Газета №16

Райадминистрацияда
Нубатдин совещанидал-кар алай месэлаяр
6-апрелдиз райадминистрациядин актовый залда гьар ислен юкъуз тухун адет хьанвай райондин идарайрин руководителри авунвай кIвалахдин нетижаяр кьадай ва вилик акъвазнавай кар алай месэлайриз килигдай нубатдин совещание хьана.
Совещание "Кьурагь район" муниципальный тешкилатдин администрациядин кьил С.Гьамидова кьиле тухвана.
Совещанидал хейлин идарайрин руководителар рахана.
Райондин образованидин отделдин начальник Р.Катибова къейд авурвал, школайра Гъалибвилин 70 йисан юбилейдиз талукь мярекатар кьиле тухуз гьазур жезва, къе Гелхенрин юкьван школада математикадай Гелхен дередин школьникриз ахтармишунин ЕГЭ кьиле тухузва, дагъустандин литературадай ва дидед чIалай республикадин олимпиада хьана, КьепIиррин юкьван школадин аялди кьвед лагьай чка кьуна, Кьурагьрин кьвед лагьай нумрадин юкьван школадин аялдиз обществознаниядай республикадин олимпиадада 2-чка хьана, КIирийрин ва Аладашдин юкьван школайрин 9-10-классрин аялрин арада Президентский акъажунар кьиле фида. 9-апрелдиз Эсед Салигьован гьуьрметдай акъажунар кьиле тухуда.
Райондин культурно-досуговой центрдин начальник А.Эмирбекова лагьайвал, алай вахтунда Гъалибвилин 70 йисан юбилейдин мярекатриз гьазурвилер аквазва, къе сятдин цIудаз райондин хуьрерин Культурайрин кIвалерин директоррихъ галаз семинар-совещание кьиле тухуда.
Райондин хуьруьн майишатдин чилеринни эменнидин алакъайрин отделдин начальник С.Селимова къейд авурвал, аранда цанвай магьсулар пис гьалда авач, Арабляр хуьруьн агьалийриз цин патахъай наразивал ава, и месэладиз фикир гана кIанзава.
Райондин ветеринарный управленидин начальник Н.Асланова аранда чIур хъсанзавайди, гьайванриз цIаяр атанвайди, Хъукъваза авай маларин гьал лап пис тирди, абуруз я недай векь, я чIур авачирди лагьана.
"Кьурагь район" муниципальный тешкилатдин администрациядин кьилин заместитель Э.Исаевади лагьайвал, алатай жуьмя ва киш юкъуз райцентрдал алай идарайри субботник кьиле тухвана, хуьрерани субботник тухвана, субботникда 1200-лай касди иштиракна.
С.Гьамидова совещанидал къарагъарнавай вири месэлаяр веревирд авуна, "Кьурагь район" муниципальный тешкилатдин администрациядин кьилиз хьанвай цIийи заместителвилин къуллугъдал Исаев Альберт Исаевич тайинарнавайди лагьана.

-------------------------------------------------------------------------------------------

А.Рамазанова.
Кар алай месэлаяр веревирд авуна
6-апрелдиз райадминистрациядин актовый залда хуьрерин Культурайрин кIвалерин руководителрин иштираквал аваз совещание хьана. Совещание "Кьурагь район" муниципальный тешкилатдин администрациядин кьил С.Гьамидова кьиле тухвана.
Совещанидин кьилин макьсад хуьрерин Культурайрин кIвалерин кIвалах вилик тухун тир.
С.Гьамидова къейд авурвал, райондин культурайрин идарайрин мажиб республикада къалурнавай кьадардиз гъиз алахънава. С.Гьамидова гьакIни культурадин кIвалах вилик тухвана кIанзавайди, чеб вири жедай куьмек гуз гьазур тирди лагьана ва культурадин мярекатриз жегьилар желб авун , школадихъ, искусствойрин школадихъ галаз алакъа аваз кIвалах авун, 9-майдиз Гъалибвилин сувариз тешкиллувилелди гьазурвал акун тагькимарна, Ватандин ЧIехи дяведа телеф хьайибуруз эцигнавай обелискар ремонт ийидайди лагьана.
"Кьурагь район" муниципальный тешкилатдин администрациядин кьилин заместитель Э.Исаевади лагьайвал, райондин Кьурагьрилай винидихъ галай вири хуьрерин Культурайрин кIвалериз фена, Ашаринни Шимихуьрерин Культурайрин кIвалера къайда авай, работникар кIвалахални алай, библиотекаярни хъсан гьалда авай, амай хуьрера хъсан гьал авачир, районда кьиле тухузвай культурадин мярекатра культурадин идарайрин чIехи пай руководителри иштиракзавач, кIвалах кIанелай дегишарна кIанзава.
Совещанидал культурно-досуговый центрдин начальник А.Эмирбеков, адан заместитель Ш.Саруев, Хпежрин Культурадин кIвалин директор М.Асланов ва масабур рахана.
С.Гьамидова вири хуьрера 8-майдиз Гъалибвилин Парад кьиле тухун, 9-майдиз вири руководителри райцентрдал Парадда ва культурно-досуговый отделдин фойеда кьиле тухузвай мярекатда иштиракун тагькимарна.

-------------------------------------------------------------------------------------------

Ф.Мегьамедова.
Кар алай проектар – уьмуьрдиз!
Культурно-досуговый центрда – семинар-совещание
6-апрелдиз Культурно-досуговый центрдин фойеда семинар-совещание кьиле фена.
Семинар-совещанида Культурно-досуговый центрдин, центральный ва аялрин библиотекайрин работникри, хуьрерин Культурадин кIвалерин ва библиотекайрин работникри иштиракна.
Совещанидал агъадихъ галай месэлайриз килигна:
1. "2015-йисан кIвалахдин пландин гьакъиндай".
2. "Районда фольклордин манийрин фестиваль тухунин гьакъиндай".
3. "РД вилик финин рекьяй кар алай проектар кьилиз акъудунин кIвалахдин гьакъиндай".
4. Жуьреба-жуьре месэлаяр.
Сифте пуд месэладайни Культурно-досуговый центрдин директор Айнудин Эмирбеков рахана. Ада алай йисуз пландик кутунвай кIвалахрикай, тухвана кIанзавай мярекатрикай, мярекатар тешкилунин кIвалах хъсанарунин гьакъиндай лагьана.
Хуьрерин Культурайрин кIвалерин директорриз пландал асаслу яз кIвалахун, 8-майдиз чкайрал ЧIехи Гъалибвилин 70 йисаз талукь мярекатар тухун, 9-майдиз вири коллективар суварин параддиз атун тагькимарна.
Гуьгъуьнлай фольклорный фестиваль кьиле тухудайди къейдна ва ам тухунин метлебдикай лагьана.
Ада гьакI кар алай проектар кьилиз акъудунин мураддалди ремонтрин кIвалахар кьилиз акъудна кIанзавайди, "Кьурагь дагъларин авазар" фестиваль тухудайди къейдна.
Кьвед лагьай месэладин гьакъиндай анал гьакI Культурно-досуговый центрдин работник М.Гуьлметов рахана.
Ада фестиваль тухунин метлеб чаз бубайрилай амай адетар хуьн, абуруз гьуьрмет авун тирди, гьаниз килигна, и фестивалдик эвелдай авай халкьдин манияр, кьуьлер кутуна кIанзавайди лагьана ва и кIвалахдал акьалтзавай несил желб авун лазим тирди къейдна.
Культурно-досуговый центрдин директордин заместитель Ш.Саруева хуьрерин библиотекаяр ахтармишиз фейила, кимивилер винел акъатайди лагьана ва абур арадай акъудун тагькимарна ва Культурадин кIвалерин работникри районда жезвай вири мярекатра тешкиллувилелди иштирак авун истемишна.
Совещанидал гьакI чпин теклифарни тIалабунар гваз Культурно-досуговый центрдин директордин заместитель К.Фейзуллаева, райондин центральный библиотекадин заведующий Ш.Эмирбекова, Хпежрин ва Шимихуьруьн Культурадин кIвалерин директорар тир М.Асланов ва Ш.Гьасретов, КьепIиррин Культурадин кIвалин пешекар В.Бейбаллаев рахана.

--------------------------------------------------------------------------------------------

Ф.Абдурагьманова.
Субботник кьиле тухвана
Алай йисуз санитариядинни эпидемиологиядин къайдаяр вилик тухун ва хъсанарун патал "Кьурагь район" муниципальный тешкилатдин кьили кьабулнавай 18-нумрадин къарардал асаслу яз 4-апрелдиз райондин идарайра чи райондин вири хуьрера субботникар кьиле тухвана.
И юкъуз кьиле тухвай субботникда райондин вири карханайрин, организацийрин работникри, хуьрерин агьалийри иштиракна.
Субботникдик районда 1200 касди чпин пай кутуна. Абуру гьар са идарадин къенер ва къецел патар, куьчеяр, чиркин чкаяр зирзибилдикай михьна.
Районда кьиле тухвай и субботникда информацийрин технологийрин ва печатдин центрдин, агьалияр яшайишдин рекьяй хуьдай управленидин, финотделдин, ясли-бахчайрин работникри ва гьакIни Кьурагьрин 1 ва 2-нумрайрин юкьван школайрин аялри, муаллимрин коллективри хъсандиз иштиракна.
Лагьана кIанда, 11-апрелдиз районда мад са субботник кьиле тухун пландик кутунва.
Ам къайдадик квайвал кьиле тухун патал райондин гьар са хуьруьхъ райадминистрацияди чпин работник гилигнава.
-------------------------------------------------------------------------------------------

З.Саидова.
ЧIехи Гъалибвилин 70 йис
Гъалибвилин Югъ гьамиша рикIера аваз
Варзни амач, чна Вирироссиядин халкьарихъ галаз санал фашизмдиз акси женгина телеф хьайи, Ватандин азадвал ва аслу туширвал патал чпин чанар гайи аскерар, дериндай хажалат чIугунивди, рикIел хкида.
Фашистри советрин уьлкведал гьужумайла амай вири халкьар хьиз, Дагъустандин халкьни кьулухъ акъвазнач, адани и къати цIаярик вичин пайни кутуна, садрани кьулухъ элкъуьн чин тийиз душмандиз цIай гана. Чпин чанар и цIаяра ватан хуьн патал къурбанд авурбуруз чун къени метIер чилиз яна икрам ийиз гьазур я.
Ватандин ЧIехи дяведин цIун ялав галукь тавур гьич са шегьер, хуьр-кIвал, ада гъам-хажалат агуд тавур гьич са хизанни амач лагьайтIа, гъалатI жедач.
Гьикьван гъам, гьикьван хажалат, гьикьван тIал и дяведи-чаз гъанатIани, и дяведа къачур гъалибвал гьич садрани туьхуьн тийидай гъед хьана чи кьилел кузва. Дяве алатай вахт чавай йис-йисандавай яргъа хьайитIани, и гъалибвили чи уьмуьрда мадни еке чка кьазва.
2015-йис-им кьетIен вакъиадин йис я. Инсаниятди Ватандин ЧIехи Дяведа советрин халкьди Гитлеран кьушунрин винел гъалибвал къазанмишайдалай инихъ 70 йис тамам хьун къейдда.
И гъалибвал къазанмишун патал Дагъустандин халкьарини чпин еке пай кутунай.
Дагъустанда кIваляй эркек дяведиз тефей са хизанни хьанач. Дагъустандин 160 агъзур касдилай виниз рухваярни рушар фронтдиз фена, абурукай гьар кьвед лагьай кас женгерин майданрилай элкъвена хтанач. 58 кас дагъустанвийрин кьегьалвални аскервилин дирибашвал, Советрин Союздин Игитвилин виниз тир тIвар гуналди, къейдна, ирид кас чи ватанэгьлийрикай Баркалладин вири пуд дережадинни ордендин сагьибар хьана, цIуд агъзурралди дагъустанвийриз женгинин орденарни медалар гана.
Ватандин азадвал, несилрин экуь гележег патал, гъиле яракь кьуна, дяве башламишайла, чи райондин кьегьал рухваярни фронтдиз фена, къати женгера иштиракна. И дяведа анжах са Кьурагьай 500 касдилай виниз иштиракна. Гзаф кьадар чи хуьруьнвийри чпин чанар чи гележег патал къурбанд авуна. Абурун экуь къамат, абурун тIварар хуьруьн майдандал алай стендрал кхьенва.
Дяве куьтягь хьайила элкъвена хуьруьз, райондиз хтай ветеранрин жергеяр а вахтунда къалин тир.
Къейд ийин хьи, рикIиз залан жедай кар ам я хьи, ихьтин ветеранрин жергеяр къвердавай кьери жезва.
Алай вахтунда чи районда амайди Штулрин хуьре яшамиш жезвай тек са ветеран Халидов Халид буба я. И мукьвара адан 94 йис тамам хьун къейдна.
Дяведин йисара, чи райондин аялрини, жегьилрини чпивай алакьдай гьи кIвалах хьайитIани тамамардай: цуьлер хкун, никIерай магьсулрин кьилер кIватIун, цанар цун, векьер ягъун ва маса кIвалахар. Чи кьегьал дишегьлийрини гьам кала, гьам хуьре гьи кIвалах хьайитIани, четинвилериз ян тагана, тамамардай, абуру фронтда авай чпин стхаяр, итимар ва хваяр эвездай. Чна чи акьалтзавай несилрив Ватандин ЧIехи дяведин ветеранрин, далупатан иштиракчийрин зегьметдикай, абуру къалурай кьегьалвилерикай кьуьд-гад, каш-мекь лугьун тавуна игитвал къалурна къазанмишай гъалибвиликай, гьам Советрин, гьам Дагъустандин халкьди гьич садрани душмандин вилик кьил агъуз тавурди агакьарна кIанда.
ИкI хьайила, чи акьалтзавай несилдин ватанпересвилин гьиссер артухарда, абуру чпин уьмуьрда дуьз тарсар къачуда.
Чна чи акьалтзавай несилдини и игитрилай чешне къачуна, чи ватан, чи кIвал-югъ хуьдай кьегьалар хкатдайдак умуд кутазва.
Ингье, чаз багьа тир 9-Майдин сувар, Ватандин ЧIехи дяведа душмандин винел гъалибвал къазанмишайдалай инихъ 70 йис тамам хьунин сувар мукьвал жезва.
Къе чна Ватандин ЧIехи дяведин ва далупатан ветеранриз еке гьуьрмет авуналди, чи виридалайни багьа сувар тир Гъалибвилин Югъ рикIин сидкьидай мубаракзава.
Чун квез гьамиша икрам ийиз гьазур я, гьуьрметлубур!

---------------------------------------------------------------------------------------

Прокурор района,
старший советник юстиции Байрамов Н.У.

Прокурор разъясняет
Тема: Основание отмены условного осуждения
Условное осуждение является мерой уголовно-правового воздействия и связано с выполнением, осужденным целого ряда обязанностей и ограничений, игнорирование которых может привести к его отмене.
В большинстве случаев, при соблюдении осужденным порядка отбывания условного наказания, исполнение приговора заканчивается по истечении испытательного срока. Происходит это автоматически, вместе с истечением испытательного срока погашается и судимость.
Вместе с тем, условное осуждение может быть отменено досрочно по представлению органа, осуществляющего контроль за поведением условно осужденного в случае, когда положительным поведением он докажет свое исправление.
Так, согласно ч.1 ст.74 УК РФ, если до истечения испытательного срока условно осужденный проведением доказал свое исправление, возместил вред (полностью или частично), причиненный преступлением, в размере, определенном решением суда, суд по представлению органа, осуществляющего контроль за поведением условно осужденного, может отменить условное осуждение и снять с осужденного судимость. При этом условное осуждение может быть отменено по истечении не менее половины установленного испытательного срока.
Совершенно иные -отрицательный последствия для осужденного-могут наступить в связи с невыполнением им порядка отбывания условного наказания.
Решение вопроса об ответственности таких осужденных законодатель разделил на два этапа. Первый связан с разовыми нарушениями или единичными случаями уклонения от исполнения обязанностей, второй-с систематическим или злостным их неисполнением.
Так, если условно осужденный единожды не исполнил возложенные на него судом обязанности, уклонился от возмещения вреда, причиненного преступлением, или совершил нарушение общественного порядка, за которое был привлечен к административной ответственности, суд по представлению вышеуказанного органа может продлить испытательный срок, но не более чем на один год.
Если же условно осужденный в течение испытательного срока систематически нарушал общественный порядок, за что привлекался к административной ответственности, не исполнял обязанности, возложенные на него судом, либо скрылся от контроля, суд по представлению уголовно-исполнительной инспекции может принять решение об отмене условного осуждения и реальном исполнении назначенного судом наказания.
Согласно действующему уголовно-исполнительному законодательству:
-систематическим нарушением общественного порядка является совершение условно осужденным в течение года двух и более нарушений общественного порядка, за которые он привлекался к административной ответственности;
-систематическим неисполнением обязанностей признается совершение запрещенных или невыполнение предписанных осужденному действий более двух раз в течение одного года, либо продолжительное (более 30 дней) неисполнение обязанностей, возложенных на него судом;
-скрывающимся от контроля признается условно осужденный место нахождения которого не установлено в течение более 30 дней.
Еще одним основанием отмены условного осуждения является совершение осужденным в течение испытательного срока нового престепления. При этом императивность такого решения зависит от тяжести совершенного осужденным преступления.
В случае совершения условно осужденным в течение испытательного срока преступления по неосторожности либо умышленного преступления небольшой или средней тяжести вопрос об отмене или сохранении условного осуждения решается судом индивидуального в каждом конкретном случае.
При решении данного вопроса суд принимает во внимание характер и степень общественной опасности первого и второго преступлений, а также данные о личности осужденного и его поведении во время испытательного срока. При необходимости для выяснения таких данных в судебное заседание может быть вызван представитель органа, осуществляющего контроль за поведением условно осужденного.
Установив, что условно осужденный в период испытательного срока вел себя отрицательно, не выполнял возложенных на него обязанностей, нарушал общественный порядок и тому подобное, суд в силу части четвертой ст.74 УК РФ может отменить условное осуждение и назначить наказание по совокупности приговоров.
В случае же совершения условно осужденным в течение испытательного срока умышленного тяжкого или особо тяжкого преступления суд отменяет условное осуждение и назначает ему наказание по правилам, предусмотренным статьей 70 УК РФ, то есть по совокупности приговоров.

-----------------------------------------------------------------------------------------

А.Мамедова.
Лагерриз фидай вахт мукьва жезва
Эхиримжи йисара райондин Агьалияр яшайишдин рекьяй хуьдай управлениди аялриз лагерриз ял ягъиз фидай мумкинвилер гузва.
Алай йисуз аялар лагерриз тухунин гьакъиндай чна УСЗН-дин хизандин, дишегьлийрин , аялрин крарин рекьяй инспектор Залина ТIайибовадивай информация гун тIалабна.
- Ада чаз лагьайвал, и гьакъиндай РД-дин Зегьметдинни яшайишдин рекьяй вилик финин Министерстводи акъуднавай къарар алай йисузни къуватда ама. Дагъустанда яшайишдин рекьяй четин гьалда авай хизанрай тир аялар ял ягъун патал, сагъламвал мягькемарун ва машгъуларун патал 7 йисалай 15 йис жедалди яшда авай аялар гатун вахтунда лагерриз тухузва. Иник са шумуд категориядин хизанрай тир аялар акатзава: акьулдиз начагъ аялар, гзаф аялар авай хизанрай, тамам тушир, яни диде-бубадикай сад авачир хизанрай, диде-буба кIвалахдик квачир хизанрай ва гьакIни яшайишдин рекьяй четин гьалда авай маса категориядин хизанрай.
Лагьана кIанда, алатай йисуз лагерриз фейи аялар рази хьана хтана, дугъриданни ана вири шартIар лап хъсандиз тешкилнавай,-къейдна З.ТIайибовади ва 20-майдалди УСЗН-ди Министерстводиз заявка гун патал аялрин диде-бубайривай 1-майдалди УСЗН-диз атана арза кхьин тIалабна.
------------------------------------------------------------------------------------------

Ф.Абдурагьманова.
Спорт
Самбодай турнир
И мукьвара Дербент райондин Чинар тIвар алай хуьре 1998-1999-йисара ханвай 81 кг-дин заланвал авай жегьил спортсменрин арада самбодай РД-дин кIвенкIвечивал патал акъажунар кьиле тухвана.
Турнирда чи республикадин саки вири шегьеррай ва хуьрерай 300 спортсменди иштиракна.
Самбодай кьиле тухвай и турнирдин мярекатдиз РД-дин самбодин Федерациядин Президент Къазимегьамед Агьмедов, "Дербентский район" муниципальный тешкилатдин кьилин везифаяр тамамарзавай Ягьия Гьажиев, боксдай Олимпийский чемпион тир Гьайдарбек Гьайдарбеков ва хейлин маса мугьманар атанвай.
Турнирда 81 кг-дин заланвал авай 29 спортсмендин арада кьиле фейи акъажунар чи райондин Аладаш хуьряй тир Надыр Назаралиевани, Рамазан Дадашева 3-чкаяр кьуна ва абур 3-дережадин дипломриз лайихлу хьана.
Алай йисан апрелдин эхирдай абур Нальчик шегьерда самбодай Россиядин кIвенкIвечивал патал кьиле физвай акъажунра РД-дин хкянавай командадик кваз иштирак ийиз фида.
Чаз КIирийрин хуьруьн ДЮСШ-дин директор Рамазан Къурбанова къейд авурвал, чпи вердишарнавай спортсменривай неинки Дагъустанда, гьакIни Россияда кьиле физвай жуьреба-жуьре турнирра кIвенкIвечи чкаяр кьаз алакьнава.
ИкI, 90 кг-дин заланвал авайбурун арада 28-30-мартдиз Москва шегьерда боевой самбодай кьиле фейи чемпионатда Кьасумхуьрелай тир Икрам Алискерова дуьньядин чемпионвилин тIвар къазанмишна.
ГьакIни мукьвара Волгоград шегьерда, Россиядин полициядин работникрин арада самбодай кьиле тухвай кIвенкIвечивиле Кьасумхуьрелай тир Аслан Къурбанов чемпионвилин тIварцIиз лайихлу хьана.
------------------------------------------------------------------------------------

Ф.Абдурагьманова.
Дзюдодай турнир
2015-йисан 5-мартдиз Кьасумхуьрел дзюдодай 24-100 кг-дин заланвал авай жегьил спортсменрин арада ачух турнир кьиле фена.
И турнирдиз Кьурагь райондин сборный командадик кваз КIирийрин хуьряй 3 спортсмен тухванвай.
Кьиле фейи акъажунра 33 кг-дин заланвал авайбурун арада Герман Бабаева 3-чка, 45 кг-дин заланвал авайбурун арада Рафик Ферзалиева 2-чка, 65 кг-дин заланвал авайбурун арада, вичиз травма хьанвайтIани, Гьажи Гьажикеримова 3-чка кьуна.
Чазни вири жегьил спортсменриз чпихъ спортда хьанвай и агалкьунар мубарак ийиз кIанзава.
--------------------------------------------------------------------------------------------

Муниципальное сельскохозяйственное предприятие «Шимихюрский» сообщает о реализации на аукционе следующего имущества:

 Заказчик:«МСП Шимихюрский», с.Шимихюр

тел. 8965-488-05-63;

  1. Предмет аукциона: Реализация имущества.

п/п

Наименование объекта и месторасположение

Начальная цена, руб

1.

Животноводческое помещение на участке «Гаджинаур»

360000

 Шаг аукциона-5% от начальной цены

3.Прием заявок: с 05.04.2015г. по 05.05.2015г. до 10.00 ч. по адресу заказчика

4. Дата проведения аукциона: 05.05.2015г. 11.00 ч. по адресу заказчика: с.Шимихюр, здание МСП «Шимихюрский»

--------------------------------------------------------------------------------------------

Хуьрехуьруьн юкьван школади 2007-йисуз Абдулгалимова Эльвира Мансуровнадин тIварунихъ ганвай 05 АА 000 1271-нумрадин аттестат квахьнава. Ам ихтибарда амач.

--------------------------------------------------------------------------------------------

Кьурагьрин "Солнышко" ясли-бахчадин работникрин коллективди Маллаева Наилядиз уьмуьрдин юлдаш ИСЛАМ вахтсуздаказ рагьметдиз финихъ галаз алакъалу яз, дериндай хажалат чIугунивди, башсагълугъвал гузва.

---------------------------------------------------------------------------------------------

 

 

Комментарии (0)

Нет комментариев. Ваш будет первым!