Газета №16

З.Саидова.
Муниципальный тешкилатра
Халкьдиз къуллугъ ийиз гьазур я
Алатай гьафтеда чун райондик квай аранда авай хуьрериз фена, анра авай хуьрерин администрцийра,школайра,ясли-бахчайра ва ФАП-ра кIвалахар гьикI кьиле физватIа ахтармишна.
Ингье чун нубатдин сеферда яз Бугъдатепедин администрациядиз мугьман хьана. Чун администрациядин дараматдиз гьахьна чи ван галукьайла, бухгалтердин кабинетдин рак ачухна, чаз кабинетдиз гьахьун теклифна.
Абуру чаз хабар гайивал, хуьруьн администрациядин кьил цин къанав михьзавайбурун патав кIвалах гьикI кьиле физватIа килигиз фенвай.
Эхь, дугъриданни, Аскер Жабраилов чкадал ваъ, гьамиша хьиз хуьруьн агьалийрин къайгъуда аваз, абурун яшайиш вилик фин патал кIвалахдик квай.
Чун и михьзавай къанавдал фена адахъ галаз гьанал и кIвалах гьикI кьиле физватIа килигайдалай гуьгъуьниз, чун администрациядиз хтана ва алай йисуз вуч кIвалахар авунватIа, вуч кIвалахар ийиз рикIик куматIа, гьи месэлайри секинвал гузвачтIа гьадакай чахъ галаз суьгьбетна ва чна гайи са шумуд суалдиз жаваб гана.
-Гьар са хуьруьн администрациядин вилик акъвазнавай месэлаяр виринра гьа садбур я,-башламишна вичин суьгьбет А.Жабраилова чна суал гудалди. И кIвалахар хуьр аваданламишун, михьиз хуьн, целди таъминарун, куьрелди, къайгъуда хьун я,-давамарна ада вичин суьгьбет.
-Аскер Жабраилов, алай вахтунда Бугъдатепедин хуьре шумуд хозяйство ава ва шумуд агьали яшамиш жезва?
-Алай вахтунда Бугъдатепедин хуьре 250 хозяйство, 870 агьали яшамиш жезва. Ибурукай са кьадарбуру Дагъустандилай къецепата кIвалахзава, и кардин себебни чкадал кIвалахар тахьун я.
-Ингье алай йисан апрелдин варз алукьнава. Куьне и вахтунда гьихьтин кIвалахар кьиле тухвана?
-Алай йисан январдин вацралай чна "Бугъдатепе-Новомака" рехъ кьве сеферда ремонтнава, и рекьин яргъивал 200 метр я. Кьве сеферда вучиз ремонтнава лагьайтIа, и рехъ марф, сел къвайила ци тухузва, къайдадикай хкатзава.
Мад чна алай йисуз ясли-бахчадик пластикадин дакIарар кутунва, хуьруьн къене 15 гектарда багълар кутунва. И багълара хутун, шуьмягъдин, пIинидин ва хурмадин къелемар кутунва.
Куьчейра авай экверикай рахайтIа, и экверал гуьзчивал тухуз, кайи лампаяр дегишарун патал чна рабочияр кьунва. Ингье квез акурвал, Буткъазмайрилай Бугъдатепедиз кьван 8 км яргъивал аваз салариз ва багълариз гудай цин къанав янава. И къанавар эгъуьннавай техника хсусиди я. Идалай гъейри, къанавар хсуси саларай атуниз килигна и саларихъ галай сеткаяр галудна, манийвалзавай тарар атIана . И кIвалахар ина пуд рабочийдини авуна. И рабочийриз пул хуьруьн администрациядай гузвайди я.
-Аскер Русланович, куь рикIик авуна кIанзавай гьихьтин кIвалахар ква? -Чи гъиле алай вахтунда хуьруьн къене авай вири рекьер ремонт ийиз ава. Грейдер вегьенва, гила къир цада. Мад рикIик хуьруьн агьалийри хъвазвай яд хуьзвай бакар дегишарун ква. И бакар гьар сад 20 тонн яд гьакьзавайбур я. Ина ихьтин кьве бак ава. Хуьруьн къене 500 метрдиз газ тухвана кIанзава, токдин трансформаторрин патахъай четинзава, нянин вахтунда ток бес тежез эквер зайиф жезва. Хуьруьн ФАП-диз дарамат авач, абур администрациядин дараматда ава.
Культурадин кIвал ремонт авун чарасуз я. И кIвалахар авун патал чи хуьруьн администрациядихъ пул авач, чна тIалабзава райондин администрациядивай чаз и кIвалахар авун патал пулдин куьмек гун.
-Куь патав хуьруьн агьалияр куьн патахъай арзаяр гуз къвезва? - Хуьруьн агьалияр чил патал, хуьруьн къене авай рекье къир цун патал арзаяр гваз къвезва. Чун и арзайриз жавабар гуз, халкьдин тIалабунар кьилиз акъудиз чалишмиш жезва.
Куьне 2015-йисан налогар вири кIватIнавани?
-Эхь, чна 2015-йисан 120% налогар кIватIнава.
- Аскер Русланович , квез газет кIелзавай агьалийриз вуч лугьуз кIанзава?
-Заз газет кIелзавай агьалийриз лугьуз кIанзава: чун халкь патал, халкьдин яшайиш вилик тухун патал вири къуватар эцигна зегьмет чIугваз гьазур я.
-Чухсагъул квез чахъ галаз суьгьбет авунай.Къуй квехъ куь кIвалахда генани еке агалкьунар хьурай!
-Квезни чухсагъул.
 --------------------------------------------------------------------------------------------

А. Мамедова.
Кар алай проектар -уьмуьрдиз!
Отличникрин слет хьана
КIелунин рекьяй бажарагъ авай аялар винел акъудунин кIвалахда ва хъсан кIелзавай аялар руьгьламишун, амай аялриз чешне хьун патал абурун иштираквал аваз райондин къене хейлин мярекатар кьиле тухузва.
ИкI, 15 - апрелдиз Кьурагьрин сад лагьай нумрадин юкьван школадин фойеда "5-дар" аваз кIелзавай аялрин слет кьиле фена.
Мярекатдал райондин вири хуьрерай хъсандиз кIелзавай аялриз, муаллимриз ва директорриз теклифнавай. Мярекатдал къвезвай мугьманар гуьрчегдиз безетмишнавай школадин фойеда, Культурадин центрдин устадри макьамдалди ачух столрихъ къаршиламишна. ГьакIни, интерактивный доскадилай сад лагьай нумрадин юкьван школада кьиле тухвай мярекатрин шикилар къалурзавай.
Хъсан кIелзавай аялриз ва абурун муаллимриз мубарак авун патал мярекатдин ведущий,урус чIаланни литературадин муаллим Э.Исакьовади гаф гьа и школадин директор Гь.Мисриеваз гана.
-Къенин мярекат чи школада 4-сеферда кьиле физва. И кар гьар йисуз чи школада тухун адет хьанайтIа чун гьакьван шад тир. Къенин югъ инал атанвай аялриз ва педагогический коллективдиз мубарак хьуй,- лагьана Гь. Мисриева.
-Лагьана кIанда, чахъ райондин, гьакI республикадин къене фейи олимпиадайра, спортдин рекьяй еке агалкьунар ава.
Райондин къене образованидин хилез еке фикир гузва, чахъ хъсан муаллимар, кIелуниз герек тадаракар , цIийи кабинетар ава. Гьавиляй йис-йисандавай чахъ кIелдай аялрин кьадарни гзаф жезва,- къейдна ада.
Гуьгъуьнлай гаф "Кьурагь район" муниципальный тешкилатдин кьил З.Азизоваз гана.
-Гьуьрметлу муаллимар, аялар, къенин йикъан слетдин векилар,- лагьана З.Азизова. Квез вири патарихъай агалкьунар ва чандин сагъвал хьурай! Куь, куь муаллимрин, гьелбетда, диде-бубайрин зегьметдин нетижаяр себеб яз къе и мярекат тухудай мумкинвал хьанва. Чна вири къуват желбна куь къуллугъда акъвазда ва чавай жедай куьмек гуда. Мад сеферда квез къенин куь сувар мубарак хьурай!
Махачкъалада ГТО-дин нормаяр вахкудайла къизилдин ва гимишдин знакриз лайихлу хьайи аялриз З.Азизова дипломар, пулдин пишкешар ва гьакIни олимпиадайра хъсан нетижаяр кьур аялрив грамотаяр ва куьлуь пишкешар вахкана. ГьакIни и йикъара кьиле фейи президентский акъажунра сад лагьай чкаяр кьур 3 школадин директордив дипломар ва кубокар вахкана.
Гуьгъуьнлай инал гаф гайи ИМЦ-дин начальник Кь.Абдулхаликьовани Р.Катибова сифте нубатда З.Азизоваз, аялриз ва муаллимриз чухсагъул лагьана, районда образование вилик физвайди къейдна. Ихьтин мярекатда иштирак авур сад лагьай нумрадин юкьван школадин коллективдиз чухсагъул малумарна.
ГьакIни , чахъ лайихлу муаллимар,ученикар авайди къейдна. И йикъара Махачкъалада кьиле фейи конкурсда Кьурагьрин сад лагьай нумрадин юкьван школадин инглис чIалан муаллим Р.Курбановади иштиракайди лагьана. "Дидедин чIалаз кьвед лагьай нефес" конкурсда сад лагьай чка кьур Н.Къазиевадиз, Политехнический Университетда кьиле фейи олимпиадада 2-чка кьур Т.Гьажиеваз ва масабуруз хьайи агалкьунар мубаракна.
Хуш келимаяр лагьана инал рахай "Кьурагь район" муниципальный тешкилатдин кьилин заместитель М.Хариева. Олимпиадайра хъсан нетижаяр хьайи школайрин директоррив дипломар вахкана.
Гуьгъуьнлай гаф Дербент райондин ЛукIварин хуьруьн школадин директор А.Османоваз гана. Ада вичин патай аялриз, зегьмет чIугвазвай педагогический коллективдиз чухсагъул лагьана. -Аквазва куь кIвалахдал куь рикI алайди, къе инал кIватI хьанвай аялрин кьадар акурла, хъсан нетижаяр авайди. Инал кIватI хьанвай акьулдинни камалдин аялар, квехъ куь уьмуьрдин гележегда еке агалкьунар хьурай. Мукьвал жезвай ЕГЭ-дани ва ОГЭ-да хъсан нетижаяр хьурай,- лагьана давамарна ада. Ада вичин патай, вичин гъили чIугунвай шикилар пишкешар яз Кьурагьрин сад лагьай нумрадин юкьван школадиз багъишна. З.Азизова чпиз багъишай шикилни гьа и школадиз багъиш хъувуна. Мад къейд ийин хьи, и йикъара школадиз мультимедийный тадаракар хкидайди лагьана Р.Катибова.
Гуьгъуьнлай гаф Кьурагьрин сад лагьай нумрадин юкьван школадин завуч В.Амиргьамзаевадиз гана. -Атанвай мугьманар, муаллимар ва кIватI хьанвай аялар. Классдай классдиз экъечIиз куьне къе ихьтин лайихлувал къазанмишна. Къенин югъ куь уьмуьрда къати экв хьиз амукьрай, квехъ чандин сагъвал, гележегда агалкьунар хьурай,-лагьана ада.
Эхирдай чухсагъулдин гафар Маллакентдин юкьван школадин муаллим Р.Мегьамедовади, Аладашдин юкьван школадин ученица А.Русановади, Кумухърин школадин ученица Х.Гьажимурадовади, Кьурагьрин сад лагьай нумрадин юкьван школадин ученикар тир А.Гьажиевади ва Ф.Бабаева, Кьурагьрин кьвед лагьай нумрдин юкьван школадин ученица Д.Велиевади ва ученик Т.Гьажиева лагьана.
ГьакIни, чухсагъул лагьана кIанда мярекатда хъсан кьуьлералди иштирак авур Кьурагьрин искусствойрин школадин аялри авур кьуьлералди мярекат генани маракьлуди авуна.

---------------------------------------------------------------------------------------------

М. Агьмедова.
Искусстводин устадрикай суьгьбетар
Грантдиз лайихлу хьана
Искусство эвелни-эвел жува рикIелди гьиссна кIанда, жув искусствода-ваъ. К.С.Станиславский.
И гафар, гьакъикъатдани вич алай вахтунда Кьурагьрин Культурадин халкьдин театрдин коллективда умудлу дестекрикай сад яз гьисабзавай РД-дин лайихлу артист Шафудин Саруеваз талукьбур я. Вичин уьмуьрдин саки 37 йис хайиди тир театрдин кIвалахдиз бахш авунвай сегьнедин и бажарагълу устаддикай виликрайни кхьинар авурди я.
Ш.Саруев 1958-йисан мартдин вацра Кьурагь райондин КIирийрин хуьре колхозчидин хизанда дидедиз хьана. Хайи хуьре 10 класс кIелна куьтягьайдалай гуьгъуьниз 1976-йисуз Шота Руставелидин тIварунихъ галай грузинский театральный институтдик кIелиз экечIна. Инаг ада лап хъсан къиметар аваз акьалтIарна. СтIал Сулейманан тIварунихъ лезгийрин галай муздрамтеатрдин кьилин категориядин артист яз кIвалахна.
Театрдин жегьил пешекаррикай "Виридалайни хъсанбурукай хъсанди" лагьай тIвар къазанмишунай Махачкъалада авай М.Межидован тIварунихъ галай !Кредо банкдай» адаз гьар вацра мажибдилай гъейри 130 манат гузвай.
Милли сегьнеда артистди яратмишай образрин сан-гьисаб гун патал газетдин са макъаладин сергьятар бес жедач. Ада яратмишзавай къаматрин сергьятар лугьуз тежедай кьван гегьеншбур я. Милли театрдин сегьнеда Шафудин Саруева санлай 40-далай виниз ролар тамамарна. "Шарвили" эпосда тамамарай Шарвилидин ролдилай башламишна, "Фундугъбег" тамашада тамамарай Къурбанан, "КIири Буба" тамашада тамамарай Алидин, "Дагъларай тир инсан" тамашада тамамарай Мегьамед Лезгинцеван, "Ашукь Лукьман" тамашада тамамарай Селимбеган, гьакI "Ашнабазхана" тамашада тамамарай Жумалидин ролдилай хкечIна адан бажарагъди йикъалай къуз цуьк акъудиз хьана. Иллаки ада "Чин гузвач" тамашада тамамарай камаллу Тагьмезан къамат тамашачийриз таъсирдайди хьана.
Шафудин Саруев сегьнедин искусстводал рикI алай гьакъисагъ зегьметчи я. Ам инанмиш тирвал, рикIин сидкьидай искусстводиз вафалу тушир касдилай тамашачийриз къуллугъ ийиз алакьдач. Режиссер-драматург яз, Шафудин Саруева неинки райондин, гьакIни республикадин конкурсра иштиракзава. Ш.Саруеван яргъал йисарин тежрибада кьиле фейи кьетIен фикир гана кIанзавай вакъиаяр заз къейд ийиз кIанзава.
2014-йисан 2-апрелдиз Ш.Саруев кьиле аваз райондин халкьдин театрдин коллективди республикадин меркезда Гь.ЦIадасадин тIварунихъ галай аварский театрда военный темадай "Араз Алиев" пьеса тамамарна. Лагьана кIанда, и пьесадик Кьурагьрин 1-нумрадин юкьван школадин аялрини сегьнедин устадрин жергеда аваз иштиракна. Ина 10 касдикай ибарат тир жюриди театрдин тамаша эцигунай, чпел ихтибарнавай къамат вири терефрихъай чешнелуди яз къалурунай еке къимет гана. Иниз килигна, абуруз "Халкьдин чешнелу театр" лагьай тIвар гана.
2015-йисан 23-мартдиз Ш.Саруева КIирийринни КьепIиррин Культурадин работникрихъ галаз "Яран сувар" пьеса эцигна. И пьесада кьилин макьсад Кьурагь районда ата-бубайрилай инихъ халкьдихъ амай адетар, къайдаяр, къугъунар гьевесдивди къалурун тир. Ам инанмиш тирвал, актерди гьамиша режиссердиз ихтибарна кIанда. Режиссердиз лагьайтIа, сегьнедин эсер вири битавдаказ аквазва. "Араз Алиев" пьесадик устадвилелди къугъвайбурун тIвар такьуна завай акъвазиз жедач. Абурук КIирийрин Культурадин кIвалин миниатюрайрин театрдин руководитель Тамал Саруевади, Штулрин Культурадин кIвалин директор Айнуллагь Сайдумова, КIутIулрин Культурадин кIвалин работник Равидин ТIагьирова ва адан стха Рамазана, КьепIиррин Культурадин кIвалин директор Шамил Мирзоева, и хуьруьн библиотекарь Валентина Жалиловади, художественный руководителар тир Жарият Наврузбековади, Фарида Жалиловади, Валерик Бейбалаева, музыкальный школадин директор Женнет Ремиева, чIагъанчи Гьахъверди Шамхалова, гьакI и пьесадик къугъун патал Дербент шегьердай хтанвай далдамчи Къехлер Ремиева, КьепIиррин юкьван школадин аялри ва ясли- бахчада тербия къачузвай 2 аялдини иштиракна. И пьеса винидихъ тIвар кьурбуру 3 йикъан къене эцигна. Гьа икI, Россиядин Федерациядин Президентдин Указ кьилиз акъудунин мураддалди 2012-йисан 28-июлдиз 062-нумрадихъ акъатнавай "Гьукуматдин патай хуьрерин поселенийра авай культурадин муниципальный учрежденийриз, абурун работникриз куьмек авун патал кьабулзавай серенжемрин гьакъиндай" Россиядин Федерациядин Правительстводин 2013-йисан 25-январдиз 30-нумрадихъ акъатнавай къарар кьилиз акъудунин сергьятра аваз "2015-йисуз Дагъустан Республикадин хуьрерин поселенийрин Культурадин муниципальный учрежденийриз ва абурун работникриз пулдин пишкешралди гьевесламишун патал конкурсар тухунин гьакъиндай" акъуднавай приказдал асаслу яз райондин маса хуьрерай сегьнедал эцигдай тамаша тахьуниз килигна, "Яран сувар" тамаша Дагъустан Республикадин Культурадин министерстводиз сегьнеламишиз ракъурдайвал хьана. И тамашадиз 7 касдикай ибарат тир жюриди еке къимет гана. Ам грантдиз лайихлу хьана.
-Им акI лагьай чIал я хьи, алай четин девирда чи инсанриз чпин рикIериз секинвал ва регьятвал гузвай тамашаяр акун хуш я. Лугьудайвал, эгер сегьнедал чавай абурун рикIерик са гьихьтин ятIани хвешивал, разивал кутазвай къаматар яратмишиз жезватIа, анжах гьа чIавуз чун чи кьилин мурад тир актервилин везифаяр тамамарунин дережадив агакьзава ,-лугьузва Ш.Саруева.
Лагьана кIанда, райондин халкьдин театрди им 2-грант я къазанмишнавайди. Им Ш.Саруеван гьунар я лагьайтIа, зун гъалатI жедач.
1-грант халкьдин театрдин коллективди 2011-йисуз Дербент шегьерда авай СтIал Сулейманан тIварунихъ галай Лезгийрин муздрамтеатрда сегьнеламишай рагьметлу Ш.Исаеван "Чин гузвач" тамашадай гана. Шад жедай кар ам я хьи, алай 2016-йисуз, Избербашда театральный маска фестиваль кьиле фена.
Фестивалда иштиракзавайбуру рагьметлу Ш.Исаеван ата-бубайрилай инихъ амай гьар са халкьдихъ адетар, къайдаяр, къугъунар сегьнеламишна кIанзавай. 25 райондин арадай чи халкьдин театрдин коллектив 14-бур яз сегьнедал экъечIна. Гьа и тамашадизни жюриди еке къимет гана. Абуруз диплом ва рикIел аламукьдай пишкеш (маскайрин шикил алай къаб) гана. ГьакIни алухрин, декорациядин, тамаша къалурун патал герек тир затIар тахьунин патахъай авай нукьсанарни лагьана.
Яргъал йисара чи хайиди тир театрдин сегьнеда жуьреба-жуьре къаматрал чан гъунин карда къазанмишнавай агалкьунрай Шафудин Саруев РД-дин халкьдин артиствилин тIварцIиз, гьакI министерстводин, театррин обществодин, чкадин организацийрин патай хейлин кьадар гьуьрметдин грамотайриз, къиметлу пишкешризни лайихлу хьанва. Чи мурад адахъ гележегда мадни еке агалкьунар хьун я.
---------------------------------------------------------------------------------------------

Прокурор района, старший советник юстиции Ф.К. Лагметова.

Прокуратура района информирует:
На сессии Собрания депутатов сельского поселения "сельсовет "Ашарский" 19.04.2016 рассмотрено и удовлетворено представление прокурора Курахского района о досрочном прекращении полномочий главы муниципального образования "сельсовет "Ашарский" Алиева А.К.
В соответствии с пунктом 6 части 6 статьи 36 Федерального закона от 06 октября 2003 г. № 131-ФЗ "Об общих принципах организации местного самоуправления в Российской Федерации" полномочия главы муниципального образования прекращаются досрочно в случае вступления в отношении него в законную силу обвинительного приговора суда.
Аналогичные положения содержатся в пункте 7 части 1 статьи 32 Устава муниципального образования "сельсовет "Ашарский" Курахского района.
Приговором мирового судьи судебного участка № 68 Курахского района Кафарова Н.Я. от 23 марта 2016 года, вступившим в законную силу 1 апреля 2016 года глава муниципального образования "сельсовет "Ашарский" Алиев Али Керимович признан виновным в совершении преступления, предусмотренного частью 3 статьи 327 Уголовного кодекса Российской Федерации и ему назначено наказание в виде штрафа.

Прокурор района, старший советник юстиции Ф.К. Лагметова.
На сессии Собрания депутатов сельского поселения "сельсовет "Ашарский" рассмотрено и удовлетворено требование прокуратуры района, внесенное в порядке ст. 9.1. Федерального закона "О прокуратуре Российской Федерации" о внесении изменений в Устав муниципального образования "сельсовет "Ашарский", в которой содержатся формулировки, отнесенные согласно Методике проведения антикоррупционной экспертизы нормативных правовых актов и проектов нормативных правовых актов, утвержденной постановлением Правительства Российской Федерации от 26.02.2010 № 96 (ред. от 18.07.2015) "Об антикоррупционной экспертизе нормативных правовых актов и проектов нормативных правовых актов" (далее - Методика) к коррупциогенным факторам.
Так, согласно пункту 5 статьи 34 Устава заместители Главы администрации назначаются на должность Главой сельского поселения по согласованию с Собранием депутатов сельского поселения по результатам конкурса.
Наличие формулировки "назначаются на должность по согласованию с Собранием депутатов сельского поселения по результатам конкурса" создает неопределенность и нечеткость при решении вопроса о назначении заместителя Главы администрации.
В соответствии с подпунктами "а", "ж" пункта 3, подпункта "б" пункта 4 Методики наличие широты дискреционных полномочий - отсутствие или неопределенность сроков, условий или оснований принятия решения, наличие дублирующих полномочий государственного органа, органа местного самоуправления или организации (их должностных лиц); отсутствие или неполнота административных процедур - отсутствие порядка совершения государственными органами, органами местного самоуправления или организациями (их должностными лицами) определенных действий либо одного из элементов такого порядка; злоупотребление правом заявителя государственными органами, органами местного самоуправления или организациями (их должностными лицами) - отсутствие четкой регламентации прав граждан и организаций также признаётся коррупциогенным фактором.
В целях устранения выявленных коррупциогенных факторов прокуратурой района предложено исключить нечеткость определения назначения заместителя Главы, указав конкретные условия принятия решения.
---------------------------------------------------------------------------------------------

Объявление о проведении конкурса по отбору кандидатур на должность главы сельского поселения МО "сельсовет Ашарский"
1. Собрание депутатов МО "сельсовет Ашарский" объявляет о проведении конкурса по отбору кандидатур на должность главы МО "сельсовет Ашарский" 23 мая 2016 г.
Гражданин, изъявивший желание участвовать в конкурсе, представляет в конкурсную комиссию следующие документы:
1) Личное заявление на участие в конкурсе.
2. К заявлению (приложение № 1) прилагаются:
1) копия паспорта или документа, заменяющего паспорт гражданина;
2) копии документов, подтверждающих указанные в заявлении сведения об образовании, основном месте работы или службы, о занимаемой должности (роде занятий), а также о том, что кандидат является депутатом;
3) сведения о размере и об источниках доходов кандидата, а также об
имуществе, принадлежащем кандидату на праве собственности (в том числе
совместной собственности), о вкладах в банках, ценных бумагах. Указанные
сведения представляются по форме согласно приложению 2;
4) согласие на обработку персональных данных согласно приложению
3.Документы кандидаты обязаны представить лично.
4. Прием документов осуществляется по адресу: 368187, Курахский
район, с. Ашар, здание администрации МО "сельсовет Ашарский". Контактное лицо - Магамдалиев И.Б. телефон 8938 201 68 09.
Прием документов для участия в конкурсе осуществляется в течение 20 дней со дня опубликования объявления о конкурсе.
С 9 часов 22.04.2016 г. по 17 часов 11.05.2016 г.
Информация о требованиях и методики проведения конкурса по отбору кандидатур на должность главы МО "сельсовет Ашарский", Положение о порядке проведении конкурса по отбору кандидатур на должность главы МО "сельсовет Ашарский", размещены на сайте www.mo-kurah.ru.
Объявление опубликовано в муниципальной газете "Горный родник".
---------------------------------------------------------------------------------------------

Ф. Абдурагьманова.
Спорт
КIирийрин хуьре-спортдин мярекатар
Лагьана кIанда, алатай йисан 13-апрелдиз КIирийрин хуьруьн школа-интернатдин спортзалда чи райондин хуьрерин школайрин муаллимрин арада сифте яз, генерал Муьгьуьдин Къагьриманован руьгьдиз бахшна, волейболдин турнир кьиле тухванай.
Алай йисузни ихьтин мярекат кьиле тухунин кьилин макьсад чи районда волейбол пайда авун, райондин хуьрера авай агьалийрин арада сагъламвал мягькемарун, акьалтзавай несил ватанпересар яз вердишарун тир.
Мярекат райондин администрацияди тешкилна ва кьиле тухвана. Турнир башламишдалди сифте РФ-динни ва РД-дин пайдахар хкажна, гуьгъуьнлай РФ-дин Гимн ягъайдалай кьулухъ инал РД-дин лайихлу муаллим, КIирийрин школа- интернатдин директор Надир ТIагьиров рахуналди ада мярекат ачухна ва генералдин уьмуьрдикай, кьиле тухвай женгерикай лугьун патал ада гаф КIирийрин хуьруьн юкьван школадин дидедин чIалан муаллим Къайиб Къайибоваз гана. Ада авур гегьенш докладдилай гуьгъуьниз мярекатдал райондин образованидин отделдин начальник Рамазан Катибов рахана.
Турнир башламишдалди виликамаз инал райондин искусствойрин школадин аялри гьар жуьре миллетрин кьуьлер ва дяведин вахтарин манийрин концертдин программа къалурна.
Сятдин 11 хьайила, КIирийрин школа-интернатда, Кьурагьрин, КьепIиррин ва КIирийрин хуьрерин юкьван школайрин муаллимрин командайрин арада волейболдин акъажунар башламишна. Къейд ийин хьи, лап йигиндиз кьиле фейи и акъажунра, райондин акьалтзавай несил спортдал желб авун, ам пайда авун, и карда виридаз чешне къалурун патал КIирийрин школа-интернатдин командадик кваз и акъажунра "Кьурагь район" муниципальный тешкилатдин кьил Замир Азизова иштиракна.
ИкI, турнирдин эхирдай 1-чка КIирийрин школа-интернатдин, 2-чкаяр сад хьтин нетижаяр къалурунай КьепIиррин, КIирийрин юкьван школайрин ва 4-чка Кьурагьрин сад лагьай нумрадин юкьван школадин муаллимрин командадиз хьана. КIвенкIвечи чкаяр кьур ва амай командайрин иштиракчийриз райондин физкультурадинни спортдин ва жегьилрин крарин рекьяй отделдин начальник Рамиз Рамазанова кубок, грамотаяр, медалар ва рикIел аламукьдай пишкешар гана.
Лагьана кIанда, районда ихьтин мярекатар кьиле тухун патал жегьил бизнесмен Мурадхан Къайибханов ва КIирийрин школа-интернатдин муаллимрин коллективди спонсорвал авуна. Турнирдин эхирдай адан тешкилатчийри къейд авурвал, Муьгьуьдин Къагьриманован тIварунихъ янавай и турнир районда гьар йисуз кьиле тухуда и мумкинвални жеда.
Идалайни гъейри и юкъуз школа-интернатда райондилай винидихъ галай хуьрерин юкьван школайра кIелзавай аялрин арада "Президентский акъажунар" кьиле фена.
ИкI, и школайрин гадайри ва рушари 500-600 метрдиз чукурунай, алай чкадалай яргъаз хкадарунай турнирдик гадайри ва чилик рушари ченеяр кягъунай акъажунар кьиле фена.

---------------------------------------------------------------------------------------------

Комментарии (0)

Нет комментариев. Ваш будет первым!