гана. Министерстводин приказдалди "Южный" лагерда Араблярдин 10 аялди ял яна. 2015-йисуз аялри гатун вахтунда ял ягъун ва сагъар хъувун патал аялрин диде-бубайрихъ галаз гъавурда тунин кIвалах тухузва.
Райондин газетда ва телевиденидай гьа и мисалдай са шумуд сеферда информация гана,-лагьана С.Жамалдинова.
Гьа и месэладай райондин образованидин отделдин начальник Р.Катибовани информация гана.
Кьвед лагьай месэладай райондин образованидин управленидин ИМЦ-дин начальник Кь.Абдулхаликьов рахана.
-КIелунин сифте кьилелай ЕГЭ-дин месэладиз са шумуд сеферда хьайи совещанийрал килигна,-къейдна Кь.Абдулхаликьова. -Алатай кIелунин йисуз Дагъустандин районрикай чи райондин аялри ЕГЭ хъсан нетижаяр аваз вахканва, алатай йисуз 184 аялди ЕГЭ вахкана, 12 аялдиз документ хьанач, цIинин йисуз 154 аялди ЕГЭ вахкуда.
ЕГЭ вахкун патал вири лазим тадаракралди таъминарнава, райондин школайра ахтармишунрин ЕГЭ ва ГИА вахкана, урус чIалай пис нетижаяр хьанач, математикадай зайифдаказ вахканва, ЕГЭ вахкузвай аялрин делилар вири Москвадиз рекье тунва.
Заседанидал алай пуд лагьай месэладай райадминистрациядин хуьрерин поселенийрин кьилерихъ галаз кIвалах тухунин рекьяй отделдин начальник А.Агъакеримова доклад авуна.
-Хпуькьрин хуьруьн администрацияда 327 кас яшамиш жезва, ана чIехи карч алай 580 гьайван ва 2300 гъвечIи карч алай гьайван ава.
Хуьруьн администрациядин кьил яз 2009-йисалай Харгушев Гьажикъурбана кIвалахзава. Хуьруьн сергьятда юкьван школа, ФАП, Культурадин кIвал кардик ква.Хуьруьн агьалияр мал-къара хуьнал, картуфар ва хуьруьн майишатдин продуктар гьасилунал машгъул жезва.
2014-йисуз хуьр аваданламишун патал хуьруьн къене авай ва векьериз физвай рекьер ремонт авуна, Кьергъул лугьудай участокдин 70 метрдин даях цал кутуна, 25 тонна яд фидай бак эцигнава, куьчейра авай йифен эквер ремонтна, алава яз 1000 метрдиз цин линия тухвана, 50 метрдиз цин линия текущий ремонт авуна.
Къейд ийин хьи, школадин дарамат 1936-йисуз эцигнавай куьгьне дарамат я, школада стулар бес кьадар авач, доскаяр чIур хьанва, -лагьана вичин докладда А.Агъакеримова.
Анал гьа и месэладай рахай Хпуькьрин хуьруьн администрациядин кьил Гь.Харгушева къейд авурвал, хуьре эцигнавай гимнастический залдин къав ацахьзава, пол ктIанва, школа чимивал бегьем жезвач, токдин пичер кутаз чимивал гузва, школада авай партаяр куьгьне хьанва, хуьре ясли-бахча ачухна кIанзава, хуьре мобильный телефонри сигнал кьадай чка эцигун тIалабзава. Анал Хуьпуькьрин хуьруьн идарайрин руководителарни рахана.
Заседанидал алай кьуд лагьай месэладай "Кьурагь район" муниципальный тешкилатдин администрациядин кьилин заместитель Э.Исаева рахана.
Ада къейд авурвал, Гъалибвилин 70 йис тамам хьуниз талукь мярекатар тешкиллувилелди кьиле тухун патал райондин администрациядин тайин тир кIвалах тухванва.
Гьар са хуьруьн поселенидихъ жавабдар векил гилигнава. Ватандин ЧIехи дяведин ветерандив ва далупатан зегьметдин ветеранрив Гъалибвилин 70 йисан медалар шад гьалара вахкана, мярекатриз къвез тахьайбурун кIвалериз физ медалар вахкана. Вири и мярекатар чкадин СМИ-дин векилрин иштираквал аваз кьиле фена.
Хуьрериз фена обелискар авай гьал ахтармишна.
4-11-18-25-апрелдиз районда субботникар тухун планламишнавай. 4-апрелдиз тухвана, амма 11-апрелдиз гьава чIур хьуниз килигна, тухуз хьанач. Районда обелискрин патарив, рекьерин къерехрив, школайрин участокра кутун патал 1500 къелем гъанва.
С.Гьамидова совещанидин нетижаяр кьуна, анал къарагъарнавай месэлайрай тайин тир къарар кьабулна.
--------------------------------------------------------------------------------------------

ЧIехи Гъалибвилин 70 йис
Сертификат вахкана
Алай йисуз ЧIехи Гъалибвилин 70 йис тамам хьунин сергьятра аваз, и гъалибвал къазанмишай ветеранрин ва абурун хендедайрин, далупатан ветеранрин къайгъу чIугунин лишан яз, чи районда и вакъиадиз талукь яз хейлин мярекатар кьиле физва.
Гьа икI, 10-апрелдиз "Кьурагь район" муниципальный тешкилатдин администрациядин кьил С.Гьамидова вичин кабинетда торжественный гьалда Ватандин ЧIехи дяведин ветеран Шамхалаев Шамхалаян хендеда Кьурагьрин хуьре яшамиш жезвай Шамхалаева Гьамиятав яшамиш жедай кIвал къачун патал 916,200 манатдин сертификат вахкана.
Сертификат вахкудайла "Кьурагь район" муниципальный тешкилатдин администрациядин кьилин заместитель Э.Исаева, агъсакъалринни ветеранрин Советдин, СМИ-дин векилар алай.
Гь.Шамхалаевади Гьукуматдин, Дагъустан Республикадин ва райондин кьилиз дяведин ветеранрин ва абурун хендедайрин къайгъу чIугунай чухсагъул лагьана.

-------------------------------------------------------------------------------------------

Нубатдин совещанидал
13-апрелдиз райадминистрациядин актовый залда гьар ислен юкъуз кьиле тухузвай нубатдин совещание хьана. Совещание "Кьурагь район" муниципальный тешкилатдин администрациядин кьил С.Гьамидова кьиле тухвана. Совещанидал хейлин идарайрин руководителри алатай гьафтеда авунвай кIвалахдикай ва вилик акъвазнавай месэлайрикай лагьана.
Райбольницадин кьилин духтур А.Акимова алатай гьафтеда Махачкъалада отчетар вахкайди, КIирийрин хуьре 142 аял диспансеризация авурди, мартдин вацран мажиб райцентрдал ганвайди, амайбурунни и йикъара карточкайриз хъиядайди лагьана.
Райондин Культурно-досуговый центрдин директордин заместитель Ш.Саруева Гъалибвилин 70 йисан мярекатриз гьазурвилер аквазвайди, вири хуьрера школьникрихъ галаз санал хуьрерин Культурайрин кIвалерин работникри 8- майдиз мярекатар тухудайди, 4-5-майдиз КIирийрин хуьре жезвай волейболдай турнирдани работникри концерт гудайди къейдна.
Райондин образованидин отделдин начальник Р.Катибова лагьайвал, школайра математикадай ахтармишунин ЕГЭ тухвана, КIирийрин ва Аладашдин юкьван школайра 8-классда кIелзавай аялрин арада президентский акъажунар кьиле фена, диде-бубайрихъ галаз ЕГЭ-дин гьакъиндай совещание тухвана.
Райондин физкультурадинни спортдин ва жегьилрин крарин рекьяй отделдин начальник Р.Рамазанова къейд авурвал, 4-5- майдиз КIирийрин хуьре волейболдай кьиле тухузвай межрайонный турнирдиз гьазурвал аквазва, ЧIехи Гъалибвилин 70 йисаз талукь яз районда кьуд спортивный мярекат кьиле тухуда.
Райондин ветеринарный управленидин начальник Н.Асланова лагьайвал, аранда марфар гзаф хьуникди гьайванар хъиязавай тевлеяр кьеженва, векьер куьтягь хьанва, дул къачуна куьтягь хьанва, хкатунар хьанач.
С.Гьамидова совещанидин нетижаяр кьуна. Вилик акъвазнавай кимивилер арадай акъудун, мад сеферда субботник кьиле тухун идарайрин, школайрин вилик квай участокра къелемар цун тагькимарна.
---------------------------------------------------------------------------------------------

З.Саидова.
Кар алай проектар-уьмуьрдиз
«ТIегъуьндин дарман тербия я»
За "Лезги газетдин" алай йисан 29-январдиз акъатнавай 5-нумрадай Гьаким Къурбанан "ТIегъуьндикай тербияди хуьда" макъала кIелна.
И макъала кIелайла зун къелем кьуниз мажбур хьана.
Ада вичин макъалада алай вахтунда дуьньядин тарихда и чIавалди тахьай хьтин диндин террор пайда хьанвайди, Сириядиз дяведа иштирак ийиз фейибурун кьисметдикай лагьанва.
Эхь, диндин террор. ГьикI гъавурда акьазва чун и гафарин? Диндин террор- им диндин тIвар кьаз терроризмди вичин кар ийизва лагьай чIал я. И кар къенин юкъуз виридалайни кар алай чIехи месэладиз элкъвенва.
Лугьун лазим я, эхиримжи кьве йиса Дагъустандин чилел терроризмдин гьерекатар тIимил хьанватIани, чун секин хьана кIандач. Чна вири сад хьана и татугайвилер арадай акъудун патал женг чIугуна кIанда. Террорди неинки дуьньяда, гьакIни Россиядани, Дагъустандани гьатта гьар са хуьре-кIвалени къал твазва. Веледриз диде-бубади ийизвай ихтилатар пис аквазва, абур инкар ийизва, са вахтара чпихъ галаз чIуру крарал амал тийизвайвиляй абур диде-бубайрихъ галаз раханни ийизвач.
Къе шумуд жегьил кIвал-югъ тергна, тамара яшамиш жезва. Ихьтинбурун эхир гьикI къведатIа чаз виридаз чизва. Ислам диндин тIвар кьаз, къе чпи чеб ва са тахсир квачир маса ксар тергзава.
И крар садазни кутугай крар туш. Ислам дин хкягъун-им виридан буржи я, капI авунин, амма капI ийидайла чна жув тухудай къайда чир хьана кIанда. Вучиз чи жегьилри ихьтин крарал кьил эцигзава? Бес чна абуруз гузвай тербия ихьтинди яни? ГъвечIи-чIехиди чизмач, диде-бубадиз гьуьрмет амач. Вучиз чи веледри чи рикI тIарзава? Вуж тахсир я и карда?
Халкьдин мисалда лугьузва: «Вун ви диде-бубадиз гьикI килигайтIа, ваз ви веледарни гьакI килигда». Бес жегьил аялар яз диде-бубадиз аксибур хьайила, пака абуруз килигдани?
Суалар чаз гзаф ава, амма жавабар… Ни гуда жавабар?
Им дарман авачир тIегъуьн я. И тIегъуьндик чпин 19, 20- 25 йисан яшда авай жегьилар гзаф акатзава. Ният чIуру инсанри иллаки шегьерра ВУЗ-ра кIелзавай жегьилар пул къалуриз чпиз муьтIуьгъарзава, ахпа кIани патахъ элкъуьрзава, абур культурадиз ва илимдиз акси акъвазарзава, гъиле яракь вугузва.
Садазни сир туш, алай вахтунда кIелзавай жегьилар, чпин кIелунни гадарна Сириядиз физ, ана чпин чанар пучзава. Ибурун диде-бубаяр чпин веледар авай чка чин тийиз, ийир-тийир хьана амукьзава. Шумуд жегьил Сирияда телеф хьана лагьай хабар диде-бубайрив агакьзава. Бес хайи веледрин къайи чинни ахкун тавур диде-бубайри вуч авурай.
Им вуч тегъуьн я чи арадиз аватнавайди? ГьикI акъудда чна и тIегъуьн чи арадай!
И тIегъуьн чна чи арадай акъудун патал сифтени-сифте чна чи кIвале авай аялар, абур квел машгъул ятIа, абур гьиниз ва нихъ галаз физватIа, абур фейи чкада квел машгъул ятIа ахтармишун чарасуз я. И тIегъуьн арадай акъудун патал, ша, чна вири сад хьана, амайдалайни чи аялриз кьетIен фикир гана, абуруз дуьз рехъ хкягъиз куьмек гун.
Гьуьрметлу жегьилар, куьнени гьар са кардал кьил эцигдайла, хъсандаказ фикир ая, диде-бубадал алукьа, садрани квез куь диде-бубади пис рехъ къалурдайди туш. Паталай футфа кутазвайбурун гафар иер аквамир. Къе куьне куь диде-бубайриз яб тагайтIа, пака ихьтин кIвалахрин вилик пад кьаз геж жеда.
----------------------------------------------------------------------------------------

З.Саидова.
ЧIехи Гъалибвилин 70 йис
Мемориальный доскаяр алкIурда
И мукьвара чна Ватандин ЧIехи дяведа Советрин гьукуматди Германидин фашистрин винел гъалибвал къазанмишайдалай инихъ 70 йис тамам хьунин багьа сувар къейд ийида.
И сувариз талукь яз райондин руководстводин гуьзчивилик кваз чи райондани хейлин мярекатар кьиле тухузва.
Школайра Ватандин чIехи дяведиз талукьарна мярекатар кьиле тухузва, районда авай далупатан иштиракчийрив "Ватандин ЧIехи дяведин 70 йис" тамам хьуниз талукьарнавай медалар вахкана, субботникар кьиле тухвана ва мадни тухуз планламишнава, обелискар туькIуьр хъийизва, 1500 къелем акIурнава. Идалай гъейри, 2014- йисан 16- апрелдиз кьабулнавай 48- нумрадин "Кьурагь район" муниципальный тешкилатдин кьилин къарардалди ЧIехи Гъалибвилин 70 йис тамам хьунин мерекатар кьиле тухун патахъай тешкилнавай оргкамитетдин къарардалди Ватандин ЧIехи дяведа телеф хьайи, дяве куьтягь хьайидилай кьулухъ, хайи хуьрериз хтана гуьгъуьнлай рагьметдиз фейи, алай вахтунда абурун аялар хтулар яшамиш жезвай кIвалерин цларал "Телеф хьайи ветеран рикIел хуьдай" мемориальный доскаяр алкIурда. Алай вахтуда и кIвалах гьикI кьиле физватIа, чаз хуьрерин поселенийрин кIвалахда тамам ихтиярар ганвай Агъакеримов Агъакерима гайи делилралди районда дяве алатайла кьур гьисабралди, гьам дяведа телеф хьайибур, гьам дяве куьтягь хьайила элкъвена кIвализ хтайбурун кьдар вири санлай къачурл районда 492 ветеран яшамиш хьайи кIвалерал мемориальный доскаяр алкIурда. Абурукай дяведа телеф хьайибур 153, дяве куьтягь хьайидалай гуьгъуьниз рагьметдиз фейибур 338, ва алай вахтунда Штулрин хуьре яшамиш жезвай сад Халид Халидов я. И карди чна ветеранрин экуь къамат рикIелай ракъур тийизвайдан, абурун зегьметар, абурун игитвал гьич садрани рикIелай ракъур тийизвайдан шагьидвалзава.
И мемориальный доскаяр алай вахтунда заказ гана гьазуриз гъиле ава.
9-майдалди и доскаяр хкана гьар сад вичин чкадал алкIурда.

----------------------------------------------------------------------------------

М.Агьмедова.
РД-дин «Общественный гуьзчивал» информационный системадин кIвалахдин гькъиндай информация
"Общественный гуьзчивал" информационный система республикада 2013-йисан июлдин вацра кардик акатнава.
Общественный гуьзчивили агьалийрин месэлаяр адресный къайдада гьял авуниз мумкинвал гузва. Гьар са агьалидивай nadzor.e-dag.ru Порталда регистрация ийиз жеда ва вичин хсуси кабинет "Общественный гуьзчивал" системада арза таз жеда.
ГьакIни арзадихъ чIур хьанвай рекьерин, фурарин, авахьзавай цин, хабар такьуна вичин ихтиярдалди ийизвай эцигунрин, зирзибил вегьедай чкайрин ва маса шикилар гилигиз жезва. Гьа и системадин куьмекдалди инсанриз чпин арзаяр, тIалабунар лугьудай, маса инсанри гузвай арзайрин тереф хуьдай мумкинвал хьанва ва ведомствойри акъуднавай къарардиз къимет гуз жезва. "Общественный гуьзчивал" системадин кIвалахдал РД-дин Правительстводи гуьзчивал тухузва.
КIандай ксаривай "Общественный гуьзчивал" информациядин системадиз тIалабунар гуз жеда.

----------------------------------------------------------------------------------

Бабахваев А.Ю,
О/УОРНУР ОМВД России по Курахскому району, майор полиции.

В связи с увеличением числа обращений граждан по фактам хищения денежных средств с их счетов с использованием банковских карт, а также в целях профилактики преступлений, совершенных использованием банковских (пластиковых) карт ОМВД РФ по Курахскому району сообщает:
1. При пользовании услуги "Мобильный банк" используйте только официальные приложения банков, размещенные на их сайтах.
2. Внимательно читайте SMS-сообщения, всегда проверяйте реквизиты операции. Если Вам пришло сообщение с операцией, которую Вы не совершали, ни при каких обстоятельствах не вводите пароль.
3. Если полученное SMS-сообщение вызывает сомнения или тревогу, необходимо сразу позвонить в Контактный центр Банка по телефону, указанному на обратной стороне карты.
4. Не взламывайте свой телефон (например, через JaiIbreaking), так как это отключает защитные механизмы, заложенные производителем мобильной платформы. В результате телефон становится уязвимым к заражению вирусом.
5. При проведении операции с вводом ПИН-кода ВСЕГДА прикрывайте клавиатуру, например, свободной рукой. Это не позволит мошенникам увидеть Ваш ПИН-код или записать его на видеокамеру.
6. Замки доступа по картам в специальные помещения, где устанавливаются банкоматы, не должны требовать ввода ПИН-кода.
7. До проведения операции в банкомате осмотрите поверхность над ПИН-клавиатурой и устройство для приема карты в банкомат. В этих местах не должно находиться прикрепленных посторонних предметов или рекламных буклетов.
8. Во избежание использования Вашей карты другим лицом храните ПИН-код отдельно от карты, не пишите ПИН-код на карте, не сообщайте ПИН-код другим лицам (в том числе родственникам), не вводите ПИН-код при работе в сети Интернет.
9. Никогда не сообщайте данные о своей карте, если Вам позвонили и даже назвались представителем известной торговой фирмы, банка, гостиницы и пр. Такой звонок может стать причиной проведения несанкционированных операций по счету Вашей карты.
10. Не прислушивайтесь к советам третьих лиц, а также не принимайте их помощь при проведении операций. При необходимости обратитесь к сотрудникам в филиале банка или позвоните по телефонам, указанным на устройстве или на обратной стороне Вашей карты.
11. Для того, чтобы убедиться в безопасности Вашей карты, необходимо проверить баланс. При несанкционированном снятии с Вашего счета денежных средств необходимо срочно связаться с сотрудниками сектора Службы безопасности Сбербанка России, а также о случившемся незамедлительно сообщить в отдел полиции.

---------------------------------------------------------------------------------------

Ф.Абдурагьманова.
Спорт
«Шад стартар» кьиле тухвана
14-апрелдиз райондин спортдин Дворецда ЧIехи Гъалибвилин 70 йисан юбилейдин мярекатрин сергьятда аваз "Шад стартар" тIвар алаз спортдин акъажунар кьиле фена. Россиядин Федерациядин Гимн яна ва РФ-динни РД-дин пайдахар хкажуналди акъажунар ачухна.
Лагьана кIанда, акъажунрин тешкилатчияр, райондин образованидин ва райондин физкультурадинни спортдин ва жегьилрин крарин рекьяй отделар тир.
Школьникрин арада ихьтин мярекатар кьиле тухунин кьилин макьсад районда спорт пайда авун, школайра авай аялрин сагъламвал мягькемарун, акьалтзавай несилди сагълам уьмуьр кечирмишун, гьар са аял ватанперес яз тербияламишун тир.
И юкъуз кьиле тухвай акъажунра Кьурагьрин 1-нумрадин юкьван школадин, КьепIиррин юкьван школадин ва КIирийрин юкьван школадин аялрин командайри иштиракна.
И акъажунрин программа туп лишан кьуна ахъаюникай, цIил ялуникай, алай чкадилай яргъаз хкадаруникай, гьар жуьредин чукурунрикайни, къугъунрикай ибарат тир.
Эхирдай лезгинка кьуьл авунин конкурсдалди и мярекат акьалтIарна.
ИкI, 3 сятдалай гзаф вахтунда кьиле фейи акъажунра, 1-чка Кьурагьрин, 2-чка КьепIиррин, 3-чка КIирийрин хуьрерин юкьван школайрин аялрин командайри кьуна.
Иштирак авур вири командайриз сад лагьай чка кьур "Олимпия" тIвар алай Кьурагьрин командадиз "Кьурагь район" муниципальный тешкилатдин администрациядин кьилин заместитель Э.Исаевади, кьвед лагьай чка кьур "Спортсмены" тIвар алай КьепIиррин командадиз райондин образованидин отделдин начальник Р.Катибова ва пуд лагьай чка кьур "Верные друзья" тIвар алай КIирийрин командадиз образованидин отделдин кьилин пешекар Н.Мусаева грамотаяр, медалар ва кубокар гана.
Идалайни гъейри, ял язавай вахтунда тешкилатчийри рушарин арада скакалкадал къугъунай ва гадайрин арада чилел ченеяр кягъунай конкурсар кьиле тухвана.
И конкурсда иштирак авур аялриз, рикIел аламукьдай пишкешар гана.

--------------------------------------------------------------------------------------------

Н.Байрамов, прокурор района, старший советник юстиции.
Прокуратура района информирует:
Проведенной прокуратурой района проверкой исполнения органами местного самоуправления законодательства, предусматривающего оказание поддержки субъектам малого и среднего предпринимательства, установлено, что администрациями сельских поселений района приняты муниципальные целевые программы поддержки и развития малого и среднего предпринимательства, при этом форма ведения реестров субъектов малого и среднего предпринимательства в соответствии с данными программами не утверждена, реестры не ведутся. Таким образом, в настоящее время нарушаются права и интересы неопределенного круга лиц не только субъектов малого предпринимательства, но и обычных граждан, проживающих на территории Курахского района и имеющих право на получение поддержки, в том числе со стороны органов местного самоуправления.
По результатам проверки в суд направлены заявления в порядке ст.45 ГПК РФ об обязании администраций сельских поселений района утвердить в рамках имеющихся муниципальных целевых программ форму ведения соответствующих реестров субъектов малого и среднего предпринимательства в соответствии с Положением о ведении реестров малого и среднего предпринимательства-получателей поддержки (утв.Постановлением Правительства РФ от 06 мая 2008 г. № 358).
--------------------------------------------------------------------------------------------


 

Комментарии (0)

Нет комментариев. Ваш будет первым!